لە رێوڕەسمەکەدا پلاتفۆرمی  YOOZ لە ئاسیاسێڵ خەڵاتی باشترین ھەڵمەتی بەبازاڕکردنی بردەوە، بەخشینی خەڵاتەکە بەھۆی شێوازی داھێنەرانەی پلاتفۆرمەکە بووە لە ھەڵمەتی بەبازاڕکردندا، بەجۆرێک لە ماوەیەکی کەمدا توانی سەرنجی زۆربەی عێراقییەکان بۆخۆی رابکێشێت.

پلاتفۆرمی  YOOZ  پلاتفۆرمێکی دیجیتاڵییە بۆ گەنجان، یارمەتی گەنجان دەدات بۆ دەستڕاگەیشتن بە بابەتی دیجیتاڵی تایبەت بە چێژوەرگرتن، وەکو موزیک و فیلم و یاری.

global economic awards کە خەڵاتەکەی بەخشیوەتە پلاتفۆرمی  YOOZ، دامەزراوەیەکی نێودەوڵەتی باوەڕپێکراوە کە ناوەندەکەی لە شاری لەندەنی پایتەختی بەریتانیایە.

وتیشی، لەشەڕەکەدا چەقۆ بەکار ھاتوە و تەقەش کراوە بەھۆیەوە ٧ کەس بریندار بوون.

بەوتەی پۆلیس لەو ٧ بریندارە ٤ کەسیان فیشەک بەر قاچیان کەوتوە و ٣ کەسی تریشیان بە چەقۆ و دار بریندار بوون.

بەڕێوەبەری بنکەی پۆلیسی رەحیم ئاوا وتیشی، دەست بەجێ پۆلیسەکانیان ناردوەتە شوێنی ڕوداوەکە و توانیویانە ٤ کەس لەوانە دەستگیر بکەن کە دەستیان لە شەڕەکەدا ھەبووە .

عەقید عسام وتیشی بریندارەکان باری تەندروستیان جێگیرە و ڕەوانەی نەخۆشانەی گشتی کەرکوک کراون، لەبارەی تۆمار کردنی سکاڵا بەشێک لەبریندارەکان ڕەتیان کردووەتەوە سکاڵای یاسایی تۆمار بکەن لەلای پۆلیس و وتویانە کێشەی خێزانی نێوان خۆیانەو سکاڵایان نیە.

 راشیگەیاندوە، ئاستی ئاو بەنداوە تازەکانی"چەمرگە و دێوانە و تورەجار وخنس"کە لە کۆتایی ساڵی ٢٠٢٢ تەواوو بوون، بە ڕادەیەکی باش زیادی کردووە، سەر رێژیان کردووە.

"سروە محەمەد ڕەشید" ئەندامی فراکسیۆنی یەکێتی لە ئەنجومەنی نوێنەرانی عێراق بە کوردسات نیوزی راگەیاند، بەمەبەستی نەھێشتنی جیاوازی موچە و ئیمتیازاتی زیندانیانی سیاسی نێوان ھەرێم و بەغداد کە لە ئێستادا جیاوازییەکی زۆر ھەیە، سەردانی دەزگای زیندانیانی عێراقیان کردوە و داواکاریی زیندانییانی سیاسیی ھەرێمی کوردستانیان گەیاندوە، چونکە بەپێی ماددەی ١٣٢ی دەستوری ھەمیشەیی عێراق پێویستە، ھەموو زیندانیانی سیاسی ھەمان ماف و موچەو ئیمتیازیان ھەبێت.

وتیشی، ھەموو ئەو جیاوازییانەی لە نێوان ئیمتیازاتی زینداینانی سیاسی ھەرێم و بەغداد ھەیە خراوەتە روو بۆ چارەسەرکردنی ئەو کێشەیە، دواکراوە یاسای زیندانیان گۆڕانکاری تێدا بکرێت، ھەروەھا ھەماھەنگی لە نێوان زیندانیانی سیاسی ھەرێم و بەغداد ھەبێت و کێشە یاساییەکان نەھێڵرێت، بۆ ئەوەی زیندانیانی ھەرێمیش ھاوشێوەی بەغداد سودمەندبن لە ئیمتیازاتەکان.

وەزارەتی خوێندنی باڵا و توێژینەوەی زانستی ھەرێم نوسراوێکی ئاڕاستەی زانکۆ حکومییەکان کردوە، داوای ناوی سێ یەکەمەکانی زانکۆ و پەیمانگاکان دەکات، ئەوانەی لە ناوچە کوردستانییەکانی دەرەوەی ئیدارەی ھەرێمی کوردستان نیشتەجێن، بە مەبەستی دامەزراندنیان لەسەر میلاکی حکوومەتی عێراقی فیدراڵ.

بەپێی نوسراوەکە ھەموو سێ یەکەمەکانی دەرچوی ساڵانی ٢٠٠٣ تا ٢٠٢١ی ناوچە کوردستانییەکانی دەرەوەی ئیدارەی ھەرێم دەگرێتەوە، پێویستە لە ماوەی سێ رۆژدا ناوەکان رەوانە بکرێت مەبەستی دامەزراندنیان لەسەر میلاکی حکوومەتی عێراقی فیدراڵ.

حکومەتی ھەرێم لە راگەیەنراوێکدا، وێڕای دووپاتکردنەوەی خواستی ھەرێمی کوردستان بۆ چارەسەرکردنی کێشەکان بەشێوەیەکی بنەڕەتی و لەسەر بنەمای دەستوور و ڕێککەوتنی لایەنەکانی پێکھێنەری حکومەت و کارنامەی وەزاری کابینەی نوێی حکومەتی عێراق، ئاماژەی بەوەکردووە، ئەوەی لەسەر ھەرێمی کوردستان و وەفدی ھەرێم بووە ئەنجامی داوە بۆ گەیشتن بە ڕێککەوتن، بۆیە چاوەڕێی حکومەتی فیدراڵن پابەندبێت بە جێبەجێکردنی ڕێککەوتنەکان. 

جەختیشیکردووەتەوە، دادگای باڵای فیدراڵی بەکاردەھێنرێت بۆ تێکدانی ھەر ڕێککەوتنێک لەگەڵ حکومەتی فیدراڵ بۆ چارەسەرکردنی کێشەکان دەکرێت، بۆیە ھیوادارن پڕۆژەیاسای بودجەی ٢٠٢٣ بە زووترین کات پەسەندبکرێت و ماف و شایستە دەستوورییەکانی ھەرێمی کوردستانیش دابینبکرێت.

شێخ نیاز راغب نەقشبەندی بەڕێوەبەری گشتی حەج و عومرەی ھەرێم لە کۆنفرانسێکی رۆژنامەوانیدا رایگەیاند، سعودیە بۆ حەجی ئەمساڵ ژمارەی حاجیانی بۆ دوو ملیۆن حاجی زیادکردووە و لە کۆی ٣٣ ھەزار و ٩٦٠ کەس لە عێراق، چوار ھەزار و ٦٨٥ کەس وەک پشکی ھەرێمی کوردستان دیاریکراوە.

وتیشی، ئەمساڵ ژمارەیەک لە حاجیان بە رێگەی وشکانی دەچن بۆ حەج کە تێچووی کەمتر دەبێت و ساڵی داھاتووش داواکاری حەج بە رێگەی ئۆنلاین دەبێت.

لە دیدارێکدا، کە یاکۆ بێرێندز، کونسوڵی گشتیی شانشینی ھۆڵەندا لە ھەرێمی کوردستان ئامادەیبوو، بە وردی باس لە ڕەوشی مافەکانی مرۆڤ لە عێراق و کوردستان کرا، ھاوکات پرسی ژن، ئازادیی ڕۆژنامەوانی، تەوەرێکی دیکەی گفتوگۆکان بوون. سەرۆکی پەرلەمان ئاماژەی بە زۆربەی ئەو یاسا گرنگانەدا کە لە پەرلەمانی کوردستان دەرچوون بۆ پشتیوانیکردن لە مافەکانی ژنان و داکۆکیکردن لە ڕۆژنامەنووسان. 

ھەروەک ڕوانگەی خۆیشی بۆ دۆخی گشتیی مافەکانی مرۆڤ و ژنان لەسەر ئاستی عێراق و ناوچەکە ڕوون کردەوە، بە تایبەت لە ڕووی پێکەوەژیان و قبووڵکردنی یەکتریی جیاوازییەکان.

ھەر لە دیدارەکەدا، ھەردوولا جەختیان لەسەر گەشەپێدانی زیاتری مافەکانی مرۆڤ، ئازادییە گشتیەکان و بەرەوپێشەوەبردنی پرسی ژنان کردەوە.

لای خۆیانەوە، وەفدی میوان سوپاسگوزاریی خۆیان ئاراستەی سەرۆکی پەرلەمان کرد، بۆ پێشوازیلێکردنیان و خستنەڕووی ئەو بابەتانەی کە لە دیدارەکەدا تیشکیان خرایە سەر.

وەزیری بازرگانی سەبارەت بە داوایەکی حکومەتی عێراق بۆ رادەستکردنی زیاتر لە ١١٨ ملیار دینار وەک پارەی ناردنی بەشەخۆراکی مانگانە بۆ ھاووڵاتیانی ھەرێم رایگەیاند، لەگەڵ وەزارەتی بازرگانی عێراق قسەیان کردووە لەسەر ئەوەی کە ئەوەی رابردوو رۆیشت و لە مانگی ١١ی ساڵی رابردوەوە وا رێککەوتوون کە پارەی بەشەخۆراکیان رادەستبکەن.

بەڕێوەبەری گشتی کۆمپانیای بازرگانی خۆراکی عێراق لەبەرامبەر رادەستنەکردنی پارەی بەشەخۆراکی مانگانە لە ساڵی ٢٠٠٤ەوە لە دادگای فیدراڵی سکاڵایەکی دژی وەزارەتی بازرگانی ھەرێم و کۆمپانیای بازرگانی خۆراکی ھەولێر تۆمارکردووە، دوێنێش دادگای فیدراڵی سکاڵاکەی بۆ ٢٨ی مانگی داھاتوو دواخست.

بە وتەی وەزیری بازرگانی ھەرێم کە بۆ دەنگی ئەمریکا قسەی کردووە، پێشتر چەندجارێک ئەو سکاڵایە دواخراوە و وەزارەتەکەی دووبارە داوای دواخستنی کردووە بۆ ئەوەی لە کۆتایدا بەتاڵ ببێتەوە.

پەیامنێری کوردسات نیوز رایگەیاند، سەعات ٧:٤٥ بەیانی ئەمڕۆ ١٢ مووشەک ئاڕاستەی بنکەی سەربازی تورکیا لە ناحیەی زێلکانی سەر بە پارێزگای نەینەوا کران.

وتیشی، پێنج لە مووشەکەکان لەناو سەربازگەکە کەوتوونەتە خوارەوە و مووشەکەکانی دیکە لە دەوروبەری سەربازگەکە کەوتوونەتە خوارەوە و وەک ھێرشەکانی رابردوو سەربازانی تورکیا زیانەکانی مووشەکبارانەکەیان ئاشکرانەکردووە.

ھەروەھا غەیاس سورچی لێپرسراوی راگەیاندنی مەڵبەندی نەینەوای یەکێتی بە کوردسات نیوزی راگەیاند، مووشەکەکان لە سنوری ناحییەی باشیکەوە ئاڕاستەی بنکە سەربازییەکە کراون و ئەمنییەتی ئەو سنورەش لە ژێر دەستی لیوایەکی حەشدی شەعبیدایە.

بەپێی نوێترین ریزبەندی پێگەی (وێبۆمیتریکیس) بۆ ساڵی ٢٠٢٣، بۆ جارێکی تر زانکۆی سلێمانی لەسەر ئاستی ھەرێمی کوردستان پلەی یەکەمی بەدەستھێناوەتەوە و لەسەر ئاستی زانکۆکانی عیراقیش لە پلەی پێنجەمدایە و لەسەر ئاستی جیھانیش چەندین پلە چۆتە پێشەوە، کە بەراورد لەگەڵ ساڵی رابردوو بەشێوەیەکی بەرچاو ئاستی بەرزبووەتەوە.

ئەم لیستە نوێیەی پێگەکە پشتی بە زۆری سایتەیشتنی  مامۆستایانی زانکۆکان بەستووە و تێیدا ھاتووە، لە  ٢٠٢٣ دا مامۆستایانی زانکۆی سلێمانی ٤٥ ھەزار و ٢٣١ سایتەیشتنیان ھەبووە.

سایتەیشن واتە مامۆستایانی ئەو زانکۆیە توێژینەوەکانیان لەو ساڵەدا زۆرترین گەڕانی بۆ کراوە و توێژەرانی تر وەکو سەرچاوە بەکاریانھێناوە.

ریزبەندی وێبۆمیتریکیس لەلایەن ئەنجوومەنی باڵای توێژینەوەی زانستی کە سەر بە وەزارەتی خوێندن و توێژینەوەی ئیسپانیایە لە رێگەی تیمێکی پسپۆرەوە ئەنجام دەدرێت.

                                               
دەقی پەیامەکە...

ئەمڕۆ ١٩ ساڵ تێپەڕیووە، بەسەر کردەوە تاوانکاریە تیرۆریستیەکەی ، ناو ھەردوو بارەگای مەلبەندی سێی ھەولێری یەکێتیی نیشتمانیی کوردستان و لقی دووی پارتی دیموکراتی کوردستان ،  لە ڕۆژی ٢٠٠٤/٢/١ دا ، تاریکپەرستان لە رێگای دوو تیرۆریستی سەر لێشێواودا ، لەیەکەم رۆژی جەژنی قوربانی پیرۆز ، لەکردەوەیەکی خۆکوژیدا ، لەناو ھەردوو بارەگای مەلبەندی سێی ھەولێری یەکێتیی نیشتمانیی کوردستان و لقی دووی پارتی دیموکراتی کوردستاندا خۆیان تەقاندەوە.

لەم ھێرشە دڕندانەیەدا  ١٠٥ کەس لەھاوڵاتیان و سەرکردە و ئەندامانی ھەردوو حزب شەھیدبوون و ژمارەکی زۆریش برینداربوون.

لەو یادە خەمناکەدا ، سەری رێز بۆ گیانی پاکی شەھیدان دادەنوێنین و وەک سەروەری و شانازیش ڕێزی بریندارانی کارەساتەکە و بنەماڵەی شەھیدان دەگرین و پێکەوە درێژە بەڕێبازی شەھیدان دەدەین و ئەم بۆنە خەمناکەش دەکەینە ھەوێنی تەبایی و یەکریزی گەلەکەمان.

لەم کۆستە گەورەیەی نەتەوەکەماندا ، وەبیر ھەمووان دێنینەوە ، کەتیرۆریستان بەم تاوانی کۆمەڵکوژیەیان ، کە ھەولێریان خەڵتانی خوێنکرد و تاوانێکی گەورەشیان بەرامبەر بەمرۆڤایەتیش ئەنجامدا ، نابێ بیریشمان بچێت کەدوژمنانی کوردستان ، بۆ پەلامارەکانیان، ھیچ جیاوازیەک لەنێوان ڕەنگ و دەنگە جیاوازەکانمان ناکەن.

بێگومان تیرۆریستان لەم تاوانەشیاندا مەبەستیان بوو ئاشتی وتەبایی و گیانی لێبوردەیی جەژن ، لە ھەولێری و ھەولێریەکان تاڵ بکەن و درزیش بخەنە نێوان ڕیزەکانی ھێزە سیاسیەکانی کوردستان ، بەلام ئەو ئاواتەیان نەھاتەدی و ئەم کارەساتەش بووە ھەوێنی زیاتر بەھێزکردنی گیانی پێکەوەیی و تەبایی و پتەوکردنی یەکێتی ریزەکانی گەلی کوردستان.

ئەم کردوەوە تیرۆریستیە ، ئیرادەی گەلەکەمان و گیانی بەرگری و قارەمانانەی ھێزی پێشمەرگەی کوردستانیشی بەھێزتر کرد ، لەڕووبەڕوو بوونەوەی بیری توندڕەوی بەناو جیھادی ئیسلامی و لەناوبردنیان ،  بەتایبەت لەڕووبەڕووبوونەوەی تیرۆریستانی دەوڵەتی ئیسلامی (داعش) بەھاوکاری ھاوپەیمانی نێودەوڵەتی و دۆستەکانی گەلی کوردستان.

لەم یادەدا ، وێرای تەئکید کردنەوەو پەرۆشیمان لەسەر پتەوکردنی یەکریزی و تەبایی و ھاوھەڵوێستی ھێزە سیاسیەکانی کوردستان و سوور بوونی خۆمان دووپات دەکەینەوە ، لەسەر بەرەنگاربوونەوەی تێرۆریستان و پاراستن و گەشەپێدانی  دەستکەوتەکانی گەلەکەمان و خزمەتکردنی ھاوڵاتیان بەگشتی و کەسوکاری شەھیدان بەتایبەت بەبێ جیاوازی.

گەلەکەمان دڵنیا دەکەینەوە ، ئەم ڕۆژی ماتەمینیەی ھەولێریەکان ،  دەکەینە ھاندەرێک بۆ کارکردن لەسەر بنبڕکردنی فیکرو کلتوری  تیرۆرو تیرۆریستان ، لەسەرتاسەری عیراق و ھەرێمی کوردستان ، بەھاوکاری ھاوپەیمانی نێودەوڵەتی و ئازادیخوازانی دنیا.

لەم رۆژەدا ، دووپاتی دەکەینەوە ، کردەوە تیرۆریستیەکان ناتوانن ڕێگە  لەبەرەوپێشبردنی گەل و وڵاتەکەمان بگرن،  بەڵکو خوێنی شەھیدەکانمان ھاندەرمان دەبێت بۆ زیاتر خزمەت کردنی خەڵکی خۆشەویستی ھەولێر.

درود بۆ گیانی پاکی شەھیدان و ڕێزو وەفاداریشمان بۆ کەسوکاری شەھیدان و بریندارو کەمئەندامانی مەرگەساتی یەکی شوبات دووپات دەکەینەوە.

                                                                        
                                                                     یەکێتیی نیشتمانیی کوردستان
مەڵبەندی سێی ڕێکخستنی ھەولێر
٣١–١–٢٠٢٣

پەیامنێری کوردسات نیوز رایگەیاند، لە گوندی یارمجەی ھەرکیان سەر بە ناحەی گوێر بە ھۆی کێشەیەکی کۆمەڵایەتیەوە شەر لە نێوان دوو خێزان روویداوە کە دراوسێی یەکترن بەھۆیەوە ژنێکی تەمەن ٧٠ ساڵان بە ناوی خەدیجە رەشید کە دایکە شەھیدە بە سەختی بریندار بووە.

وتیشی بە ووتەی کەس و کاری ژنەکە درەنگانی شەوی رابردوو کەسێک کە دراوسێی خۆیانە بە چەک ھێرشی کردووەتە سەریان تەقەی بە ناو ماڵ و منداڵدا  کردوە لە ئەنجامدان ژنێکی ٧٠ ساڵان بریندار بووە , ئەو کەسەی تەقەی کردوە پێشتر چەندین تاوانی ئەنجام داوە.

سەعدی ئەحمەد پیرە ئەندامی مەکتەبی سیاسی یەکێتی نیشمانی کوردستان رایگەیاند، باسیان لە بارودۆخی ئەمنی و سیاسی و رەوشی خەڵکی موسڵ کردووە.

ئاماژەی بەوەشدا، سەرۆک مام جەلال گرنگی زۆری بە پارێزگای موسڵ داوە و وەکو یەکێتیش بەردەوام دەبن لەسەر ئەو سیاسەتە.

د. نەرمین مەعروف ئەندامی لیژنەی دارایی ئەنجومەنی نوێنەران بە کوردسات نیوزی راگەیاند، لیژنەی دارایی میوانداری عەلی عەلاق پارێزگاری بانکی ناوەندیان کرد و گفتوگۆیان لەبارەی رێکارەکانی بانکی ناوەندی بۆ بەرزکردنەوەی بەھای دینار کردووە.

راشیگەیاند، لە کۆبوونەوەکەدا داوای لە پارێزگاری بانکی ناوەندی کردووە کارئاسانی بۆ ھاووڵاتیان و بازرگانان و ئەو کەسانە بکات کە قیستی خانووبەرەیان لەسەرە بە دۆلار، لە وەڵامدا عەلی عەلاق ئاماژەی بەوەکردووە، کار لەسەر ئەو بابەتە دەکەن و بڕیاری لەبارەوە دەدەن.

مەحموود محەمەد وتەبێژی پارتی دیموکراتی کوردستان، بە رۆژنامەنووسانی راگەیاند، رۆژی شەممەی داھاتوو یەکێتیی نیشتمانیی کوردستان و پارتی دیموکراتی کوردستان کۆدەبنەوە، لەبارەی ناوەڕۆکی کۆبوونەوەکەش وتی، ئەوکاتە ئاشکرای دەکەن.

وتەبێژی پارتی باسی لە بەڕێوەچوونی ھەڵبژاردنی پەرلەمانی کوردستان کرد و رایگەیاند، ھەڵبژاردن پرسێکی نیشتمانییە و پێویستە ئەنجام بدرێت.

رۆژی شەممەی رابردوو یەکێتیی و پارتی لە بارەگای مەکتەبی سیاسیی یەکێتی لە سلێمانی کۆبوونەوە و لە راگەیەندراوێکدا ئاماژەیان بەوەکرد، بارودۆخی سیاسیی ھەرێمی کوردستان و ھاوکێشە ناوخۆیی و ناوچەییەکانیان تاوتوێکردووە و رێککەوتوون لە دەرفەتێکی نزیکدا کۆبوونەوەی دیکەی ھەردوو وەفد ئەنجام بدرێت.