هەواڵەکان
" نوخشە ناسیح " قایمقامی قەزای مەڵبەندی پارێزگای هەڵەبجە بە "كوردسات نیوز"ی راگەیاند، لەسەرەتای هەفتەی داهاتوو دابەشكردنی نەوتی سپی لە هەڵەبجە دەستپێدەكات و هەر خێزانێك یەك بەرمیل نەوت وەردەگرێت و لە بەرامبەر هەر بەرمیلێكیش بڕی 90 هەزار دینار وەردەگیرێت.
دەقی پەیامەکە :
بەڕێزان خوشک و برایانی کاکەیی
بەبۆنەی ھاتنی جەژنی سێ شەوەی (یارانی قەوڵتاس) ، جوانترین و گەرمترین پیرۆزبایی ئاڕاستەی خوشک و برا کاکەییەکانی ھەرێمی کوردستان و جیھان دەکەم، ھیوادارم ئەم جەژنە بەوپەڕی خۆشی و کامەرانی بەڕێ بکەن.
کاکەییەکان پێکھاتەیەکی گرنگ و رەسەنی نەتەوەکەمانن، ھەمیشە ئاشتی و یەکترقبوڵکردنیان کردۆتە پەیامی سەرەکی ژیانیان، بەشانازییەوە رۆڵێکی کاریگەر و بەرچاویان لەشۆڕش و تێکۆشانی نەتەوەکەماندا ھەبووە، بۆیە جەخت دەکەینەوە کە پاراستنی ماف و ئازادییە ئاینی و مەدەنیەکانیان ئەرکی لەپێشینەمان دەبێت.
دووبارە جەژنتان پیرۆزبێت
دەقی پەیامەکە :
کاکەییەکان کە پێکھاتەیەکی رەسەن و گرنگی گەلەکەمانن، لە مێژووی دێرین و نوێشدا ھەمیشە لە ریزی پێشەوەی خەبات بوون و رۆڵی جوامێرانەیان لە پێکەوەژیانی ئاینی و کۆمەڵایەتی کوردەواریدا بەرز دەنرخێنین.
ئەمشەو خوشک و برایانی کاکەیی کە جەژنی سێ شەوەی (یارانی قەوڵتاس) بەڕێدەکەن، وێڕای گەرمترین پیرۆزباییمان بەم بۆنەیەوە، ئومێدەوارم لە کەشێکی ئارام و خۆشیدا ئەم جەژنە بکەنەوە و ئەمشەو ببێتە مایەی تەبایی و قوڵکردنەوەی برایەتی و خۆشەویستی زیاتر لەناو گەلەکەماندا.
یەکێتیی نیشتمانیی کوردستان وەک ھەمیشە پارێزەر و پشتیوانی بەدیھێنانی مافەکانتان دەبێت و پارێزگاری لە تایبەتمەندی ئاینیی کاکەیی و ئاینزاکان و پێکھاتەکانی تری نەتەوەکەمان دەکات، کە بە سەدان ساڵە لەم کوردستانەدا پێکەوە دەژین و لێبووردە لەبەرامبەر جیاوازییەکان بە ئاشتییانە و برایانە ژیان بەڕێدەکەن.
دووبارە پیرۆزبایی ئەم جەژنەتان لێدەکەین .
ھەر شاد و سەربەرز و سەرکەتووبن
دڵسۆزتان
بافڵ جەلال تاڵەبانی
١٧ی ١ی ٢٠٢٢
بەڕێوبەرایەتی گشتی تەندروستی سلێمانی ئاگاداری ھاوڵاتیانی شاری سلێمانی و دەورووبەری دەکاتەوە سەرەڕایی ڕاگەیاندنی پشوولە پارێزگای سلێمانی ناوەندی پێدانی ڤاکسین لەبەڕێوبەرایەتی خۆپاراستنی تەندروستی سلێمانی ڕۆژانە لە سەعات " ٨ - بۆ - ٥ "ی ئێوارە، کراوە دەبیت بەڕووی ھاوڵاتیاندا.
پڕۆسەی دادگایکردنی عوسمان کاڤاڵا، بازرگان و چالاکوانی بواری مافەکانی مرۆڤ لە دادگای تاوانە قورسەکانی ئیستەنبوڵ بەڕێوەچوو، بەپێی ھەواڵی میدیاکانی تورکیا کاڤاڵا ئامادەی دادگاییکردنەکە نەبووە و دادگاش بڕیایداوە ماوەی دەستبەسەرکردنی درێژ بکاتەوە و دانیشتنی دواتریش لە مانگی شوبات بەڕێوەبچێت.
کاڤاڵا لە تشرینی یەکەمی ٢٠١٧ دەستگیرکرا، لە تشرینی دووەمی ھەمان ساڵ بە تۆمەتی بەشداریکردن و بەلاڕێدابردنی خۆپیشاندانەکانی پارکی گەزی دەستگیرکرایەوە و دواتریش بە تۆمەتی ھەوڵدان بۆ ڕوخاندنی حکومەت و دەستوری تورکیا دەستبەسەر کرا.
تا ئێستا چەند جارێک دانیشتنی دادگایکردنی کاڤاڵا و بەڕێوەچووە و سەرەڕای بڕیاری دادگای مافەکانی مرۆڤی ئەوروپاش بۆ ئازادکردنی بەڵام تورکیا ئامادە نییە ئازادی بکات.
دەقی پەیامەکە :
بەبۆنەی جەژنی سێ شەوەی یاران(جەژنی قەوڵتاس)، پیرۆزباییەکی گەرم لەخوشک و برایانی کاکەیی و سەرجەم یارسانەکان لەھەرێمی کوردستان و جیھان دەکەم، ھیواخوازم ئەم جەژنە بە خۆشی و کامەرانی و ئاسوودەیی بەسەرببەن.
خوشک و برایانی کاکەیی وەک پێکھاتەیەکی رەسەنی کۆمەڵگەکەمان، رۆڵی گرنگیان لە خەباتی گەلەکەماندا گێڕاوە و قوربانیدانەکانیان لەوپێناوەشدا ھەرگیز لەیاد ناکرێت.
لەم بۆنەیەدا جەخت لە پشتیوانی و پاڵپشتیمان بۆ پاراستنی ماف و ئازادییە ئاینییەکانتان دەکەمەوە، پارێزگاریکردن لە کلتووری پێکەوەژیان و یەکترقبوڵکردنیش کە یەکێکە لە شوناسەکانی ھەرێمی کوردستان، کاری لەپێشینەمان دەبێت.
ھەر لە جەژن و ئارامیدابن
دەقی پەیامەکە :
پەیامی سەرۆک بەرھەم بەبۆنەی جەژنی سێ شەوەی یارانی قەوڵتاس-ی کاکەییەکان
گەرمترین و جوانترین پیرۆزبایی لە خوشک و برا کاکەییەکان دەکەم بەبۆنەی ھاتنەوەی جەژنی سێ شەوەی یارانی قەوڵتاس، ھیوادارم ھەمیشە شاد و بەختەوەر و سەرفراز بن.
کاکەییەکان بەشێکی رەسەن و گرنگی پێکھاتەکانی عێراقن و رۆڵ و خەباتیان دیار و بەرچاوە وەک ھەموو پێکھاتەکانی دیکە.
ئومێد دەکەم ئەم بۆنەیە بکەینە دەرفەتێک بۆ قووڵکردنەوەی یەکتر قبوڵکردن و پێکەوەژیان و یەکخستنی یەکڕیزی و سازان بە ئاڕاستەی ھێنانەئاراوەی دادپەروەری و خۆشگوزەرانی بۆ سەرجەم گەلی عێراق.
دەقی پەیامەکە :
ڕۆڵی ئێوە وەک خزمانی کاکەیی لە خەباتی ڕەوای گەلەکەمان و گشت کایەکانی کۆمەڵی کوردەواریدا ھەمیشە پێشەنگ بووە، لە قوربانیدان و لە خزمەتکردنیشدا ، ئێمەش وەک یەکێتیی لەم بۆنەیەدا و ھەمیشە پشتیوانی لە داواکاری و مافەکانتان دەکەین لە دەربڕینی سروتە ئایینی و تایبەتیەکانتان کە بەشێکە لە ھەمەڕەنگی کوردەوارییەکەمان .
جارێکی تر ھەموو رۆژێکتان ھەر خۆشی و کامەرانی بێت.
والی شاری "ئەسەد ئاباد" لە پارێزگای "ھەمەدان" رایگەیاندووە، دەنگێکی بەرز بیستراوە لە ئاسمانی ناوچەکە و ھیچ زانیارییەکیشیان سەبارەت بە تەقینەوە و ھەر رووداوێکی تر پێنەگەیشتووە، تا ئێستاش لێکۆڵینەوە لە رووداوەکە دەکەن.
بەشێک لە سەرچاوەکانیش باس لەوە دەکەن ئەو تەقینەوانەی بیستراون بۆ مانۆڕی سەربازی و تاقیکردنەوەی سیستمی دژی مووشەکی ھێزە چەکدارەکانی ئێران دەگەڕێتەوە.
بڕیاریشە ئەمڕۆ ھاوپەیمانی فەتح کۆبێتەوە و ناوەڕۆک و ئەنجامی کۆبوونەوەکەی نێوان "سەدر و عامری" تاوتوێ دەکەن.
کۆتاییەکانی ساڵی رابردوو دادگای باڵای فیدڕاڵیی عێراق، ئەنجامەکانی ھەڵبژاردنی پێشوەختی پەسەند کرد، بەڵام ھێشتا گەورەترین کوتلە لە ئەنجومەنی نوێنەران، بۆ پێکھێنانی کابینەی نوێی حکوومەت یەکلایی نەبووەتەوە و ھەریەکە لە رەوتی سەدر و چوارچێوەی ھەماھەنگیی شیعە، بە جیا خۆیان وەک گەورەترین کوتلەی پەرلەمانی دەناسێنن.
سەرچاوەکان باس لەوەش دەکەن ھێزەکانی تورکیا وەڵامی ئەو ھێرشە مووشەکییەیان داوەتەوە بەڵام زانیاری زیاتر نەخراوەتەڕوو.
وەزارەتی تەندروستی ئێران لە راگەیەنراوێکدا ئاماژەی بەوەکردووە ، سێ ھاوڵاتی لە شارەکانی تەبرێز و یەزد و شەھرکورد، بە ئۆمیکرۆن گیانیان لە دەستداوە، لە ئەھوازیش چەند کەسێک دوای تووشبوونیان بە ئۆمیکرۆن باری تەندروستیان لە مەترسیدایە.
بە پێی زانیارییەکانی وەزارەتی تەندروستی ئێران، تا ئێستاش ١١٦٢کەس دووچاری ڤایرۆسەکە بوون.
