غانمی لە میانی بەشداریکردنی لە کۆڕبەندی ڕافیدەین ڕایگەیاند، حکومەت سورە لەسەر ئەوەی پڕۆسەی ھەڵبژاردنی پێشوەختەی ئەنجومەنی نوێنەران لە وادەی دیاریکراودا بەڕێوەبچێت و وەزارەتی ناوخۆش پلانی پێویستی بۆ گرەنتیکردنی ئاسایشی پرۆسەکە داڕشتووە، لیژنەی ئەمنی وەزارەتەکەش بەردەوام دەبێت لە کۆبوونەوەکانی بۆ ئەوەی لە ڕێی پلانەکانەوە ڕێگری بکرێت لە دەستوەردانی ڕاستەوخۆ و ناڕاستەوخۆ لە ناوەندەکانی دەنگدان و دروستکردنی کەشێکی ئارام تا ھاوڵاتیان بە دڵنیاییەوە ڕوو لە بنکەکانی دەنگدان بکەن.

دووپاتیشیکردووەتەوە کە ھێزە ئەمنییەکان لە کاتی ھەڵبژاردندا لەسەر یەک ھێڵ و لە یەک ئاستدا لە لایەنە سیاسیەکانەوە نزیک دەبن بە بێ ئەوەی لایەنگری ھیچ لایەنێک بکەن.

"عەبدوللھیان" لە چاوپێکەوتنێکی تەلەفزیۆنیدا سیاسەتی حکومەتی نوێی ئێرانی سەبارەت بە دانوستانەکانی "ڤییەنا" ڕوون کردەوە و ڕایگەیاند، دەبێت ئەو دانوستانە ئەنجامێکی ھەبێت و پەرلەمان و حکومەتی ئێرانیش ھەوڵی جدی دەدەن بۆ دەستەبەرکردنی مافی گەل لەو دانوستانەدا.

وتیشی "تاران" سیاسەتی کات بەفیڕۆدان قبوڵ ناکات و پابەندن بە بەشداریکردن لە دانوستانە ئەتۆمییەکان لە چوارچێوەی دیپلۆماسیەتێکی ھاوسەنگدا. 

پێشتریش لێپرسراونی سیاسەتی دەرەوەی یەکێتی ئەوروپا لە پەیوەندییەکیدا لەگەڵ وەزیری دەرەوەی ئێران جەختی کردەوە لە دەستپێکردنەوەی دانوستانی "ڤییەنا" سەبارەت بە ڕێککەوتنی ئەتۆمی، کە تا ئێستا شەش خولی ئەنجامداوە و وادەی حەوتەم خولی دیار نییە.

ڕوانگەی سوریا بڵاویکردەوە، گروپە چەکدارەکان ھێرشیان بۆ سەر سوپای سوریا لە ناوچەکانی سەر بە پارێزگای "دەرعا" لە باشوری "سوریا" ئەنجامداوە و بەھۆیەوە ٢ ئەندامیان کوژراون، لە ماوەی ٢٤ سەعاتی ڕابردووشدا نزیکەی ٧ سەربازی سوپا کوژراون و ١٢ی تر برینداربوون. 

زیاتر لە ٢ مانگە ناوچەکانی "دەرعا" لە شەڕ و ئاڵۆزیدان و ھەزاران مەدەنیش لە نەھامەتیدا دەژین، نەتەوە یەکگرتووەکان و وڵاتانی خۆرئاوا لە نێویشیاندا ئەمریکا نیگەرانییان لە ڕەوشی "دەرعا" دەربڕیوە. 

ڕێکخراوی لێبوردنی نێودەوڵەتیش داوای لە حکومەتی سوریا کردووە گەمارۆی سەر ئەو پارێزگایە ھەڵبگرێت و ڕێگەبدات بە گەیاندنی ھاوکارییەکان بۆ ناوچەکە، بێ کۆت و بەند.

دانوستانەکانیش بۆ گەیشتن بە ڕێککەوتن لەگەڵ فەرماندەکانی ڕووسیا و لیژنە ئەمنییەکانی سەر بە حکومەتی سوریا لە "دەرعا" شکستی ھێناوە.

پنتاگۆنیش ڕایگەیاند، سەرەڕای کشاندنەوەی ھێزەکانیان ھێشتا تیرۆر مەترسیەکی جدییە لەسەر ئەفغانستان و لانی کەم ٢ ھەزار تیرۆریستی داعش لەو وڵاتەدا چالاکن.

"کێنێز ماکێنزی" فەرماندەی ناوەندی ھێزە چەکدارەکانی ئەمریکا ڕایگەیاند، لانی کەم ٢ ھەزار تیرۆریستی سەر بە "داعش" لە "ئەفغانستان" چالاکن و مەترسی گەورەن بۆ سەر وڵاتەکە و ناوچەکە.

وتیشی، لە دوای پەلامارەکەی "داعشی خوراسان" لە دەوروبەری فڕۆکەخانەی "کابوڵ"، بۆردوومانیان بۆ سەر مۆڵگەکانی ئەو تیرۆریستانە لە "ئەفغانستان" ئەنجامداوە.

د. شەماڵ جەبار یاوەر، بەڕێوەبەری گشتی دەزگای تەندروستی پێشمەرگە بە کوردسات نیوزی ڕاگەیاند، لە ڕۆژی یەکشەممەوە نەخۆشخانەکە بە ڕووی تووشبووانی کۆرۆنادا دەکرێتەوە و ئەو نەخۆشانەی پێویستیان بە چاودێری چڕ و مانەوەیە دەگوازرێنەوە بۆ نەخۆشخانەی ئاسا.

 

 

چالاکوانانی گروپەکە ڕایانگەیاند، دەیانەوێت سەرنجی میدیاکان بخەنە سەر مەترسیەکانی بەرزبوونەوەی پلەکانی گەرما و گۆڕانکارییەکانی کەش و ھەوا، چونکە بەھۆی کۆرۆناوە لە ڕووی میدیاوە گرنگی زۆری پێنەدراوە.

دەشڵێن، تەنھا کۆرۆنا مەترسی نییە بەڵکو گۆڕانکارییەکانی کەش و ھەوا گەورەترین مەترسییە بۆ سەر تەندروستی گشتی.

وەزارەتی بازرگانی و پیشەسازی هەرێم ئاماژەی بۆ ئەوەكردووە، بەهۆی بڵاوبونەوەی كۆرۆنا جموجوڵە ئابوری و بازرگانییەكان لە تەواوی وڵاتانی جیهان وەستان و داهات و بژێوی ژیانی زۆر كەس و وڵاتی خستوەتە مەترسییەوە، بەڵام لە هەرێمی كوردستان لەگەڵ ئەو رەوشە نالەبارەدا توانراوە بە ڕێكاری توند، درێژە بەكاروباری بازرگانی بدرێت و لەماوەی ئەمساڵدا زیاتر لە 2هەزار و 750 مۆڵەتی بازرگانییان بە بازرگانان داوە، بۆ ئەوەی لە چەندین وڵات كاڵا هاوردە بكەن و گرێبەستی بازرگانی ئەنجام بدەن.
لە بەشێكی تری راگەیەنراوەكەدا هاتووە، یاسای وەبەرهێنانی هەرێم و یاسای بازرگانی دەرفەتی باشی رەخساندوە بۆ وەبەرهێن و بازرگانەكان كەبێنە هەرێمی كوردستان و تواناكانی خۆیان لەڕوی پیشەسازی و بازرگانی وەبەرهێنان و كشتوكاڵ بخەنەگەڕ و بەرهەمی زیادەی چیمەنتۆ و كشتوكاڵ و ئاسن و بەرهەمەكانی تری كوردستان بۆ وڵاتی خۆیان بگوازنەوە لە چوارچێوەی ئاڵوگۆڕی بازرگانی هاوبەش.

 لە چوارچێوەی کۆبونەوەیەکی وەزیری پیشمەرگە و وەفدێکی باڵای راوێژکارانیسەربازی ھاوپەیمانان، وەزیری پێشمەرگە رایگەیاند، بەمەبەستی پڕکردنەوەی بۆ شایی ئەمنی لە ناوچە جێناکۆکەکان و گەڕانەوەی ئارامی و سەقامگیری لەناوچانە، لەگەڵ سوپای عێراق و وەزارەتی بەرگری گەیشتونەتە رێککەوتنی کۆتایی و بەمنزیکانە ئامادەکارییەکان بۆ رۆڵ و ئەرک بینینی ئەو دوو لیوایە تەواو دەکرێت، ئەرکی پاراستنی ناوچە جێناکۆکەکان لە پەلامارەکانی تیرۆریستان جێبەجێ دەکەن.وتیشی، خوازیارن لەبەرامبەر مەترسییە چاوەڕوانکراوەکان، لەگەڵ بەغداد بگەنە رێکەوتنی کۆتایی لەسەر تەواوی گرفت و لەمپەرەکان، تا لەداھاتوودا ئۆپەراسیۆنی ھاوبەش لە ناوچە جێناکۆکەکان ئەنجام بدەن.  

هۆڵەندا نەخشە رێگای پەرەپێدانی كەرتی تایبەت پێشكەش بە قوباد تاڵەبانی دەكات كە ئەوەش كارئاسانی  زۆر بۆ بازرگانان دەكات ، كونسوڵخانەی هۆڵەندا لە هەرێم بە نوێنەرایەتی وڵاتەكەی كارنامەی گەشەپێدانی كەرتی تایبەتی پێشكەش بە قوباد تاڵەبانی جێگری سەرۆكی ئەنجومەنی وەزیران كرد، ناوەڕۆكی بەرنامەكە كار لەسەر گەشەپێدانی كەرتی تایبەت و ئاسانكاریكردن بۆ بازرگانی دەكات لە ڕێگەی بەكارهێنانی ئینتەرنێت و خێراكردنی تۆماركردنی كۆمپانیا بچوكەكان. پرۆژەكەی هۆڵەندا چۆنێتی پاڵپشتی بەگەڕخستنی سەنتەری بەبازاركردنی خاوەنكارە بچوكەكان لەخۆ دەگرێت بۆ ئەوەی خاوەنكارەكان بێبەش نەبن لە دەستەبەری كۆمەڵایەتی و ئەو ئیمتیازاتەی لە كەرتی گشتیدا هەیە،  لە دیدارەكەیاندا لەگەڵ قوباد تاڵەبانی، نوێنەرایەتی هۆڵەندا، پشتیوانی تەواوی خۆیان بۆ ئەنجامدانی چاكسازی ڕیشەیی لە كەرتی تایبەت دووپات كردەوە و ئامادەییان دەربڕی بۆ پێشكەشكردنی هاوكاری لە بەگەڕخستنی پلانەكە لە هەرێمی كوردستان.

بە پێی زانیارییەکانی ئەو سەرچاوەیە، مەلا عەبدولغەنی برادەر بۆ پۆستی وەزیری دەرەوەو مەلا یەعقوب ئاخوند کوڕی مەلا عومەر دامەزرێنەری بزووتنەوەی تاڵیبان بۆ وەزیری بەرگری و خەلیفە حەقانی کوڕی جەلالەدین حەقانی بۆ وەزیری ناوخۆ دیاریی کراون. بەپێی سەرچاوەکان وتووێژەکانی ناوخۆی تاڵیبان بۆ پێکھێنانی حکومەتی نوێ تەواوبوون و بەم نزیکانە بەرەسمی ناوی کاندیدەکان بۆ پۆستە وەزارییەکان ئاشکرا دەکرێن. ئەوەش زانراوە، کە ٣ی مانگی داھاتوو تاڵیبان دەستبەکاربوونی حکومەتەکەی رادەگەیەنێت.

ماوەی دوو ھەفتەیە بەشێک لە دارستانەکانی باکوری کوردستان لە دێرسیم و چەولیک و بەدلیس و شڕناخ ئاگری گرتووە و بەو ھۆیەشەوە بە ھەزاران ھێکتار دارستان سوتاون.  ھاوکات"سەڵاحەدین دەمیرتاش"ھاوسەرۆکی پێشوی پارتی دیموکراتی گەلان"ھەدەپە"لە رێگەی پارێزەرەکانییەوە رایگەیاند، ھۆکارەکانی نەکوژاندنەوەی دارستانەکانی دێرسم کەمتەرخەمی حکومەت نییە، بەڵکو ناوچە دارستانەکان بە ئامانج دەسووتێندرێن و رێگەش لە ھەوڵەکانی کوژاندنەوەی دەگیرێت.

"ئاری جەلال"سەرۆکی دەزگای لوتکە بۆ کاروباری ئاوارە و پەنابەران بە کوردسات نیوزی راگەیاند، لە چەند رۆژی رابردوودا نزیکەی ٦٠ کۆچبەری ھەرێمی کوردستان کە خەڵکی سلێمانی و رانیە و قەڵادزێن لە شاری ئیزمیر لە تورکیا دەستگیرکران، لەبەرئەوەی ئەو کۆچبەرانە خۆیان بە خەڵکی سوریا ناساندوە، لەلایەن تورکیاوە رادەستی ھێزەکانی بەرەی نوسرە لە عەزاز کراون.

وتیشی، نوسینگەی "قوباد تاڵەبانی"جێگری سەرۆکی حکومەت لەو پرسە ئاگادار کراوەتەوە، لە ھەوڵدان بۆ ئەوەی لەگەڵ لایەنە پەیوەندیدارەکان، ئەو کۆچبەران بۆ ھەرێمی کوردستان بگەڕێنرێنەوە.

دەقی پەیامەکە :

خەمێکە کە ھەرگیزاو ھەرگیز بە تێپەربوونی رۆژگار ناڕەوێتەوە ، برینێکە ھەتا دێت قوڵتر ئەبێت و ئاسەوارەکەی ڕۆژ داوای ڕۆژ زەقتر ئەبێتەوە ..!!
چۆن تەبا و یەک ڕیز ئەبین و چۆن برینە قوڵەکانمان سارێژ ئەبن ئەگەر ھێنانی دەبابەی دوژمن بۆ ناو ماڵی کورد و شکاندنی شکۆی پەرلەمان و لەناوبردنی خەونی گەلە خێر لەخۆ نەدیوەکەمان و گولەباران کردنی خەڵکانی بێتاوان و بڕینی زمانی کەریم عوسمانی ھونەرمەند و بێسەروشوێن کردنی ھاشمی جیھاز و ھەموو ھاشم و کەریمەکانیتر و لە سێدارەدانی دەیان سەرکردەی ئۆپۆزسیۆنی عێراقی کە لەژێر سایەی یەکێتیدا ھەولێر ببووە پەناگەیەکی ئارام بۆیان (تاکو لێیەوە دژی بەعس و زۆرداری خەبات بکەن) لەلایەن پارتییەوە بەقارەمانێتی و داستان بەخەڵکی کوردستان و ھەولێر بفرۆشرێتەوە ..؟!
شورەییە لەکاتێکدا کە ھێشتا ئێسک و پروسکی سەدان پێشمەرگە و خەڵکی بێتاوان نەدرابێتەوە بەکەسوکارییان ، بکەرانی ئەو خیانەتە ساڵانە بێنەسەر شاشەی تەلەفزیۆنەکان و شانازی بکەن بە ٣١ ی ئابێکەوە کە باوک و برا و ژن و کچ و کوڕی بینەرانییان تێدا شەھید و بێسەروشوێن کردبێت ..!!

ئەوپەری شەرمەزارییە شانازی بەشەرعییەت وەرگرتن لە لوولەی ئەو دەبابە و چەکانەوە بکرێت کە ١٨٢ ھەزار ھاووڵاتی بێتاوانیان ئەنفال کرد ، لەو ڕژێمەی پێنج ھەزار ژن و منداڵی بێتاوانی لەھەڵەبجە شەھید کرد ، لەو ھێزەی ھەزاران گوندی کوردستانی وێران کرد ..!!

گەلی کورد گەلێکی پەرتەوازە و تەنیا و خاوەن دوژمنە ، بۆیە پێویستە پشت بەستن بەدوژمنان لەپێناو بەدەستھێنانی خواست و ئارەزووە تایبەتەکان تەحریم و تەجریم بکرێت و بەتاوانی نیشتمانی لەقەڵەم بدرێت ، گوێ لەئازار و ھاواری یەک نەگرتن غەدر بێت ، ھەست بەبرسێتی و نەھامەتی خەڵک نەکردن شەرمەزاری بێت ، خیانەت بەشانازی لەقەڵەم دان کفر بێت ، داوای لێبوردن لەخاک و گەل و نیشتیمان نەکردن ناپاکی بێت و رێگریکردن لەدووبارە بوونەوەی ٣١ ئاب ئامانجی ھەمووان بێت و بەدیھێنانی خەونی گەلەکەمان خەونی ھەمووان بێت ..!!                      

ھەزاران سڵاو لە گیانی پاکی سەرجەم شەھیدانی ٣١ی ئاب و دەستی غەدر و خیانەت ..
نەفرەت لە شەڕی ناوخۆ و کوشتنی کورد بە دەستی کورد ..   

 قایمقامەتی سلێمانی راگەیەنراوێکی سەبارەت بە سەردانەکانیان بۆ نانەواخانە و سەمونخانەکان لە مانگی ئابدا بڵاوکردەوە و ئاشکرایکرد، لەو مانگەدا بەشێوەیەکی بەردەوام سەردانی نانەواخانە و سەمونخانە و ھەموو ئەو شوێنانە کراوە کەکاری ھەویر دەکەن. راشیگەیاندووە، ٤٤ پسوڵەی سەرپێچی تۆمارکراوە، ٣٧ پسوڵەی ئاگادارکردنەوەش بۆ نانەواخانەکان کراوە کە پابەندی مەرج و رێنماییەکانی کارکردن نەبوون، لەکاتی دوبارەکردنەوەیدا روبەڕوی رێکاری یاسایی دەکرێنەوە.
لە بەشێکی تری راگەیەنراوەکەدا ھاتووە، بەھۆی دوبارەکردنەوەی سەرپێچییەوە نانەواخانەیەک داخراوە و دەستیش بەسەر ٧٠ سینی و ٥٣ تاوڵەی نەشیاو بۆ برژاندنی سەمون و ١٩٢ کیلۆ سۆدە و بڕێک خورما و ھەویری خراپدا گیراوە.