هەواڵەکان.jpeg&w=2048&q=75)
بەسەرۆکایەتی قوباد تاڵەبانی جێگری سەرۆکی حکومەتی ھەرێمی کوردستان، جارێکی تر وەفدی ھەرێم سەردانی بەغدادی کردووە و ئامانجی سەردانەکەش گفتوگۆکردنە لەگەڵ لێپرسراوانی حکومەتی عێراق بە تایبەتیش وەزیرانی دارایی و نەوت لەبارەی داڕشتنی میکانیزمی جێبەجێکردنی یاسای بودجەی عێراق و ناردنی پشکی ھەرێم.
پێشتریش حکومەتی ھەرێم پابەندبوونی بە یاسای بودجە دووپاتکردووەتەوە، کە ئەو ئەرک و پابەندییانەی لەسەریەتی وەک خۆی جێبەجێیان دەکات بۆئەوەی حکومەتی عێراق شایستە داراییەکانی ھەرێم بنێرێت.
بەپێی زانیارییە سەرەتاییەکان سەربازێکی سوپای عێراق بریندار بووە.
پەیامنێری کوردسات نیوز رایگەیاند، تائێستاش روبەڕوبوونەوە لە نێوان سوپای عێراق و داعش بەردەوامە.
رێکخراویی ھەنگاوی مەدەنی لە قەزای چەمچەماڵ رایدەگەیەنێت، چەند ساڵێکە کێشەی کەمی ئاوی خواردنەوە و دابەشکردنی ئاو لە شارەکەیان ھەیە و بەشێک لە دانیشتوانەکەی لە رەوشێکی خراپدا دەژین، داوا دەکەن بەرپرسانی ناوچەکە و حکومەتی ھەرێم بە زوویی بەدەم داواکارییەکەیانەوە بچن و چارەسەری بکەن.
ئەندامانی پەرلەمانیش لە نوسینگەی سلێمانی پشتیوانییان بۆ داواکاریی ھاوڵاتیانی چەمچەماڵ دەربڕی و بەڵێنیاندا، ھەموو ھەوڵێک بۆ چارەسەری کێشەی کەم ئاوی قەزاکە بدەن.
نوسینگەی تایبەتی عەمار حەکیم سەرۆکی ڕەوتی حیکمەی نیشتیمانی بە ھاوکاری ئەمینداریەتی گشتی ئەنجومەنی وەزیرانی عێراق، چوارەمین کۆنگرەی ساڵانەی ڕێکخراوەکانی کۆمەڵگەی مەدەنی لە بەغداد ڕێکدەخات.
"سەڵاحەدین دەمیرتاش" ھاوسەرۆکی پێشووتری پارتی دیموکراتی گەلان "ھەدەپە" لە زیندانی سزا قورسەکانی ئەدێرنە لە ڕێگەی بەرنامەی دەنگ و ڕەنگی ڕاستەوخۆ بە ڕێگەی ئۆنلاین بەشداری لە بەڕێوەچوونی دادگاییکردنیدا کرد، داواکاری گشتیی کۆماری ئەنقەرەش تۆمەتەکانی ھەڕەشەی کوشتن لە سەرۆکی داواکاری گشتیی کۆماریی ئەنقەرە و مەترسی خستنەسەر ژیانی بەھۆی ئاشکراکردنی ناسنامەکەی لە بەڕێوەبردنی دۆسیەی "دژەتیرۆر"، خستەپاڵ دەمیرتاش و داوایکرد ٨ ساڵ زیندانی بکرێت.
ھاوکات داواکاری گشتیی کۆماریی ئەنقەرە ٣ ھەزار و ٥٠٠ لاپەڕەی تۆمەتنامەی پێشکەش بە ١٩ەیەمین دادگای سزا قورسەکان کردووە، ئەو تۆمەتنامەیەشی لە دواین دادگاییکردنی دەمیرتاش بەکارھێنراوە.
لە کۆتایی دادگاکەشدا دادگای سزا قورسەکانی ئەنقەرە سزای زیندانیکردنی ٢ ساڵ و ٦ مانگ زیندانیکردنی بەسەر سەڵاحەدین دەمیرتاش ھاوسەرۆکی پێشووتری پارتی دیموکراتی گەلان (ھەدەپە)دا سەپاند، پارێزەرەکانیشی بە پێی داواکارییەکی یەکێتی ئەوروپا بۆ ئازادکردنی دەمیرتاش، داوایانکرد "سەڵاحەدین دەمیرتاش" ئازاد بکرێت.
ڕەزا گونای باڵیۆزی تورکیا لە بەغداد، ڕایگەیاند، لە ماوەی ڕابردوودا لەگەڵ نوێنەری ٦٠ کۆمپانیای وڵاتەکەی کە لە عێراق کاردەکەن کۆبووەتەوە، بە مەبەستی فراوانکردنی پەیوەندییە دارایی و ئابوورییەکانی نێوان بەغداد و ئەنقەرە.
وتیشی، کۆمپانیاکانی تورکیا ئامادەیی خۆیان نیشانداوە ئاستی وەبەرھێنان لە عێراق زیاتر بکەن و بڕیاریشە لە داھاتوویەکی نزیکدا، چەند کۆمپانیایەکی تریش سەردانی عێراق بکەن.
بە پێی لێدوانێکی باڵیۆزی پێشووی تورکیا لە عێراق، ئاستی ئاڵوگۆڕی بازرگانی نێوان ئەنقەرە و بەغداد ساڵانە، نزیکەی ٢٠ ملیار دۆلارە.
کامالا ھاریس ئاماژەی بەوەکردووە، ئەمریکا پێی ناوەتە سەردەمێکی نوێوە کە تیایدا ڕووبەڕووی چەندین ئاسەنگی وەک پەتا و گۆڕانی کەشوھەوا و ھەڕەشەی ھێرشە ئەلکترۆنییەکان بووەتەوە.
ھاریس لە وتەیەکیدا بە بۆنەی ئاھەنگی دەرچوونی ئەفسەرانی ھێزی دەریایی لە شاری ئاناپۆڵس لە ویلایەتی ماریلاند جەختیکردەوە، ڤایرۆسی کۆرۆنا ئەمریکای خستووەتە سەردەمێکی نوێوە و وتوویەتی کۆرۆنا کاریگەریی درێژمەودای لەسەر جیھان ھەبووە کە جیھانێکی پێکەوە گرێدراوە و لە ھەمان کاتدا جیھانێکی لەرزۆکیشە.
لەلایەکی ترەوە ڕێکخراوی تەندروستیی جیھانی جەختیکردووەتەوە، وروژاندنی پرسی سەرچاوەی بڵاوبوونەوەی کۆرۆنا بە سیاسی کراوە.
مایک ڕایان بەڕێوەبەری بەرنامەی باری نائاسایی ڕێکخراوی تەندروستیی جیھانی داوای لە ھەموو لایەک کردووە تا دەکرێت ئەو پرسە ئاوێتەی سیاسەت نەکەن.
ئەو لێدوانەی ڕێکخراوی تەندروستیی جیھانی دوای ئەوە دێت کە جۆو بایدن دەزگای ھەواڵگریی ئەمریکای ڕاسپارد لێکۆڵینەوە لە سەرچاوەی بڵاوبوونەوەی کۆرۆنا بکات.
حوسییەکانی یەمەن ڕایگەیاند، ھێزەکانیان لە ماوەی ڕابردوودا نزیکەی ٤٠ ناوچەی سەربازیی گرنگیان لەناو قوڵایی خاکی سعودیە کۆنترۆڵکردووە و ھێزەکانی سعودیە و سودانیان لەو ناوچانەدا گەمارۆداوە.
ئاماژەی بەوەشکردوە، حوسییەکان لە ماوەی ڕابردوودا لە ڕێی فڕۆکەی بێ فڕۆکەوان، چەندین ناوچەی ستراتیژییان لەناو خاکی سعودیە، بۆردومان کردووە.
بەھۆی شەڕ و پێکدادانەکانی نێوان حوسییەکان و حکومەتی یەمەن کە لەلایەن سعودیەوە پشتیوانی لێدەکرێت، سەدان ھەزار سەرباز و ھاوڵاتی مەدەنی کوژراون و گەورەترین قەیرانی مرۆییش لەو وڵاتەدا، سەریھەڵداوە.
کارین جین پیێر جێگری وتەبێژی کۆشکی سپی ڕایگەیاند، ئامادەکارییەکان بۆ بەڕێوەچوونی کۆبوونەوەی لوتکەی نێوان جۆو بایدن سەرۆکی ئەمریکا و ڤلادیمیر پوتن ھاوتا ڕووسییەکەی بەردەوامە و ڕوونکردنەوەکەی کۆمپانیای مایکرۆسوفت لە بارەی ئەنجامدانی ھێرشی ئەلیکترۆنی، کاریگەری لەسەر بەڕێوەچوونی لوتکەی نێوان ھەردوو سەرۆک نابێت.
پێشتر، کۆمپانیای مایکرۆسۆفت ڕایگەیاندبوو، ھێرشی ئەلیکترۆنی بۆ سەر چەند دامەزراوەیەکی حکومەتی ئەمریکا کراوە و بە پێی زانیارییەکانیش، پێدەچێت ھێرشە ئەلیکترۆنییەکە لە ڕووسیاوە ئەنجام درابێت.
لە بەرامبەرشیدا، کۆشکی کریملن سەرجەم تۆمەتەکانی کۆمپانیای مایکرۆسۆفتی ڕەتکردەوە و ڕایگەیاند، ھیچ بەڵگەیەک لە بەردەستدا نییە لە بارەی تێوەگلانی ڕووسیا لە ھێرشە ئەلیکترۆنییەکانی ئەم دواییەی ئەمریکا.
ڕۆژی ھەینی کۆمارییەکان لە ئەنجومەنی پیرانی ئەمریکا ئاستەنگیان بۆ پێکھێنانی ئەو لیژنەیە دروستکرد کە ئەرکی لێکۆڵینەوەی لە ڕووداوی ھەڵکوتانە سەر کۆنگرێسی پێ دەسپێردرێت لە ٦ی کانونی دووەمی ئەمساڵدا، لە سەروبەندی ڕاگەیاندنی ئەنجامەکانی ھەڵبژاردنە سەرۆکایەتییەکەی ئەمریکادا.
٥٤ ئەندامی ئەنجومەنی پیران دەنگیان بەو پڕۆژەیاسایە داوە لە بەرامبەر ٣٥ دەنگی نەیاردا، لە کاتێکدا پڕۆژەیاساکە پێویستی بە ٦٠ دەنگ ھەیە. پێشتر پڕۆژەیاساکە لەلایەن ئەنجومەنی نوێنەرانەوە تێپەڕێنراوە کە زۆرینەی ئەندامەکانی لە دیموکراتەکانن.
تۆپخانەکان و فڕۆکە جەنگییەکانی تورکیا گوندەکانی زناری کێستە و ھرور و گوندەکانی بەرواری باڵا بۆردومان دەکەن، بەھۆی ئەو بۆردومانەشەوە ئاگرێکی گەورە لە دارستان و ڕەز و باخ و پوشوپاوانی ھاووڵاتیان کەوتووەتەوە، فڕۆکە جەنگییەکانی تورکیاش بە بەردەوامی بە ئاسمانی ناوچەکەدا دەسوڕێنەوە.
ماوەیەکی زۆرە بە بەردەوامی سوپای تورکیا ناوچە سنورییەکانی ھەرێمی کوردستان بۆردومان و تۆپباران دەکات، لە چەند ناوچەیەکش ھێزی سەربازیی جێگیرکردووە و بنکەی سەربازیی داناوە.
ئەنجومەنی نوێنەرانی عێراق کۆدەبێتەوە، بە پێی بەرنامەی کاری کۆبوونەوەکەش گفتوگۆ دەکرێت لەسەر پڕۆژەیاسای چاودێری کۆمەڵایەتی و خانەنشینی کرێکاران، خوێندنەوەی یەکەمیش بۆ پڕۆژەیاسای سەرژمێری و زانیاری جوگرافی دەکرێت.
لە تەوەرێکی تری کۆبوونەوەکەشدا دەنگ لەسەر پڕۆژەیاسای ھەمواری یەکەمی یاسای کۆمپانیاکانی نەوت دەدرێت.
حوسام زەکی یاریدەدەری ئەمینداری گشتی کۆمکاری عەرەبی، لە ڕاگەیاندراوێکدا بڵاویکردەوە، بڕیارە لە ٨ی مانگی داھاتوودا، وەزیرانی دەرەوەی وڵاتانی عەرەبی، کۆبوونەوەیەکی ڕاوێژکاری لە شاری دەوحەی پایتەختی قەتەر، ئەنجام بدەن. ڕوونیشیکردەوە، کۆبوونەوەکە لەسەر داوای حکومەتی قەتەرە.
ئاماژەی بەوەشکرد، دوایین پێشھاتە سیاسییەکانی ناوچەکە و ڕەوشی فەڵەستین و مەترسییەکانی ڤایرۆسی کۆرۆنا، تەوەری سەرەکی کۆبوونەوەکەی وەزیرانی دەرەوەی وڵاتانی عەرەبی دەبێت.
حکومەتی قەتەر، لەسەر ئاستی وەزیرانی دەرەوە، سەرۆکایەتی ئەم خولەی کۆمکاری وڵاتانی عەرەبی دەکات.
بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ١٩٨ کەسی تر تووشی ڤایرۆسی کۆرۆنا بوون و ٥ تووشبووی تری کۆرۆنا گیانیان لە دەستدا و ١٠٤ تووشبووی تری ڤایرۆسەکە چاکبوونەتەوە.
د. پشدەر عەبدوڵا بەڕێوەبەری نەخۆشخانەی د. جەمال ئەحمەد ڕەشیدی منداڵانی فێرکاری لە سلێمانی ڕایگەیاند، سکچوون و ڕشانەوە لەناو منداڵاندا بڵاوبووەتەوە کە ساڵانە لەگەڵ ھاتنی وەرزی گەرما زۆر زیاد دەکات و بەھۆی کاریگەری بەرزی پلەی گەرما و پیسبوونی سەرچاوەی ئاو و خراپ ھەڵگرتنی خۆراک، لەگەڵ چەند ھۆکارێکی تر.
باسی لەوەشکردووە، ھۆکارەکانی سکچوون و ڕشانەوە لەوانەیە ڤایرۆس، بەکتریا، پاراسایت، خواردنی شیرینی، ھەستیاری بە پڕۆتین، نەخۆشی گەنم و جۆ، ژەھراوی بوون، ھەستیاری بەجۆرە خواردنێک یاخود کۆرۆنا یان چەندین ھۆکاری تر بێت.
بەڕێوەبەری نەخۆشخانەی (د. جەمال ئەحمەد ڕەشیدی)ی منداڵان لە سلێمانی داواش دەکات ھاوڵاتیان بە بێ ڕاوێژ و سەردانی پزیشکی پسپۆڕ دەرمان بەکارنەھێنن، چونکە ھۆکار و چارەسەرەکانیش جیاوازن.