هەواڵەکان
سودانی رێنمایی دەركرد بۆ بە بانكیكردنی موچەی فەرمانبەرانی كەرتی تایبەت و سەرجەم وەزارەت و فەرمانگە حكومییەكانیشی راسپارد، دەستبەرداری مامەڵەكردن بە پارەی نەختینە بن و رووبكەنە بەكارهێنانی سیستمی پارەدانی ئەلیكترۆنی.
نوسینگەی سەرۆك وەزیرانی عیراق بڵاویكردەوە، لەچوارچێوەی چاكسازییە دارایی و ئابورییەكانی كارنامەی حكومەت، محەمەد شیاع سودانی، رێنمایی دەركردووە بۆ بەبانكیكردنی موچەی فەرمانبەرانی كەرتی تایبەت و بۆ ئەو مەبەستەش، وەزارەتی كار و كاروباری كۆمەڵایەتی و بانكی ناوەندی و چەند دامەزراوەیەكی كەرتی تایبەتی راسپاردووە، میكانیزمێك بۆ بەبانكیكردنی موچەی فەرمانبەرانی كەرتی تایبەت ئامادەبكەن.
ئەوەشی خستووەتەڕوو، سودانی سەرجەم وەزارەت و فەرمانگە حكومییەكانی راسپاردووە، لەڕێی پلانێكی تۆكمەوە دەستبەرداری مامەڵەكردن بە پارەی نەختینە بن و رووبكەنە بەكارهێنانی سیستمی پارەدانی ئەلیكترۆنی، دوایین وادەش بۆ جێبەجێكردنی ئەو راسپاردەیە، رۆژی ١ـی تەمموزی ٢٠٢٥ـە.
بەمەبەستی بەشداربوون لە پڕۆسەی سەرژمێری گشتی وەك بژمێر، دەستەی ئاماری هەرێم ماڵپەڕی پێشكەشكردنی فۆڕمی ئەلیكترۆنی رادەگەیەنێت.
وەزارەتی پلاندانانی هەرێم رایگەیاند، ماڵپەڕەكە لە ڕۆژانی 6،7،8ی ئەم مانگە كارا دەكرێت و تیایدا ڕێنمایی و مەرجی پێشكەشكردن خراوەتەڕوو بۆ هەموو دەرچوویەكی زانكۆ و پەیمانگا كە بە ویستی خۆیان فۆڕم پێشكەش بكەن.
وتیشی ئەو هەنگاوە ئەوەش لە چوارچێوەی ئامادەكارییەكانە بۆ ئەنجامدانی كاری مەیدانی پڕۆسەی سەرژمێری گشتی دانیشتوان كە لە ڕۆژانی 16-17-18-19 ئەم مانگە دەسپێدەكات.
بەپێی رێنماییەكان، پێشكەشكار دەبێت لە سنوری نیشتەجێبوونی خۆی و تەنها یەك جار فۆڕم پێشكەش بكات لەگەڵ ئەوەشدا مەرج نییە هەموو پێشكەشكارێك ناوی بگەرێتەوە وەك بژمێر، چونكە بەپێی پێداویستی و ژمارەی دیاریكراو لەسەر ئاستی گەڕەك و گوند دەستنیشانی پێشكەشكاران دەكرێت.
کارەبای سلێمانی رایدەگەیەنێت، نرخی یهك ئهمپێر كارهبای موهلیدهی ئههلی گهڕهكهكان بۆ مانگی ١٠ لهناو سەنتەری شارەکە لهنێوان حەوت هەزار بۆ هەشت هەزار دیناره.
بهڕێوهبهرایهتی گشتی كارهبای سلێمانی لە راگەیەنراوێکدا بڵاویکردەوە، بهپێی نرخی سووتهمهنی له بازاڕهكاندا نرخی ههر سەعاتێک کارەبای موەلیدە بۆ یهك ئهمپێر ٤٣ دینارە، بهمهش نرخی یهك ئهمپێر كارهبای موهلیدهی ئههلی گهڕهكهكان لهناو شاری سلێمانی لهنێوان ٧ هەزار بۆ ٨ هەزارە دیناره.
ئاماژەی بۆ ئەوەشکرد، بەو پێیەی موەلیدەکان لەنێوان ١٦٥ بۆ ١٨٥ سەعات کاریانکردووە، بههۆی جیاوازی كارکردنیان نرخی ئهمپێرێك له گهڕهكێك بۆ گهڕهكێكی دیكه جیاواز دهبێت.
هاوکات کارەبای سلێمانی سەبارەت بە خشتهی كارپێكردنی موهلیده ئەهلییەکانی رایگەیاند، بۆ مانگی تشرینی دووەم رۆژانە لە سەعات ١٢ـی نیوەڕۆ تا ١ـی شەو کاردەکەن، لە سەعات ١ـی شەو دەکوژێتەوە تا ٦:٣٠ ی بەیانی، سەعات ٣ـی بەیانی تا ٨ـی بەیانی کاردەکەن، سەعات ٨ـی بەیانی تا ١٢ـی نیوەڕۆ کارناکەن.
وتیشی، رۆژانی هەینی و شەممە موەلیدە ئەهلییەکان بەیانیان کارناکەن، لەبری بەیانیان سەعات ١١ـی پێشنیوەڕۆ کاردەکەن.
هاوکات لیژنهی دیاریكردنی نرخی موهلیده ئههلییهكان جهختیان لهوهكردووهتهوه كه لهكاتی كوژاندنهوهی كارهبای نیشتیمانی نابێت كارپێكردنی موهلیده و پێدانی كارهبا بههاووڵاتیان له پێنج خولهك زیاتر بخایهنێت، بهپێچهوانهوه خاوهن موهلیدهكه سزادهدرێت.
وەزیری دارایی عیراق ئیمزای لەسەر لیستی موچەی مانگی 10 ی فەر مانبەرانی هەرێم كرد، سەرچاوەیەك لە وەزارەتی دارایی دەڵێت، كۆتایی ئەم هەفتەیە یاخود سەرەتایی هەفتەی داهاتوو پارەی موچە رەوانەی هەرێم دەكرێت.
سەرچاوەیەك لە وەزارەتی دارایی عیراق بە كوردسات نیوزی راگەیاند، تەیف سامی وەزیری دارایی عیراق ئیمزای لەسەر لیستی موچەی موچەخۆرانی هەرێمی بۆ مانگی 10 كردوە، رەوانەی یەكەی ژمێریای كردوە بۆ دەستپێكردنی وردبینی لە لیستی موچەی هەرێم.
وتیشی، ئەگەر هیچ كێشەیەك بۆ لیستی موچە نەیەتە پێشەوە، كۆتایی ئەم هەفتەیە یاخود سەرەتایی هەفتەی داهاتوو پارەی موچەی مووچەخۆرانی هەرێم رەوانە دەكرێت.
ئەو سەرچاوەیی وەزارەتی دارایی عیراق ئاماژەی بەوەشكرد، هۆكاری دواكوتنی ناردنی موچەی موچۆرانی هەرێم بەهۆی ئەوەیە، وەزارەتی دارایی و ئابوری هەرێم درەنگ لیستی موچەی مووچەخۆرانی رەوانەی بەغداد كردووە.
وەزارەتی دارایی هەرێم دوێنێ دوای چارەسەركردنی تێبینییەكانی بەغداد لەسەر لیستی موچە، جارێكی تر لیستی موچەی مانگی 10ـی رەوانەی وەزارەتی دارایی عیراق كرد.
ڕۆژنامەی وۆڵ ستریت جۆرناڵی ئەمریکی، لە زاری بەرپرسانی ئێرانی و چەند وڵاتێکی عەرەبییەوە ئاشکرای کردووە، تاران هۆشداریداوە لەوەی هێرشێکی چڕ و ئاڵۆز بکاتە سەر تەلئەبیب و بۆ ئەو مەبەستەش بەنیازە خاکی عیراق بەکاربهێنێت.
بەپێی راپۆرتی رۆژنامە ئەمریکییەکە، وەڵامی ئەمجارەی ئێران بۆ سەر ئیسرائیل بە چەکی بەهێزتر دەبێت و رەنگە دامەزراوە سەربازییەکان توندتر لە جاری پێشوو بکاتە ئامانج، هەروەها لەبارەی وادەی هێرشەکەوە، وۆڵ ستریت جۆرناڵ لە زاری بەرپرسێکی ئێرانییەوە بڵاوی کردووەتەوە، هێرشەکە دوای تەواوبوونی رۆژی دەنگدانی هەڵبژاردنەکانی سەرۆکایەتیی ئەمەریکا دەبێت، بەڵام پێش دەستبەکاربوونی سەرۆکە نوێیەکە.
ئاماژە بەوەش کراوە؛ ئێران بە دیپلۆماتکاری چەند وڵاتێکی عەرەبی راگەیاندووە، کە سوپای ئێران بەشداری لە هێرشەکەدا دەکات، چونکە چوار سەرباز و کەسێکی مەدەنی لە هێرشە ئاسمانییەکانی ئیسرائیلدا گیانیان لەدەستداوە.
لەگەڵ ئەوەشدا، تێوەگلانی سوپای ئاسایی ئێران مانای بڵاوەپێکردنی هێزەکانی نییە لە ناو خاکی ئیسرائیلدا، بەڵام سوپای پاسداران کە هەمیشە چاودێریی کاروباری ئاسایشی ئیسرائیلدا دەکات، لە ئەگەری هێرشەکەدا بە تەنیا مامەڵە ناکات، کاربەدەستێکی میسری لەوبارەیەوە رایگەیاند، ئێران بە تایبەتی هۆشداریداوە لە وەڵامدانەوەیەکی "بەهێز و ئاڵۆزی ئیسرائیل".
کاربەدەستێکی ئێرانی بە وۆڵ ستریت جۆرناڵی راگەیاند،"سوپاکەمان ئەندامی لەدەستداوە، بۆیە پێویستە وەڵام بدەینەوە"، وتیشی، ئێران دەتوانێت خاکی عیراق بۆ بەشێک لە ئۆپەراسیۆنەکە بەکار بهێنێت و ئەگەری هەیە دامەزراوە سەربازییەکانی ئیسرائیل بکاتە ئامانج، بەڵام توندتر لە جاری پێشوو.
رۆژی هەینی یەکێک لە جەنەڕاڵە باڵاکانی ئێران هەڕەشەی "وەڵامێکی بەهێز و تووند"ی کرد، لە کاتێکدا عەلی خامنەیی ڕێبەری باڵای کۆماری ئیسلامیی ئێران، ڕۆژی شەممە هۆشداریدا لە وەڵامێکی"ددان شکێن"، هاوکات "مەسعود پزیشکیان" سەرۆکی ئێران وتی، وڵاتەکەی بۆ هێرشی ئیسرائیل بێ وەڵام نابێت.
پزیشکیان، وتیشی ئێران هێشتا گفتوگۆ لەسەر چۆنیەتی وەڵامدانەوە دەکات، بەجۆرێک ئەگەر هێرشی سەرغەززە و لوبنان رابگیرێت لەوانەیە جۆر و چڕی هێرشەکەمان بگۆڕێت.
كەشناسیی عیراق پێشبینی دەكات بارانبارینی بەخۆڕ لە هەرێمی كوردستان و ناوەڕاستی عیراق تا كۆتایی ئەم هەفتەیە بەردەوام بێت.
كەشناسیی عیراق لە راگەیەنراوێكدا بڵاویكردەوە، ئەمڕۆ لە پارێزگاكانی باكوور و ناوەڕاست و هەرێمی كوردستان، بارانی مامناوەند و بەخوڕ دەبارێت لەگەڵ دروستبوونی هەورەبروسكە، هەروەها خێرایی با زیاد دەكات و دەگاتە ٥٠ كیلۆمەتر لە سەعاتێكدا، تا كۆتایی هەفتەیەش بارانبارینی بەخوڕ بەردەوام دەبێت و رەوشی كەشوهەوا بە ناجێگیریی دەمێنێتەوە.
سەبارەت بە پارێزگاكانی رۆژئاوا و باشووری عیراق، كەشناسی دەڵێت، تاڕادەیەک كەشوهەوا بەرەو سەقامگیری دەگەڕێتەوە، بەڵام ناوبەناو بارانبارین بەردەوام دەبێت.
وەزارەتی ناوخۆی توركیا سێ سەرۆك شارەوانی كوردی لە باكووری كوردستان لە پۆستەكانیان دورخستەوە و سێ كەسی وەكو قەیوم خستە شوێنەكانیان.
وەزارەتی ناوخۆی توركیا لە راگەیەنراوێكدا بڵاویكردەوە، بە تۆمەتی ئەندامبوون لە پەكەكە هەریەك لە ئەحمەد تورك سەرۆكی گەورە شارەوانی مێردین و گولستان سۆنۆك سەرۆك شارەوانی ئێلیهـ و هاوكات سەرۆكی شارەوانیی خەلەفەتی لە روهای باكووری كوردستان دورخراونەتەوە و قەیوم لە شوێنیان دانراوە.
دوای دورخستنەوەیان، پۆلیس گەمارۆی بینای ئەو شارەوانیانەی داوە و رێوشوێنی ئەمنی توند گیراوەتەبەر.
ئەحمەد تورك سەرۆكی گەورە شارەوانی مێردین سەبارەت بە بریارەكە لە تۆری كۆمەڵایەتی ئێكس نوسیوویەتی، هیچ كات دەستبەرداری مافی ئازادی و دیموكراسی نابن و بەردەوامیی بە بەرخۆدان دەدەن و كەس ناتوانێت دەستبەسەر ئیرادەی گەلدا بگرێت.
ئەو سێ سەرۆك شارەوانییەی دورخراونەتەوە و قەیومیان بۆ دانراوە لەلایەن دەم پارتیەوە بەڕێوەدەبرێن و لە دوایین هەڵبژاردنی شارەوانییەكان سەركەوتنیان بەدەستهێنا.
ئیسرائیل ئامادەكاری دەكات بۆئەوەی لە ماوەی دوو هەفتەی داهاتوودا هێرش و بۆردوومانەكانی بۆسەر لوبنان كۆتایی پێبهێنێت.
كەناڵی 12ی ئیسرائیلی لە زاری سەرچاوەیەكی باڵای سەربازیی وڵاتەكەیەوە بڵاویكردووەتەوە، دوای زیاتر لە مانگێك لە دەستپێكردنی هێرش و بۆردومانەكانی وڵاتەكەی بۆ سەر هەموو ئەو ناوچانەی باشووری لوبنان كە بارەگا و حەشارگەكانی حزبوڵایان لێبووە، لەئێستادا زۆربەی ئەو ناوچانەی لە چەكدارانی حزبوڵا پاككراونەتەوە و سوپای ئیسرائیل توانیوویەتی مەترسییەكان لە سنوورەكانی وڵاتەكەی نەهێڵێت.
ئاماژەی بەوەشكردووە، بەوپێیەی رەوشی ئێستا بەرەو ئەوە دەچێت سوپای ئیسرائیل سەرجەم ئەو ئامانجانە بەدیبهێنێت كە بۆی دیاریكرابوو لە پێناو پاراستنی ئاسایشی سنوورەكان، بۆیە ئامادەكاری كراوە بۆئەوەی لە ماوەی 10 بۆ 14 رۆژی داهاتوودا كۆتایی بە هێرش و بۆردومانەكان و شەڕ لە لوبنان بهێنرێت.
وەزیری سەرچاوەكانی ئاو: بارانبارینی ئەمساڵ كاریگەری لەسەر وەزری كشتوكاڵ دەبێت
وەزیری سەرچاوەكانی ئاوی عیراق دەڵێت بارانبارینی دوو رۆژی رابردوو كاریگەری زۆری لەسەر وەرزی كشتوكاڵی ئەمساڵ دەبێت و ئاوی رووبارەكانیش زیاد دەكات.
عەون زیاب وەزیری سەرچاوەكانی ئاوی عیراق رایگەیاند، لەماوەی دوو رۆژی رابردوودا بڕێكی زۆر باشی باران لە پارێزگاكانی ناوەڕاست و باكور و باكوری رۆژهەڵات باریووە و لە هەندێك شوێنیش لافاو دروستبووە، كەئەوەش دەبێتە هۆی بەرزبوونەوەی ئاستی ئاوی روبارەكان، چونكە سەرجەم رێڕەوەكانی ئاو كە بۆ بارانبارین دروستكراون دەچنەوە سەر روبارەكان.
وتیشی، ئەو بارانبارین و لافاوەی كە دوو رۆژە زۆربەی ناوچەكانی عیراقی گرتووەتەوە كاریگەری زۆری باشی لەسەر وەرزی كشتوكاڵی ئەمساڵ دەبێت كە ئێستادا سەرەتای وەرزی كشتوكاڵییە بەتایبەتیش بۆ بەرهەمی گەنم و سەرجەم جۆرەكانی تری دانەوێڵە.
حكومەتی عیراق بۆ چارەسەركردنی یەكجاری و كۆتایی هێنان بە كێشەی نیشتەجێبوون دوو پلانی نوێ جێبەجێ دەكات.
مەزهەر محەمەد ساڵح راوێژكاری سەرۆك وەزیرانی عیراق بۆ كاروباری دارایی رایگەیاند، لە چوارچێوەی كارنامەی حكومەتی عیراق بۆ چارەسەركردنی كێشەی نیشتەجێبوون، دوو پلانی نوێ جێبەجێ دەكەن، یەكەمیان زەوی دەدرێت بە وەبەرهێنەر و بەڵێندەران بۆئەوەی پرۆژەی نیشتەجێبوون دروست بكەن و دوای تەوابوونیان رادەستی حكومەتی دەكەنەوە و دواتر حكومەت بە قیست و نرخی گونجاو بە هاووڵاتیانی دفرۆشێتەوە و ئەم پلانەشیان لەئێستادا لە زۆربەی یەكەكانی نیشتەجێبوون جێبەجێ دەكرێت.
وتیشی، پلانی دووەم ئەوەیە كە حكومەت زەوی بە هاوڵاتیان بدات و بەڵێندەران و وەبەرهێنانەرانیش سەرجەم تۆڕەكانی ئاو و ئاوەڕۆ و كارەبا و نەخۆشخانە و شەقام و كۆڵان بۆ ئەو شوێنانە دروست بكەن، بۆئەوەی هاووڵاتیان بتوانن زەوییەكانیان بكەن بە خانوو.
مەزهەر محەمەد ساڵح جەختیشیكردەوە، بانكی خانووبەرە سندوقی نیشتەجێكردن و بانكە حكومییەكانی تر لە رێگەی پێدانی قەرز بە هاووڵاتیان پشتیوانی جێبەجێكردنی هەردوو پلانەكە دەكەن، كە ئەو دوو پلانەش بە یەكجاری كێشەی نیشتەجێبوون چارەسەر دەكات.
سەرۆك وەزیرانی عیراق لەگەڵ سەرۆكی نوێی ئەنجومەنی نوێنەران كۆبووەوە و رایگەیاند، هەڵبژاردنی سەرۆكی نوێی ئەنجومەنی نوێنەران و تەواوكردنی ئەو شایستە دەستوورییە، سەقامگیری سیاسی و كۆمەڵایەتی بەهێز دەكات.
نووسینگەی سەرۆك وەزیرانی عیراق لە راگەیەندراوێكدا بڵاویكردەوە، محەمەد شیاع سودانی سەرۆك وەزیران، لەگەڵ مەحمود مەشهەدانی سەرۆكی نوێی ئەنجومەنی نوێنەران كۆبووەتەوە و ئاماژەی بەوەكردووە، تەواوكردنی ئەو شایستە دەستوورییە، سەقامگیری سیاسی و كۆمەڵایەتی بەهێزتردەكات، هەروەها زیاتر دیموكراسی دەچەسپێنێت.
هەر لە كۆبوونەوەكەدا، جەختكرایەوە لە گرنگی هەماهەنگی نێوان دەسەڵاتی جێبەجێكردن و یاسادانان بۆ تەواوكردنی پێداویستییەكانی بەرنامەی حكومەت، بەشێوەیەك كە هاوكار بێت بۆ بەدیهێنانی خواستەكانی گەلی عیراق لە بوارە جیاجیاكاندا.
سەرۆك كۆماری ئێران دەڵێت ئەگەری راگرتنی شەڕی نێوان ئیسرائیل و هاوپەیمانەكانی وڵاتەكەی كاریگەری گەورەی لەسەر وەڵامدانەوەی هێرشەكانی ئەو وڵاتە دەبێت.
ئاژانسی ئیرنا لە زاری مەسعود پزیشكیان سەرۆك كۆماری ئێرانەوە بڵاویكردووەتەوە، ئەگەر دەسەڵاتدارانی ئیسرائیل بە سیاسەت و هەڵسوكەوتیاندا بچنەوە و شەڕ و هێرشەكان رابگرن و دەستهەڵبگرن لە سیاسەتی ستەمكردن و كوشتنی خەڵكی بێتاوان، كاریگەری گەورەی دەبێت لەسەر شێواز و چۆنێتی وەڵامدانەوەی ئێران لە بەرامبەر هێرش و بۆردومانەكانی ئیسرائیل.
وتیشی، ئێران وڵاتێكی خاوەن سەروەری و تایبەتمەندی خۆیەتی و لە هیچ دوژمنێكی قبوڵ ناكات ئەو سەروەری و تایبەتمەندییە پێشیڵ بكات و هیچ هێرش و پەماردانێكی ئێرانیش بەبێ وەڵامدانەوە تێناپەڕێت.
مەکتەبی سیاسی یەکێتی پەیامێکی پیرۆزبایی بە بۆنەی یادی ٣٥ ساڵەی دامەزراندنی ئاراستە یەکێتی ژنانی کوردستان دەکات
دەقی پەیامەکە
بەرێز سکرتێری یەکێتی ژنانی کوردستان
لە یادی ٣٥ ساڵەی دامەزراندنی یەکێتی ژنانی کوردستاندا پیرۆزباییەکی گەرم ئاراستەی بەرێزتان و مەکتەبی سکرتاریەت وگشت ئەندامانی رێکخراوەکەتان دەکەین
یەکێتی ژنانی کوردستان لە مێژووی کارکردنیدا سەروەرییەکی پرشنگداری بۆ خۆی تۆمار کردوە کە توانیویەتی وەک رێکخراوێکی ئازاد گرنگی بەرۆڵی ژنان بدات بۆ هێنانە پێشەوەیان لە گشت بوارەکانی تێکۆشان و خەباتدا، بەشداری چەندان ژن لە بوارەکانی حزبی و حوکمڕانیدا چ وەک سەرکردەی سیاسی چ وەک پسپۆڕیی لەبەرێوەبردنی وڵاتدا ، سەلمێنەری تواناکانی رێکخراوەکەتانە لە رووی پێگەیاندنەوە
وەک چۆن هەمیشە یەکێتیی نیشتمانیی کوردستان باوەڕی پتەونەگۆڕی بەمافەکانی ژنان هەبوە، بۆ برەودان بە کارەکانی رێکخراوەکەتان و گرنگیدانی زیاتر بە رۆڵی ژنان ، لە پێناو بەدیهێنانی مافە رەواکانتان ،پشتیوانی و پشتگیری خۆمانتان بۆ دووپات دەکەینەوە.
هەمیشە سەربەرز وسەرکەوتوبن
بە بڕیاری وەزارەتی ناوخۆی هەرێم، فرۆشیارانی سیمكارتی تۆمارنەكراو سزای گەورەی دارایی دەدرێن و سەرپێچیكار بە سێ ملیۆن دینار سزا دەدرێت.
راگەیاندنی وەزارەتی ناوخۆی هەرێم بڵاویكردووەتەوە، بۆ خێراكردنی رێوشوێنەكانی كۆنترۆڵكردنی فرۆشتنی سیمكارت كە لە دەرەوەی رێوشوێنی یاسایی تۆماركردن، لیژنە تایبەتمەندەكان لە پارێزگا و ئیدارە سەربەخۆكان راسپێردران رێكاری یاسایی بەرامبەر هەر فرۆشگایەك بگرنەبەر كە سیمكارت دەفرۆشن بێ تۆماركردنی یاسایی و لەو چوارچێوەیەشدا ژمارەیەك فرۆشگا دران و داخران و بەدواداچوونی رۆژانەش بەردەوام دەبێت.
راشیگەیاندووە، رێوشوێنی یاسایی توند لە بەرامبەر هەر كەس و فرۆشگا و بریكارێك دەگیرێتەبەر كە سیمكارت لە بازاڕ بفرۆشێ و تۆماریان نەكات بە ناوی كڕیار، سەرپێچیكاریش بەرامبەر هەر سیمكارتێكی دەست بەسەرداگیراو بە بڕی سێ ملیۆن دینار سزا دەدرێت.
ئەمریكا چەك و كەرەستەی سەربازی زیاتری رەوانەی سەربازگەكانی كرد لە رۆژئاوای كوردستان، بە تایبەتی ئەو سەربازگانەی لە چەند هەفتەی رابردوودا، لەلایەن گروپە چەكدارەكانی بەرەی مقاوەمە كراونەتە ئامانج.
روانگەی سوری بۆ مافی مرۆڤ بڵاویكردەوە، لە درێژەی پەرەسەندنی گرژییەكانی رۆژهەڵاتی ناوەڕاست، ئەمریكا بە رێگەی ئاسمانی و زەمینی چەك و كەرستەی سەربازی زیاتری رەوانەی سەربازگەكانی كردووە، لە رۆژئاوای كوردستان، بۆ بەرەنگاربوونەوەی هەر هێرشێكی گروپە چەكدارەكان.
ئەوەشی خستووەتەڕوو، بە رێگەی ئاسمانی زۆرینەی چەك و كەرستە سەربازییەكان بۆ بنكە سەربازییەكەی ئەمریكا لە پارێزگای حەسەكەی رۆژئاوای كوردستان گواستراوەتەوە، هاوكات بە رێگەی زەمینی زیاتر لە ٣٠ بارهەڵگر چەك و كەرستەی سەربازی گەیەندراوەتە سەربازگەكانی كێڵگەی نەوتی عومەر و كێڵگەی غازی كۆنیكۆ.
روانگەی سوری ئاماژەی بەوەشداوە، بەشێكی زۆر لە هاوكارییە سەربازییەكانی ئەمریكا، ئەو سەربازگانەی گرتووەتەوە لە ماوەی چەند هەفتەی رابردوودا، لەلایەن گروپە چەكدارەكانی بەرەی مقاومە كراونەتە ئامانج.
ئێران رەتیدەكاتەوە وەك ئامادەكارییەك بۆ هێرشكردنە سەر ئیسرائیل، بڕیاری راگرتنی گەشتە ئاسمانییەكان و داخستنی ئاسمانی وڵاتەكەی رەوانەی فڕۆكەخانەكان كردبێت.
جەعفەر یازرلو وتەبێژی رێكخراوی فڕۆكەوانی مەدەنی ئێران رایگەیاند، ژمارەیەك لە میدیا عەرەبی و جیهانییەكان هەواڵێكیان بڵاوكردووەتەوە كە لە رۆژی یەك شەممەوە تا رۆژی سێ شەممە سەرجەم گەشتە ئاسمانیانی ئێران رادەگیرێن و ئاسمانی ئێرانیش بە رووی هەموو كۆمپانیا فڕۆكەوانییە نێودەوڵەتییەكان دادەخرێت وەك ئامادەكارییەكی ئێران بە مەبەستی هێرشكردنەسەر ئیسرائیل، بەڵام سەرجەمی ئەو زانیارییانە دوورسن لە راستییەوە و تائێستا هیچ بڕیارێكی لەو جۆرەیان بەدەست نەگەیشتووە.
وتیشی، بە مەبەستی دڵنیابوونەوە و بەدواداچوونی زیاتر، پەیوەندییان بە لایەنە پەیوەندیدارە سەربازییەكان و سەرۆكایەتی ئەركانی گشتی هێزە چەكدارەكانی ئێرانەوە كردووە و پێیان وتراوە كە ئەو زانیارییە دوورە لە راستییەوە و هیچ بڕیارێكی لەو جۆرە بوونی نییە.