هەواڵەکان
عامر شوانی وتەبێژی بەرێوەبەرایەتی پۆلیسی کەرکوک رایگەیاند، ھێزەکانی نەھێشتنی تاوان لەکەرکوک تاوانێکی کوشتنیان لەگەرەکی راپەرینی شاری کەرکوک ئاشکرا کردوە و ئەنجامدەرەکەشیان دەستگیرکردوە.
وتەبێژی بەرێوەبەرایەتی پۆلیسی پارێزگای کەرکوک راشیگەیاند، ھەفتەی رابردوو حاڵەتێکی کوشتن لەنێو گەرەکی راپەرینی شاری کەرکوک ئەنجامدراوە و ھێزەکانیان دەستیان بەلێکۆڵینەوە لەرووداوەکە کردوە.
عامر شوانی وتەبێژی پۆلیسی کەرکوک وتیشی، دوای ئاگادارکردنەوەیان لەلایەن ھاوڵاتیانەوە لیژنەیەکیان بۆ لێکۆڵینەوە لەو روداوە پێکھێناوە و توانیویانە لەماوەیەکی کورتدا ئەنجامدەری تاوانە بدۆزنەوەو دەستگیری بکەن کەخزمی کوژراوەکەیە.
وتەبێژی پۆلیسی کەرکوک راشیگەیاند، ئەو کەسەی تاوانەکەی ئەنجامداوە خەسووی کەسە کوژراوەکەیە.
رونی کردەوە، رووداوەکە بەو ھۆیە روویداوە کێشەی خێزانی لەنێوان زاواکە و ماڵی خەسویدا ھەبوە و خەسۆکە فرسەتی ھێناوە زاواکەی بەفیشەک لەماڵەکەیاندا کوشتوە و دەست بەسەر ئەو چەکەشدا گیراوە کەتاوانەکەی پێ ئەنجامدراوە.کەسی کوژراو و تاوانبارەکەش لەپێکھاتەی عەرەبن.
لیژنەی وزە و سامانە سروشتییەکانی پەرلەمانی کوردستان لە بارەی کێشە و کەمیی بەرھەمھێنان و گرانی نرخی نەوت و غاز کۆبوونەوە.
بە پێی ڕاگەیەنراوێکی کۆبوونەوەکە بڕیاردراوە یاداشتێک لە بارەی چاودێریکردنی کوالیەتیی غاز و کەمکردنەوەی نرخ و دادپەروەری لە دابەشکردنیدا لە شارەکانی ھەرێم ئاڕاستەی حکومەت بکات، بۆ ئەوەی پشکی ھاووڵاتییان پارێزراو بێت و بە ڕێگەی بازرگانی نەفرۆشرێت.
ڕاشیگەیاندووە، دەبێت کارگەکان و کۆمپانیاکانی بەرھەمھێنانی غاز پابەند بکرێن بە دروستکردنی کۆگا بۆ عەمبارکردنی غاز لە کۆگاکانیاندا بۆ ئەوەی لە کاتی پێویست سوودی لێ وەربگیرێت، یاداشتێکیش لە بارەی چاودێریکردن و کەمکردنەوەی نرخی نەوتی سپیی ماڵان لە بەرژەوەندیی گشتیی ھاووڵاتییان، ئاڕاستەی حکومەت دەکات.
نوری مالیکی سەرۆکی ھاوپەیمانی دەوڵەتی یاسا و ئەیاد عەلاوی سەرۆکی ھاوپەیمانی نیشتمانیی کۆبوونەوە، بە پێی ڕاگەیەندراوی نووسینگەی مالیکیش ھەردوولا کۆک بوون لەسەر ئەوەی یەکەم دانیشتنی ئەنجومەنی نوێنەرانی عێراق و ھەڵبژاردنی دەستەی سەرۆکایەتی نایاسایی و نادەستوری بووە.
بە پێی ڕاگەیەندراوەکە، مالیکی لە کۆبوونەوەکەدا باسی لەوە کردووە، لە بارەی ئەو کارە نایاساییانەی لە کاتی ھەڵبژاردنی دەستەی سەرۆکایەتی ئەنجام دراون سکاڵایان بۆ دادگای فیدراڵی بەرزکردووەتەوە و بە ھیوان دادگاکە وەڵامی سکاڵاکان بداتەوە.
چوارچێوەی ھەماھەنگی شیعەکان بە سەرۆکایەتی مالیکی ناڕازی بوون لە چۆنیەتی ھەڵبژاردنی دەستەی سەرۆکایەتی ئەنجومەنی نوێنەران و بایکۆتی دانیشتنەکەیان کردبوو.
زاملی لە کۆبوونەوەی لەگەڵ ئەندامە نوێیەکانی ئەنجومەنی نوێنەران ئاماژەی بەوە کردووە، ڕێگە نادەن وەک خولەکانی پێشوو پەرلەمانتاران ئامادەی دانیشتنەکان نەبن و سنورێک بۆ نائامادەیی پەرلەمانتاران دادەنێن.
وتیشی، ئامانجیان ئەوەیە ئەم خولە لە سەرجەم خولەکانی تر چالاکتر بێت و بە باشی چاودێری حکومەت دەکەن.
لە خولی پێشوودا ڕەخنە لە ئامادەنەبوونی پەرلەمانتاران لە دانیشتنەکانی ئەنجومەنی نوێنەران گیرا و بە پێی ھەندێک ڕاپۆرتیش بەشێک لە پەرلەمانتاران بە درێژایی چوار ساڵەکە یان ھیچ قسەیەکیان نەکردووە یان کەمترین قسەیان کردووە.
حکومەتی ئەڵمانیا ڕایگەیاندووە، ئەنجومەنی وەزیران ماوەی ئەرکی سەربازانی وڵاتەکەی لە عێراق لە چوارچێوەی بەرەنگاربوونەوەی داعش بۆ ٩ مانگی تر، تا ٣١ی تشرینی یەکەمی ٢٠٢٢ درێژدەکاتەوە، کە ژمارەی سەربازەکانی لە عێراق ٥٠٠ سەربازە و ئەرکەکانیان تایبەتە بەمەشق و ڕاھێنان و پێدانی ڕاوێژی سەربازیی بە سوپای عێراق و ھێزەکانی پێشمەرگە.
ڕاشیگەیاندووە، ڕۆژی ھەینی ئەو بڕیارە لە ئەنجومەنی یاسادادانی فیدراڵی ئەڵمانیا پەسەند دەکرێت و بە ڕەسمی بڕیاری مانەوەی ھێزەکانی لە عێراق ڕادەگەیەنێت.
یەنس ستۆڵتنبێرگ سکرتێری ھاوپەیمانی ناتۆ ڕایگەیاند، سەرەڕای کۆبوونەوەکانیان لەگەڵ ڕووسیا، بەڵام تا ئێستا ناکۆکیی قوڵ لە نێوان مۆسکۆ و ئەندامانی ڕێکخراوەکەیان ھەیە لە بارەی دۆسیەی ئۆکراین و سەرجەم ئەندامانی ناتۆش لە ھەڵوێستەکانیان لە بارەی مۆسکۆ ھاوبەش و یەکگرتوون.
وتیشی، لەگەڵ ئەوەی لە بڵاوبوونەوەی ھێزەکانی ڕووسیا لەسەر سنوری ئۆکراین نیگەرانن بەڵام ھەوڵی تەواو دەدەن کێشەکان چارەسەر بکەن و نەکەونە ململانێوە لەگەڵ مۆسکۆ.
وەزارەتی دەرەوەی ئەمریکاش لە بارەی ناکۆکییەکان لەگەڵ ڕووسیا لەسەر ئۆکراین ڕایگەیاندووە، ھۆشدارییان بە ڕووسیا داوە ئەگەر ھێرش بکاتە سەر ئۆکراین باجێکی گەورە دەدات.
جێی ئاماژەیە، ھەڵمەتەکە بەردەوامە و ھەر کەس و لایەنێک سەرپێچی بکات ڕووبەڕووی سزای یاسایی تووند دەبێتەوە.
ھۆشیار زێباری ئەندامی مەکتەبی سیاسیی پارتی دیموکراتی کوردستان، خۆی بۆ پۆستی سەرۆک کۆماری عێراق کاندید کرد و بەڵگەنامە ڕەسمییەکانی پێشکەشی ئەنجومەنی نوێنەران کرد.
سبەینێ پێنج شەممە دوا وادەیە بۆ خۆکاندیکردن بۆ پۆستی سەرۆک کۆماری عێراق و تا ئێستاش چەند کەسێک خۆیان بۆ ئەو پۆستە کاندید کردووە.
ئاسۆ کەمال، بەڕێوەبەری کەشناسی و بومەلەرزەزانی سلێمانی بە کوردسات نیوزی ڕاگەیاند، سەعات ٩ و ٢٩ خولەکی شەوی ڕابردوو بومەلەرزەیەک بە گوڕی ٤.٣ و بە قوڵایی ٧٢ کیلۆمەتر سلێمانی و ناوچەکانی دەورووبەری ھەژاند.
دواتریش چوار بومەلەرزەی تر بە گوڕ و قوڵایی جیاواز سلێمانی و ناوچەکانی دەورووبەری ھەژاند.
بە پێی زانیارییەکان بومەلەرزەکان ھیچ زیانێکی گیانیان نەبووە، بەڵام زیانی بە خانووی بەشێک لە ھاوڵاتیان گەیاندووە.
سوپای کۆریای باشور ڕایگەیاند، "پیۆنگ یانگ" مووشەکەکەی لە کەناراوەکانی خۆرھەڵاتەوە ئاڕاستەی دەریا کردووە و ھەفتەیەک لەمەوبەریش مووشەکێکی تری تاقیکردەوە کە خێراییەکەی لە خێرای دەنگ زیاتر بووە، ئەوەش دووەمین مووشەکە کە ئەو وڵاتە لە سەرەتای ئەمساڵەوە تاقیبکاتەوە.
ھاوکات ھێزە کەناراوەکانی ژاپۆن ڕایانگەیاندووە، ئاگاداری تاقیکردنەوەی مووشەکێکی کۆریای باکور بوون، کە ھاوشێوەی مووشەکی بالیستی بووە.
ئەو تاقیکردنەوەیەش تەنھا چەند سەعاتێک دوای ڕاگەیەندراوێکی ھاوبەشی ئەمریکا و بەریتانیا و فەڕەنسا و ژاپۆن و ئێرلەندا و ئەلبانیا ھات، کە داوایان لە کۆریای باکور کردبوو چالاکییەکانی بۆ ناسەقامگیرکردنی ڕەوشی ناوچەکە ڕابگرێت.
لێپرسراوانی ڕووسیا لە دانوستانەکانیاندا لەگەڵ لێپرسراوانی ئەمریکا لە "ژنێڤ" ڕایانگەیاندووە، مۆسکۆ ھیچ نیازێکی نییە بۆ داگیرکردنی ئۆکراین و ھەردوولاش ڕێککەوتوون بۆ کەمکردنەوەی ئاڵۆزییەکان لە ناوچەکە، بەڵام چەند سەرچاوەیەکیش باس لەوە دەکات کە تا ئێستا گۆڕانکاری گەورە لەو دانوستانانە ڕووی نەداوە، کە لە ڕۆژی دووشەممەوە لە "ژنێڤ" دەستیپێکردووە.
ھاوکات "جین ساکی" وتەبێژی کۆشکی سپی ڕایگەیاندووە، دوو بژاردە لە بەردەم "ڤلادمیر پوتن" سەرۆکی ڕووسیادایە کە ئەوانیش گرتنەبەری ڕێگە چارەی دیپلۆماسی و ئاڵۆزترکردنی ڕەوشەکەیە.
وتیشی، کشانەوەی ھێزەکانی ڕووسیا کاریگەری دەبێت لەسەر ھێورکردنەوەی ڕەوشەکە.
"سەعد کامیل لامی" بەڕێوەبەری تەندروستی کەرخ لە بەغداد ڕایگەیاند، دوو تووشبووەکە لە نێو وەفدە دیپلۆماسیەکاندا بوون و دوای ئەنجامدانی پشکنین دەرکەوتووە ھەڵگری کۆرۆنای ئۆمیکرۆنن.
ئەوە لە کاتێکدایە لە ھەرێمی کوردستانیش پێنج حاڵەتی تووشبوون بە ئۆمیکرۆن تۆمارکراوە کە سەرجەمیان لە پارێزگای دھۆکن.
لەلایەکی تریشەوە بەڕێوەبەری جێبەجێکاری کۆمپانیای فایزەر ڕایگەیاندووە، ئەگەر پێویست بکات و بڵاوبوونەوەی ئۆمیکرۆن بەمشێوەیەی ئێستا بەردەوام بێت، ئەوا لە مانگی ئاداردا ڤاکسینی تایبەت بە ڕووبەڕووبوونەوەی ئۆمیکرۆن بەردەست دەبێت.
کۆمپانیای مۆدێرناش ڕایگەیاندووە، لە پایزی داھاتوودا ڤاکسینی تایبەت دژ بە ئۆمیکرۆن بەرھەم دەھێنن و بەمنزیکانە تاقیکردنەوەکان دەست پێدەکەن.
پەیامنێری کوردسات نیوز لە بەغداد ڕایگەیاند، چوارچێوەی ھەماھەنگی شیعەکان و مەحمود مەشھەدانی سەرۆکی یەکەم دانیشتنی ئەنجومەنی نوێنەران و پەرلەمانتارێکی تریش لە دادگای فیدراڵی سکاڵایان تۆمارکردووە و دانیشتنەکەیان بە پێچەوانەی دەستور و پەیڕەوی ناوخۆ ناوبردووە.
ڕوونیشیکردەوە، چوارچێوەی ھەماھەنگی شیعەکان چاوەڕێی بڕیاری دادگای فیدراڵییە بۆ پیشاندانی ھەڵوێستی نوێ.
ئەوەش لە کاتێکدایە سەرۆکایەتی ئەنجومەنی نوێنەرانی عێراق دەرگای خۆکاندیدکردنی بۆ پۆستی سەرۆک کۆمار کردووەتەوە و داوایکردووە ھەر کەسێک مەرجە کەسییەکانی تێدایە لە ماوەی سێ ڕۆژدا داواکاری پێشکەش بکات.
نوسینگەی یاسایی دەستەی دەستپاکی عێراق لە ڕاگەیەندراوێکدا بڵاویکردەوە، لە ساڵی ڕابردوودا و بە بڕیاری دادگا توانراوە بڕی ٢٦ ملیۆن و ٢١٥ ھەزار دۆلار بە شێوەی گواستراوە و نەگواستراوە بگەڕێندرێنەوە کە بە شێوەی نایاسایی لەلایەن تۆمەتبارانەوە بەدەستھاتووە.
ڕاشیگەیاند چەندین لایەن ھاوکار بوون لە گەڕانەوەی ئەو پارەیە بە تایبەت نوسینگەی لێکۆڵینەوە و چاودێری.
لیژنەی ڕووبەڕووبوونەوەی گەندەڵیش ڕایگەیاندووە، لە عێراق بڕی ٣٦٠ ملیار دۆلار بە تاڵان براون، گەڕانەوەشیان لە ڕێی نوسینگەی گەڕانەوەی پارە لە دەستەی دەستپاکی و سندوقی گەڕانەوەی پارەکان بەڕێوەدەبرێت.
بە پێی مەرسومێکی سەرۆک کۆماری عێراق، کە لە ڕۆژنامەی وەقائیعی عێراقدا بڵاوکراوەتەوە، ٣٢٤ ئەندامی خولی پێشووی ئەنجومەنی نوێنەران خانەنشین کران، وێنەیەکی نوسراوەکە ئاڕاستەی وەزارەتی دارایی و ئابووری عێراق کراوە بۆ جێبەجێکردن و لە رۆژی ١٠ی ئەم مانگەوە چووەتە بواری جێبەجێکردنەوە و ھەر پەرلەمانتارێکی خانەنشینیش ٧ بۆ ٨ ملیۆن دینار وەردەگرێت.
ڕۆژی ٧ی تشرینی یەکەمی ساڵی ڕابردوو، خولی چوارەمی ئەنجومەنی نوێنەرانی عێراق ھەڵوەشایەوە و ڕۆژی یەکشەممەی ڕابردووش خولی نوێی ئەنجومەنی نوێنەران یەکەم کۆبوونەوەی ئەنجامدا.
"قاسم جومارت توکاییف" سەرۆکی کازاخستان لە بەردەم پەرلەمانی وڵاتەکەیدا "عەلی خان سماعیلۆڤ"ی کاندید کرد بۆ وەگرتنی پۆستی سەرۆک وەزیران و بە زۆرینەی دەنگی پەرلەمانتاران ئیسماعیلۆڤی تەمەن ٤٩ ساڵ کە پێشتر جێگری یەکەمی سەرۆک وەزیران بووە، وەک سەرۆک وەزیرانی نوێ پەسەند کرا.
ھاوکات سەرۆکی کازاخستان کۆتاییھاتنی ئەرکی سەربازیی ھێزەکانی پاراستنی ئاشتی لە وڵاتەکەیدا ڕاگەیاند کە بە سەرۆکایەتی ڕووسیا بۆ ئاساییکردنەوەی ڕەوشی کازاخستان ڕەوانەی ئەو وڵاتە کرابوون، بە وتەی توکاییف لە دوو ڕۆژی داھاتوودا ئەو ھێزانە دەست بە کشانەوە دەکەن.