هەواڵەکان
سوپای ئیسرائیل رایگەیاند، هێرشێکی کوشندەیان کردوەتە سەر ئێران و بەرنامە ئەتۆمییەکەی و چەند شوێنێکی بەرهەمهێنای چەکیان لەناو بردوە
ئەمڕۆ شەممە، سوپای ئیسرائیل رایگەیاند، لە هێرشێکی بەرفراواندا کە چەند سەعاتێکی خایاندوە، بە 50 فڕۆکەی جەنگی لە سێ قۆناغی یەک لە دوای یەکدا ژێرخانی سەربازی و ئەتۆمی ئێرانیان کردە ئامانج.
هێرشەکان بە وردی دامەزراوەی ئاوی قورس لە "ئەراک" و کارگەیەکی تەقەمەنی پەیوەندیدار بە پیتاندنی یۆرانیۆمیان لە "یەزد" پێکاوە، هاوکات بنکەکانی بەرهەمهێنانی موشەکی بالیستی و سیستەمە بەرگرییە ئاسمانییەکانیان تێکشکاندوە.
سوپای ئیسرئایل دەشڵێت؛ لە هێرشيکاندا چەندین دامەزراوەی پیشەسازی سەربازی و پێگەیەکی وەزارەتی بەرگری ئێرانیان کردووەتە ئامانج، کە وەک سەرچاوەی سەرەکیی دابینکردنی چەک بۆ حەماس و حزبوڵا بەکاردەهێندران.
کەشناسی هەرێم رایگەیاند، ئاسمانی ناوچەکە هەوری تەواو دەبێت و بارینی نمە باران و بارانی مامناوەند لە 48 سەعاتی داهاتوودا بەردەوام دەبێت
ئەمڕۆ شەممە، بەڕێوەبەرایەتی گشتی کەشناسی و بومەلەرزەزانی هەرێم پێشبینی بۆ 48 سەعتای داهاتووی کەشوهەوا بڵاوکردوەتەوە و بە گوێرەی پێسبینییەکان، باران بارین بەردەوام دەبێت و پلەکانی گەرماش، بەراورد بە دوێنێ کەمێک بەرز دەبنەوە.
ئاماژەی بەوەشکردوە، مەوداى بینین لەنێوان حەوت بۆ نۆ کیلۆمەتردا دەبێت و خێرای باش لە نێوان 10 بۆ 20 کیلۆمەتردا دەبێت.
لە بارەی کەشێ سبەینێ یەکشەمەشەوە، کەشناسی هەرێم دەڵێت؛ هاوسیوەی ئەمڕۆ ئاسمان هەوری تەواو دەبێت لەگەڵ بارینی نمە بارانی پچڕ پچر بەردەوام دەبێت و پلەکانی گەرماش دوو بۆ سێ پلە بەراورد بە تۆمارکراوەکانی ئەمڕۆ بەرزدەبنەوە
بە گوێرەی پێشبینییەکانیش بەرزترین پلەکانی گەرمای پێشبینیکراو بە پلەی سیلیزی بەم شیوەیە دەبێت؛
هەولێر: 15 پلەی سیلیزی
پیرمام: 11 پلەی سیلیزی
سۆران: 12 پلەی سیلیزی
حاجی ئۆمەران: 4 پلەی سیلیزی
سلێمانی: 13 پلەی سیلیزی
چەمچەماڵ: 14 پلەی سیلیزی
دهۆک: 14 پلەی سیلیزی
زاخۆ: 14 پلەی سیلیزی
هەڵەبجە: 15 پلەی سیلیزی
گەرمیان: 18 پلەی سیلیزی
میدیاکانی ئەمریکا بڵاویانکردەوە، لە ئەنجامی هێرشێکی ئێران بۆ سەر بنکەی ئاسمانیی "شازادە سوڵتان" لە پارێزگای خەرج لە باشوری رۆژهەڵاتی ریازی وڵاتی سعوودیە، لانی کەم 12 سەربازی ئەمریکی بریندار بوون، کە باری تەندروستی دووانیان ناجێگیرە.
بەگوێرەی راپۆرتی رۆژنامەکانی "نیویۆرک تایمز" و "وۆڵ ستریت جۆرناڵ" کە لە زاری بەرپرسانی ئەمریکاوە بڵاویان کردوەتەوە، هێرشەکە لەرێگەی موشەک و چەند فڕۆکەیەکی بێفڕۆکەوانەوە ئەنجامدراوە و لەو کاتەدا بووە کە سەربازەکان لە ناو باڵەخانەیەکی بنکەکەدا بوون.
هەردوو رۆژنامەکە ئاماژەیان بەوەشکردووە، لە هێرشەکەدا چەندین فڕۆکەی سوتەمەنی ئاسمانی زیانیان بەرکەوتووە.
ئەمە لە کاتێكدایە، لە سەرەتای دەستپێکردنی جەنگەکەوە، بە گویرەی ئامارەکانی کە بڵاوکراونەتەوە تا ئێستا 13 سەربازی ئەمریکی کوژراون کە حەوتیان لە وڵاتانی کەنداو و شەشیان لە عیراق بوون و زیاتر لە 300 سەربازی تریش برینداربوون.
سوپای ئیسرائیل رایگەیاند، رێگریان کردوە لە موشەکێکی بالیستیکی، کە لە خاکی یەمەنەوە بەرەو ئیسرائیل ئاراستە کراوە.
ئەمڕۆ شەممە، سوپای ئیسرائیل دوای 29 رۆژ لە جەنگی ئێران، رایگەیاند بۆ یەکەمجار لە یەمەنەوە بە موشەک وڵاتەکەیان کراوەتە ئامانج و لەلایەن سیستمەکانی بەرگری ئاسمانیەوە خراوەتە خوارەوە
میدیاکانی ئیسرائیلیش ئاماژەیان بەوەشکردوە، بەهۆی هەڵدانی موشەک لە یەمەنەوە بۆ ئیسرائیل، دزەنگی ئاگادارکردنەوە لە شارۆچکەی گەشتیاری ئیلات و ناوچەی نەقب لە باشووری وڵاتەکە چالاک کراوە.
ئەم هێرشەی حوسییەکانی یەمەن، لە جەنگی نێوان ئەمریکا و ئیسرائیل بەرانبەر بە ئێران یەکەمین جارە لە دوای 29 رۆژ لە جەنگەکە.
ئەمە لە کاتێكدایە، پێشتر حوسییەکانی یەمەن رایانگەیاندبوو، هەرکات پێویست بکات دێنە ناوجەنگەکەوە و لەگەڵ ئێراندا دەوەستن و بێ لایەن نابن.
وەزیری پەروەردەی هەرێمی کوردستان لەبارەی دەستپێکردنەوەی دەوامی خوێندنگەکان راگەیەنراوێکی نوێی بڵاوکردەوە و دەڵێت، ئەگەر خوێندکارێک نەیەوێت بچێتەوە بۆ خوێندنگە، دەتوانێت بە ئۆنڵاین وانەکانی بخوێنێت و بە نەهاتووش هەژمارناکرێت
ئالان حەمە سەعید وەزیری پەروەردەی هەرێمی کوردستان رایگەیاند، ئەگەر باوانی خوێندکارێک نەیەوێت خوێندکارەکەی بە جەستە (فیزیکی) لە خوێندنگە ئامادەبێت، ئەوا خوێندکارەکە دەوامی ئەو رۆژەی بە نەهاتوو بۆ هەژمارناکرێت.
ئاماژەی بەوەشکردووە، ئەو خوێندکارانەشی ناچنەوە خوێندنگە، بە خوێندکارانی خوێندنگە حکومی و ناحکومییەکانیشەوە، دەتوانن لەرێگەی سیستمی ئۆنڵاینی پەروەردەوە سودمەند بن لە وانە تۆمارکراوەکان.
ئەوەشی روونکردووەتەوە، مامۆستایانیش دەتوانن لەڕێگەی (ئی-هەڵسەنگاندن)ـەوە ئەرکی ماڵەوە بۆ ئەو خوێندکارانە بنێرن کە خوێندنی ئەلکترۆنی (ئۆنڵاین)یان هەڵبژاردووە.
د. لەتیف رەشید سەرۆک کۆماری عیراق پەیوەندییەکی تەلەفونی لەگەڵ مەسعود پزیشکیان سەرۆک کۆماری ئێران ئەنجامدا و تیایدا ەرچەشنە هێرشێکی سەربازی بۆ سەر خاکی عیراق رەتکردەوە
دەقی گفتوگۆی نێوان هەردوو سەرۆک کۆمار:
لە میانەی ئەو پەیوەندییە تەلەفونیەدا، ئێوارەی ڕۆژی چوارشەممە ٢٥-٣- ٢٠٢٦، سەرۆک کۆمار سەرەخۆشی و ماتەمی خۆی گەیاند بە ڕێبەران و گەلی ئێران بۆ شەهید بوونی ئایەتوڵڵا سەماحەتی سەید عەلی خامنەیی و ژمارەیەک لە سەرکردە باڵاکانی ئێران و ژمارەیەک لە مەدەنی بێدیفاع کە لە ئەنجامی ئۆپراسیۆنە سەربازییەکان، بەتایبەتی بە ئامانجگرتنی قوتابخانەیەکی سەرەتایی کچان دەیان کەس بونە قوربانی.
سەرۆک کۆمار هەڵوێستی رەسمی عێراقی دووپاتکردەوە لە ڕەتکردنەوەی جەنگ و نیگەرانیی قوڵی خۆی دەربڕی بەرامبەر پەرەسەندنی ململانێکان و داوای ڕاگرتنی دەستبەجێی دوژمنکارییەکانیکرد و داوایکرد وتووێژ وەک ئامرازێک بۆ چارەسەرکردنی قەیرانەکان بەکاربێت.
سەرۆک کۆمار جەختیکردەوە کە درێژەدان بە جەنگ خزمەت بە بەرژەوەندی هیچ وڵاتێکی ناوچەکە ناکات، بەڵکوو هەڕەشە لە ئاسایش و سەقامگیری خۆرهەڵاتی ناوەڕاست دەکات.
سەرۆک کۆمار ئاماژەی بەوەدا کە عێراق گەل و حکومەتەکەی داوای ئاشتی دەکات و هاوسۆزی خۆی لەگەڵ گەلی دۆستی ئێران دەربڕی و دەستخۆشی لە خۆڕاگرییانکرد لە بەرامبەر دەستدرێژییەکان ، هەروەها ڕوونی کردەوە کە حکومەتی هەرێمی کوردستان و عێراق یەکدەنگن و بە ویستی بەهێز کار دەکەن بۆ پاراستنی سنوورەکانیان و ڕێگرتن لە هەر هەوڵێک بۆ بەکارهێنانی خاکی عێراق بۆ هەڵکشانی گرژییەکان یان هەڕەشەکردن بۆ سەر ئاسایش و سەقامگیری وڵاتانی دراوسێ، لەوانە کۆماری ئیسلامی ئێران.
سەرۆک کۆمار ئیدانەی ئەو هێرشانەی کرد کە هەرێمی کوردستانیان کردۆتە ئامانج و جەختیکردەوە کە ئەم جۆرە کارانە نەک هەر کاریگەری خراپ لە سەقامگیری ناوچەکە دروست دەکەن بەڵکو گرژی و پەرەسەندنەکان زیاتر دەکەن.
سەرۆک کۆمار دووپاتی کردەوە کە عێراق هەرچەشنە هێرشێکی سەربازی بۆ سەر خاکەکەی رەت دەکاتەوە و، بە پێشێلکردنی سەروەری و بە مایەی نیگەرانییەکی گەورە لە قەڵەمی دەدات.
سەرۆک کۆمار جەختیکردەوە لە پێویستی کۆنتڕۆڵکردنی ململانێکان و کارکردن بە پەرۆشەوە بۆ ڕێگریکردن لە فراوانبوونی بۆ وڵاتانی دیکەی ناوچەکە، جەختیکردەوە لە گرنگی ڕاگرتنی دوژمنکارییەکان بۆ پاراستنی ئاشتی ناوچەکە و بەرژەوەندییە هاوبەشەکانی گەلان.
لای خۆیەوو سەرۆک کۆماری ئیسلامیی ئێران، سوپاس و پێزانینی خۆی بۆ سەرۆک کۆمار دەربڕی بۆ هە ست و هەڵوێستی دڵسۆزانەی و دوپاتیکردەوە لەسەر پەیوەندی قووڵ و پتەوی مێژوویی نێوان عێراق و ئێران و پابه ندبوونی وڵاتەکەی بەپتەوکردنی هاریکاری و دۆستایەتی نێوان هەردوو گەل .
سەرۆک کۆماری ئیسلامیی ئێران ویستی خۆی نیشاندا بۆ دامەزراندنی سیستەمێکی یەکێتیی ناوچەیی بوو کە وڵاتانی ناوچەکە لەخۆ بگرێت، کە بەشدار بێت لە پەرەپێدانی پەیوەندیی ئابووری و بازرگانیی و چەسپاندنی هاریکاری و شەراکەتی ڕاستەقینە لە نێوان نەتەوە و گەلان و کردنەوەی ڕێگاکانی پەیوەندی لە نێوانیاندا و بەمەش گەشەپێدان و سەقامگیری ناوچەیی بێتە کایەوە.
بۆ بڕیاردان لەسەر پرۆسەی خوێندن، هەردوو وەزارەتی خوێندنی باڵا و پەروەردە كۆبوونەوە و سێ پێشنیازیشیان ئاڕاستەی ئەنجومەنی وەزیران كرد
سەرچاوەیەك لە وەزارەتی خوێندنی باڵا و توێژینەوەی زانستی هەرێم تایبەت بە كوردساتی راگەیاند، هەردوو وەزارەتی خوێندنی باڵا و پەروەردە بۆ بڕیاردان لەسەر پرۆسەی خوێندن كۆبوونەتەوە و سێ پێشنیازیان بۆ دەستپێكردنەوەی خوێندن خستووەتەڕوو.
وتیشی، پێشنیازی یەكەم درێژكردنەوەی ماوەی یەك هەفتەیە لە پشووی خوێندن بۆ بەرچاوڕونی زیاتر لەسەر رەوشی ئێستای هەرێمی كوردستان و ئاڵوزییەكانی ناوچەكە، پشنیازی دووەمیش ئەوەیە خوێندن بكرێت بە ئۆنلاین، پێشنیازی سێهەمیش دەستپێكردنەوەی دەوامە لەناوەندەكانی خوێندن، بەڵام كەم بكرێتەوە.
سەرچاوەكە ئاماژەی بەوەشكرد، هەموو ئەو پێشنیازانە دەدرێنە ئەنجومەنی وەزیران و ئەوانیش لە ماوەی 24 سەعاتی داهاتوودا بریار لەسەر یەكێك لە پێشنیازەكان دەدەن.
كوردسات نیوز زانیویەتی پێشنیازی درێژكردنەوەی پشوو بۆ ماوەی یەك هەفتە زۆرینەی رای هەردوو وەزارەتی پەروەردە و خوێندنی باڵای لەسەر بووە و بە ئەگەری زۆرەوە ئەو پێشنیازە بڕیاری لەسەر دەدرێت.
وەزیری خوێندنی باڵای هەرێمی کوردستان رایگەیاند، ئەو خوێندکارانەی هەرێم کە لە ئێران دەخوێنن دەتوانن تا 20 رۆژی دیکەش بمێننەوە و دوای تەواوبوونی ئەو 20 رۆژەش، جارێکی دیکە هەڵسەنگاندن بۆ رەوشەکە دەکات و بەوپێیە بڕیاردەدات
وەزارەتی خوێندنی باڵای هەرێمی کوردستان رایگەیاند، بە بڕیاری د. ئارام محەمەد قادر وەزیری خوێندنی باڵای هەرێم، ئەو خوێندکارانەی کە لە ئێران دەخوێنن و بەهۆی نالەباریی رەوشەوە گەڕاونەتەوە هەرێم، رێگەیان پێدەدرێت تا 15ـی 4 بمێننەوە.
لە راگەیەنراوەکەدا ئەوەش هاتووە، لەدوای تەواوبوونی ئەو 20 رۆژەش، وەزارەتی خوێندنی باڵا جارێکی دیکە هەڵسەنگاندن بۆ رەوشەکە دەکات و بڕیار و رێنمایی گونجاو لەوبارەیەوە دەردەکات.
ئەوەش روونکراوەتەوە، لە 28ـی 3 تاکو 15ـی 4 بە ماوەی مانەوە بۆ ئەو خوێندکارانە هەژماردەکرێت و دواتریش کێشەی یەکسانکردنی بڕوانامەکانیان نابێت.
ئێران دەڵێت 350 كەشتی نەوتهەڵگر بۆ تێپەڕین لە گەروی هورمز چاوەڕێی مۆڵەتن و سەرۆكی ئەمریكاش دەڵێت توانیویەتی 10 كەشتی لە گەروی هورمز بپەڕێنێتەوە
ئاژانسی هەواڵی فارس بڵاویكردەوە، ئەو كەشتیانەی هێشتا لە كەنداوی عومان و كەنداوی فارس چاوەڕوانن بۆ تێپەڕێن لە گەروی هورمز، 350 كەشتین و 25یشیان كەشتی گەورەی گواستنەوەی نەوتن و 200 كەشتییان نەوتهەڵگری ئاسایین و 70 كەشتی دیکەش، تایبەتن بە گواستنەوەی غازی سروشتی لە جۆری ئێڵ ئێن جی.
بەپێی راپۆرتێكی شیكاریی میدیای زمانحاڵی ئێرانیش، ئەگەر هەر كەشتییەكی بازرگانی و نەوتهەڵگر بۆ تێپەڕێن لە گەروی هورمز دوو ملیۆن دۆلاری لێوەربگیرێت، داهاتی ساڵانەی ئێران لەو گەروە دەگاتە 20 بۆ 100 ملیار دۆلار، چونكە رۆژانە نزیكەی 150 كەشتی ناچارە بە گەروی هورمزدا تێپەڕبێت.
لەلایەکی دیکەشەوە، دۆناڵد ترەمپ سەرۆكی ئەمریكا رایگەیاند، لە چەند رۆژی رابردوودا ئێرانییەكان پێیانوتووە رێگە دەدەن هەشت كەشتیی نەوتهەڵگر بە گەروی هورمزدا تێبپەڕن، بەڵام دواتر كردویانەتە 10 كەشتی و بە وتەی ترەمپ ئەو هەنگاوە ئاماژەی نیازپاكیی تارانە بۆ دانوستان و رێككەوتن.
وەزیری دەەروەی روسیا بۆ یەکەمجار، بە ئاشکرا پاڵپشتی وڵاتەکەی لە روی کەرەستەی سەربازیەوە بۆ ئێران ئاشکرا دەکات و رەخنەش لە سیاسەتی واشنتۆن دەگرێت، لەبری گفتوگۆ رێگەی سەربازیان هەڵبژاردوە.
سێرگی لاڤرۆڤ، وەزیری دەرەوەی روسیا،رایگەیاند، کە وڵاتەکەی هیچ زانیارییەکی هەواڵگری نادات بە ئێران، سەرەڕای ئەوەی تەواوی شوێنی بنکەکانی ئەمریکا لە ناوچەکەدا دەزانن، جەختیشیکردوەتەوە، ئەوان هاوکاری تارانیان کردوە بە پێدانی کەلوپەل و پێداویستی سەربازی بە گوێرەی ئەو رێککەوتنەی هەیە لە نێوانیاندا.
لە بەشێکی تری قسەکانیدا، وەزیری دەرەوەی روسیا ئاماژەی بەوە کردوە، کە هێرشکردنە سەر بنکەی ئەمریکییەکان و بەرژەوەندییەکانی ئەمریکا لە رۆژهەڵاتی ناوەڕاست دەرەنجامی ئەو "سەرکێشییەیە" کە بەبێ هیچ هۆکارێکی رەوا دەستیپێکردووە.
لاڤرۆڤ رەخنەی لە سیاسەتەکانی واشنتن گرتوە و ئاماژەی بەوەکردوە، کە وڵاتەکەی چەندین جار ئاماژە و پەیامی بۆ ئەمریکا ناردووە سەبارەت بە پێویستی دەستپێکردنی گفتوگۆی جدی بۆ چارەسەرکردنی کێشەکانی ناوچەی کەنداو و رۆژهەڵاتی ناوەڕاست، بەڵام ئەو داوایانە بێ وەڵام ماونەتەوە.
هاتوچۆی هەولێر هۆشداری دەداتە شۆفێران؛ بۆ کاری زۆر پێویست نەبێت مەچنە دەرەوە
هاتوچۆی هەولێر، راگەیەندراوێکی بڵاوکردوەتەوەو تێیدا هاتووە؛ بە هۆی ئەو شەپۆلە بارانە بە خوڕەی شارەکەی گرتوەتەوە ژمارەیەک لە شەقامەکانی شاری ئاو تیایاندا بەرزبوەتەوە و بوەتە هۆی وەستانی جوڵەی هاتوچۆ .
ئاماژەی بەوەشکردوە، بەهۆی بەردەوامی باران بارینی بە لێزمە و بەخوڕ ئەگەری هەیە لە چەند سەعاتی داهاتودا چەند شەقامێکی تریش ئاستی ئاو تێیاندا بەرز ببێتەوە جوڵەی هاتوچۆ تیایاندا بوەستێت.
هاتوچۆی هەولێر داوا لە شۆفێران دەکات، ئەگەر کاری زۆر پێویست نەبێت با شۆفێری نەکەن.
هاتوچۆی هەولێر ناوی ئەو شەقامانەشی بڵاوکردوەتەوە، کە ئێستا هاتوچۆکردن تێیاندا وەستاوە بەهۆی کۆبونەوەی ئاوەوە و داوا دەکات شۆفێران بەکاریان نەهێنن.
1- شەقامی 100 مەتری نزیک فاملی مۆڵ
2- شەقامی شۆڕش بەرزە پردی شۆڕش
3- شەقامی 40 مەتری بازاڕی لەنگە.
4- ڕێگای دارەتوو بنەسڵاوە ئاوێنەی شار
5- پردی بنەسڵاوە شەقامی لاوان.
6 - شەقامی 60مەتری نزیک یاریگای شەهید فرانسۆ هەریری.
وەزارەتی کارەبای هەرێم لە بارەی بەرهەمهێنانی کارەباوە راگەیەندراوێكی بڵاوکردوەتەوە، ئاماژە بەوەدەکات، گرفت بۆ هەناردەکردنی غاز بۆ وێستگەکان دروست بووە و دەبێتە هۆی کەمبونەوەی پێدانی کارەبا بە هاوبەشەکان.
ئەمڕۆ پێنجشەممە، وەزارەتی کارەبا راگەیەندراوێکی بڵاوکردوەتەوە و لە راگەیەندراوەکەی وەزارەتی کارەبادا هاتووە؛ بەهۆی گرفتێکی تەکنیکی، هەناردەی غاز بۆ وێستگەکانی بەرهەمهێنانی کارەبا کەم بوتەوەو ئەمەش دەبێتە هۆی کەمبونەوەی پێدانی کارەبا بە هاوبەشەکان.
وەزارەتەکە دڵنیایی داوەتە هاوبەشانی کارەبا، کە ئەم حاڵەتەکە کاتییە و هەموو لایەنە پەیوەندارەکان لەسەر هێڵن بۆ چارەسەرکردنی گرفتەکە.
ئاماژەی بەوەشکردوە، دوای چارەسەرکردنی گرفتەکە و دوبارە دەستپێکردنەوەی گواستنەوەی غاز بۆ وێستگەکانی بەرهەمهێنانی کارەبا، پێدانی کارەبا بە هاوبەشانی کارەبا ئاسایی دەبێتەوە.
عەباس عراقچی، وەزیری دەرەوەی ئێران، هۆشداری دەداتە هۆتێلەکانی وڵاتانی کەنداو و داوایان لێدەکات لەبەر سەلامەتی و پاراستنی ئاسایشی گشتی، خۆیان بەدوور بگرن لە وەرگرتنی ئەفسەر و سەربازانی سوپای ئەمریکا وەک میوان لەناو هۆتێلەکاندا.
وەزیری دەرەوەی ئێران لە هەژماری رەسمی خۆی لە تۆڕی کۆمەڵایەتی "ئێکس" ئاماژەی بەوە کردووە، لە سەرەتای دەستپێکی جەنگەکەوە، سەربازانی ئەمریکی بنکە سەربازییەکانی خۆیان لە وڵاتانی ئەنجومەنی هاریکاری کەنداو بەجێهێشتووە و پەنایان بۆ هۆتێل و نوسینگە مەدەنییەکان بردووە، ئەمەش بە واتای بەکارهێنانی هاووڵاتیانی ئەو وڵاتانە دێت وەک "قەڵغانی مرۆیی" بۆ پاراستنی خۆیان.
لە بەشێکی تری قسەکانیدا، عراقچی جەختی کردەوە، کە تەنانەت لە ناوخۆی ئەمریکاش هەندێک لە هۆتێلەکان رەتیدەکەنەوە میوانداری ئەو ئەفسەرانە بکەن کە ژیانی میوانە مەدەنییەکان دەخەنە مەترسییەوە.
وەزیرەکەی ئێران دەڵێت؛ پێویستە هۆتێلەکانی وڵاتانی کەنداویش هەمان هەڵوێستیان هەبێت و رێگری بکەن لە نیشتەجێبوونی سەربازانی ئەمریکی لە ناوەندە مەدەنییەکاندا، چونکە لەلایەن ئێرانەوە دەکرێنە ئامانج
دۆناڵد ترەمپ، سەرۆکی ئەمریکا،رایگەیاند، کە تاران زیاتر لە 100 موشەکی ئاراستەی یەکێک لە پارچە دەریاییە "زۆر بەنرخەکانی" ئەمریکا کردووە، بەڵام هەموویان تێکشکێنراون.
ترەمپ ئاماژەی بەوە کرد کە پەلەی نییە بۆ ئیمزاکردنی رێککەوتن لەگەڵ ئێران و جەختی کردەوە کە هێشتا کۆمەڵێک ئامانجی سەربازیی گرنگ لەو وڵاتەدا ماون کە دەیانەوێت پێش کۆتایی هاتنی شەڕەکە بیپێکن، لەوانەش کۆنترۆڵکردنی نەوتی ئێران کە وەک بژاردەیەکی کراوە ناوی برد.
هەروەها ئاشکرای کرد کە سوپای ئەمریکا بەشێکی زۆری کۆگا و کارگەکانی دروستکردنی موشەکی بالیستی و فڕۆکەی بێفڕۆکەوانی ئێرانی تێکشکاندووە.
لە ڕووی وزە و ستراتیژییەوە، ترەمپ باسی لەوە کرد، کە ئەمریکا چیتر پێویستی بە گەروی هورمز نییە، چونکە ئاستی بەرهەمهێنانی نەوتی وڵاتەکەی لە سعودیە و روسیا زیاترە.
ناوبراو ئاماژەی بەوەش کرد، کە داواکردنی هاوکاری لە وڵاتانی ناتۆ بۆ کردنەوەی گەروی هورمز تەنها "تاقیکردنەوەیەک" بووە بۆیان. لە هەمان کاتدا، ترەمپ گومانی خستە سەر پابەندییەکانی ئەمریکا بۆ پاراستنی وڵاتانی ناتۆ لە داهاتودا و رەخنەی توندی لە سەرۆک وەزیرانی بەریتانیا، گرت و وتی: ستارمر کەسێکی باشە، بەڵام تووشی سەرسوڕمانی کردم کاتێک رەتیکردەوە هاوکاری پێشکەش بکات سەرەڕای هەموو ئەو هاوکاریانەی پێشتر پێشکەش بە وڵاتەکەی کراوە.
بە سەرپەرشتی بافڵ جەلال تاڵەبانی سەرۆکی یەکێتیی نیشتمانیی کوردستان، کۆبوونەوەی مەکتەبی سیاسیی یەکێتی بەڕێوەچوو.
لە کۆبوونەوەکەدا رەوشی سیاسیی هەرێمی کوردستان، عیراق و دوایین پەرەسەندنەکانی جەنگ لە ناوچەکە تاوتوێ کرا و سەرۆک بافڵ لەبارەی رەوشەکە بەرچاو روونی پێویستی بە هەڤاڵانی مەکتەبی سیاسیدا.
میدیاکانی ئێران رایانگەیاند، ئێران وەڵامی پێشنیازە 15 خاڵییەكەی ئەمریكای داوەتەوە و داوای راگرتنی هێرشەكان و تیرۆركردنی سەركردەكانی و داوای قەرەبوو لە بەرانبەر هێرشەكان بۆسەر وڵاتەكەی دەکات.
داواکارییەکانی ئێران...
داوای گەرەنتی دەكات كە جارێكیتر هێرشی نەكرێتەوەسەر
چاوەڕوانی وەڵامی لایەنی بەرانبەرە
لەرێی نێوەندگیرەكانەوە وەڵامی پێشنیازە 15 خاڵییەكەی ئەمریكای داوەتەوە
داوای راگرتنی هێرشەكان و تیرۆركردنی سەركردەكانی دەكات
داوایكردووە كۆتایی شەڕ لە هەموو بەرەكان و لە تەواوی ناوچەكەدا جێبەجێ بكرێت
داوای قەرەبوو دەكات لە بەرانبەر هێرشەكان بۆ سەر وڵاتەكەی
سەروەری ئێران بەسەر گەرووی هورمزدا مافی سروشتی و یاسایی ئێران بووە و دەبێت
داوای گەرەنتی دەكات كە جارێكیترهێرشی نەكرێتەوەسەر و چاوەڕوانی وەڵامی ئەمریكایە