هەواڵەکان
سەعدی ئەحمەد پیرە باس لە پەیوەندییەکانی نێوان یەکێتی و پارتی، هەرێم و عیراق دەکات و دەشڵێت، " یەكێتی بەهەموو شێوەیەك دوو ئیدارەیی رەتدەكاتەوە".
سەربەخۆیی کوردستان
سەعدی ئەحمەد پیرە ئەندامی مەکتەبی سیاسیی یەکێتیی نیشتمانیی کوردستان لە بەرنامەی پرسی رۆژی کوردسات نیوز رایگەیاند: هیچ لایەنێكی كوردی سەربەخۆیی رەتنەكردووەتەوە، پێویستە پێكەوەبین بۆ بەرەنگاربوونەوەی مەترسییەكان سەر هەرێم.
رۆڵی سەرۆک مام جەلال
سەعدی ئەحمەد پیرە سەبارەت بە رۆڵی سەرۆک مام جەلال دەڵێت: سەرۆك مام جەلال رۆڵێكی سەرەكی دەبینی لەچارەسەركردنی كێشەكان.
دووئیدارەیی
ئەندامەکەی مەکتەبی سیاسی یەکێتی سەبارەت بە دووئیدارەیی دەڵێت: یەكێتی بەهەموو شێوەیەك دوو ئیدارەیی رەتدەكاتەوە و رێگەی پێ نادات، دوو ئیدارەیی ئەزمونێكی تاڵ و شكستخواردووە، بەڵام پارتی بەكردار كار بۆ دوو ئیدارەیی دەكات، هەروەها پارتی دەیەوێت بە سیاسەتی براگەورەیی و برابچوكی مامەڵە بكات.
کۆبوونەوەی سەرۆکی یەکێتی و ئەمینداری گشتیی یەکگرتوو
سەبارەت بە کۆبوونەوەی سەرۆکی یەکێتی و ئەمینداری گشتیی یەکگرتوو، سەعدی ئەحمەد پیرە ئاماژەی بەوەدا: سەرۆك بافڵ پێشوازیكرد لەدەستپێشخەرییەكەی مامۆستا سەڵاحەدین بەهادین، هەروەها سەرۆك بافڵ راستگۆیانە مامەڵە لەگەڵ رێككەوتنەكات دەكات.
کاراکردنەوەی پەرلەمانی کوردستان
سەبارەت بە کاراکردنەوەی پەرلەمانی کوردستان، سەعدی پیرە دەڵێت: دواجار دەبێت یەكێتی و پارتی پێكەوە پەرلەمان كارابكەنەوە.
چەکەکانی ئەمریکا
هەروەها سەبارەت بە چەکەکانی ئەمریکا، سەعدی ئەحمەد پیرە رایگەیاند: كاری حكومەتی هەرێمە چارەنووسی چەكەكانی ئەمریكا یەكلایی بكاتەوە.
ئاژانسی "ئیرنا"ی ئێرانی لە زاری سەرچاوە دیپلۆماسییە ئاگادارەکانەوە رایگەیاند، موحسین نەقوی، وەزیری ناوخۆی پاکستان بە مەبەستی دیدار لەگەڵ بەرپرسانی ئێران، بەرەو تاران بەڕێکەوتووە.
سەرچاوەکان ئاماژەیان بەوە کردووە کە نەقوی بۆ جاری دووەم لە ماوەی کەمتر لە هەفتەیەکدا سەردانی ئێران دەکات، بێ ئەوەی وردەکاری زیاتر سەبارەت بە کارنامەی سەردانەکە یان ئەو دۆسیانەی بڕیارە گەنگەشە بکرێن، ئاشكرا بکەن.
ئەم سەردانە لە چوارچێوەی ئەو رۆڵی نێوەندگیرییەدایە کە پاکستان لە نێوان ئێران و ویلایەتە یەکگرتووەکانی ئەمریکادا دەیگێڕێت، بۆ کۆتاییهێنان بەو جەنگەی کە لە 28ی شوباتی 2026وە بەردەوامە.
نەقوی پێشتر لە 16ی ئایاری ئەم مانگەدا سەردانی تارانی کردبوو، و لەوێ لەگەڵ مەسعود پزیشکیان سەرۆک کۆماری ئێران، محەمەد باقر قالیباف سەرۆکی ئەنجومەنی شورا، و وەزیرانی ناوخۆ و دەرەوەی ئەو وڵاتە کۆبووەوە.
ئەم پێشهاتانە لە کاتێکدا دێن کە دانوستانەکانی نێوان هەردوولا تووشی چەقبەستوویی بوون، بە جۆرێک ئێران و ویلایەتە یەکگرتووەکانی ئەمریکا لە ڕێگەی نێوەندگیرە پاکستانییەکانەوە پێشنیازەکان ئاڵوگۆڕ دەکەن، ئەمەش لە ناوەڕاستی پەرەسەندنی هۆشدارییە سەربازییەکانی هەردوولادا.
ئەنجومەنی باڵای دادوەری رایگەیاند، بڕیاری سەپاندنی پارە بە ناوی كرێی خزمەتگوزاری بە رێژەی 20% لەسەر كارتی كارتی مۆبایل و ئینتەرنێدا نادەستوورییە و هەڵیوەشاندەوە.
ئەو بڕیارەی دادگا دوای پێداچوونەوە هات بەو تانە یاساییەی كە لەلایەن بەڕێوەبەری كۆمپانیایەكی رێپێدراوە بۆ پەیوەندییەكانی عیراق پێشكەش كرابوو.
ئەنجومەنەكە جەختی كردووەتەوە، لە دەستووری عیراق، سەپاندنی هەر جۆرە باج و رسوماتێك تەنها لە تایبەتمەندی و دەسەڵاتی یاساداناندایە واتە ئەنجومەنی نوێنەراندایە و نابێت بەبێ یاسا هیچ باجێك بسەپێنرێت.
لە بەشێكی تری بەیاننامەكەدا هاتووە، دەستەی راگەیاندن و گەیاندن بۆ دەركردنی ئەو بریارە پشتی بە ڕێنماییەكی ئەنجومەنی وەزیران بەستووە كە لەسەردەمی حكومەتی كاربەڕێكەردا دەرچووە، لە كاتێكدا حكومەتی كاربەڕێكەر لە ڕووی یاساییەوە هیچ دەسەڵاتێكی نییە بڕیارێك دەربكات كە باری دارایی نوێ و قورسایی بخاتە سەر شانی هاووڵاتیان.
ئەكادیمیای پەروەردە و پەرەپێدانی كادیرانی سەر مەڵبەندی دیراساتی گشتی یەكێتیی نیشتمانیی كوردستان، رێورەسمی دەرچوونی بۆ 101 بەشداربووی خولی دبلۆمی كاری حزبی ئەنجامدا كە تێیدا بەشداربووان بڕوانامەی دبلۆمی كاری حزبییان پێ بەخشرا كە لە ئاستی بڕوانامەی بەكالۆریۆسدا هەژمار دەكرێت.
دكتۆر یوسف گۆران ئەندامی مەكتەبی سیاسی و لێپرسراوی مەڵبەندی دیراساتی گشتی یەكێتیی نیشتمانیی كوردستان رایگەیاند: دڵخۆشن لەدوای 10 ساڵ جارێكی تر خولێكی دیكەی خوێندكاران بڕوانامەی دیبلۆمی كاری حزبیان پێبەخشرا.
ئاماژەی بەوەشكرد، لەم خولەدا 101 خوێندكار كە تەمەنیان لەنێوان 18 بۆ 28 ساڵدا بووە، لە سەرجەم شارەكانی كوردستانەوە بەشدار بوون.
بوومەلەرزەیەك بە گوڕی 5.6 پلەی رێختەر پارێزگای مەڵاتی باكووری كوردستانی هەژاند.
سەنتەری بوومەلەرزە زانی ئی ئێم ئێس سی بۆ ئەوروپا و دەریای ناوەڕاست رایگەیاند، بەرەبەیانی ئەمرۆ بومەلەرزەیەك بە گوڕی 5.6 پلە بەپێی پێوەری رێختەر ناوچە سنورییەكانی نێوان باكوری كوردستان و سوریای هەژاندووە.
ناوەندەكە ئاماژەی بەوە كرد، رەوشەكە لە ژێر چاودێریدایە بۆ زانینی هەر زیانێكی گیانی یان ماددی تر كە لە ئەنجامی بوومەلەرزەكەوە بكەوێتەوە.
ئەمە لە كاتێكدایە كە ناوچەكە بە هۆی هەڵكەوتەی جوگرافی پێشتر چەندین جار رووبەڕووی كارەساتی سروشتی هاوشێوە بووەتەوە و زیانی بەرچاوی پێگەشتووە.
وەفدێکی وەزارەتی دارایی هەرێم دەچێتە بەغداد و لیستی موچەی مانگی پێنج و چەند وردەکارییەکی دیکە لەگەڵ خۆیان دەبەن.
بڕیار محەمەد، پەیامنێری کوردسات نیوز رایگەیاند: لە 24 سەعاتی داهاتوودا وەفدێکی هەرێم دەچێتە بەغداد و راپۆرتی تەرازووی پێداچوونەوەی مانگی چوار لەگەڵ خۆیاندا دەبەن.
پەیامنێری کوردسات نیوز وتیشی: سەرچاوەیەک پێی راگەیاندووەم کە تا پێش جەژن داهاتی نانەوتی کۆبکەینەوە، چونکە نازانین ئەم مانگە بەغداد چەند داهاتی نانەوتیی دەوێت، بۆیە بە هیچ شێوەیەک پێش جەژن موچەی مانگی پێنجی موچەخۆرانی هەرێم دابەش ناکرێت.
ئەمڕۆ چوارشەممە، ڤلادیمێر پوتن سەرۆکی روسیا و شی جینپینگ سەرۆکی چین، جەختیان لەسەر هەوڵەکانیان کردەوە بۆ هێنانەکایەی سیستمێکی جیهانیی دادپەروەرتر و ژیرانەتر، هاوکات لەگەڵ بەردەوامیی پاڵپشتییەکانیان بۆ پاراستنی یاسا نێودەوڵەتییەکان.
سەرۆکی چین رایگەیاند: لەگەڵ سەرۆکی روسیا گفتوگۆیەکی ستراتیژیمان سەبارەت بە چەندین پرسی جیاواز ئەنجامدا، ئێمە پەیوەندییەکانمان لەگەڵ روسیا بۆ ئاستێکی نوێ بەرز دەکەینەوە و هەوڵ بۆ سیستمێکی جیهانیی دادپەروەرتر و ژیرانەتر دەدەین.
ئاماژەی بەوەش کرد کە: جیهانی ئەمڕۆ چیتر ئارام نییە و هەوڵدان بۆ هەژموونخوازیی تاکلایەنە هەیە، بەڵام پەیوەندییەکانی نێوان چین و روسیا گەیشتوونەتە ئاستێکی بێوێنە و بەردەوام لە گەشەسەندان.
سەرۆکی چین رونیشیکردەوە کە: چین و روسیا بە شێوەیەکی کاریگەر لە بواری وزەدا هاوکاریی یەکدی دەکەن و ئێمە بەردەوامین لە دابینکردنی وزە بۆ چین، جەختیشی کردەوە کە: ئامادەین بۆ هەناردەکردنی وزە بۆ بازاڕی چین بە شێوەیەکی جێگیر و بێ پچڕان.
لای خۆیەوە، سەرۆکی روسیا رایگەیاند: لەسەر بنەمای سوودی هاوبەش لەگەڵ چین کار دەکەین بۆ بەهێزکردنی هاوبەشییەکەمان لە بواری کانزا سەرەکییەکاندا، و لە ئێستادا سەرجەم مامەڵە بازرگانییەکانی نێوان روسیا و چین بە دراوە خۆماڵییەکان (نیشتمانییەکان) ئەنجام دەدرێن. وهۆشداریشی دا کە: مۆسکۆ و بەیجینگ پابەندن بە سیاسەتێکی دەرەکیی سەربەخۆ و خاوەن سەروەری، و پەیوەندییە بەهێزەکانی نێوان هەردوولا رۆڵێکی گرنگ لە سەقامگیریی گۆڕەپانی نێودەوڵەتیدا دەگێڕن، ئێمە لەگەڵ چین لە یەک بەرەدا راوەستاوین بۆ پاڵپشتیکردن لە پاراستنی یاسا نێودەوڵەتییەکان.
ئەحمەد شەرع، سەرۆکی سوریا داوای لێبوردنی لە دانیشتووانی پارێزگای دێرەزور کرد، ئەمەش بەهۆی ئەو لێدوانانەی کە باوکی لە چاوپێکەوتنێکی تەلەفزیۆنیدا دابووی و ببووە هۆی دروستبوونی شەپۆلێکی توڕەیی لە تۆڕە کۆمەڵایەتییەکاندا.
شەرع لە پەیوەندییەکی تەلەفۆنیدا لەگەڵ پارێزگاری دێرەزور و ژمارەیەک لە کەسایەتییە دیارەکانی پارێزگاکە رایگەیاند: خەڵکی دێرەزور پێگەیەکی گەورەیان لەلای سەرجەم سوورییەکان هەیە و تەئکیدی کردەوە کە: خەڵکی دێر خۆشەویست و پشتوپەنا و تاجی سەر سەری ئێمەن.
سەرۆکی سوریا ئاماژەی بەوەش کرد: ئەو بێڕێزییەی بەرانبەر بە خەڵکی پارێزگاکە کراوە پێش ئەوەی ئازاری خەڵکی دێرەزور بدات، ئازاری کەسیی خۆی داوە، هاوکات جەختی لەوە کردەوە کە مافەکانیان پارێزراوە و مێژوو و هەڵوێستە نیشتمانییەکانی خەڵکی دێرەزوور پێش وتەکان دەکەون و شایەتییان بۆ دەدەن.
رونیشیکردەوە: ئەوەی رویداوە لەوانەیە هەڵەیەک بووبێت یان بەهۆی بڕینی هەندێک رستە لە کاتی گفتوگۆکەدا بووبێت، بەناوی باوکی و بەناوی خۆیەوە داوای لێبوردنی لە خەڵکی پارێزگاکە کرد و قووڵایی خۆشەویستی خۆی بۆ دانیشتووانی دێرەزوور "چ لادێ و چ شار" دووپاتکردەوە.
شایانی باسە، تۆڕە کۆمەڵایەتییەکان لە سوریا رەخنەیەکی بەرفراوانیان لە باوکی سەرۆکی سوریا گرت دوای پەخشکردنی چاوپێکەوتنێکی تەلەفزیۆنی کە وەسفێکی تێدابوو، کە زۆرێک بە بێڕێزی بەرانبەر بە خەڵکی دێرەزوور لێکیان دایەوە.
وەزیری دەرەوەی ئێران رایگەیاند، وەڵامی چاوەراننەكراویان دەبێت بۆ هەر هێرشێك كە بكرێتەوە سەر وڵاتەكەی.
عەباس عراقچی، وەزیری دەرەوەی ئێران لە پۆستێكدا لە تۆڕی كۆمەڵایەتی "ئێكس" نووسیویەتی، دوای چەند مانگێك لە دەستپێكردنی جەنگ دژی ئێران، كۆنگرێسی ئەمریكا دانی بە لەدەستدانی دەیان فڕۆكەدا ناوە لە كاتی جەنگی دژی ئێراندا.
جەختیشی كردەوە، هێزە چەكدارەكانی ئێران توانای خۆیان لە خستنەخوارەوەی فڕۆكە جەنگییە پێشكەوتووەكاندا سەلماندووە.
وەزیری دەرەوەی ئێران لەبارەی ئەگەری دەستپێكردنەوەی هێرشەكان بۆسەر وڵاتەكەی وتی، گەرانەوە بۆمەیدانی جەنگ و دەستپێكردنەوەی هێرشەكان بۆسەر وڵاتەكەی بە توانای سەربازی نوێ وەڵام دەدرێتەوە.
وەزیری دەرەوەی ئێران دووپاتیكردەوە، وڵاتەكەی سوودی لەو زانیارییانە وەرگرتووە كە لە كاتی ڕووبەڕووبوونەوەكانی ئەم دواییەدا بەدەستی هێناون.
بانكی ناوەندیی عیراق دڵنیای دەداتە هاووڵاتیان و دەڵێت موچە بە تەواوەتی دابینكراوە، دەشڵێت دەستكاری نرخی دۆلار و دینار ناكرێ
عەلی عەلاق، پارێزگاری بانكی ناوەندیی عیراق لەگەڵ نوێنەرانی بەشێك لە دەزگاكانی راگەیاندن كۆبووەوە چەند پرسێكی گرنگی دارایی تاوتوێكراو، پارێزگاری بانكی ناوەندی رایگەیاند، دەستكاری نرخی دۆلار و دینار ناكرێ و هەروەها مووچەی مووچەخۆران دابین كراوە؛ دڵنیاییشدا لەوەی رەوشی ئابوری وڵاتەكەیان سەقامگیرەوە لە ژێر كۆنترۆڵی دەوڵەتدایە، وتیشی ئەو رێكارانەی لە مانگەكانی رابردوودا لە لایەن بانكەكەیانەوە گیراونەتەبەر، بوونەتەهۆی كەمكردنەوەی ناجێگیری و زیادكردنی متمانە بە سیستمی دارایی.
وتیشی بانكەكەیان زۆر بێلایانە مامەڵە لە گەڵ بودجەی گشتیدا دەكات،هەوڵیداوە چاكسازیی پێویست لە سیستەمی بانكیدا بكات.
ئەمە لە كاتێكدایە، پێشتر چەند لێپرسراوێكی عیراق رایانگەیاندبووە عیراق رووبەروی كەمبونەوەی پارەی نەختینەبووەتەوە بەهۆی فرۆشتنی كەمی نەوت و كەمبوونەوەی داهاتەكەی.
بەرپرسێکی کۆشکی سپی رایگەیاند کە دۆناڵد ترەمپ، سەرۆکی ئەمریکا مانگی داهاتوو بەشداری لە لووتکەی کۆمەڵەی حەوت (G7) دەکات کە لە فەڕەنسا بەڕێوەدەچێت، سەرەڕای بوونی ناکۆکی لە نێوان واشنتۆن و هاوپەیمانەکانی لەسەر چەندین پرسی جیاواز، لەوانەش شەڕی ئێران و باجە گومرگییەکان.
بڕیارە لووتکەکە کە وڵاتانی کەنەدا، فەڕەنسا، ئەڵمانیا، ئیتاڵیا، ژاپۆن، بەریتانیا و ویلایەتە یەکگرتووەکانی ئەمریکا لەخۆدەگرێت، لە ١15 تا 17ی حوزەیران لە شاری گەشتیاریی "ئیڤیان" لە زنجیرە چیاکانی ئەڵپ بەڕێوەبچێت.
کۆشکی سپی لە مانگی کانوونی دووەمدا رایگەیاندبوو کە فەڕەنسا کاتی بەڕێوەچوونی لووتکەکەی گۆڕیوە بۆ ئەوەی لەگەڵ خشتەی کارەکانی ترەمپدا بگونجێت، کە لە 14ی حوزەیراندا یادی 80 ساڵەی لەدایکبوونی دەکاتەوە.
ماڵپەڕی "ئەکسیۆس" بڵاویکردەوە، سەرۆکی ئەمریکا دەیەوێت لە لووتکەکەدا تاوتوێی چەند بابەتێک بکات، لەوانەش ژیریی دەستکرد (AI)، بازرگانی و بەرەنگاربوونەوەی تاوان.
بەڵام لووتکەکە لە کاتێکدا ساز دەکرێت کە گرژی لە نێوان ویلایەتە یەکگرتووەکان و وڵاتانی دیکەی ئەندام لە کۆمەڵەکەدا هەیە، بەتایبەتی سەبارەت بەو شەڕەی کە ترەمپ لە مانگی شوباتدا دژی ئێران دەستیپێکرد.
ترەمپ بە توندی رەخنەی لە هاوپەیمانەکانی وڵاتەکەی گرتبوو بەهۆی پێشکەشنەکردنی یارمەتی بۆ کردنەوەی گەرووی هورمز، کە دوای داخرانی لەلایەن ئێرانەوە، بووە هۆی بەرزبوونەوەی نرخەکانی نەوت لە بازاڕەکانی جیهاندا.
هاوپەیمانە ڕۆژاواییەکان، لەنێویاندا وڵاتانی جی 7، نیگەرانی خۆیان لە کاریگەرییەکانی ئەم شەڕە لەسەر ئابوورییەکانیان دەربڕیوە، بەتایبەت کە لە هەمان کاتدا لەگەڵ ئەو باجە گومرگییانەدا دەستەویەخەن کە ترەمپ سەپاندوونی.
هاوکات، تاوەکو ئێستا بەشداریکردنی ترەمپ لە لووتکەی ناتۆ (NATO) کە بڕیارە لە سەرەتای مانگی تەممووزدا لە تورکیا بەڕێوەبچێت، پشتڕاست نەکراوەتەوە.
ئەگەر پێویستت بە ناونیشانی کورت، شریتی خێرا (Ticker)، یان کورتکردنەوەی ئەم راپۆرتە بۆ هەواڵی ڤیدیۆیی هەیە، تەنها ئاماژەی پێ بکە.
كوردسات نیوز هۆكاری بڵاونەبوونەوەی راگەیەندراوەكەی وەفدی دەستەی سەربەخۆی مافی مرۆڤ لەبارەی سەردانەكەیان بۆ لای راگیراوانی لالەزار لە زیندانی كانی گۆمەی سلێمانی ئاشكرادەكات.
بەپێی زانیارییەكانی كوردسات نیوز، بڕیاربوو ئەمڕۆ دەستەی مافەكانی مرۆڤ راگەیەندراوێك لەبارەی سەردانەكەی دوێنێی وەفدێكیان بۆ لای راگیراوانی لالەزار بڵاوبكاتەوە و تێیدا وتەی راگیراوان و رەوشیان لە ئاسایشی سلێمانی بۆ رای گشتی بخاتەڕوو، بەڵام بڵاوینەكردەوە.
هەر بەپێی زانیارییەكان، هۆكاری بڵاونەبوونەوەی راگەیەندراوەكەی دەستەی مافی مرۆڤ بۆ ناڕەزایەتی چەند لێپرسراوێكی ئەو دەستەیە دەگەڕێتەوە، كە ناڕەزایەتییان نیشاندابوو لە بڵاوبوونەوەی راستیی و دروستی وتەی ئەو راگیراوانە، ئەوەش ناكۆكی لەناو دەستەكە دروستكردووە و بووەتە هۆی ئەوەی راگەیەندراوەكە بڵاونەبێتەوە، سەرەڕای ئەوەی راگەیەندراوەكە ئامادەیە.
لەبەشێكی تری زانیارییەكاندا ئەوەشخراوەتەڕو، وەفدی دەستەی مافی مرۆڤ لە ئاسایشی سلێمانی بە جیا لەگەڵ راگیراوانی لالەزار كۆبوونەتەوە و بەبێ ئامادەبوونی هیچ كارمەندێكی ئەمنی، راگیراوانیش ئامادەییان نیشانداوە سوێندبخۆن كە لەژێر هیچ فشار و ترسێكدا قسەیان بۆ دەستەكە نەكردووە.
کەناڵی بی بی سی بەریتانی رایگەیاند، ئاسایشی هەرێمی کوردستان قاچاخچیەکی کوردیان بە ناوی کاردۆ جاف دەستگیر کردوە، کە پێشتر لە رێگەی لێکۆڵینەوەیەکی وردی تۆڕی میدیایی بی بی سی ناسنامەکەی ئاشکرا کرابوو.
بی بی سی ئاماژەی بەوەکردوە، تۆڕە قاچاخچێتییەکەی ئەم تۆمەتبارە، کە ناوی راستەقینەی (کاردۆ جاف)ە و لەناو کۆچبەران و قاچاخچییەکاندا بە ناسناوی "کاردۆ رانیە" ناسراوە.
بە گوێرەی زانیارییەکانی بی بی سی، گومان دەکرێت لە چەند ساڵی رابردوودا هەزاران کۆچبەری نایاسایی بە بەلەمی بچووک لە کەناڵی ئینگلیزەوە په‌ڕاندبێتەوە بۆ ناو بەریتانیا.
بی بی سی ئەوەشیخستوەتەڕوو، کاردۆ تەمەنی 28 ساڵە خەڵکی قەزای رانیەیە، چەندین ساڵە بە چەندین ناسناوی جیاوازەوە کاری کردوە و شاردنەوەی ناوی راستەقینەی، کارەکەی بۆ دەزگا ئەمنییە نێودەوڵەتییەکان قورس کردبوو تاوەکو فەرمانی دەستگیرکردنی نێودەوڵەتی (ئینتەرپۆل)ی بۆ دەربکەن.
هەفتەی رابردوو لەلایەن رۆژنامەنووسانی بی بی سیەوە پەردە لەسەر ناو و ناسنامەکەی لادرا و ئەمەش بوە کارئاسانی بۆ دەستگیر کردنی.
بی بی سی ئەوەشی خستوەتەڕوو، کاردۆ جاف لە ئێستادا بە تۆمەتی بازرگانیکردن بە مرۆڤەوە لەلایەن ئاسایشەوە دەستبەسەرە و لێکۆڵینەوەی لەگەڵدا بەردەوامە، لە کاتی روبەڕووبوونەوەی لەلایەن میدیاکەوە، تۆمەتەکانی رەتکردەوە و بانگەشەی ئەوەی کرد کە ئەو قاچاخچی نییە و تەنیا راوێژی بەو کەسانە داوە کە ویستوویانە عیراق بەجێبهێڵن.
وەزارەتی تەندروستیی لوبنان، نوێترین ئاماری قوربانیانی وڵاتەكەی بەهۆی هێرش و بۆردومانەكانی ئیسرائیل بڵاوكردەوە و ئاماژەی بەوە كرد، لە سەرەتای دەستپێكردنی هێرشە چڕەكانی ئیسرائیلەوە بۆ سەر وڵاتەكە لە 2ی ئاداری رابردووەوە، تا ئێستا سێ هەزار و 42 كەس كوژراون.
وەزارەتەكە رونیشیكردەوە، ژمارەی بریندارانی ئەو هێرش و بۆردومانە بەردەوامانەی ئیسرائیل بۆ سەر ناوچە جیاجیاكانی لوبنان، گەیشتووەتە نۆ هەزار و 301 كەس.
ئەم ئامارانە لە كاتێكیشدان، كە هێرشە ئاسمانییەكانی ئیسرائیل بۆ سەر ناوچە جیاجیاكانی لوبنان زیانی مرۆیی و ماددی گەورەیان لێكەوتووەتەوە.
ئاژانسی رۆیتەرز بڵاویكردەوە، كۆمپانیای روس ئەتۆمی روسیا لە چەند هەفتەی داهاتوودا پسپۆڕە ئەتۆمییەكانی دەگەڕێنێتەوە بۆ وێستگەی ئەتۆمی بوشەهری ئێران.
كۆمپانیای "روس ئەتۆم" سەدان كارمەندی لە وێستگەی بوشەهر هەیە و دوو یەكەی نوێ وێستگەكە بەڕێوەدەبات، بەڵام لە كۆتاییەكانی مانگی ئادار بەهۆی بۆردومانكردنی وێستگەی بوشەهر لەلایەن ئەمریكا و ئیسرائیلەوە، پسپۆڕە ئەتۆمییەكانی لەو وێستگەیە كشاندەوە.
وێستگەی ئەتۆمیی بوشەهر توانای بەرهەمهێنانی هەزار مێگاوات كارەبای هەیە و تەنها وێستگەی ئەتۆمیی ئێرانە، كە روسیا بەشدارە لەبونیادنان و كارپێكردنی.
موجتەبا خامنەیی، رابەری باڵای ئێران رایگەیاند یەکێک لە دەستکەوتەکانیان، لە جەنگی ئەمریکا و ئیسرائیل بەرانبەربە ئێران بەرزبوونەوەی توانای ئێرانە بۆ ئاستی دەسەڵاتێکی گەورە و کاریگەر
ئاماژەی بەوەشکردوە، زیادبوونی هەوڵی چالاکانی جەماوەری و بەرەوپێشبردنی کولتوری منداڵبون دەتوانێت شارستانیەتێکی نوێی ئێرانی ئیسلامی دروستبکات
لە نوێترین پەیامیدا، موجتەبا خامنەیی، رابەری باڵای ئێران رایگەیاندوە، لە دەستکەوتە بەنرخەکانی بەرگریی کردنیان لە دژی ئەمریکا وئیسرائیل یەک خستنی گەل وبەرزبوونەوەی توانای ئێرانە بۆ ئاستی دەسەڵاتێکی گەورە و کاریگەر.
موجتەبا ئاماژەی بەوەشکردوە، ئەو رەوشەی ئێستا پەیوەندی راستەوخۆی بە پرسی دانیشتوانەوە هەیە و پرسی پێویستی زیادکردنی ژمارەی دانیشتووان هەندێک جار لە روانگەی پێویستی قەرەبووکردنەوەی ئەو کەموکوڕیانەی کە لە ئەنجامی هەندێک سیاسەتی رابردووەوە هاتوونەتە ئاراوە سەیر دەکرێت.
دەشلێت؛ نەتەوەی گەورەی ئێران دەتوانێت لە داهاتوودا رۆڵی گەورە ببینێت و هەنگاوی گەورە بەرەو دروستکردنی شارستانیەتێکی نوێی ئێرانی ئیسلامی بنێت، بۆیە زیادبوونی هەوڵی چالاکانی جەماوەری لە بواری دانیشتوان و بەرەوپێشبردنی کولتوری منداڵبوون دەتوانێت کاریگەرییەکی بەرچاوی هەبێت لەسەر دەستەبەرکردنی ئەم داهاتوو گەشە.