لە راگەیەنراوێكدا وەزارەتی دارایی و ئابووری هەرێم بڵاویكردەوە، بە مەبەستی جێبەجێكردنی یاسای چاكسازی دۆسیەی 2 هەزار و 424 خانەنشینی پێشمەرگە گواستراوەتەوە بۆ سەر میلاكی بەڕێوەبەرایەتی گشتی خانەنشین لە وەزارەتی دارایی و ئابووری، ئاماژەی بۆ ئەوەشكردووە، پێشتر ئەو كەسانە لە وەزارەتی پێشمەرگە مووچەیان وەرگرتووە بەڵام لە رۆژی 1ی ئابی 2021وە مووچەیان لە خانەنشینی پێشمەرگەی سلێمانی و هەولێر بۆ خەرج كراوە.

ھەوڵەکانی گەڕاندنەوەی ئەو کۆچبەرانە، کە بەنیازبوون خۆیان بگەیەننە وڵاتانی ئەوروپا بەردەوامن، بەڵام بەھۆی خراپی رەوشی ئەمنیی لیبیا و سەختی پەیوەندی بەستن لەگەڵ کۆچبەرەکان، تائێستا ھەوڵەکانی گەڕانەوەیان ئەنجامی نەبووە لای خۆشیانەوە دەزگای لوتکە بۆکاروباری ئاوارە و پەنابەران لەھەوڵی گەرانەوەی ئەو کۆچبەرانەدایە . 

"عیزەتوڵا زەرغامی" وەزیری گەشتوگوزاری حكومەتی ئێران رایگەیاند، لە رۆژی 23ی تشرینی یەكەمی 2021 ڤیزای ئێران ئازاد دەكرێت و ئەو قەدەغەیەی لە ماوەی 20 مانگی ڕابردوودا لەسەر ڤیزای گەشتیاری هەبووە هەڵدەگیرێت، بەو پێیە هاوڵاتیانی هەرێمی كوردستان و عێراق دەتوانن بە مەرجی وەرگرتنی هەردوو ژەمەكەی ڤاكسینی كۆرۆنا لە رێگەی دەروازە سنورییەكان و فڕۆكەخانەكانەوە سەردانی ئێران بكەن. لە ماوەی رابردوودا هاتووچۆ لە نێوان عێراق و ئێران تەنها بۆ ئەو كەسانە بوو كە هەڵگری ڤیزای خوێندن یان نەخۆشی و وەبەرهێنان و بازرگانی بوون.

هاووڵاتیان دەتوانن بە مەرجی وەرگرتنی ڤاكسین سەردانی ئێران 

ئەمڕۆ لە "مۆسکۆ"ی پایتەخت، یەکەمین کۆڕبەندی تایبەت بە رەوشی "ئەفغانستان" لە دوای وەرگرتنی دەسەڵات لەلایەن "تاڵیبان"ەوە دەستپێدەکات، بە بەشداری نوێنەرانی روسیا و چین و پاکستان و ئێران و ھندستان و نوێنەری "تاڵیبان"یش بەشدار دەبێت، بەڵام "نید پرایس" وتەبێژی وەزارەتی دەرەوەی ئەمریکا وتی بەشداری ئەو کۆڕبەندە ناکەن. 
بڕیارە لە کۆڕبەندەکەدا جەخت بکرێتەوە لەسەر پێشکەوتنی بزووتنەوەکە لە روبەڕوبوونەوەی تیرۆر و ماددەی ھۆشبەر و ھەڕەشەکان، ھەروەھا قەیرانی ئابوری و ئەو گرفتانەی تر کە "ئەفغانستان" روبەڕووی بۆتەوە، باس دەکرێن.
ھاوکات "سێرگی لاڤرۆڤ" وەزیری دەرەوەی روسیا رایگەیاندووە، ھێشتا وڵاتەکەی باسی لە دانپێدانان بە بزووتنەوەی "تاڵیبان" نەکردووە و چاوەڕێ دەکەن بزووتنەوەکە پابەندی بەڵێنەکانی بێت.  

"هەرێم رەفعەت" ئەندامی تیمی پارێزەرانی كەیسی دەستگیركراوانی بادینان راگەیاند، هیچ بەڵگەیەك نەبوو كە بیسەلمێنێت رۆژنامەنوسان و چالاكوانانی بادینان تاوانبار بەو تۆمەتانەی كە ئاڕاستەیان كرابوون و دەبوو دادگا ئەمڕۆ بڕیاری ئازادكردنیان دەربكات بەڵام نەیكرد. هاوكات "بەشدا حەسەن" ئەندامی تیمی پارێزەرانی كەیسی دەستگیركراوانی بادینان رایگەیاند، پرۆسەی دادگاییەكەی ئەمڕۆ هیچ ئاسایی نەبوو چونكە ناوەوە و دەرەوەی دادگایان پڕكردبوو لە پۆلیس و هێزی ئەمنی. هەروەها بڕیارە رۆژی پێنج شەممە 5 رۆژنامەنوس و چالاكوانی تری بادینان دادگایی بكرێت.

بەڕێوەبەرایەتی گشتی تەندروستی سلێمانی رایگەیاند، توشبوون بە كۆرۆنا زیادیكردووە و رێوشوێنی پێویستیان لە نەخۆشخانەكان گرتۆتە بەر، داواشی لە هاووڵاتیان كرد ڤاكسین وەربگرن و پابەندی رێنماییەكانی خۆپارێزی بن.

"عەمید سالار عەبدوڵا" بەڕێوەبەری پاسپۆرتی سلێمانی لە لێدوانێكدا بە كوردسات نیوزی راگەیاند، بەهۆی ئەو گرفتەی دروستبووە كاری دەرهێنان و گەڕانەوەی پاسپۆرت لە بەڕێوەبەرایەتییەكانی سەرجەم پارێزگاكانی عێراق و هەرێمی كوردستان راگیراوە. وتیشی، بۆ زوو ڕاپەڕاندنی كاری هاوڵاتیان هەركاتێك گرفتەكە چارەسەر بێت كارمەندانی پاسپۆرتی سلێمانی ئامادەن زیاتر لە كاتی دەوام كار دەكەن.

سەرۆکایەتی تورکیا یاداشتێکی ئاڕاستەی پەرلەمانی وڵاتەکەی کردووە، بۆ درێژکردنەوەی دەسەڵاتەکانی "ئەردۆغان" سەبارەت بە ئەنجامدانی ئۆپراسیۆنی سەربازی لە سوریا و عێراق بۆ ماوەی ٢ ساڵی تر.  
تورکیا لە ٢٣ی نیسانی رابردووەوە، چەند ئۆپراسیۆنێکی لە ناوچە سنورییەکانی ھەرێمی کوردستان ئەنجامداوە، لە ساڵی ٢٠١٦شەوە تورکیا ٣ ئۆپراسیۆنی سەربازی لە باکوری سوریا ئەنجامداوە، کە خاکی "حەلەب و رەققە و حەسەکە"ی گرتۆتەوە. 

لە "كەلار"یش مامۆستایانی وانەبێژ داوایان لە لایەن پەیوەندیدارەكان كرد بە دەم داواكارییەكانیانەوە بچن و تا حكومەت بەجدی دێتە سەر خەت ناگەڕێنەوە هۆڵەكانی خوێندن.
لە هەرێمی كوردستان زیاتر لە 22 هەزار مامۆستای وانەبێژ هەیەو لەدوای دەستپێكردنەوەی پرۆسەی خوێندن بەردەوامن لە گردبوونەوە.

 

ئاوات محەمەد قائیمقامی سلێمانی، لە میانی کۆبوونەوەی لەگەڵ بەڕێوەبەری ناحیەکانی بازیان و بەکرەجۆ و تانجەرۆ و لیژنەی یاسایی قائیمقامیەتی سلێمانی، رایگەیاند، دەستبەکاردەبن بۆ جێبەجێکردنی یاسای "بە خاوەنکردنی ئەو زەوییانەی لە سنووری شارەوانییەکان زیدەڕۆییان لەسەرکراوە"، وتیشی، بەپێی یاساکە رێگری لە ھەموو جۆرە زیادەڕۆییەک دەکەن و چاوپۆشی لە ھیچ کەس و لایەنێک ناکرێت.
بەپێی یاساکە ئەو خانووە نیشتەجێبوونانەی پێش ٣١ی کانوونی یەکەمی ساڵی رابردوو، بە شێوەی زیادەڕۆیی دروستکراون، بە بڕێک پارە تاپۆ دەکرێن، ئەو خانووانەشی دەکەونە سنوری خزمەتگوزاری بە پارچەیەک زەوی قەرەبوو دەکرێنەوە، بەڵام ئەو خانووانەی دوای ئەو بەروارە دروستکرابن، یاساکە نایانگرێتەوە و بە نایاسایی دادەنرێن و قەرەبووش ناکرێنەوە.

"د. جوان مستەفا" ھاوسەرۆکی دەستەی تەندروستی باکور و خۆرھەڵاتی سوریا رایگەیاند، ژمارەی توشبوون بە کۆرۆنا زیادی کردووە و دەرمان و ئۆکسجین و تاقیکردنەوەکان کەمی کردووە، بەراورد بە دوو مانگی رابردووش رێژەی گیان لەدەستدان بە ڤایرۆسەکە لە باکور و خۆرھەڵاتی سوریا لە ٥٠% زیادی کردووە.

ئاماژەی بۆ ئەوەشکردووە، گرفتی کەمی ڤاکسینی کۆرۆنایان ھەیە و ڤاکسینەکە بەشی تەنھا لە ٢%ی دانیشتوان دەکات و لە ھەندێ ناوچەش دەستناکەوێت. باکور و خۆرھەڵاتی سوریا ھەرێمێکی خۆبەڕێوەبەرییە و نزیکەی پێنج ملیۆن کەس تیایدا دەژین.

بەختیار محەمەد عەقیدی ھاتوچۆ دوای چاکبوونەوەی لە شێرپەنجە، بۆ بەرزکردنەوەی ئیرادەی تووشبووانی شێرپەنجە و کەسوکاریان کتێبێکی ٧٠ پەڕەیی لە ژێر ناوی (ھێزی ئیرادە) بڵاوکردەوە و زیاتر لە ٥٠٠ تیراژیشی بەخشیە نەخۆشخانەی ھیوا، بەڕێوەبەری نەخۆشخانەکەش ناوەڕۆکی کتێبەکە بە گرنگ دەزانێت و ھاوشێوەی چارەسەر ئەم کتێبە بە گرنگ دەزانێت بۆ چاکبوونەوەی تووشبووانی شێرپەنجە.

 

یەکێک لە سەنتەرەکان تایبەتە بە منداڵانی ئۆتیزم، کە تاوەکو ئێستا لە پارێزگای کەرکوکدا بوونی نەبووە، ڕادەستی فەرمانگەی تەندروستیی کەرکوک کرا، لەگەڵ دانانی بەردی بناغەی سەنتەرێکی تایبەت بە منداڵانی ھەڵگری تالاسیما، بەو ئامانجەی لە ڕووی تەندروستیەوە بەشێک لە گرفتە تەندروستیەکانی کەرکوک و دانیشتوانەکەی، چارەسەر بکرێت.

 

بەشێک لە پارێزەر و یاساناسان دەڵێن، یاساکە پێویستە ھەموار بکرێتەوە چونکە ژمارەیەک بڕگەی تێدا، کە دەرفەت دەدات بە دەستدرێژیکار، بۆ خۆدزینەوەی لە تاوانەکان و ئەشکەنجەدانی زیاتری ژنان و کچان، کە دەبنە قوربانی.