هەواڵەکان
دادگای دەستوری تورکیا ڕایگەیاند، ٣٠ ڕۆژی تریان بە پارتی دیموکراتی گەلان "ھەدەپە" داوە تاکو بۆ ڕێگرتن لە داخستنیان بەرگری لە خۆیان بکەن، بەم جۆرەش کاتی بەرگرینامەکەی ھەدەپە تا ١٠ی مانگی داھاتوو درێژکرایەوە.
شەشی حوزەیران دادگای دەستوری تورکیا دۆسیەی داخستنی ھەدەپەی پەسەندکرد و مۆڵەتی ٦٠ ڕۆژیشی بە ھەدەپەدا بەرگری لە خۆی بکات، پێش تەواوبوونی وادەکەش ھەدەپە داوای کرد وادەکە درێژ بکرێتەوە.
ھایکۆ ماس وەزیری دەرەوەی ئەڵمانیا لە پەیوەندییەکی تەلەفۆنییەدا لەگەڵ ھاوتا ئێرانییەکەی حسێن ئەمیر عەبدوڵاھیان، ئامادەیی وڵاتەکەی بۆ پەرەپێدانی پەیوەندییەکانی نێوانیان لە ھەموو بوارەکاندا نیشاندا و داواشیکرد، ھەرچی زووتر دانوستانەکانی ڤیەننا دەستپێبکاتەوە.
لای خۆشیەوە ئەمیر عەبدوڵاھیان وەزیری دەرەوەی ئێران ڕایگەیاند، بنەمای دانوستانەکانی ڤیەننا مایەی قبوڵکردنە و بەردەوام دەبێت، بەڵام دانوستانێکیان قبوڵە کە ببێتە ھۆی لابردنی گەمارۆکان و مافەکانی گەلی ئێران دابین بکات.
بە مەبەستی گەڕاندنەوەی ئەمریکا بە ڕێککەوتننامەی ئەتۆمی و پابەندکردنەوەی ئێران بە ڕێککەوتننامەکە، تاوەکو ئێستا شەش گەڕی دانوستانەکانی ڤیەننا بەڕێوەچووە.
ئاری جەلال، سەرۆکی دەزگای لوتکە بۆ کاروباری ئاوارە و پەنابەران بە کوردسات نیوزی ڕاگەیاند، لە چەند ڕۆژی ئایندەدا دەزگاکەیان بە ھەماھەنگی نووسینگەی قوباد تاڵەبانی، جێگری سەرۆکی حکومەتی ھەرێمی کوردستان ئەو ٥٥ کۆچبەرە کوردە دەگەڕێنێتەوە ھەرێم کە لەلایەن تورکیاوە ڕادەستی بەرەی نوسرە کرابوون.
ئاری جەلال باسی لەوەش کرد، کاروبارەکان لەگەڵ وەزارەتی کۆچبەرانی عێراق و وەزارەتی دەرەوەی تەواو بوون و لە ئێستادا چاوەڕێی تەواوبوونی کارە یاساییەکانن لەگەڵ حکومەتی تورکیا تا لە ڕێگەی تورکیاوە ھەموو کۆچبەرەکان بگەڕێندرێنەوە. وتیشی، باری تەندروستی کۆچبەرەکان باشن و لە ئێستادا لە کەمپدان و مەترسی لەسەر ژیانیان نییە.
ئەنجومەنی وەزیرانی ھەرێمی کوردستان کۆدەبێتەوە و گفتوگۆ لەبارەی دابینکردنی نەوتی سپی بۆ ھاووڵاتییان و کێشەی بەرزبوونەوەی نرخی بەنزین دەکرێت.
لە بەشێکی تری کۆبوونەوەکەدا باس لە چارەسەرکردنی کێشەی فڕن و نانەواخانەکان و گرانبوونی نرخی نان و سەموون و ئاسانکاری و پشتیوانیی وەزارەتە پەیوەندیدارەکان لەم بوارەدا دەکرێت و ڕووبەڕووبوونەوەی کێشەی دابینکردنی ئاوی پاک بۆ ھاووڵاتییانیش بابەتی بەشێکی تری کۆبوونەوەکە دەبێت.
سەدر ئاماژەی بەوەش کردووە، ئەگەر ھاوڵاتیان بێباک بن و دەنگ بە چاکەخوازان نەدەن ئەوا ستەم لە خۆیان دەکەن و ھەمان چارەنووسی گەلە تیاچووەکان چاوەڕێی گەلی عێراق دەکات.
ماوەی ١٨ ساڵە یاسای خزمەتی سەربازیی زۆرەملێ لە عێراق راگیراوە کە ئەو کات لەدوای پرۆسەی ئازادی لەلایەن پۆل بریمەر حاکمی مەدەنی عێراق یاساکە ھەڵوەشێندرایەوە و سوپا ئەو سەربازانەی لە خۆ گرت کە بە خواستی خۆیان ناویان تۆمار دەکەن .
رۆژی شەممەش وەزارەتەكانی شارەوانی و گەشتوگوزار و كارەبا و كشتوكاڵ و رۆشنبیری و لاوان و ئاوەدانكردنەوە و نیشتەجێكردن مووچە وەردەگرن. یەكشەممەش مووچەی سەرۆكایەتی هەرێم و پەرلەمان و ئەنجومەنی وەزیران و خانەنشینی شارستانی دابەش دەكرێت.
ویلایەتی چەنجشیر تەنھا ویلایەتە لە ئەفغانستان لەلایەن تاڵیبنەوە کۆنترۆڵ نەکراوە ، پێشتریش لە ساڵانی دەسەڵاتیدا لە ١٩٩٦ بۆ ٢٠٠١ ، بزوتنەوەکە نەیتوانیوە ئەو ویلایەتە کۆنترۆڵ بکات .
باڵیۆزخانەی ئەمریکاش ئیدانەی ھێرشەکانی سوپای سوریای کرد لە پارێزگای "دەرعا" و داوا دەکات رێگە بدرێت بە چوونە ناوەوەی ھاوکارییەکان.
جەلال نوری سەرپەرشتیاری ئیدارەی گەرمیان سەردانی کوڵەجۆی کرد و رایگەیاند، ناوچەی کوڵەجۆ و گوندە کوردنشینەکانی سنورەکە پارێزراون و ھەموو ھەوڵێکیش دەدەن بۆ دابینکردنی ئارامی و ئاسایشی زیاتر، وتیشی، ھەوڵی چارەسەرکردنی گرفتە خزمەتگوزارییەکانیش دەدەن.ئەمەش لە کاتێکدایە شەوی ڕابردوو تیرۆرستانی داعش پەلاماری گوندی ئیسلاحی باشوری ناحیەکەیان دا و بەو ھۆیەشەوە دووھاوڵاتی مەدەنی و دوو سەربازی سوپای عێراق برینداربوون.