هەواڵەکان
خاوەن زەوییەكانی گوندی كۆری چوونە بەردەم قائیمقامییەتی قەزای ناوەندی هەولێر بەڵام پێیان راگەیەنراوە چارەسەری كێشەكە لای ئەوان نییە، خاوەن زەوییەكانیش ئێستا بەرەو بینای پارێزگاری هەولێر بەڕێكەوتوون.
لە ڕێوڕەسمەکەدا وەزیری ڕۆشنبیری عێراق و دکتۆر لەتیف ڕەشید سیاسەتمەدار کورد و ژمارەیەک سیاسەتمەدار و کەسایەتی سیاسی تری عێراق بەشداری کردنەوەی کتێبخانەکەیان کرد. لە ڕێوڕەسمەکەدا وتاری بنەماڵەی دکتۆر ئەحمەد چەلەبی خوێنرایەوە و مستەفا کازمی و وەزیری ڕۆشنبیریش وتاریان پێشکەش کرد.
دکتۆر ئەحمەد چەلەبی کەسایەتییەکی دیاری عێراق بووە و ڕۆڵی لە ڕووخانی ڕژێمی بەعس و بنیادنانی عێراقی نوێ ھەبوو.
لە ڕاگەیەندراوەکەدا ئاماژە بۆ ئەوە کراوە، ئەمڕۆ وەفدێکی ئەمنی، بە سەرۆکایەتی فەرماندەی فەرماندەیی ئۆپەراسیۆنە ھاوبەشەکانی عێراق، گەیشتنە مەخموور و لە کۆبوونەوەیەکدا لەگەڵ سەرۆکی ئەرکانی وەزارەتی پێشمەرگە و فەرماندەی میحوەرەکانی ٥ و ٦ و ٧ و ٨ و ژمارەیەک ئەفسەری باڵای وەزارەت، تاوتوێی ھەماھەنگی ئەمنی لە نێوان ھێزەکانی پێشمەرگە و سوپای عێراقی کراوە لەو ناوچانەی جێگەی گرنگی ئەمنی ھاوبەشن، ھەروەھا گفتوگۆ کراوە لە بارەی ھەماھەنگی و ئۆپەراسیۆنی ھاوبەش لە نێوان پێشمەرگە و سوپای عێراقدا.
دەقی پەیامەکە :
بەمەبەستی گەیاندنی پەیامی پیرۆزبایی یەکێتی نیشتمانی کوردستان بەبۆنەی ٣٦ سالەی دامەزراندنی حزبی زەحمەتکێشانی کوردستان پێش نیوەڕۆی ئەمڕۆ یەک شەممە ١٢/١٢/٢٠٢١ وەفدێکی یەکێتی نیشتمانی کوردستان بەسەرۆکایەتی ھەڤاڵ سەعدی ئەحمەد پیرە ھەڤاڵان حاجی مەسیفی ئەندامی سەرکردایەتی یەکێتی نیشتمانی کوردستان و مامۆستا کاوە کادیری پێشکەوتووی یەکێتی نیشتمانی کوردستان لە شاری ھەولێر سەردانی بارەگای مەکتەبی سیاسی ئەو حزبەیانکرد و لەلایەن بەڕێز سەعد خالید جێگری سکرتێری گشتی حزبی زەحمەتکێشانی کوردستان و ژمارەیەک لە ئەندامانی مەکتەبی سیاسی و سەرکردایەتی وکادیرانی پێشکەوتووی حزبی زەحمەتکێشانی کوردستان پێشوازیکران
لەو سەردانەدا سەعدی ئەحمەد پیرە تەێکیدی لە پەیوەندی دێرین و دۆستانەی نێوان ھەردوولا کردەوە کە لە قۆناغە جیاوازەکانی خەباتی شار و شاخ ھەمیشە ھەماھەنگ بوونە و بەیەکەوە ھاوکار بوونە لە بەرەو پێشبردنی پڕۆسەی سیاسی و چۆنیەتی گەیشتن بە ئامانج و خواستەکانی گەلەکەمان ، تەئکیدیشی کردەوە کە پەیوەندییەکانیان لەگەڵ حزبی زەحمەتکێشانی کوردستان بەردەوام دەبێت بەتایبەتی لەو سەردەمەی ئەمڕۆدا کە عێراق بەگشتی بەقۆناغێکی ھەستیاری سیاسی دا دەڕوات لە پێکھێنانی حکومەتی نوێ و چۆنیەتی بەشداری لایەنە سیاسییەکانی کوردستان لە ڕەسمی سیاسەتی ئایندەی عیڕاق ، ئەمەش پێویستی بە کۆدەنگی و یەکڕیزی و تەبایی و ڕاوێژی سەرجەم لایەنە سیاسییەکانی کوردستانە کە بێگومان حزبی زەحمەتکێشانی کوردستان یەکێکە لەو ھێزە تێکۆشەر و دێرین و خاوەن مێژوو و خەباتی شاخ و شارن .
لە کۆبونەوەی ئەنجومەنی وەزیرانی ھەرێم لە ماوەی ساڵانی ٢٠١٩ و ٢٠٢٠ و ٢٠٢١ سەرۆکی حکومەتی ھەرێم رایگەیاند، پێش ھاتنی وەرزی زستان نەوتی سپی بەسەر ھاوڵاتیانی ھەرێمی کوردستان دابەش دەکرێت، بەڵام تا ئێستا لە کۆی ٢٦٠ ملیۆن لیتر نەوت بۆ ماڵان حکومەت تەنھا ٤٥ ملیۆن لیتر دابەشکراوە، بەو پێیەش تاکو ئێستا ٨٣٪ی ھاوڵاتیان نەوتیان وەرنەگرتووە و پرۆسەی دابەشکردنی نەوت بە سستی بەڕێوەدەچێت.
"موحسین تەھا" بەڕێوەبەری دابەشکردنی نەوت و کانزاکانی دھۆکیش بە کوردسات نیوزی راگەیاند، ھاوڵاتیانی پارێزگای دھۆک پێویستیان بە ٥٥ ملیۆن لیتر نەوتە، بەڵام تا ئێستا ١٥ ملیۆن دابەشکراوە. ساڵانە تا ئەم وادەیە حکومەتی عێراق دەستی بە ناردنی ١٠٠ ملیۆن لیتر نەوت دەکرد بەڵام بۆ ئەمساڵ ھیچ بەشە نەوتێکی نەناردووە و بەڕێوەبەری دابەشکردنی نەوت و کانزاکانی دھۆکیش دەڵێت ھۆکاری نەناردنەکەی نازانێت.
"کازم غەریب ئەبادی" ئەمینداری ئەو لیژنەیە دەڵێت، کەنەدا رێز لە مافی ٤٠٠ ھەزار ئێرانی ناگرێت کە لە خاکی وڵاتەکەدا دەژین و مافەکانیان پێشێل دەکات، لە کاتێکدا ئەو وڵاتە خۆی بڕیاری نێودەوڵەتی پێشنیازدەکات دژی ئێران لەژێر ناوی پێشێلکردنی مافی مرۆڤ.
راشیگەیاند، کەنەدا خزمەتگوزاری پێویست لەلایەن کونسوڵخانەکانیانەوە پێشکەشی ئەو ھاووڵاتیانە ناکەن و ھەر وڵات و لایەنێک سزا بەسەر گەلی ئێران بسەپێنێت یاخود بەشدار بێت لە جێبەجێ کردنی، بە دوژمن و نەیاری ئێران لە قەڵەم دەدرێت.
ئەم مانگە، کەنەدا و ئەمریکا و ئیسرائیل بڕیارێکیان خستە بەردەم نەتەوە یەکگرتووەکان سەبارەت بە پێشێلکارییەکانی مافی مرۆڤ لە "ئێران"، ئێرانیش ئەو بڕیارەی رەتکردەوە و داوای لەو وڵاتانە کرد سەرقاڵی تاوانەکانی نێو وڵاتانەکانی خۆیان بن.
یوسف قوربانی ، فەرماندەی ھێزی ئاسمانی ئێران رایگەیاندوە ، ئەگەر لە دانوستانە ئەتۆمیەکاندا ھەر ھەڵەیەک بەرامبەر ئێران بکرێت یاخود ئەمریکا و ئیسرائیل تاوتوێی بژاردەی تر بکەن بەرامبەر ئێران و وڵاتەکە روبەروی مەترسی و ھەڕەشە بکەنەوە ، ئەوا تاران وەڵامی توندی دەبێت ، ھەروەھا رایگەیاندووە ، ئێران نایەوێت لەگەڵ ھیچ دەوڵەتێک بچێتە جەنگەوە ، بەڵام خۆشیان ئامادە دەکەن بۆ ھەر ھەڕەشەیەکی دوژمنانیان .
ئەو فەرماندەیە راشیگەیاندوە ، لەماوەی رابردوودا توانا سەربازییەکانیان لەسەرجەم کەرتەکان و دامەزراوە و ژێرخان و بواری موشەک و توانا ئاسمانیەکان پتەو کردوە
سەرچاوەیەکی تایبەت لە وەزارەتی دارایی و ئابووری ھەرێم بە کوردسات نیوزی ڕاگەیاند، ئەو ٢٠٠ ملیارەی مانگانە حکومەتی عێراق وەک پێشینە بۆ مووچەی فەرمانبەران و مامۆستایانی ھەرێمی دەنێرێت، ئەمڕۆ خرایە سەر ھەژماری بانکی ھەرێم و دابەشکردنی مووچە خێرا دەکرێت.
ماوەی ١٨ ڕۆژە دابەشکردنی مووچەی مانگی تشرینی دووەمی ٢٠٢١ دەستی پێکردووە و تا ئێستا ژمارەیەک وەزارەت و دەستە مووچەیان وەرنەگرتووە.
لە دیدارەکەدا گفتوگۆکرا لە بارەی پێشھات و گۆرانکارییە سیاسی و ئەمنییەکانی وڵات و جەختکرایەوە لە گرنگی ھاوکاری و ھەماھەنگی ئەمنی و سەربازی لە پێناو پڕکردنەوەی بۆشاییە ئەمنییەکان و ڕیشەکێشکردنی تیرۆر و پاراستنی ئاسایش و ئارامی ھاووڵاتییان، ھەروەھا دووپاتکرایەوە لە پێویستی دیالۆگ و گفتوگۆ و چارەسەرکردنی دۆسێ ھەڵپەسێردراوەکان بە ئاڕاستەی ھێنانە ئاراوەی داوا ڕەواکانی خەڵک.
لە لایەکی تریشەوە ھێزە ئەمنیەکانی پارێزگای نەینەوا ٦ تیرۆرستیان دەستگیرکردووە کە بە نیازبوون کردەوەی تیرۆرستی لە ناوچەکە ئەنجام بدەن.
لەو کۆبوونەوەیەدا گفتوگۆکرا لەبارەی دوایین گۆڕانکارییەکانی سەر گۆڕەپانی سیاسی و ئەمنی عێراق و ھەردوولا جەختیان لە پەرەپێدانی پەیوەندییەکان کردەوە لەپێناو پاراستن و بەدیھێنانی بەرژەوەندی گشتی.
جەختیشکرایەوە کە؛ پێویستە ھەمووان رۆڵی خۆیان ببینن لەخێراترکردنی ھەنگاوەکانی دەستپێکردنی گفتوگۆی پێکھێنانی حکومەتی نوێ بەجۆرێک کەلەبەرژەوەندی عێراق و داخوازییەکانی گەلەکەیدا بێت.
مەکتەبی سیاسی یەکێتی پرسەنامەیەک ئاڕاستەی کەسوکاری دکتۆر رەفعەت ھیدایەت دەکات
دەقی پرسەنامەکە...
پرسەنامەی مەکتەبی سیاسی یەکێتیی نیشتمانیی کوردستان .
بەڕێزان کەسوکار و خانەوادەی دکتۆر ڕەفعەت ھیدایەت.
بۆ کۆچی دوایی تێکۆشەر و پێشمەرگەی دێرین کە لەکۆتایی حەفتاکان و سەرەتای ھەشتاکان لە ڕێکخستن و پێشمەرگایەتیدا خەباتی کردوە و لە دوای ڕاپەڕینیش چەند ساڵێک وەک بەڕێوەبەری ڤێرتێرنەری لە کۆیە و پاشان لە وەزارەتی کشتوکاڵ بەو گیانەی ساڵانی خەباتەوە کار و خزمەتی پێشکەشکردوە.
بۆ ئەوڕۆڵەی دکتۆر ڕەفعەت، لە ناخی دڵمانەوە پرسەو ماتەمی خۆمانتان پێ ڕادەگەیەنین و لە خودای مەزن داواکارین ڕۆحی پاکی بە بەھەشتی بەرین شاد بکات و ئێوەش دوا خەم و ناخۆشیتان بێت.
مەکتەبی سیاسی
یەکێتیی نیشتمانیی کوردستان