هەواڵەکان
دەقی پەیامەکە :
خەمێکە کە ھەرگیزاو ھەرگیز بە تێپەربوونی رۆژگار ناڕەوێتەوە ، برینێکە ھەتا دێت قوڵتر ئەبێت و ئاسەوارەکەی ڕۆژ داوای ڕۆژ زەقتر ئەبێتەوە ..!!
چۆن تەبا و یەک ڕیز ئەبین و چۆن برینە قوڵەکانمان سارێژ ئەبن ئەگەر ھێنانی دەبابەی دوژمن بۆ ناو ماڵی کورد و شکاندنی شکۆی پەرلەمان و لەناوبردنی خەونی گەلە خێر لەخۆ نەدیوەکەمان و گولەباران کردنی خەڵکانی بێتاوان و بڕینی زمانی کەریم عوسمانی ھونەرمەند و بێسەروشوێن کردنی ھاشمی جیھاز و ھەموو ھاشم و کەریمەکانیتر و لە سێدارەدانی دەیان سەرکردەی ئۆپۆزسیۆنی عێراقی کە لەژێر سایەی یەکێتیدا ھەولێر ببووە پەناگەیەکی ئارام بۆیان (تاکو لێیەوە دژی بەعس و زۆرداری خەبات بکەن) لەلایەن پارتییەوە بەقارەمانێتی و داستان بەخەڵکی کوردستان و ھەولێر بفرۆشرێتەوە ..؟!
شورەییە لەکاتێکدا کە ھێشتا ئێسک و پروسکی سەدان پێشمەرگە و خەڵکی بێتاوان نەدرابێتەوە بەکەسوکارییان ، بکەرانی ئەو خیانەتە ساڵانە بێنەسەر شاشەی تەلەفزیۆنەکان و شانازی بکەن بە ٣١ ی ئابێکەوە کە باوک و برا و ژن و کچ و کوڕی بینەرانییان تێدا شەھید و بێسەروشوێن کردبێت ..!!
ئەوپەری شەرمەزارییە شانازی بەشەرعییەت وەرگرتن لە لوولەی ئەو دەبابە و چەکانەوە بکرێت کە ١٨٢ ھەزار ھاووڵاتی بێتاوانیان ئەنفال کرد ، لەو ڕژێمەی پێنج ھەزار ژن و منداڵی بێتاوانی لەھەڵەبجە شەھید کرد ، لەو ھێزەی ھەزاران گوندی کوردستانی وێران کرد ..!!
گەلی کورد گەلێکی پەرتەوازە و تەنیا و خاوەن دوژمنە ، بۆیە پێویستە پشت بەستن بەدوژمنان لەپێناو بەدەستھێنانی خواست و ئارەزووە تایبەتەکان تەحریم و تەجریم بکرێت و بەتاوانی نیشتمانی لەقەڵەم بدرێت ، گوێ لەئازار و ھاواری یەک نەگرتن غەدر بێت ، ھەست بەبرسێتی و نەھامەتی خەڵک نەکردن شەرمەزاری بێت ، خیانەت بەشانازی لەقەڵەم دان کفر بێت ، داوای لێبوردن لەخاک و گەل و نیشتیمان نەکردن ناپاکی بێت و رێگریکردن لەدووبارە بوونەوەی ٣١ ئاب ئامانجی ھەمووان بێت و بەدیھێنانی خەونی گەلەکەمان خەونی ھەمووان بێت ..!!
ھەزاران سڵاو لە گیانی پاکی سەرجەم شەھیدانی ٣١ی ئاب و دەستی غەدر و خیانەت ..
نەفرەت لە شەڕی ناوخۆ و کوشتنی کورد بە دەستی کورد ..
لە بەشێکی تری راگەیەنراوەکەدا ھاتووە، بەھۆی دوبارەکردنەوەی سەرپێچییەوە نانەواخانەیەک داخراوە و دەستیش بەسەر ٧٠ سینی و ٥٣ تاوڵەی نەشیاو بۆ برژاندنی سەمون و ١٩٢ کیلۆ سۆدە و بڕێک خورما و ھەویری خراپدا گیراوە.
سەرۆک وەزیرانی عێراق راشیگەیاند، رێگە نادەن عێراق لە رووی ناوچەیی و نێودەوڵەتیەوە داببڕێت و کاردەکەن بۆ ئەوەی پەیوەندی و ھاریکارییەکانی عێراق بەھێز بکرێن و رێز لە سەروەری خاکەکەی بگیرێت.
بەشیر حەداد جێگری دووەمی سەرۆکی ئەنجومەنی نوێنەرانی عێراق لە لێدوانێکدا بە کوردسات نیوزی راگەیاند، بەپێی لێدوانەکانی وەزیری دارایی عێراق، لە چەند رۆژی رابردوودا عێراق بۆ جاری دووەم ٢٠٠ ملیار دیناری بۆ ھەرێم ناردووە.
جەختیشیکردەوە، ئەنجومەنی وەزیرانی عێراق بە رەسمی بڕیاری ناردنی ئەو پارەیەی داوە، بەڵام مانگانە تا نوێنەرانی کورد لە بەغداد فشار لە وەزارەتی دارایی عێراق دروست نەکەن، پارەکە نانێرێت، بەو ھۆکارەیە ھەندێکجار ناردنی پارەکە دوادەکەوێت.
ئاری ئەحمەد بەڕێوەبەری گشتی ئاو و ئاوەڕۆی ھەرێم بە کوردسات نیوزی راگەیاند، ئەمساڵ حکومەتی ھەرێم دووجار بودجەی بۆ چارەسەری کێشەی کەمئاوی ھەولێر تەرخانکردوە، لە قۆناغی یەکەمدا ملیارێک و ٥٠٠ ملیۆن دینار و لە قۆناغی دووەمیشدا ٩٢٥ ملیۆن دینار، بڕیارە ملیارێک و ٢٥٠ ملیۆن دیناری تریش لە مانگەکانی ئاب و ئەیلول و تشرینی یەکەم خەرج بکرێن.
پەیامنێری کوردسات نیوزیش لە ھەولێر رایگەیاند، پێشتر ٣٥%ی دانیشتوانی ھەولێر بە تانکەر ئاویان دەکڕی، دوای چارەسەری کیشەی کەمئاوی چەند گەڕەکێکیش، بەڵام بەتەواوی کێشەکان چارەسەر نەکراوە و لە ئێستادا زیاتر لە ١٠ گەڕەک ئاوی پێویستیان بۆ دابین نەکراوە و بە تانکەر ئاو دابەشدەکرێت.
ئاژانسی رۆیتەرز لە زاری لێپرسراوێکی ئەمریکییەوە بڵاویکردەوە، نزیکەی پێنج مووشەک ئاراستەی فڕۆکەخانەی کابوڵ کراون و توانیویانە لەڕێی سیستمەکانی دژە مووشەکەوە بەرپەرچیان بدەنەوە، ھێرشەکەش ھیچ زیانێکی بە سەربازانی ئەمریکا نەگەیاندووە.
ئاراستەکردنی ئەو مووشەکانە لەکاتێکدایە کە سبەینێ دوایین وادەیە بۆ کشانەوەی تەواوی ھێزەکانی ئەمریکا لە ئەفغانستان و بەپێی وەزارەتی دەرەوەی ئەو وڵاتەش لە ١٤ی ئابەوە پێنج ھەزار و ٥٠٠ ھاووڵاتی ئەمریکی لەو وڵاتە گواستراونەتەوە.
زریانی ئایدا خێراییەکەی ٢٤٠ کیلۆمەترە لە سەعاتێکدا و با و بارانێکی زۆری لەگەڵدایە، بەھۆیەوە کارەبای تەواوی ناوچەکانی نیو ئۆرلینز بڕاوە، کە شارێکی سەر بە ویلایەتی لویزیانایە و زۆرترین دانیشتووی تێدایە.
بایدنیش ھۆشداریدا لە ئەگەری روودانی کارەسات لەو ویلایەتە و فەرمانیدا بە پێشکەشکردنی ھاوکاری بۆ روبەڕوبوونەوەی زریانەکە، ھاوکارییەکانیش دابینکردنی شوێنی نیشتەجێبوونی کاتی و چاککردنەوەی ماڵە زیان لێکەوتووەکان و پێدانی قەرز و چەندین ھاوکاری تر بۆ خاوەن کۆمپانیاکان لەخۆدەگرێت.
جەبار یاوەر ئەمینداری گشتی وەزارەتی پێشمەرگە لەبارەی دروستکردنی دوو لیوای ھاوبەش لە نێوان پێشمەرگە و سوپای عێراق رایگەیاند، سەرقاڵی دانانی میکانیزمی دامەزراندنی ئەو دوو لیوایەن.
وتیشی، داعش وەک دەوڵەت ناوی نەماوە، بەڵام وەک رێکخراوێکی تیرۆرستی جیھانی ھەر ماوە و لە ماوەی سێ ساڵ و حەوت مانگی رابردودا ھەزار و ١٢٠ کردەوەی تیرۆریستی ئەنجامداوە و تەنھا لە حەوت مانگی ئەمساڵیشدا ١٣٤ پەلاماری لە ناوچە دابڕێنراوەکان ئەنجامداوە و تائێستاش مەترسییە بۆ سەر عێراق و ھەرێم و سوریا.
میدیاکان بڵاویانکردەوە، ئەو بۆردوومانەی سوپای سوریا بۆ سەر دوایین پێگەی چەکدارانی ئۆپۆزسیۆن لە دەرعا توندترین بۆردوومان بووە و مووشەک و چەکی قورس بەکارھاتووە و کوژرانی لانی کەم شەش کەسی لێکەوتووەتەوە.
سوپای سوریا ھیچ لێدوانێکی لەبارەی بۆردوومانەکەوە نەداوە و تەنھا لەڕێی راگەیەندراوێکەوە ئاماژەی بەوەکردوە، ئارامگرتنیان بەرامبەر گروپە چەکدارەکان و تیرۆریستان لەو شارۆچکەیە بەرەو کۆتایی دەچێت.
لیژنەی دانوستانکاریش لە دەرعا رایگەیاندووە، دانوستانەکانیان لەگەڵ روسیا و حکومەتی سوریا راگرتووە، چونکە سوریا بە پێشنیازەکانی روسیا رازی نییە و دەیەوێت مەرج و پێشنیازەکانی خۆی بەسەر شارۆچکەکەدا بسەپێنێت و پابەندی ئاگربەست نییە.
زەبیحوڵا موجاھید وتەبێژی بزوتنەوەی تاڵیبان رایگەیاند، ھێزەکانی ئەمریکا لە چەند بەشێکی فڕۆکەخانەی کابوڵ کشاونەتەوە و ئەو بەشانە ئێستا لە ژێر کۆنترۆڵی تاڵیباندایە، بەمنزیکانەش لە دوای کشانەوەی سەرجەم ھێزە بیانییەکان، تەواوی فڕۆکەخانەکە کۆنترۆڵ دەکەن.
ئەنتۆنی بلینکن وەزیری دەرەوەی ئەمریکاش رایگەیاندوە، بەردەوامیی مانەوەی دیبلۆماتکارانی ئەمریکا لە ئەفغانستان و کرانەوەی باڵیۆزخانەی ئەمریکا لەو وڵاتە، لە دوای ٣١ی ئابەوە پەیوەست دەبێت بە ھەڵوێست و سیاسەتەکانی تاڵیبان لە داھاتوودا.
میدحەت سەنجار ھاوسەرۆکی گشتی پارتی دیموکراتی گەلان ھەدەپە رایگەیاند، ھەدەپە لە سەردەمی نوێیدا دەیەوێ بە ھاوبەشی لەگەڵ لایەنەکانی دیکە تورکیا بەڕێوەببات و بۆ ئەو مەبەستەش بەھەموو شێوەیەک ئامادەن بۆ ئەوەی کورد و گەلانی تورکیا ببنە دامەزرێنەری تورکیای نوێ.
لە بارەی ھەڵبژاردنی داھاتووی تورکیا و دۆسیەی داخستنی ھەدەپەش، ھاوسەرۆکی ھەدەپە وتی، پارتەکەی لە ھەموو کات زیاتر لە ژێر ھەموو مەرجێکدا بۆ ھەڵبژاردن ئامادەیە و دۆسیەی داخستنی ھەدەپەش ھیچ کاریگەرییەکی بۆ داھاتووی پارتەکەیان نابێت.
لەو راگەیەنراوەی کە بڕیارە لە مانگی ئەیلولدا بڵاویبکاتەوە، ھەدەپە ئامانجی سیاسی و نەخشەڕێگەی پارتەکەی بە رونی رادەگەیەنێت بە تایبەتی لە بواری ئاشتی و دیموکراسی و دادوەریدا.
یادگار فەتاح بەڕێوەبەری نەوت و کانزاکانی گەرمیان لە کۆنفرانسێکی رۆژنامەوانیدا رایگەیاند، بەمەبەستی پشکنین و چاودێری وردتر و خێراتر بۆ کوالێتی و جۆری بەنزین و سوتەمەنی لە بەنزینخانەکان، تیمێکیان پێکھێناوە و دەسەڵاتیان پێدراوە، ئەگەر ھەر بەنزینخانەیەک سەرپێچی بکات دەست بەجێ دایدەخەن.
ئەحمەد محەمەد وتەبێژی دەستەی ژینگەی ھەرێم لە لێدوانێکدا بە کوردسات نیوزی راگەیاند، کۆبونەوەکە بە ئامادەبوونی ١٤ نوێنەری وەزارەتەکان و نوێنەری پارێزگا و ئیدارە سەربەخۆکان بەڕێوەدەچێت و تیایدا تاوتوێی کەمکردنەوەی مەترسییەکان لەسەر ژینگەی ھەرێم و تەندورستی ھاوڵاتیان دەکرێت.
عەبادی لە دیداری رافیدەین لە بەغداد لە وەڵامی پرسیارێکی پەیامنێری کوردسات نیوز ئاماژەی بەوەکرد، دەنگدەر ستراتیژییەتی عێراق و ئەو ئاراستەیە یەکلادەکاتەوە کە وڵات دەیگرێتەبەر.
داواشی لەو لایەنانە کرد کە دژی پرۆسەکەن بەشداری بکەن و وتی، بەپێی ھەموو ئاماژەکان ھەڵبژاردن لە وادەی خۆیدا دەکرێت.
لەبارەی مەترسییەکانی داعشیش عەبادی راگەیاند، داعش و گروپەکانی دیکەش مەترسی گەورەن و عێراق لەبەردەم ململانێی مەترسیداردایە، بەڵام پێویستە پشت بە ھێزەکانی عێراق ببەسترێت.
ئاژانسەکە لە راپۆرتی ساڵانەیدا بڵاویکردەوە، لەو کۆمەڵگە ئەتۆمییەی دەکەوێتە ناوەندی کۆریای باکورەوە، ھیچ ئاماژەیەک بۆ دەستپێکردنەوەی کارەکان نەبووە تا سەرەتای مانگی حوزەیرانی ئەمساڵ، لەدوای ئەو کاتەشەوە چەندین ئاماژە ھەن بۆ دەستپێکردنەوەی کارەکانی کورەی ئەتۆمی بۆ بەرھەمھێنانی ماددەی پۆلۆتنیۆم بۆ چەکی ئەتۆمی.
لە دوای دەرکردنی لێکۆڵەرەکانی لەلایەن پیۆنگ یانگەوە، نەتەوە یەکگرتووەکان لە ساڵی ٢٠٠٩ەوە نەیتوانیوە بچێتە کۆریای باکور، مانگی پێشووش ئاژانسی نێودەوڵەتی وزەی ئەتۆم رایگەیاندبوو، چەندین ئاماژە ھەن بۆ دەستپێکردنەوەی چالاکییە ئەتۆمییەکانی پیۆنگ یانگ.
بەڕێوبەرێتی مەشق و ڕاھێنانی پەروەردەی ھەڵەبجە خولەکانی ڕھێنانی مامۆستایانی دەستپێکردەوە، ئەمەش دوای ئەوە ھات لەساڵی ٢٠١٤ەوە بەھۆی قەیرانی دارایییەوە خولەکان راگیرابوون .
باشبوونی دۆخی ئابووری و گۆڕانکاری لەسیستمی خوێندن ھۆکاربوون بۆ دەستپێکردنەوەی خولەکان، لەئیستادا ٢٠٠ مامۆستا لەسەر پرۆگرامی خوێندنی "کارامەیی و بەھا کۆمەڵایەتیەکان " کە بڕیارە بۆیەکەمجار ئەمساڵ لەپۆلی یەک تا نۆی بنەڕەتی بخوێنرێت راھێنان بە مامۆستایان دەکرێت .