کوردستان
دەقی پەیامەکە....
بەبۆنەی ھاتنەوەی جەژنی چلەی ھاوینەی خوشک و برا ئێزدیەکان، گەرمترین پیرۆزبایی ئاڕاستەی پێکھاتەی ئێزیدی لەکوردستان و عیراق دەکەین، داوا لە خودای مەزن دەکەین ھەموو ڕۆژەکانیان بکاتە شادی و خۆشی، ھەروەھا ئەو کەسانەی بەڕۆژبوون بەبۆنەی ئەم جەژنەوە، ڕۆژووەکەیان قبوڵ بێت و تەندروست باش بن .
حەسیبە عەبدولڵا
لێپرسراوی بۆردی پێکھاتەکانی یەکێتی نیشتیمانی کوردستان
دەقی پەیامەکەی قوباد تاڵەبانی ....
لە یادی ئەنفالکردنی بارزانیەکاندا، یاد و بیرەوەری ئەنفالکراوانی بارازانی و ھەموو قوربانییانی ئەنفال و جینۆسایدی گەلی کورد بەرز و پیرۆز رادەگرین.
پێویستە بۆنەکانی یادکردنەوەی شەھیدان و قوربانییانی ئەنفال چ لە ئێستا و چ لە داھاتوودا بکرێنە بۆنە و دەرفەتێک بۆ زیندووکردنەوە و بەھێزترکردنی ھەستی بەرپرسیارێتی بەرامبەر کۆمەڵگا و داھاتووی وڵاتەکەمان لەناو لایەنە سیاسییەکاندا، تا سەرباری ھەموو جیاوازییە سیاسییەکان، پێکەوە ھەوڵ بدەن بۆ دابینکردنی داھاتوویەکی باشتر بۆ گەلەکەمان و رێگری بکەن لە دووبارەبوونەوەی نەھامەتییەکان.
قوباد تاڵەبانی
جێگری سەرۆکی ئەنجومەنی وەزیران
میدیاکانی رۆژئاوای کوردستان ئاماژەیان بەوەکرد، بەیانیی ئەمڕۆ سوپای تورکیا بە چەکی قوورس دوو گوندیان لە سنووری ناحیەی شێراوا لە سنووری عەفرین بۆردومان کردووە و تائێستا زیانەکانی بۆردومانەکە نەزانراون.
رۆژی یەکشەممەش خۆبەڕێوەبەریی باکوور و خۆرھەڵاتی سوریا، لەبارەی بۆردومانە بەردەوامەکانی تورکیاوە راگەیەندراوێکی بڵاوکردەوە و ئاماژەی بەوەکرد، بێدەنگی ھاوپەیمانان ھۆکارە بۆ بەردەوامی بۆردومانەکانی تورکیا لە رۆژئاوای کوردستان.
دەقی پەیامی مەڵبەندی ٣ ی ھەولێر لەبیرەوەری چل ساڵەی مەرگەساتی کۆمەڵکوژی بارزانیەکاندا...
٤٠ ساڵ لەمەوبەر ڕژێمی بەعسی عەرەبی ئیشتراکی لە ١٩٨٣/٧/٣١ تاوانێکی دڕندانەی بەرامبەر بە گەلەکەمان ئەنجامدا و لە یەک کاتدا ٨٠٠٠ ھاوڵاتی کوردی بارزانی ڕاپێچی مەرگێکی نادیار و بێ سەرو شوێن و زیندە بەچاڵکرد .
ئەو تاوانەش لەدرێژەی ئەو تاوانانەبوو، کەرژێمی لەناوچووی بەعس لە چوارچێوەی سیاسەتی لەناوبردنی گەلی کورد ئەنجامیدا، ئەم تاوانە دوابەدوای قوناغی یەکەمی ئەو بەرنامە ترسناکانە ھات کە بە راگواستنی بارزانیەکان لە زێدی باو باپیرانیان دەستی پێکرد و لە کۆمەڵگە زۆرەملێیەکانی بەحرکەو قوشتەپە و حەریردا جێگیری کردن.
پێشتریش رژێمی بەعس بە سێ قوناغ ، خەڵکی مەدەنی ناوچە سنوریەکانی ڕاگواستبوو.
لە ڕۆژی ١٩٨٣/٧/٣١رژێمی بەعس گەمارۆی کۆمەڵگاکانی قوشتەبە و بەحرکە و حەریری لە سنوری پاریزگای ھەولێر دا کەپێشتر لە چوارچێوەی بەرنامەرێژیدا بۆ تاوانێکی وا دڕندانە داڕشتبوو ، کە سەرجەم گەنج و لاو و پیاوانی بارزانیەکانی راپێچی چارەنووسێکی نادیاری کردن .
ھەر دوای ماوەیەکی کەم لە بیابانەکانی سەماوە زیندەبەچاڵی کردن و بەداخەوە تا ئێستا چارەنوسی زۆربەیان نادیارەو و تەنانەت روفاتی زۆرینەشیان نەدۆزراونەتەوە.
لەبیرەوەری ئەنفالکردنی بارزانیەکاندا ، سەری رێز لەبەردەم شەھیدانی ئەنفالی بارزانیەکان و سەرجەم شەھیدانی کوردستان دادەنەوێنین و ھاوخەمی خۆمان بە کەس وکاری و خانەواودەی قوربانیانیەکان رادەگەیەنین . ھیواخوازین ئەم یادە ھاندەرمان بێت بۆ تەبایی و یەکریزی و یەکھەڵوێستی گەلەکەمان.
ھەر لەم یادەوەریە خەمگینەدا ، دووبارە سوپاسی ھەڵوێستی نەتەوەییانەو جوامێرانەی کۆمەڵانی خەڵکی شاری ھەولێری خۆشەویست دەکەین ، کە لەم سەردەمەدا ھاوخەم و ھاوکاری خانەوادەی ئەنفالکراوانی کوردانی بارزانی بوون .
یەکێتیی نیشتمانیی کوردستان
مەڵبەندی ٣ ی ھەولێر
٢٠٢٣/٧/٣١
کۆلێژی سەربازی قەڵاچوالان لەگەڵ بڵاوکردنەوەی لیستی چوارەمی چاوپێکەوتنی پیشکەشکاران داوایان لێدەکات، لە سەعات ٧:٣٠ بەیانی لە رۆژی سێشەممە رێکەوتی ١ی ٨ی ٢٠٢٣ ئامادەبن، بەمەبەستی پشکنینی پزیشکی و تاقیکردنەوەی توانای لەش.
دەشڵێت، پێویستە پێشکەشکاران پێناسەی بارشارستانی یان کارتی نیشتمانی، وێنەیەکی رەنگاورەنگ و جل و پێڵاوی وەرزشی لەگەڵ خۆیاندا بھێنن.
بەپێی زانیارییەکانی کوردسات نیوز، ئەمشەو وەفدێکی باڵای تەکنیکی حکومەتی ھەرێمی کوردستان سەردانی بەغداد دەکات و لەگەڵ بەرپرسانی باڵای حکومەتی عێراق کۆدەبێتەوە بۆ گفتوگۆکردن لەسەر شایستە داراییەکانی ھەرێم.
ھاوکات پەیامنێری کوردسات نیوز لە بەغداد رایگەیاند، پێدەچێت سبەینێ بەغداد ٩٠٧ ملیار دینار بۆ مووچەی فەرمانبەران رەوانەی ھەرێم بکات کە بەپێی رێککەوتنی ھەردوولا دەبێت بەغداد مانگە ئەو بڕە پارەیە بۆ مووچە رەوانەی ھەرێم بکات.
دەقی راگەیەندراوەکە...
سەرلەئێوارەی ئەمڕۆ ٣١/ ٧ وەفدێکی فراکسیۆنی یەکێتی لە ئەنجومەنی نوێنەران کە پێکھاتبوون لە سەرۆک و ژمارەیەک لە ئەندامانی فراکسیۆن سەردانی بەڕێز محەمەد شیاع سودانی سەرۆک وەزیرانی عێراقیان کرد.
لەدیدارێکی دۆستانەدا، فراکسۆنی یەکێتی کۆمەڵێ داخوازی ھەنووکەیی خەڵکی کوردستانی خستە بەردەم بەڕێز سەرۆک وەزیران، کە گرنگترینیان بریتی بوون لەمانە:
١. ناردنی پشکی ھەرێم یاخود سلفەیەک بۆ دابەشکردنی مووچە لە ھەرێمی کوردستان، کەنزیکەی دوو مانگە دابەش نەکراوەو بار گرانیەکی زۆری دروستکردوە، لەمبارەیەوە بەڕێز سەرۆک وەزیران جەختیکردەوە لەماوەیەکی زۆر نزیکدا پارە بۆ ھەرێم دەنێرین بۆ مووچە.
٢. تەرخانکردنی بودجەیەک وەکو دیاری سەرۆک وەزیران بۆ پارێزگای ھەڵەبجە.
٣. داننان بە زانکۆکانی گەرمیان و جەرموو و راپەرین لەلایەن وەزارەتی خوێندنی باڵای عێراقەوە.
٤. تەرخانکردنی بودجەیەکی دوو ملیار دیناری بۆ ئەنجامدانی پشکنینی DNA بۆ ١٧١ روفاتی ئەنفالکراوانی گەرمیان کە ئێستا لە پزیشکی دادی بەغدان.
٥. ئەنجامدانی پرۆژەی ئاوی گۆپتەپە- چەمچەماڵ، کە کێشەی ئاوی خواردنەوەی چەمچەماڵ چارەسەر دەکات وەک دیاریەک بۆ پایتەختی ئەنفالکراوانی کوردستان.
٦. دروستکردنی نەخۆشخانەیەکی تایبەت بە دەستنیشانکردنی پێشوەختەی شێرپەنجە لە سلێمانی.
٧. چڕکردنەوەی ھەوڵەکان بۆ لابردنی ئابلۆقەی ئاسمانی لەسەر فرۆکەخانەی سلێمانی.
٨. چارەسەرکردنی کێشەی زەویوزاری کشتوکاڵی جووتیارانی کوردی کەرکوک و دەوروبەری، بۆ ئەم مەبەستە سەرۆک وەزیران رایگەیاند لەگەڵ وەزیری دادی عێراق قسەیان کردوەو بڕیاریدا لیژنەیەکی لەوەزارەتە پەیوەندارەکان و ئۆپەراسیۆنە ھاوبەشەکان و پەرلەمانتارانی پارێزگالە پێکبھێنرێت.
٩. راگرتنی ھاوسەنگی لە پۆستە ئیداریەکان و دامەزراندن لە کەرکوک و ناوچە کوردستانیە دابرێنراوەکانی تر.
١٠. دروستکردنی بەنداو بۆ گڵدانەوەی ئاو بۆ رووبەروبونەوەی کێشەی کەم ئاوی.
بەڕێز سەرۆک وەزیران سوپاسی ھەڵوێست و سیاسەتی ھاوسەنگ و بەرپرسیارانەی یەکێتی کرد مامەڵەکردن لەگەڵ کێشە سیاسیەکانی عێراق و پاڵپشتی کردنی حکومەتی عێراق.
سەبارەت بە داخوازییەکانی فراکسیۆنی یەکێتی-یش سەرۆک وەزیران رایگەیاند ھەموو داواکارییەکان تاوتوێ دەکەین و بڕیاری پێویستی لەبارەوە دەدەن.
سەرۆکی فراکسیۆنی یەکێتی سوپاسی سەرۆک وەزیرانی کرد و پشتیوانی یەکێتی بۆ سەرکەوتنی ھەنگاوەکانی حکومەت بۆ خزمەتکردنی خەڵک و چاکسازی دووپاتکردەوە.
جەختیشی کردەوە لەسەر داخوازییەکانی فراکسیۆنی یەکێتی کە داخوازی خەڵکی کوردستانن.
فراکسیۆنی یەکێتی لەئەنجومەنی نوێنەرانی عێراق
٣١/ ٧ / ٢٠٢٣
پەیامنێری کوردسات نیوز لە بەغداد راگەیاند، لە کۆبوونەوەکەی سبەینێ ئەنجومەنی وەزیرانی عێراقدا بڕیار لەبارەی ناردنی شایستە داراییەکانی ھەرێم بدرێت و ٩٠٧ ملیار دینار بۆ مووچەی فەرمانبەران رەوانەی ھەرێم بکات، کە بەپێی رێککەوتنی ھەردوولا دەبێت بەغداد مانگە ئەو بڕە پارەیە بۆ مووچە رەوانە بکات.
ھاوکات بەپێی زانیارییەکانی کوردسات نیوز، ئەمشەو شاندێکی باڵای تەکنیکی حکومەتی ھەرێمی کوردستان سەردانی بەغداد دەکات، لەگەڵ بەرپرسانی باڵای حکومەتی عێراق کۆدەبێتەوە بۆ گفتوگۆکردن لەسەر شایستە داراییەکانی ھەرێم.
لە مەیدانی ئاژەڵفرۆشانی سلێمانی شەڕە چەقۆ لە نێوان دوو کەسدا ڕوویدا، سەرکەوت ئەحمەد وتەبێژی پۆلیسی سلێمانی بە کوردسات نیوزی ڕاگەیاند، لە ئەنجامی ئەو شەڕەدا کەسێک کوژراوە و بکوژەکەش ھەڵھاتووە.
ئەم هەواڵە نوێدەکرێتەوە زانیاری زیاتر بڵاودەکەینەوە....
یادی عاشورا، یادی پڕئازاری شەھیدبوونی ئیمام حوسەین (سەلامی خوای لەسەربێت) بەبیرھێنانەوەی حەق و بەرزڕاگرتنی بەھا پیرۆزەکانی یەکسانی، دادپەروەری، راستی و لێبوردەییە لەپێناو رووبەڕووبوونەوەی زوڵم، زۆرداری، پاراستی برایەتی و یەکڕیزیی گەل.
ئەم رۆژی ماتەمە سەرەڕای پەندوەرگرتن، دەبێت ھاندەربێت بۆ ھەموو گەلانی عیراق کە برایەتی و پێکەوەییمان بپارێزین و ھەوڵەکانمان یەکبخەین بۆ سەرخستنی چاکسازی، خزمەتکردنی گەلەکەمان و کاربکەین بۆ چاکەخوازی و بەخشندەیی.
یادەوەریی ئیمام حوسەین بە رێز و شکۆوە بەرزڕادەگرین و لەخوای گەورە داواکارین ھاندەرمان بێت بۆ یەکێتی، تەبایی و زاڵبوون بەسەر ئاستەنگییەکاندا.
بافڵ جەلال تاڵەبانی
سەرۆکی یەکێتیی نیشتمانیی کوردستان
بەڕێوەبەرایەتی نەھێشتنی ماددەھۆشبەرەکان رایگەیاند، تیمەکانیان لەچەند رۆژی رابردودا لەسێ چالاکیدا دەستیانگرتووە بەسەر بڕی ٢٥ کیلۆ ماددەی ھۆشبەر لە جۆری کریستاڵ و حەبی کەپتاگۆن، ٥ بازرگانی ماددەی ھۆشبەریش دەستگیرکراون.
لە بەشێکی تری راگەیەنراوەکەدا ھاتووە، لەچالاکی یەکەمدا دوای ھەماھەنگی لەگەڵ بەڕێوەبەرایەتی ماددەھۆشبەرەکانی حکومەتی عێراقی فیدڕاڵ تونرا دەستبگرن بەسەر بڕی ١٠ کیلۆ ماددەی ھۆشبەر لەجۆری کریستاڵ و ١ کیلۆ حەبی کەپتاگۆن ٢ گەورە بازرگانیش دەستگیربکەن.
لە چالاکی دووەمیشدا دوای کۆکردنەوەی زانیاری و بەدواداچوونی ورد، توانرا دەستبەسەر بڕی ٧ کیلۆ ماددەی ھۆشبەر لەجۆری کریستاڵ و ٢ بازرگان دەستگیربکەن.
لە راگەیەنراوەکەشدا ئاماژە بۆ ئەوەکراوە، لەچالاکیەکی تردا توانرا ٧ کیلۆ تۆچای تێکەڵ بەماددەی ھۆشبەری مەریجوانا و حەشیش لەگەڵ بازرگانێک دەستگیربکەن، تۆمەتبارەکانیش پەڕاوی لێکۆڵینەوەیان بۆکراوەتەوەو روبەڕووی یاسا دەکرینەوە.
وەزارەتی ناوخۆی ھەرێم رایگەیاند، لە ماوەی ساڵی رابردوودا لە رێگەی کردنەوەی ٩٠ بنکەی تۆمارکردنی چەکی ئاگرینەوە، لە بنکەکانی پۆلیس زیاتر لە ١٧ ھەزار چەکی ھاووڵاتیان تۆمارکراوە، پسوڵەی تۆمار دراوە بە ھاووڵاتیان، لە ٢٢ی تەمموزیش یاسای چەک ژمارە دووی ساڵی ٢٠٢٢ کەوتۆتە بواری جێبەجێ کردنەوە.
ئاماژەی بۆ ئەوەشکردووە، ئەو ھاووڵاتیانەی ھێشتا چەکی تۆمار نەکراو لە ماڵەکانیان ھەیە و مەبەستیانە ئەو چەکە بکەنە رەسمی و خۆیان لە لێپرسینەوەی یاسایی بپارێزن، لە دوای بەرکاربوونی یاسای چەک، دوو مانگ مۆڵەت بۆ ھاووڵاتیان درێژکراوەتەوە، خۆیان ھەواڵ بدەن لە ھەبوونی چەکی بێ مۆڵەت و داوای مۆڵەت بکەن تا لە سزا ببوورێن.
جەختی لەوەشکردوە، ھەرکەسێک لە ماوەی ٦٠ رۆژدا لە دوای بەرکاربوونی ئەو یاسایە، ھەواڵ بدات لەسەر دەستداریی چەکێکی بێ مۆڵەت، لە سزا دەبوردرێن و دەسەڵاتی مۆڵەتدان دەتوانێت بە پێی حوکمەکانی ئەو یاسایە مۆڵەتی پێ بدات.
داوا لە ھاووڵاتیانیش دەکات، سوود لەو ٦٠ رۆژە وەربگرن و ئەوانەی چەکەکانیان تۆمار نەکردووە، دەتوانن سەردانی بەرێوەبەرایوەتییەکان بکەن بۆ ئەوەی بە رەسمی داوای مۆڵەتی دەستداری یان ھەڵگرتنی چەک بکەن.
سەرچاوەیەک لە کۆمیسیۆنی باڵای سەربەخۆی ھەڵبژاردنەکانی عێراق بە کوردسات نیوزی راگەیاند، دەتوانن لە ١٨ی شوباتی ٢٠٢٤ی بە دواوە سەرپەرشتی ھەڵبژاردنی پەرلەمانی کوردستان بکەن، لە ئێستاشدا چاوەڕوانی سەرۆکایەتی ھەرێمی کوردستانن بە مەرسومێک وادەی ھەڵبژاردن بە رەسمی دیاریبکات.
وتیشی، دیاریکردنی وادەکە لەلایەن سەرۆکایەتی ھەرێم، پێویستی بە رێککەوتنی لایەنەکان لەسەر ھەڵبژاردن و دیاریکردنی وادەیەکی گونجاو ھەیە، چونکە بابەتی ھەڵبژاردن بابەتێکی ھەستیار و گرنگە و پێویستی بە کەشێکی گونجاو ھەیە لە رووی ئەمنیی و کەشوھەواوە، لەبەرئەوەی بەشێکی زۆری ناوچەکانی ھەرێمی کوردستان ناتوانن لە وەرزە سەختەکاندا بەھۆی ئاستەنگی ھاتوچۆوە بەشداری ھەڵبژاردن بکەن.
لە بەشێکی تری راگەیەنراوەکەدا ھاتووە، لەچالاکی یەکەمدا دوای ھەماھەنگی لەگەڵ بەڕێوەبەرایەتی ماددەھۆشبەرەکانی حکومەتی عێراقی فیدڕاڵ تونرا دەستبگرن بەسەر بڕی ١٠ کیلۆ ماددەی ھۆشبەر لەجۆری کریستاڵ و ١ کیلۆ حەبی کەپتاگۆن ٢ گەورە بازرگانیش دەستگیربکەن.
لە چالاکی دووەمیشدا دوای کۆکردنەوەی زانیاری و بەدواداچوونی ورد، توانرا دەستبەسەر بڕی ٧ کیلۆ ماددەی ھۆشبەر لەجۆری کریستاڵ و ٢ بازرگان دەستگیربکەن.
لە راگەیەنراوەکەشدا ئاماژە بۆ ئەوەکراوە، لەچالاکیەکی تردا توانرا ٧ کیلۆ تۆچای تێکەڵ بەماددەی ھۆشبەری مەریجوانا و حەشیش لەگەڵ بازرگانێک دەستگیربکەن، تۆمەتبارەکانیش پەڕاوی لێکۆڵینەوەیان بۆکراوەتەوەو روبەڕووی یاسا دەکرینەوە.
وەزارەتی دارایی و ئابووری حکومەتی ھەرێمی کوردستان رایگەیاند، بەبڕیاری وەزیری دارایی و ئابووری لە ڕۆژی ٢٥ی ٧ی ٢٠٢٣ کێشەی کۆمپانیای جێبەجێکاری پرۆژەی رێگەی دووسایدکردنی کەلار - دەربەندیخان چارەسەرکرا تا بتوانرێت شایستە داراییەکانیان بۆ خەرجبکرێت.
ئاماژەی بەوەشکردووە، لەسەر بڕیاری وەزیری دارایی و ئابووری و بەپێی نوسراوی ژمارە ٤٢ لە رۆژی ٣٠ی ٧ی ٢٠٢٣، لەلایەن گەنجینەی دووی سلێمانییەوە بڕیاری خەرجکردنی بڕی ٦٦٩ ملیۆن و ٢٣٣ ھەزار دینار لەسەر ھەژماری بەڕێوبەرایەتی رێگەوبانی گەرمیانەوە بۆ سەر ھەژماری کۆمپانیای بێشکان جێبەجێکاری پرۆژەی دووسایدکردنی رێگەی کەلار - دەربەندیخان دەرچووە، لە پێناو بەردەوامی بەڕێوەچوونی کارەکانی پرۆژەکە لەلایەن کۆمپانیای جێبەجێکارەوە.
وەزارەتی ناوخۆی حکومەتی ھەرێمی کوردستان لە راگەیەندراوێکدا ئاماژەی بەوەکردووە، سبەینێ دووشەممە ڕێکەوتی ٣١ی تەمووزی ٢٠٢٣ ەوە وەزارەتی ناوخۆ بە ھەماھەنگی لەگەڵ پارێزگای ھەڵەبجە ڕێکارە کارگێڕییەکان و ھەنگاوی کرداری ھێنانەکایەوەی قەزای خورماڵ دەستپێدەکات.
کاوە عەلی جێگری پارێزگاری ھەڵەبجەش بە کوردسات نیوز راگەیاند، تایبەت بە قەزاکردنی ناحیەی خورمال پێشتر سێ نوسراویان لەساڵانی ٢٠١٩، ٢٠٢٠ و ٢٠٢٣ لە ئیدارەی پارێزگای ھەڵەبجە ئاڕاستەی وەزارەتی ناوخۆ کردووە.
ئاماژەی بەوەشکرد، رێکارەکان لە پارێزگای ھەڵەبجە دەستپێدەکات، سنوری ئیداری جیادەکرێتەوە لەگەل پێداوستییەکانی دواتر ئاڕاستەی وەزارەتی ناوخۆ و لە وەزارەتی ناوخۆش بەرز دەکرێتەوە بۆ ئەنجومەنی وەزیران تا فەرمانی بەقەزاکردنی بۆ دەربچێت.
جێگری پارێزگاری ھەڵەبجە راشیگەیاند، رێکارەکان پێشتر ئامادەکراون و کاتی زۆریان پێویست نییە.