بە پێی راپۆرتێکی ناوەندی ھاوبەشی ھەماھەنگی قەیرانەکان لە وەزارەتی ناوخۆی ھەرێم، لە مانگی حوزەیراندا ٩٢٨ ھەزار و ٦٧٤ ئاوارە و پەنابەر لە ھەرێمی کوردستان نیشتەجێ بوون، بەڵام بە پێی کۆتا راپۆرتی ناوەندەکە ژمارەی ئاوارە و پەنابەران کەمبوونەتەوە بۆ ٩٢٥ ھەزار و ٥٣٢ کەس.
ئاماژەی بۆ ئەوەشکردووە ، ٤١%ی ئاوارە و پەنابەران لە سنوری پارێزگای ھەولێرن و ٤٠% لە دھۆک و ١٩%شیان لە سلێمانی نیشتەجێن.
ڕاشیگەیاندوە، ماوەی چەند ھەفتەیەکە پەلامارەکانی تیرۆریستانی داعش لە عێراق و ناوچە دابڕێنراوەکان زیادیکردووە، ئەگەر پەلامارەکان بەردەوام بن پێشبینی دەکرێت شەپۆلێکی ئاوارەبوونی دانیشتوانی ئەو ناوچانە روو لە ھەرێم بکات.

 دەقی پیرۆزباییەکە :
بەبۆنەی ھاتنەوەی سەری ساڵی نوێی کۆچییەوە گەرمترین پیرۆزبایی لە موسڵمانانی جیھان و گەلی کورد بەتایبەتی دەکەم.
ھیوادارین ئەم بۆنە پیرۆزە بکەینە دەرفەتێک بۆ زیاتر زیندووکردنەوەی گیانی خۆشەویستی و تەبایی و پتەوکردنی پەیوەندی نێوان سەرجەم نەتەوە، پێکھاتە و ئایینزاکان. 
بۆ ئەمساڵ ئەم یادە پڕشکۆیە لەکاتێکدا دەکەینەوە کە ھەرێم و وڵاتەکەمان لەبەردەم گۆڕانکاری گەورەدایە. پێویستە ھەموومان بەگیانێکی نەتەوەیی و بەرپرسیارانەوە رووبەڕووی کێشەکان ببینەوە و کاربکەین بۆ دروستکردنی یەکدەنگی لەنێوان ھێزە کوردییەکان و یەکخستنی ھەوڵەکان بۆ بەرجەستەکردنی یەکڕیزی لە بەغدا تاوەکو داکۆکیکارێکی سەرسەختی بەدیھێنانی مافە نەتەوەییەکانمان بین. لە ھەرێمیش ھاوکار و پشتیوان بین لەپێناو چاکسازی، گۆڕانکاری و خزمەتکردنی زیاتری خەڵکی خۆشەویستی کوردستان.
ھەر شاد و سەرفرازبن

بە پێی زانیارییەکانی وەزارەتی کشتوکاڵ و دارستانی تورکیا، لە ماوەی ١٢ رۆژی رابردوودا لە ٤٧ شاری تورکیا ٢٢٣ دارستان سوتاون و لەو ژمارەیەش ٢١٧ یان کۆنترۆڵ کراوە و شەش ئاگریشیان بەردەوامە و نەتوانراوە کۆنترۆڵ بکرێت.

بەکر پاکدەمیرلی، وەزیری کشتوکاڵ و دارستانی تورکیاش دەڵێت، بەردەوامن لە ھەوڵەکانیان بۆ کۆنترۆڵکردنی تەواوی ئاگرەکان بەڵام لەگەڵ کوژانەوەی ھەر ئاگرێکدا چەند ئاگرێکی تر سەرھەڵدەدات.

خلوسی ئاکار وەزیری بەرگری تورکیا رایگەیاندووە، ھێزەکانی وڵاتەکەی لە لیبیا دەمێننەوە و ئەو وڵاتە چۆڵ ناکەن، دەشڵێت، مانەوەی ھێزەکانی تورکیا لە لیبیا بۆ ھەماھەنگییە لە بواری سەربازی و مەشقپێکردن و ئەو ھەنگاوەش بە رەزامەندی ھەردوو لایە.

داواکاری بۆ دەرچوونی ھێزی بیانی لە لیبیا، وەک سەرەتایەکە بۆ بەرێوەچوونی ھەڵبژاردنی سەرۆکایەتی و پەرلەمانی لەو وڵاتە.

کۆبونەوەکە لەچوارچێوەی ئامادەکاریەکانی یەکێتیدایە بۆ سەرخستنی لیستی ھاوپەیمانی کوردستان و کاندیدەکانی لەپارێزگای کەرکوک ، لە دوای کۆبونەوەکەش کارە مەیدانیەکان بۆ چاودێریکردنی ھەڵبژاردن لەناحیەی قەرەھەنجیر دەستپێدەکات.

شانەی راگەیاندنی ئەمنیی عێراق رایگەیاند، لە چوارچێوەی ھەوڵەکان بۆ دەستگیرکردنی تیرۆریست و تۆمەتباران و لەسەر داوای دادگای دیالە پێنج کەسیان دەستگیر کردووە.
شانەی راگەیاندنی ئەمنیی عێراق ئاماژەی بەوەش کردوە، سێ کەس لە خۆرھەڵاتی بەغداد دەستگیرکراون کە ھەوڵیان داوە وێستگەیەکی کارەبا بسوتێنن و لە ناوچەی رەسافەی بەغدادیش ١٠ تۆمەتباری تر دەستگیرکران.

"زەردەشت عەبدولخالق" بەڕێوەبەری گشتی ئاو و ئاوەڕۆی ھەولێر بە کوردسات نیوزی راگەیاند، رێژەی لێڵبوونی ئاوی زێی گەورە کەمتر دەبێتەوە و لە کاتەکانی بەیانی رۆژی یەکشەممە ئاوی خاوێن بۆ ماڵان بەردەدرێتەوە و گرفتی کەمی ئاوی خواردنەوە چارەسەر دەبێت. روونیشکردەوە، ماوەی چوار رۆژە بەھۆی بارانبارین و قوڕ و لیتە، سەرچاوەی ئاوی سێ بۆری ئیفرازی ھەولێر لێڵبوو، بەو ھۆیەوە نزیکەی ٦٠٪ی گەڕەکەکانی ھەولێر بێ ئاو بوون. 

عەلی حەمید دلێمی وەزیری پەروەردەی عێراق ئاشکرایکردوە، ساڵی نوێی خوێندن لە سەرتاسەری عێراقدا دەرگای خوێندنگەکان دەکرێنەوە و ھەموو رۆژەکانی دەوامیش خوێندکاران لە خوێندگەکان ئامادە دەبن و دووپاتیشی کردوەتەوە پابەند دەبن بە گرتنەبەری رێکارەکانی تەندروستی لە خوێندگەکان و ئاسانکاری لە پرۆسەی خوێندندا دەکرێت، بۆ ئەو مەبەستە ھەماھەنگی لە نێوان وەزارەتی پەروەردە و وەزارەتی تەندروستییدا کراوە.

وەزارەتی بەرگری ئەفغانستان رایگەیاند، ئەمریکا لە ویلایەتی جوزجان لە باکوری ئەفغانستان بە فڕۆکەی بی ٥٢ ھێرشی کردووەتە سەر چەکدارانی بزوتنەوەی تاڵیبان و بەو ھۆیەوە ٢٠٠ چەکداری بزوتنەوەکە کوژراون.
ھێرشی بی ٥٢کانی ئەمریکا لە کاتێکدایە پێشتر بزوتنەوەی تاڵیبان رایگەیاندبوو، دەستیان بەسەر پایتەختی ویلایەتی جوزجاندا گرتووە و جێگری حاکمی ویلایەتەکەش وتبووی، بەرپرسانی حکومی و ھێزە سەربازییەکان بەرەو فڕۆکەخانەی ویلایەتەکە پاشەکشەیان کردووە. لە دواین پێشھاتیشدا ئاژانسی فرانس پرێس بڵاویکردەوە، چەکدارانی بزوتنەوەی تاڵیبان کۆنترۆڵی ویلایەتی کوندوزوشیان کردووە و ھێزەکانی حکومەتی ئەفغانستانیش ویلایەتەکەیان بەجێھێشتووە.

 لێپرسراوانی ویلایەتی "کالیفۆرنیا"ی ئەمریکا رایانگەیاند، ئەو ئاگرەی لە دارستانەکاندا کەوتۆتەوە دوکان و ماڵ و چەندین شوێنی لە شاری "گرینفیل" گرتۆتەوە، باسیشیان لەوەکردووە، لە ئێستادا بە دوای ٥ کەسدا دەگەڕێن کە بێسەروشوێن بوون و سەرباری داواکارییەکانیان لە خەڵک بۆ بەجێھێشتنی ماڵ و حاڵیان، بەڵام بەشێکیان ماونەتەوە. 
ئەو ئاگرەی دارستانەکانی کالیفۆرنیا ناوی "دیکسی" لێنراوە و بەھۆی خێرایی گەرما و باوە تەشەنەسەندنی زیاتر بووە، زیاتر لە ٥ ھەزار ئەندامی تیمەکانی ئاگرکوژێنەوەش لە ھەوڵی کۆنترۆڵکردنی ئاگرەکەدان.

 بەبڕیاری قوباد تاڵەبانی جێگری سەرۆکی حکومەتی ھەرێمی کوردستان ھێزەکانی ئۆپراسیۆنی ئاسایشی سلێمانی سەربەدەزگای ئاسایشی ھەرێم لە دەروازەکانی باشماخ و پەروێزخان و چەندین خاڵی تری گومرگی جێگیردەکرێن، بریارەکەی قوباد تاڵەبانی  بەمەبەستی رووبەڕووبوونەوەی قاچاخچێتی و یاساشکێنی و ئەوانەیە لەدەرەوەی رێنمایی و بڕیارەکانی حکومەت کاردەکەن ، و ئەم ھەنگاوەش سەرەتایەکی گرنگە بۆ چاکسازی و سەروەری یاسا و پارێزگاریکردن لە مافی گشتی.

لەسەر رێگای زۆنگوڵداک - ئیزمیر لە شاری باڵیکەسیر لە تورکیا، پاسێک وەرگەڕا و بەھۆیەوە ١٤ سەرنشین گیانیان لەدەستدا و ١٨ سەرنشینی تریش بریندار بوون و گواسترانەوە بۆ نەخۆشخانەکان.
حەسەن شڵداک، والی باڵیکەسیر لەبارەی رووداوەکەوە رایگەیاند،، تائێستا بە وردی ھۆکاری رووداوەکە دیاری نەکراوە و لێکۆڵینەوەکانیش دەربارەی رووداوەکە بەردەوامن.

بڕیار بوو ئەمڕۆ "ڕەئیسی" کاندیدانی حکومەتەکەی پێشکەشی پەرلەمانی ئێران بکات، بەڵام "عەلی رەزا سەلیمی" ئەندامی دەستەی سەرۆکایەتی پەرلەمانی ئێران ڕایگەیاند، تا ئێستا لیستی کاندیدەکان نەگەیشتووەتە دەستیان و پێشبینی دەکرێت لە ڕۆژانی  سێشەممە و چوارشەممە پێشکەش بکرێن. 

پەیامنێری کوردسات نیوزیش ڕایگەیاند، ھۆکاری دواکەوتنی پێشکەش کردنی ناوی وەزیرەکان بۆ پەرلەمان بۆ ئەوە دەگەڕێتەوە کە ناکۆکی ھەیە لەسەر وەزیرە ئابورییەکان، ھاوکات ڕەئیسی، "محەمەد موخبری" وەک جێگری یەکەمی خۆی دیاری کرد.

"محەمد باقر قالیباف" سەرۆکی پەرلەمانی ئێرانیش دەڵێت، "ڕەئیسی" دوو ھەفتەی لە بەردەمدایە بۆ ئەوەی کابینە وزارییەکەی پێشکەش بکات، لەسەر داواکاری "عەلی خامنەیی" ڕابەری باڵای شۆڕشی ئیسلامی ئێرانیش پێویستە پێکھێنانی حکومەت خێرا بکرێت.

وتەبێژی پۆلیسی گەرمیان وتیشی دوو تۆمەتباری سەرەکی دەستگیرکراون کە ھاوڵاتیەکیان فریوداوە و لە کاتی کڕینی مەڕ و ماڵاتدا ٥٣٠٠ دۆلاری ئەمریکی ساختەیان پێداوە.

شۆفێران ئاشکرایان کرد، لە ڕێگەی کۆمپانیایەکەوە کاری نۆرەیان بۆ ڕێک دەخرێت، بەڵام کۆمپانیاکە لە بەرامبەر وەرگرتنی پارەی زیادە پابەندی نۆرەی یاسایی نابێت.