روانگەی سوریا بۆ مافەکانی مرۆڤ بڵاویکردەوە، فڕۆکە جەنگییەکانی روسیا چەند پێگەیەکی داعشیان لە دەشتاییەکانی سێگۆشەی نێوان حەلەب و حەما و رەققە و سنوورەکانی نێوان رەققە و دێرەزوور لە سوریا بۆردومان کردووە، کە سەرچاوەی مرۆیی و دارایی گروپەکە بوون.

روانگەی سوریا ئاماژەی بەوەشداوە، لە ٤٨ سەعاتی رابردوودا فڕۆکە جەنگییەکانی روسیا ٢٨ بۆردومانی ئاسمانیان کردووەتە سەر پێگەکانی داعش لە دەشتاییەکانی دەوروبەری حەما و مانگی رابردووش ٦٧٤ بۆردومانیان ئەنجامداوە، ساڵی رابردووش زیاتر لە ١٢ ھەزار جار بۆردومانی پێگەکانی داعشیان کردووە، کە بە ھۆیانەوە زیاتر لە ٥٠٠ تیرۆریستی داعش کوژراون.

نەتەوە یەکگرتووەکان رایگەیاندووە، بە دانانی پڕۆگرامی تایبەت بە خێزان و توانای گەنجان و پڕۆگرامی تەندروستی لەسەر منداڵ خستنەوە، دەکرێت زیادبوونی ژمارەی دانیشتووان لە عێراق کۆنترۆڵ بکرێت.

راشیگەیاندووە، ژنێک لە کۆی ٣ ژن لە عێراق دووچاری توندوتیژی کۆمەڵایەتی دەبێتەوە و بە دۆزینەوەی ھەلی کار و گرتنەبەری چەندین رێکار، دەکرێت ئەو دیاردەیە کەمبکرێتەوە. 

نەتەوە یەکگرتووەکان ئاماژەی بەوەشداوە کە لەگەڵ وەزارەتی تەندروستی عێراق لە ھەماھەنگیدان بۆ داڕشتنی پلانێکی خێزانی، بۆ بەھێزکردنی ژنان و داواشی کردووە خێزانەکان ھۆشیار بن لەسەر منداڵ بوون و لایەنی ئابوری و تەندروستی و کۆمەڵایەتی لەبەرچاو بگرن. 

پرۆفیسۆر د.یەحیا حەمید، یەكێك بووە لە پرۆفیسۆرە دیارەكانی كورد لە بواری پزیشكی و بەهۆی خزمەتە زۆرەكانی ناوی لە ئینسكلۆپیدیای كەسایەتییە كاریگەر و دیارەكانی ئەڵمانیا دانراوە،ئەو پرۆفیسۆرە كوردە، كە بە هۆی زۆری تەمەنی ونەخۆشیەوە لە ئەڵمانیا كۆچی دوایی كرد، لەو وڵاتەوە گەیشتەوە فڕۆكەخانەی نێودەوڵەتیی هەولێر، بۆ بە خاكسپاردنیشی تەرمەكەی رەوانەی شاری كەركوك كرا.

سەفین دزەیی لێپرسراوی فەرمانگەی پەیوەندیەكانی دەرەوەی حكومەتی هەرێمی كوردستان رایگەیاند ،  ئێوارەی ئەمڕۆ تەرمی پێنج كۆچبەری تری كورد دەهێندرێتەوە فرۆكەخانەی نێودەوڵەتی هەولێر و رادەستی كەسوكاریان دەكرێتەوە، راشیگەیاند" تەرمی دوو كۆچبەری دیكەی كورد دۆزراوەتەوەو سەرقاڵی ناسینەوەیانن.

لە  كتێبخانەی گشتی بەكرەجۆ سیمینارێك بە ناونیشانی ( عەفرین شاری كوردان بناسە لە رووی ئابوری  و ژینگەیی و كلتورییەوە) بۆ هۆزان عەفرینی رێكخرا، لە سیمینارەكەدا گفتوگۆكرا لەبارەی گۆڕانكارییەكانی عەفرین  پێش داگیركردن و دوای داگیركردنی لە رووی سیاسی و ئابوری و كلتورییەوە.

د. ڕەهێل فەرەیدون بریكاری وەزارەتی تەندروستی حكومەتی هەرێمی كوردستان رایگەیاند، ئێستا هەرێم لە نێو هێڵی سوری بڵاوبوونەوەی ڤایرۆسی كۆرنادایە بۆیە گرنگە هاوڵاتیان پابەندی رێنماییەكان بن و خۆیان بپارێزن لە شوێنی قەرەباڵغ ، تا بتوانن بە گوێرەی ئەو پلانەی هەیە رەوشەكە كۆنترۆل بكەنەوە .

وتیشی، گەلی کورد لە ناوچەیەکدا دەژی ھەمووان ڕقیان لێیەتی، ھەق نییە کورد لە ناوخۆیدا ئەوەندە ڕقی لە خۆی بێت.