ھەڵگورد شێخ نەجیب سەرپەرشتیاری ئیدارەی سۆران و سەرۆکی لیژنەی لێکۆڵینەوە لە رووداوەکە لە کۆنفرانسێکی رۆژنامەوانیدا رایگەیاند، لە کاتی دروستبوونی روداوەکە تیمەکانی بەرگری شارستانی و تەندروستی گەیشتونەتە شوێنەکە بۆ کۆنتڕۆڵکردنی ئاگرەکە و بەھاناوەچوونی قوربانییەکان.

وتیشی، لیژنەکە لێکۆڵینەوە لە ھۆکاری زۆری قوربانییەکان دەکات، ھۆکارێکی سەرەکیش ئەوەیە قوربانییەکان ھەوڵی خۆرزگارکردنیان نەداوە، بەو پێیەی ھیچ کەس لە قوربانییەکان نەسوتاون و بە دوکەڵی ئاگرەکە گیانیانلەدەستداوە.

ئاماژەی بۆ ئەوەشکرد، دوو کەس لەسەر رووداوی ئاگرکەوتنەوەکەی سۆران دەستگیرکران، کە خاوەنی باڵەخانەکە و خاوەنی مۆبیلیاتی باڵەخانەکەن، وەک ئیدارەی سەربەخۆ سۆرانیش دەست بەرێکارەکان دەکەن و پێداچوونەوە بە سەرجەم باڵەخانەکاندا دەکەن.

محەمەد شیاع سودانی سەرۆکوەزیرانی عێراق، پرسە و سەرخۆشی خۆی ئاڕاستەی بنەماڵەی قوربانییەکانی رووداوی ئاگرکەوتنەوەکەی بەشە ناوخۆیی خوێندکارانی زانکۆی سۆران کرد کە بە ھۆیەوە ١٤ خوێندکار و مامۆستا بوونە قووربانی.

ھاوکات سەرۆکوەزیرانی عێراق داوای لە لایەنە پەیوەندیدارەکان کرد کە ھەموو جۆرە ھاوکارییەکی پێویست پێشکەش بکەن بۆ چارەسەرکردنی بریندارەکانی ئەم رووداوە.

دەقی پرسەنامەکە... 

برای بەڕێز نێچیرڤان بارزانی 
سەرۆکی ھەرێمی کوردستان

بە غەم و پەژارەیەکی زۆرەوە ھەواڵی ئاگرکەوتنەوەکەی ناو باڵەخانەیەکی قەزای سۆران-مان پێگەیشت، بە ئازارێکی زۆرەوە چاودێری ئەنجامەکانی ئەو روداوە تراژیدیایە دەکەین.

ھاوخەمی خۆمان ئاراستەی ئێوە و گەلەکەمان لە ھەرێمی کوردستان بەتایبەتی بنەماڵەی قوربانییەکان دەکەین، لەخودای گەورەش داواکارین سەبوری و ئارامی بە ھەمووان ببەخشێت.

ھەروەھا ھیوای زوو چاکبوونەوە بۆ بریندارەکان دەخوازین.
 
إنا للە وإنا إلیە راجعون

سەرۆککۆمار
دکتۆر لەتیف جەمال رەشید

ئەلینا رۆمانۆوسکی، باڵیۆزی ئەمریکا لە عێراق، سەرەخۆشی لە کەسوکاری قوربانیانی ئاگرەکەی سۆران دەکات.

ئێوارەی ھەشتی ئەم مانگە ئاگرێک لە باڵەخانەیەکی نیشتەجێی خوێندکاران لە سۆران کەوتەوە و بوەھۆی گیانلەدەستدانی ١٤ کەس لە نێوانیاندا مامۆستای زانکۆ و خوێندکار ھەبوون و چەند کەسێکیش برینداربوون. 

لەوسەردانەیدا بۆ دەڤەرەکە ماڵی (شێخ ئەحمەد عەتائەڵا جبوری) بەسەرکردەوە کە ژمارەیەکی بەرچاو لە کەسایەتیی و پیاوماقوڵانی خزمانی جبور و( شێخ قەیسەر ئیبراھیم عەتائەڵا) کاندیدی ژمارە (١٠)ی ھاوپەیمانیی یەکێتی خەڵکی نەینەوا  ئامادەیبوون، پێشوازییەکی گەرم لە ئاراس محەمەد ئاغا و وەفدی یاوەری کرا، لە وتەکیشیدا ئاراس محەمەد ئاغا رۆڵی خزمانی "شیخ عەتائەڵا" و (جبوری) لە خەبات و قوربانیدان و ئاشتەوایی کۆمەڵایەتی و ھاوکاری خەڵکی شارەکە بەرزنرخاند و رایگەیاند،" ھاوپەیمانیەکەمان نوێنەری راستەقینەی گشت پیکھاتەکانی نەینەوا دەبێت، دەبێتە زامنی بەدەستھێنانی مافی خەڵکی نەینەوا بەگشت پێکھاتە و نەتەوە جیاوازەکانیەوە ". 

دواتریش ئاراس محەمەد ئاغا نوسینگەی (شێخ قەیسەر ئیبراھیم عەتائەڵا) کاندیدی ژمارە (١٠) ھاوپەیمانیی یەکێتی خەڵکی نەینەوا بەسەرکردەوە و چاویکەوت بە کۆمەڵێک کەسایەتی و گەنج و لاوانی دەڤەرەکە، لەوتەیەکدا سەرۆکی ھاوپەیمانیی خەڵکی نەینەوا رایگەیاند، "پێویستە ھەمووان پشتیوانی لە ھاوپەیمانیی یەکێتی خەڵکی نەینەوا و کاندیدانی بکەن بۆ ئەوەی لە ئەنجومەنی پارێزگا خزمەتی ئێوە و شاری نەینەوا بکەن بەبێ جیاوازی"

لەلایەن خۆیانەوە ئامادەبوان بەڵێنیاندا پشتیوانی ھاوپەیمانیی یەکێتی خەڵکی نەینەوا و کاندیدانی بکەن چونکە دڵنیان کە ئەو لیستە دەبێتە داکۆکیکارێکی بەھێز لە ماف و خواستە رەواکانی ھاووڵاتییانی پارێزگای نەینەوا.

وەزارەتی کارەبای ھەرێمی کوردستان، راگەیەندراوێکی بڵاوکردەوە و ئاماژەی بەوەکرد، پڕۆسەی چاکسازیی وێستگەی بەرھەمھێنانی کارەبای خەبات کۆتایی ھاتووە و وێستگەکە کەوتووەتەوەکار و نزیکەی ٣٠٠ مێگاوات کارەبا بۆ ناو تۆڕی نیشتمانی گەڕاوەتەوە و بەھۆیەوە ماوەکانی پێدانی کارەبا زیاتر بووە.

وەزارەتی کارەبا دەشڵێت، دوای کوژانەوەی گشتیی کارەبا، لە رێگەی بەڕێوەبەرایەتییە گشتییەکانی کۆنترۆڵی کارەبای ھەرێم و بەڕێوەبەرایەتیی کۆنترۆڵی پارێزگاکانەوە کۆمەڵێک رێوشوێنیان بۆ باشترکردنی رەوشی کارەبا گرتووەتەبەر.

لە ماوەی رابردوودا سەعاتەکانی پێدانی کارەبای نیشتمانی لە ھەرێمی کوردستان بە شێوەیەکی بەرچاو کەمیکرد، ئەوەش نیگەرانیی ھاووڵاتیانی لێکەوتەوە.

کاروان یاروەیس، ئەندامی لیژنەی گواستنەوە و پەیوەندییەکانی ئەنجومەنی نوێنەرانی عێراق بە کوردسات نیوزی راگەیاند، کۆمپانیای کۆڕەک ئامادەیە قەرزەکان بەشێوەی قیست بداتەوە، بەڵام پێیوایە نادادپەروەرییەک لەو سزایانەدا ھەیە بەسەریدا سەپێنداوە.

کاروان یاروەیس ئاماژەی بەوەشدا، لە ئەگەری پەسەندکردنی رەشنووسی چارەسەری کێشەی قەرزەکانی سەر کۆمپانیای کۆڕەک لە ئەنجومەنی وەزیران، پێش کۆتایی ئەمساڵ سزاکانی سەر ئەو کۆمپانیایە ھەڵدەگیرێن و پەیوەندییەکانی لەگەڵ کۆمپانیاکانی دیکە ئاسایی دەبێتەوە.

پەیامنێری کوردسات نیوز رایگەیاند، پێشنیوەڕۆی ئەمڕۆ ھەینی تەرمی گەنجێک لە گەڕەکی خانەقای شاری ھەولێر دۆزرایەوە، کوژراوەکە تەمەنی ٢٨ ساڵە و بە رەگەز عەرەبە.

وتیشی، ھێزە ئەمنییەکان چوونەتە شوێنی رووداوەکە و دەستیان بە لێکۆڵینەوە کردووە.

ئیدارەی خۆبەڕێوەبەری لە باکور و رۆژھەڵاتی سوریا لە راگەیەنراوێکدا ئاماژەی بەوەشکرد، لیژنەی نوسینەوەی دەستوور کە لە ١٥٨ ئەندام پێکھاتووە، پێشنیازی چین و توێژەکانی لە چوارچێوەی رەشنوسی دەستووردا پەسەندکرد و لە چەند رۆژی داھاتوودا دەنگ لەسەر کۆی رەشنوسەکە دەدرێت.

لە ماوەی ساڵێکی کاری لیژنەکەدا ٣٠%ی رەشنوسی دەستووری رۆژئاوای کوردستان ھەموار کرایەوە کە لە ١٠٩ ماددە و چوار بەشی سەرەکی پێکدێت، لەوانەش پێشەکی و ماف و ئازادییەکانی چین و توێژەکانی باکور و رۆژھەڵاتی سوریا.

بەڕێوەبەرایەتی کەشناسیی ھەرێم رایگەیاند، پێشبینی دەکرێت سبەی شەممە لەکاتەکانی دوانیوەڕۆ و شەودا بارانبارین تەواوی ھەرێم بکرێتەوە و کاریگەری ئەو شەپۆلەش لە درەنگانێکی شەوی شەممەدا کۆتایی دێت و رۆژانی دواتر کەشوھەوا جێگیر دەبێت.

پەیوەست بەم بابەتەش ژیار جەلال، بەرێوبەری خزمەتگوزاری و ژینگەپارێزی لە شارەوانی ھەولێر رایگەیاند، بۆ بارانبارینەکەی رۆژی شەممە تەواوی تیمەکانیان خستوەتە حاڵەتی ئامادەباشییەوە.

سەرۆکی حکومەت وێڕای دەربڕینی پرسە و سەرەخۆشی و ھاوخەمی قووڵی خۆی لەگەڵ بنەماڵە و کەسوکاری قوربانییان ،  سەرپەرشتیاری ئیدارەی سۆران و دامەزراوە پەیوەندیدارەکانی حکومەتی  ڕاسپارد کە ھەرچی پێویستە بۆ ھاوکاری و بەھاناوەچوونی لێقەوماوانی ڕووداوەکە بکەن .

سەرۆکی حکومەت ھەروەھا ڕایسپاردن لێکۆڵینەوە ی ورد و جیددی لەبارەی ھۆکاری ڕوودانی ئەو کارەساتە بکەن ، بەدواداچوونیش بۆ ڕێکارەکانی سەلامەتیی لە باڵاخانە و شوێنە گشتیی و تایبەتەکان بکرێت .

دەقی پرسەنامەکە...

بەداخێکی زۆرەوە ھەواڵی کۆچی دوایی خاتوونی تێکۆشەر (حەلیمە مەحمود شێخوەسانی) ھاوسەری شەھیدی فەرماندە محەمەد بیکەیسیمان پێگەیشت.

‎بۆ ئەم خەمە گەورەیە پرسە و ھاوخەمیی خۆمان ئاڕاستەی بنەماڵە تێکۆشەرەکەتان دەکەین کە رۆڵێکی گرنگتان لە خەباتی رزگاریخوازی گەلەکەمان گێڕاوە.

‎لەخوای گەورە داواکارم کۆچکردوو بە بەھەشتی بەرین شادبکات و سەبووری بەھەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

ئاماژەی بەوەشکرد، پارتی دیموکراتی کوردستان لەسەدا پەنچای کورسیەکانی لەدەستدەدات و حەفتا لەسەدی پۆستە خۆجێیەکانی لە پارێزگای نەینەوا لەدەستدەدات.

ھاوکات وتیشی حزبی تەقەدوم کە محەمەد حەلبوسی سەرۆکایەتی دەکات لەسەدا حەفتای کورسیەکانی لەدەستدەدات ، پێکھێنانی حکومەتی خۆجیی لەپارێزگای نەینەوا دەبێت بە تەوافقی بێت چونکە مودیلی زۆرینە و حزبی قاید لە بەرواری ١٢/١٨ کۆتایی دێت و کورسیەکان کە ژمارەیان ٢٦ کورسی دەبێت لە نێوان دە قەوارە و ھاوپەیمانی سیاسی دابەش دەبێت.

وەزارەتی کشتوکاڵ و سەرچاوە ئاوییەکانی حکومەتی ھەرێم لە راگەیەندراوێکدا بڵاویکردەوە، پرۆژەی چارەسەرکردنی زیانەکانی بەنداوی دەربەندیخان، کە لەلایەن کۆمپانیایەکی کەرتی تایبەتەوە بۆ بەڵێندەرایەتی گشتی جێبەجێدەکرێت، لە قۆناغەکانی کۆتاییدایە.

ئەوەشی خستەڕوو، پرۆژەکە بە ھەماھەنگی بەڕێوەبەرایەتی گشتی بەنداو و کۆگاکانی ئاو و تیمێکی تەکنیکی و ئەندازیاری ھاوبەشی وەزارەتی کشتوکاڵ و سەرچاوەکانی ئاوی حکومەتی ھەرێم جێبەجێ دەکرێت.

ئەوەشھاتووە، پرۆژەی چارەسەرکردنی بەنداوی دەربەندیخان، بە گوژمەی دوو ملیار و ٢٨٠ ملیۆن دینار جێبەجێدەکرێت و بوودجەکەشی لەلایەن حکومەتی ھەرێمی کوردستان و وەزارەتی کشتوکاڵ و سەرچاوەکانی ئاو دابینکراوە.

 

دەقی پرسەنامەکەی قوباد تاڵەبانی...

برای بەڕێزم ھەڤاڵ ڕزگاری حاجی حەمە ئەندامی مەکتەبی سیاسی یەکێتی

بەبیستنی ھەواڵی کۆچی دوایی کاک (حاجی قاسم)ی براتان، نیگەران و دڵگران بووم. 

بۆ ئەم کۆستە، پرسە و سەرەخۆشی ئاڕاستەی ئێوە و خێزان و خانەوادە نیشتمانپەروەر و تێکۆشەرەکەتان دەکەم. بەشداری خەم و پەژارەتانین و خوای گەورە لەکۆچکردوو خۆش بێت،  سەبوری و دڵنەواییش بەھەموو لایەک ببەخشێت. 

انا للە وانا الیە راجعون

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال