وەزارەتی تەندروستی تونس ڕایگەیاند، لە ٢٤ سەعاتی ڕابردوودا ١٨٩ کەس بەھۆی کۆرۆناوە گیانیان لە دەستداوە، بەم جۆرەش تونس بوو بە یەکەم وڵاتی عەرەبی لە سەرەتای سەرھەڵدانی ڤایرۆسی کۆرۆناوە تا ئێستا، زۆرترین ژمارەی گیان لە دەستدان بە کۆرۆنا تۆمار بکات.

تا ئێستا لە تونس ٤٨١ ھەزار و ٧٣٥ حاڵەتی تووشبوون بە ڤایرۆسەکە تۆمارکراوە و ٨ ھەزار و ٥٠٦ حاڵەتیان تەنھا لە ٢٤ سەعاتی ڕابردوودا تۆمار کراوە.

ھەفتەی ڕابردووش وەزارەتی تەندروستی تونس ڕایگەیاند، سیستمی تەندروستی وڵاتەکەیان داڕووخاوە و ڕەوشی تەندروستی کارەساتبارە و توانای کۆنترۆڵکردنی ڤایرۆسەکەیان نەماوە.

دەشڵێت، جارێ زووە باس لە کۆتاییھاتنی کۆرۆنا بکرێت، بە تایبەت لە ئێستادا کە ژمارەی تووشبووان بە دەلتا ڕوو لە زیادبوونە.

زاناکەی تەندروستی جیھان ئاماژە بەوە دەکات، بۆ کەمکردنەوەی کاریگەری کۆرۆنا پێویستە ھەڵمەتی کوتان بە ڤاکسینی کۆرۆنا خێراتر و بەرفراوانتر بکرێت.

باسی لەوەش کردووە، ھۆکاری سەرەکی بەرزبوونەوەی ڕێژەی تووشبووان بەھۆی خێرایی بڵاوبوونەوەی جۆری دەلتایە کە کەسی تووشبوو دەکرێت ھەشت کەسی تر تووش بکات.

رێکخراوی تەندروستی جیھانی رایگەیاند، لەم ھەفتەیەدا ئامارەکانی گیان لە دەستدان بە ڤایرۆسی کۆرۆنا، بە رێژەی ٧٪ کەمیکردووە، بەڵام ئامارەکانی توشبوون بە پەتاکە زیادیان کردووە، بە تایبەت لە وڵاتانی ئەوروپا.

رێکخراوی تەندروستی جیھانی ئاماژەی بۆ ئەوەشکرد، ژمارەی توشبووان بە ڤایرۆسی کۆرۆنا ١٨٣ ملیۆنی تێپەراندووە و زیاتر لە چوار ملیۆن توشبووش گیانیان لە دەستداوە.

پێشبینیشی کرد، ئاماری ڕۆژانەی تووشبوون بە کۆرۆنا لە بەریتانیا بۆ ٥٠ ھەزار حاڵەتی تووشبوون لە ڕۆژێکدا بەرزببێتەوە.

ڕاشیگەیاند، لە ١٩ی ئەم مانگە دەچنە قۆناغی کۆتایی لابردنی ڕێکارەکانی بەرەنگاربوونەوەی کۆرۆنا لە بەریتانیا، بەڵام ئەوە بەو واتایە نایەت، کە لە دوای ئەو بەروارەوە کۆرۆنا کۆتایی بێت.

مایکڵ ڕایان بەڕێوەبەری فریاکەوتن لە ڕێکخراوی تەندروستی جیھانیی ڕایگەیاندووە، ڕەوشی کۆرۆنا بەراورد بە ٣ مانگی ڕابردوو باشترە، بەڵام تا ئێستا ئامارەکان بەرزن و لە دوو ھەفتەی ڕابردووشدا ئامارەکانی تووشبوون بە ڤایرۆسەکە لە ئاستێکی زۆر بەرزدا جێگیر بووە.

ڕوونیشیکردەوە، لە ھەندێک وڵات ئامارەکان تا ڕادەیەکی زۆر دابەزیون، بەڵام لە ھەندێک وڵاتی تر ڕەوشەکە تەواو پێچەوانەیە، ئەوەش بەھۆی کەمکردنەوەی ڕێکارەکانی خۆپارێزی و دووبارە تێکەڵبوونەوەی خەڵکە.

پێشتریش تیدرۆس ئەدھانۆم بەڕێوەبەری گشتی ڕێکخراوی تەندروستی جیھانی ھۆشداری داوە لەوەی جیھان لە قۆناغێکی مەترسیداری کۆرۆنادایە بەھۆی ئەو جۆرە نوێیانەی ڤایرۆسەکە کە لە وڵاتاندا بڵاودەبنەوە.

میدیاکانی ئێران بڵاویانکردەوە، "دەلتا" لە پارێزگای سیستان و بلوچستان بڵاوبۆتەوە و ھەموو ٩٠ خولەکێک کەسێک بەھۆی توشبوونییەوە لەو پارێزگایە گیان لەدەستدەدات، لە ماوەی ھەفتەیەکیشدا ١١٨ توشبوو لە شاری "زاھیدان"ی ناوەندی ئەو پارێزگایە گیانیان لەدەستداوە. ئەوەش خراوەتەڕوو کە بەھۆی کۆرۆناوە بازاڕ و کۆمپانیاکان لە تاران داخران.

بڵاوبوونەوەی "دەلتا" دوای ھۆشدارییەکی "حەسەن روحانی" سەرۆکی ئێران دێت کە وتبووی پێدەچێت وڵاتەکەی روبەڕووی شەپۆلی پێنجەمی کۆرۆنا ببێتەوە، بەپێی راپۆرتەکانیش تەنھا ٦٩%ی ھاووڵاتیان پابەندی رێکارەکانی خۆپارێزین. 

بە وتەی لێپرسراوانی تەندروستیش، "تاران"ی پایتەخت و ٩١ شار و شارۆچکەی تر لە رەنگی سوردان، کە مەترسیدارترین ئاستە بۆ رەوشی تەندروستی.

بەپێی ئامارێکی ئاژانسی ھەواڵی رۆیتەرز، لە سەرەتای بڵاوبونەوەی ڤایرۆسی کۆرۆناوە تا ئێستا لە زیاتر لە ٢١٠ وڵات بڵاوبووەتەوە و کۆی گشتی گیانلەدەستدان بەھۆیەوە چوار ملیۆن و ٨٠ ھەزاری تێپەڕاندوە، زیاتر لە ١٨١ ملیۆن کەسیش لە جیھاندا توشی کۆرۆنا بوون. 

زۆرترین ئامارەکانیش لە ئەمریکا تۆمار کراوە کە تەنھا لەو وڵاتە ٦٠٣ ھەزار و ٥٤٤ توشبوو گیانیان لەدەستداوە، بەرازیلیش لە روی ئامارەکانی گیانلەدەستدانەوە لە پلەی دوەمدایە و تا ئێستا ٥١٢ ھەزار و ٧٣٥ توشبوو لەو وڵاتە گیانیان لەدەستداوە، ھندستانیش لە پلەی سێیەمدایە و ئامارەکانی گیانلەدەستدان لەو وڵاتە ٣٩٥ ھەزار و ٧٥٠  کەسی تێپەڕاندوە.

بەپێی داتا رەسمییەکان ، بەھۆی بەکارھێنانی ڤاکسینەوە ، ئامارەکانی کۆرۆنا لە ئەمریکا زۆر باشترە بەراورد بە ٦ مانگ پێش ئێستا ، بە وتەی شارەزایانی تەندروستیش ھۆکارەکەی بۆ بەکارھێنانی ڤاکسین دەگەڕێتەوە ، ھەروەھا دەڵێن ئەوانەی دوو دۆزی کۆرۆنایان وەرگرتوە ئەگەری توشبونیان بە جۆرە نوێکانی ڤایرۆسەکە زۆر کەمە و ئەگەر توشیش ببن کاریگەرییەکانی لەسەریان کەمتر دەبێت.
لەلایەکی تریشەوە فەرمانگەی خۆراک و دەرمانی ئەمریکی ئاماژەی بۆ ئەو ھۆشداریانە کردوە کە لەبارەی بەکارھێنانی ڤاکسینەکانی "فایزەر بایۆنتیک" و "مۆدێرناوە" دەدرێت بەھۆی ئەوەی دوای وەرگرتنی دوو دۆز مرۆڤ توشی نەخۆشی ھەوکردنی ماسولکەی دڵ دەکەن، فەرمانگەکە رایگەیاندوە مەترسییەکان زۆر دەگمەنن ،ئەوەش لەکاتێکدایە ناوەندەکانی ئەمریکا بۆ بەرەنگاربونەوەی نەخۆشی و خۆپاراستن ، توشبونی ٣٠٩ کەسیان بە ھەوکردنی ماسولکەی دڵ راگەیاندبوو ئەوەی لەدوای ئەوەی دوو دۆزی ڤاکسینیان وەرگرتوە، لە کۆی ئەو ژمارەیەش ٢٩٥ یان چارەسەرکراون. 

سەرۆک وەزیرانی ھەرێمی (نیوساوس وێڵز) ڕایگەیاند، شاری سیدنی بۆ ماوەی دوو ھەفتە کەرەنتین دەکرێت و بڕیارەکە دانیشتووانی ناوچەکانی دەوروبەری سیدنیش دەگرێتەوە.

لە توێژینەوەیەکی کۆلێژی زانکۆیی لەندەن، دوو ملیۆن توشبووی کۆرۆنا لە بەریتانیا بۆ ماوەی ١٢ ھەفتە نیشانەکانی کۆرۆنایان تێدا ماوە و لە ھەر ١٠ توشبووش یەکێکیان نیشانە قورسەکانی ڤایرۆسەکەیان بۆ ھەمان ماوە تێدا ماوەتەوە.

تیمی توێژینەوەکە باس لەوە دەکەن، دەرەنجامی توێژینەوەکە و مانەوەی نیشانەکانی ئەم نەخۆشییە بۆ ماوەیەکی زۆر تووشی نیگەرانی کردوون، مات ھانکۆک وەزیری تەندروستی بەریتانیاش دەڵێت، ئەم توێژینەوانە یارمەتی حکومەتەکەیان دەدەن بۆئەوەی باشتر رووبەڕووی ڤایرۆسەکە ببنەوە و چارەسەری کاریگەرتر بەکاربھێنن.

کۆمپانیاکە لە راگەیەندراوێکدا بڵاویکردۆتەوە ، بەپێی توێژینەوەیەک کە زانکۆی ئۆکسفۆرد ئەنجامی داوە ، سەلمێندراوە کە ڤاکسینی ئەسترازینیکا توانای روبەروبونەوەی ھەردوو جۆری نوێی ڤایرۆسەکە "دەلتا و کابا"ی ھەیە کە بۆ یەکەمجار لە ھندستان تۆمارکران ، ئاماژە بۆ ئەوەشکراوە کە ئەوانەی ھەردوو دۆزی ڤاکسینەکەیان وەرگرتوە ، توشی ھیچ کام لەو جۆرە نوێیانەی ڤایرۆسەکە نەبون .

کۆشکی سپیی ئەمریکا بڵاویکردەوە، پلانیان ھەیە لە مانگەدا ٥٥ ملیۆن دۆز لە ڤاکسینی کۆرۆنا، ببەخشنە وڵاتانی جیھان، ھەفتەی ڕابردووش ٥٠٠ ملیۆن دۆزیان لە ڤاکسینی فایزەر کڕیووە، بۆ بەخشینی بە وڵاتانی ھەژار لە ئەمساڵ و ساڵی داھاتوودا.

ڕاشیگەیاند، لەو ٥٥ ملیۆن دۆزەی ڤاکسینی کۆرۆنا، لە پێشینە بۆ چەند وڵاتێکە، لەوانەش عێراق و کەرتی غەززە، کە بڕی ١٤ ملیۆن دۆزی ڤاکسینەکەیان پێدەگات.

ناردنی ئەو ڤاکسینە لە چوارچێوەی پڕۆگرامی کۆڤاکسە، بۆ ناردنی ڤاکسین بۆ وڵاتانی ھەژار و کەمدەرامەت.