هەواڵەکان
سەرۆكی ئەمریكا وتارە چاوەروانكراوەی پێشكەشكرد، لەگەڵ ئەوەی هیچ شتێكی نوێ تیدا باس نەكرد، بەڵام جەخت لەوەكردەوە ئەمریكا نزیكە لە گەیشتن بە ئامانجەكانی لە ئێران.
دۆناڵد ترەمپ، سەرۆكی ئەمریكا، لە وتارێكی تایبەتدا بۆ گەلی وڵاتەكەی، دواین پێشهاتەكانی ململانێی لەگەڵ ئێرانی خستە ِوو، ترەمپ رایگەیاند، ئەمریكا زۆر نزیكە لە كۆتاییهێنان بەو ئەركە ستراتیژییانەی كە بۆ سنوورداركردنی هەڕەشەكانی ئێران دیاریی كردبوون.
سەرۆكی ئەمریكا ئاشكرای كرد، سوپای وڵاتەكەی چەندین بنكەی ئەتۆمی و كۆگای موشەكی بالیستی ئێرانی تێكشكاندووە، كە مەترسی بوون بۆ سەر ئاسایشی ئەمریكا و ئەوروپا. ترەمپ هۆشدارییەكی توندی ئاراستەی تاران كرد و وتی:
لە بەشێكی دیكەی وتارەكەیدا، ترەمپ جەختی لە پابەندیی واشنتۆن كردەوە بۆ پاراستنی هاوپەیمانەكانی لە ڕۆژهەڵاتی ناوەڕاست. رایگەیاند كە ئەمریكا رێگە نادات وڵاتانی عەرەبی كەنداو و ئیسرائیل تووشی هیچ زیانێك یان شكستێك ببن.
سەبارەت بە كاریگەرییەكانی شەڕ لەسەر بازاڕی وزە، ترەمپ هەوڵدا نیگەرانییەكانی ناوخۆی ئەمریكا بڕەوێنێتەوە و ئاماژەی بەوە كرد ئەمریكا خاوەنی غاز و نەوتی پێویستە و پێویستی بە نەوتی رۆژهەڵاتی ناوەڕاست نەماوە، وتیشی، بەرزبوونەوەی نرخەكان كاتییە و دوای كۆتاییهاتنی ئۆپەراسیۆنەكان بە خێرایی دادەبەزن.
سەبارەت بە گەرووی هورمزیش ترەمپ رایگەیاند، گەرووی هورمز بۆ ئەمریكا بایەخێكی ستراتیژی گەورەی نەماوە، چونكە پشتیان بە سەرچاوەی دیكەی وەك ڤەنزوێلا بەستووە؛ پەیامیشی بۆ ئەو وڵاتانەی پێویستیان بەو گەرووەیە نارد كە دەبێت خۆیان پارێزگاری لێ بكەن.
ئەم وتارەی ترەمپ نیشاندەری ستراتیژێكی نوێی ئەمریكایە، كە تێیدا تێكەڵەیەك لە گوشاری سەربازیی توند و بێباكی لە هەڕەشە ئابوورییەكانی ئێران دەبینرێت، لەگەڵ دووپاتكردنەوەی سەربەخۆیی لە كەرتی وزەدا.
بەهۆی زیادبوونی هەڕەشەکانی تاران بۆ سەر ئاسایشی ناوچەکە، ئەمریکا هەڵمەتێکی سەربازیی بۆ لەناوبردنی تواناکانی ئەو وڵاتە دەستپێکردووە.
مارکۆ روبیۆ، وەزیری دەرەوەی ئەمریکا، لە لێدوانێکی نوێدا ئامانجەکانی وڵاتەکەی لە جەنگی دژی ئێران راگەیاند و جەختیکردەوە کە واشنتۆن بە ئامانجی روونەوە دەستی بەم هێرشانە کردووە.
روبیۆ ئاماژەی بەوەکرد، ئامانجی سەرەکیی ئەمریکا بریتییە لە لەناوبردنی تەواوی توانای ئەتۆمی، موشەکی و درۆنییەکانی کۆماری ئیسلامیی ئێران.
وەزیری دەرەوەی ئەمریکا راشیگەیاند، تاران ئەو توانا سەربازییانەی بۆ هەڕەشەکردن لە ئاسایشی ناوچەکە بەکارهێناوە، هەر بۆیە واشنتن "ناچار بووە" پێش ئەوەی ئێران ببێتە هێزێکی وا کە نەتوانرێت رووبەڕووی ببنەوە، گورزی سەربازیی لێ بدات.
لە کۆتایی لێدوانەکانیدا، مارکۆ روبیۆ پەیامێکی ئاڕاستەی دەسەڵاتدارانی تاران کرد و رایگەیاند، ئێستا ئێران لەبەردەم دوو بژاردەدایە؛ یان هەڵبژاردنی داهاتوویەکی باشتر بۆ وڵاتەکەیان، یان بەردەوامبوون لەسەر ئەو رێگەیەی کە بەرەو لاوازی و گۆشەگیریی زیاتریان دەبات.
مەسعوود پزیشكیان واشنتۆن بە ئەنجامدانی جەنگی بێ ئامانج و شەڕی بە وەكالەت لە بەرژەوەندی ئیسرائیل تۆمەتبار دەكات.
مەسعود پزیشکیان، سەرۆک کۆماری ئێران، لە پەیامێکی ڤیدیۆییدا کە ئاڕاستەی گەلی ئەمریکای کردووە، رایگەیاند؛ واشنتۆن ئۆپراسیۆنێکی سەربازیی بێ پاساوی دژی تاران دەستپێکردووە و جەختیکردەوە کە ئەم جەنگە "بێ ئامانجە" و تەنها لە بەرژەوەندیی ئیسرائیلە.
سەرۆک کۆماری ئێران ئاماژەی بەوەکرد، هێرشکردنە سەر ژێرخانە گرنگەکانی وڵاتەکەی، کردەوەیەکە کە راستەوخۆ گەلی ئێران دەکاتە ئامانج و نیشانەی هێز نییە، بەڵکو "نیشانەی سەرلێشێواوی و بێتواناییە" لە گەیشتن بە چارەسەرێکی بەردەوام بۆ کێشەکان.
پزیشکیان لە پەیامەکەیدا هۆشداریدا، ئەمریکا بەم هەنگاوانەی شەڕی بە وەکالەتی ئیسرائیل لە دژی ئێران ئەنجام دەدات، ئەمەش مەترسییەکی گەورە بۆ سەر ئاسایشی ناوچەکە دروست دەکات و تەنها دوژکاریی و ئاڵۆزیی زیاتری لێ دەکەوێتەوە.
بافڵ جەلال تاڵەبانی سەرۆکی یەکێتی، بەهۆی کۆچی دوایی د. تالیب موراد پرسە و سەرەخۆشی ئاڕاستەی بنەماڵەی سەربەرز و تێکۆشەری دیاری گەلەکەمان هەڤاڵی کۆچکردوو عادل موراد دەکات.
دەقی پرسەنامەکەی بافڵ جەلال تاڵەبانی سەرۆکی یەکێتیی نیشتمانیی کوردستان..
بەڕێزان بنەماڵەی سەربەرز و تێکۆشەری دیاری گەلەکەمان هەڤاڵی کۆچکردوومان کاک عادل موراد
بەداخ و خەمێکی زۆرەوە، هەواڵی کۆچی دوایی کەسایەتی زانستی و نیشتمانپەروەری کوردستان د. تالیب موراد، برای هەڤاڵی کۆچکردوومان کاک عادل مورادمان پێگەیشت.
بۆ ئەم خەمە پرسە و سەرەخۆشی ئاڕاستەی بنەماڵە سەربەرز و تێکۆشەرەکەتان دەکەم کە مێژووی پڕشانازیتان لە خەباتدا بۆ کوردستان دیار و بەرچاوە و مایەی شانازیی هەموو لایەکمانە.
لە خوای گەورە داواکارین گیانی کۆچکردوو بە بەهەشتی بەرین شادبکات، ئارامی و سەبووری بە هەموولایەک ببەخشێت.
سەرۆکی ئەمریکا دەڵێت: تا گەرووی هورمز نەکرێتەوە و ئازاد نەبێت لە هێرشەکانیان بۆ سەر ئێران بەردەوام دەبن و دەیانگەڕێننەوە چاخی بەردین.
دۆناڵد ترەمپ، سەرۆکی ئەمریکا، لە پۆستێکدا لە تۆڕی کۆمەڵایەتی "تروس سۆشیاڵ" رایگەیاند،: سەرۆکی نوێی رژێمی ئێران، کە کەمتر توندڕەوە و زۆر لە پێشووترەکانی ژیرترە، ئێستا داوای ئاگربەستی لە ویلایەتە یەکگرتووەکانی ئەمریکا کردووە.
ئاماژەی بەوەشکردووە، واشنتۆن تەنها بە یەک مەرج بیر لەو داوایە دەکاتەوە، ئەویش کاتێکە کە گەرووی هورمز بە تەواوی کراوە و ئازاد و پارێزراو بێت بۆ هاتوچۆی کەشتییەکان.
وتیشی، تا جێبەجێکردنی ئەو مەرجە، ئۆپەراسیۆنە سەربازییەکانیان ناوەستێنن و تا ئەو کاتە، ئێمە بەردەوام دەبین لە گورزوەشاندن لە ئێران بە هێزێکی وێرانکەرەوە، یان وەک دەوترێت: دەیانگەڕێنینەوە بۆ چاخی بەردین.
قوباد تاڵەبانی، جێگری سەرۆک وەزیرانی هەرێم پێشوازی کرد لە ئادریان ئایسڵستاین، کونسوڵی گشتیی هۆڵندا لە هەرێمی کوردستان و پێکەوە لەبارەی دواین پەرەسەندنەکانی ناوچەکە گفتوگۆیان کرد.
لە کۆبوونەوەکەدا کە ئەمڕۆ بەڕێوەچوو، ئاڵوگۆڕی بیروڕاکرا لەبارەی رەوشی شەڕ و دواین پەرەسەندنەکانی ناوچەکە، هەردوولا هیوایان خواست هەرچی زووتر شەڕ کۆتایی بێت و لایەنەکان لەڕێی گفتوگۆوە کێشەکانی نێوانیان چارەسەر بکەن.
سەبارەت بە هێرشە درۆنی و موشەکییەکان بۆ سەر هەرێمی کوردستان، قوباد تاڵەبانی جەختی کردەوە هەرێمی کوردستان بەشێک نەبووە و نییە لەم شەڕە و بە ئامانج گرتنی کوردستان کارێکی ناڕەوا و بێ پاساوە، داواشیکرد کۆمەڵگەی نێودەوڵەتی هەوڵی جدی بدات بۆ وەستاندنی هێرشەکان بۆسەر هەرێمی کوردستان.
د. لەتیف رەشید، سەرۆک کۆماری عیراق لە کۆشکی سەلام لە بەغداد پێشوازی لە وەفدێکی پارتی دیموکراتی کوردستان کرد.
دیدارەکە لە چوارچێوەی پتەوکردنی دیالۆگ لەنێوان هێزە سیاسییەکان و چەسپاندنی سەقامگیری لە وڵاتدا بەڕێوەچوو، کە تێیدا باس لە دواین بابەتی سیاسی و نیشتمانیی کرا.
سەرۆک کۆمار جەختیکردەوە لە گرنگی بەردەوامی لێکتێگەیشتن و هەماهەنگی نێوان لایەنە جیاوازەکان بۆ بەشداریکردن لە چارەسەرکردنی کێشە هەڵپەسێردراوەکان و پشتگیریکردنی پرۆسەی سیاسی لەڕێگەی گفتوگۆی بنیاتنەر و هاوبەشی نیشتمانی.
هەر لە کۆبوونەوەکەدا باس لە پەیوەندییەکانی نێوان حکومەتی هەرێمی کوردستان و حکومەتی فیدراڵی کرا. سەرۆک کۆمار جەختیکردەوە لە پێویستی فراوانکردنی چوارچێوەی هاوکارییەکان بەگوێرەی دەستوور و بە شێوەیەک کە هاوسەنگی لە بەڕێوەبردنی مەسەلە هاوبەشەکان بەدەستبهێنێت و پەیوەندی نێوان بەغداد و هەولێر بەهێزتر بکات.
هەر لە دیدارەکەدا باس لە پێشهاتەکانی رەوشی ناوچەکە و کاردانەوەکانیان لەسەر عیراق کرا. جەختکرایەوە لەسەر گرنگی پەیڕەوکردنی سیاسەتێکی هاوسەنگ کە بەرژەوەندییەکانی وڵات بپارێزێت و پاڵپشتی ئاسایش و سەقامگیریی وڵاتەکەی بکات لە بەر ڕۆشنایی ئاستەنگەکانی ئێستا.
د.لەتیف رەشید، سەرۆک کۆماری عیراق لەگەڵ نوری مالیکی، سەرۆکی هاوپەیمانیی دەوڵەتی یاسا کۆبووەوە و جەختیان لە یەکخستنی هەوڵەکان بۆ پاراستنی ئاسایش و سەقامگیری عیراق کردەوە
د.لەتیف رەشید سەرۆک کۆماری عیراق ئەمڕۆ چوارشەممە 1ی نیسانی 2026لە بەغداد، چاویکەوت بە نووری مالیکی سەرۆکی هاوپەیمانیی دەوڵەتی یاسا.
لە سەرەتای دیدارەکەدا، سەرۆک کۆمار و مالیکی پیرۆزباییان لە کۆمەڵانی خەڵکی عیراق کرد بەبۆنەی سەرکەوتنی شێرانی رافیدەین بۆ یارییەکانی کۆتایی مۆندیال، و دەستخۆشییان لەو هەوڵانە کرد کە بۆ بەدیهێنانی ئەم دەستکەوتە گەورەیە دراون.
هەروەها ستایشی ئەو ئاستە بەرز و رۆحیەتە نیشتمانییەیان کرد کە یاریزانان و ستافی تەکنیکی نیشانیاندا و گوزارشت بوو لە پێداگری و ئیرادەی گەنجانی وڵات، جەختیشیان کردەوە کە ئەم سەرکەوتنە جێگەی شانازی هەموو عیراقییەکانە و نیشانەی یەکڕیزی گەلە لەپشت هەڵبژاردەی نیشتمانییەوە.
لە تەوەرێکی تری دیدارەکەدا، بە وردی باس لە پێشهات و گۆڕانکارییەکانی سەر ئاستی ناوخۆ و ناوچەکە و لێکەوتەکانیان کرا و لەو بارەیەوە، سەرۆک کۆمار جەختی لە پێویستیی یەکخستنی هەوڵەکان کردەوە بۆ روبەوبوونەوەی ئەو لێکەوتانە و پاراستنی ئاسایش و سەقامگیری عیراق، هەروەها جەختی لە گرنگی پشتیوانیکردنی دامەزراوەکانی دەوڵەت و چەسپاندنی سەروەری یاساش کردەوە.
لای خۆشیەوە، مالیکی ئاماژەی بە گرنگی بەردەوامیی هەماهەنگی و گفتوگۆ لە نێوان لایەنە سیاسییە جیاوازەکاندا کرد، بۆ یەکلاییکردنەوەی شایستە و ئەرکە دەستوورییە ماوەکان، بە شێوەیەک کە رێڕەوی دەستووریی دەوڵەت بپارێزێت و خواستی هاووڵاتییان بەدیبهێنێت.
بافڵ جەلال تاڵەبانی سەرۆکی یەکێتیی نیشتمانیی کوردستان پیرۆزبایی جەژنی ئەکیتۆ و سەری ساڵی نوێی بابلی دەکات و رایگەیاندووە: لەم بۆنەیەدا دووپات لە بەهێزکردن و پەرەپێدانی پێکەوەژیانی ئاشتییانە و کۆمەڵایەتی نێوان سەرجەم نەتەوە و پێکهاتەکان دەکەینەوە.
دەقی پەیامەکە
بەبۆنەی جەژنی ئەکیتۆ و سەری ساڵی نوێی بابلی، گەرمترین پیرۆزبایی لە خوشک و برایانی کلدانی، سریانی و ئاشووریی دەکەین و هیوادارین لە کەشێکی ئارامدا ئەم جەژنە بەسەربەرن.
لەم بۆنەیەدا دووپات لە بەهێزکردن و پەرەپێدانی پێکەوەژیانی ئاشتییانە و کۆمەڵایەتی نێوان سەرجەم نەتەوە و پێکهاتەکان دەکەینەوە.
یەکێتیی نیشتمانیی کوردستان وەک هەمیشە هاوکار و پشتیوان دەبێت بۆ قووڵکردنەوەی برایەتی و پێکەوەیی لە نێوان هەموواندا، تاوەکو پێکەوە کار بۆ گەشەپێدان و پاراستنی سەقامگیریی وڵاتەکەمان بکەین.
بافڵ جەلال تاڵەبانی
سەرۆکی یەکێتیی نیشتمانیی کوردستان
شاناز ئیبراهیم ئەحمەد خانمی یەکەمی عیراق، لە پەیامێکدا پیرۆزبایی لە وەرزشەوانانی عیراق دەکات و رایگەیاندووە: ئەم دەستکەوتە مێژوویی و پڕ شانازییە باوەڕمان بە هێزی گەنجانی وڵاتەکەمان زیاتر دەکات.
دەقی پەیامەکە
بە دڵخۆشییەکی زۆرەوە پیرۆزبایی ئاراستەی وەرزشەوانانی هەڵبژاردەی نیشتمانی عێراق دەکەم کە بە سەرکەوتوویی گەیشتوونەتە مۆندیالی ٢٠٢٦.
ئەم دەستکەوتە مێژوویی و پڕ شانازییە باوەڕمان بە هێزی گەنجانی وڵاتەکەمان زیاتر دەکات، کەدەتوانن ناوی وڵات لە ئاستی نێودەوڵەتیدا بەرزتر ڕابگرن و هیوا بگەڕێننەوە بۆ دڵی ملیۆنان هاوڵاتی.
شاناز ئیبراهیم ئەحمەد
خانمی یەکەمی عێراق
د. لەتیف رەشید سەرۆک کۆماری عیراق لەبارەی سەرکەوتنی هەڵبژاردەی تۆپی پێی عیراق راگەیەنراوێکی بڵاوکردەوە و تێیدا هاتووە: پیرۆزبایی لە گەلی عیراق دەکەم بەبۆنەی سەرکەوتنی هەڵبژاردەی نیشتمانیمان بۆ کۆتاییەکانی جامی جیهانی
دەقی پەیامەکە:
پیرۆزبایی لە گەلی ئازیزی عیراق دەکەین بۆ ئەم دەستکەوتە مێژووییە بەبۆنەی سەرکەوتنی هەڵبژاردەی نیشتمانیمان بۆ کۆتاییەکانی جامی جیهانی.
پاڵەوانەکانمان لە هەڵبژاردەی نیشتمانی، لە یاریزانان و ستافی تەکنیکی و کارگێڕی، رۆحی سووربوون و ورەبەرزیی خۆیان سەلماند، و ئاستێکی شایستەیان پێشکەش کرد کە لەگەڵ ناوی عیراقدا بگونجێت، ئەوان لە ئاستی بەرەنگاربوونەوە و بەرپرسیارێتیدا بوون و خۆشییان خستە ناو دڵی ملیۆنان عیراقییەوە.
زۆرترین سوپاس و پێزانین بۆ هەموو ئەوانەی بەشداربوون لە بەدیهێنانی ئەم دەستکەوتە گەورەیە، بەتایبەت هاندەرە دڵسۆزەکان کە پشتیوانێکی ڕاستەقینە بوون لە هەموو قۆناغەکاندا.
قوباد جەلال تاڵەبانی، جێگری سەرۆک وەزیرانی هەرێمی کوردستان بەبۆنەی سەرکەوتنی هەڵبژاردەی تۆپی پێی عیراق بۆ جامی جیهانی ئەمساڵ، راگەیەنراوێکی بڵاوکردەوە و تێیدا هاتووە: دەستخۆشی لە یاریزانانی هەڵبژاردەی عیراق دەکەم بەبۆنەی ئەو سەرکەوتنەی لەم رەوشە ناهەموارەدا بەدەستیان هێناوە.
دەقی راگەیەنراوەکە:
بافڵ جەلال تاڵەبانی، سەرۆکی یەکێتیی نیشتمانیی کوردستان بەبۆنەی سەرکەوتنی هەڵبژاردەی تۆپی پێی عیراق راگەیەنراوێکی بڵاوکردەوە و نووسیویەتی، ئێمە باوەڕمان بە توانای هەڵبژاردەی عیراق هەیە.|
دەقی راگەیەنراوەکە:
لە دڵەوە پیرۆزبایی گەرم لە گەلی عیراق بە تایبەت وەرزشەوانان و دۆستانی تۆپی پێ دەکەم بەبۆنەی سەرکەوتنی هەڵبژاردەی تۆپی پێی عیراق بۆ جامی جیهانی.
ئێمە باوەڕمان بە توانای هەڵبژاردەی عیراق هەیە کە لەم رووداوە وەرزشییە جیهانییەدا سەرکەوتنی گەورەتر تۆماربکەن و شانازییەکی دیکە بەدەستبهێنن.
بافڵ جەلال تاڵەبانی
سەرۆکی یەکێتیی نیشتمانیی کوردستان
عەباس عراقچی رایدەگەیەنێت، ئەمریكا لە هێرشی زەمینیدا توشی زیانی گەورە دەبێت و ئێران لانیكەم توانای شەش مانگی بۆ بەردەوامبونی جەنگ هەیە.
عەباس عراقچی، وەزیری دەرەوەی ئێران لە چاوپێكەوتنێكی تەلەفیزیۆنیدا رایگەیاند: وڵاتەكەی توانای باشی بەڕێوەبردی جەنگی هەیە و شارەزایی تەواوی هەیە بۆ بەرەنگاربوونەوەی هەر هێزێك كە بیەوێت لە دژی وڵاتەكەیان هێرشی وشكانی بكات.
عراقچی دەشڵێت: پێی وانییە ئەمریكا بوێری هێرشی وشكانیی هەبێت چونكە زیانی گەورەی بەردەكەوێت.
جەختی لەوەش كردەوە، شارەزاییان لە جەنگی وشكانی زۆر زیاترە و ئامادەن بۆ بەربەچدانەوەی هەر جۆرە هێرشێكی زەمینی.
بە وتەی عراقچی، ئەوان داوای راگرتنی جەنگیان لە ئێران و یەمەن و لوبنان كردووە، بەڵام وەك خۆی دەڵێت، ئێران لانیكەم شەش مانگی تر توانای جەنگی هەمەلایەنەی هەیە.
بە فڕۆكەی بێفڕۆكەوان هێرشكرایە سەر بەحرەین و فڕۆكەخانەی كوەیت و بەریتانیاش دەڵێت، كەشتییەكیان بۆردومان كراوە و زیانی پێگەیشتووە.
دەستەی گشتیی فڕۆكەوانی كوەیت رایگەیاند، بەهۆی هێرشی فڕۆكەی بێفڕۆكەوانی ئێرانەوە بۆسەر كۆگایەكی سوتەمەنی لە فڕۆكەخانەی كوەیت، ئاگرێكی گەورە كەوتووەتەوە.
ئاماژەی بەوەشكردووە، روداوەكە زیانێكی ماددی زۆری لێكەوتووەتەوە.
لەلایەكی ترەوە وەزارەتی ناوخۆی بەحرەین رایگەیاند، بەهۆی هێرشی ئێرانەوە بۆسەر كۆمپانیایەك، ئاگرێكی گەورە كەوتووەتەوە.
وەزارەتەكە هیچ زانیارییەكی تری لەبارەی كۆمپانیاكە و شوێنەكەی و زیانەكان بڵاونەكردووەتەوە.
هاوكات، دەستەی ئۆپەراسیۆنی بازرگانی ئاویی بەریتانیا رایگەیاندووە، كەشتییەكیان لە نزیك قەتەڕ بۆردومان كراوە و بەهۆیەوە زیان بەر كەشتییەكە كەوتووە.
هاوكات واشنتۆن داوا لە هاووڵاتییەكانی دەكات لە سعودیە، لە ماڵەكانیاندا بمێننەوە و نەیەنە دەرەوە.
لە چوارچێوەی هەوڵەکان بۆ نەهێشتنی هەڕەشە موشەکییەکان، سەرۆک وەزیرانی ئیسرائیل رەوشی رژێمی ئێران بە داڕماو وەسف دەکات و جەخت لەسەر بەردەوامیی گورزە سەربازییەکان دەکاتەوە.
بنیامین ناتانیاهۆ، سەرۆک وەزیرانی ئیسرائیل لە نوێترین پێشهاتەکانی جەنگی دژ بە ئێران رایگەیاند، هێشتا شەڕ کۆتایی نەهاتووە و ئۆپەراسیۆنەکان بۆ سەر تواناکانی ئێران بەردەوامن.
ناتانیاهۆ جەختی کردەوە، موشەکەکانی ئێران چیتر هەڕەشەی جددی نین بۆ سەر ئیسرائیل، چونکە بەشێوەیەکی سیستماتیک ژێرخانی پیشەسازیی سەربازیی ئەو وڵاتەیان تێکشکاندووە.
سەرۆک وەزیرانی ئیسرائیل ئاماژەی بەوەکرد، پایەکانی رژێمی ئێران داڕماون و لە ئێستادا تاران لە هەموو کاتێک لاوازترە.
ناتانیاهۆ ئاشکرایکرد، وڵاتەکەی لە جەنگێکی مێژووییدایە و بە هەماهەنگییەکی تەواو لەگەڵ سوپای ئەمریکا، گورزی کوشندە لە ئێران دەوەشێنن.