هەواڵەکان
ئاماژەی بۆ ئەوەش کردوە، وەک چۆن مژدە بە ھاوڵاتیانی ھەرێمی کوردستان دراوە بۆ تێپەڕاندنی ئەو قەیرانەی رووبەروبوویان بوەتەوە، بەھەمان شێوە موچەکانیان بەبێ لێبڕین بۆ دابین بکرێت و بەندەکانی یاسای بودجە وەک خۆیان جێبەجێ بکرێن.
ھەر ئەمڕۆ قوباد تاڵەبانی سەردانی پەرستگایەکی ئێزدییەکانی کرد لە ئەرمینیا و چاوی بە چەند پەرلەمانتار و کەسایەتییەکی ئێزدیی کەوت و پێکەوە دۆخی ئێزدییەکانیان لە ئەرمینیا و ھەرێمی کوردستان تاوتوێ کرد.
"حسێن رەقیب"بەرێوەبەری دەستەی ھەڵبژاردنەکانی ھەرێم لە کۆمسیۆنی باڵای سەربەخۆی ھەڵبژاردنەکانی عێراق بە کوردسات نیوزی راگەیاند، ئامادەکارییەکان بۆ ھەڵبژاردنی پێشوەخت لە عێراق بەردەوامە، لەو چوارچێوەیەشدا بڕیارە لەم ھەفتەیەدا فۆرمی وەرگرتنی کارمەند بە شێوەی گرێبەست بۆ سەر سندوقەکانی دەنگدان بڵاوبکرێتەوە.
وتیشی، ھەرێمی کوردستان پێویستی بە زیاتر لە ٣٠ ھەزار کارمەند ھەیە بۆ سەر سندوقەکانی دەنگدان لە پارێزگاکانی سلێمانی و ھەولێر و دھۆک، ئەو کەسانەی ئەو فۆرمەش پڕ دەکەنەوە دەبێت بڕوانامەی لە ئامادەیی کەمتری نەبێت ، ھەروەھا خوێندکارانی زانکۆ و پەیمانگاکانیش دەتوانن فۆرمەکە پڕ بکەنەوە، دوای پڕکردنەوەی فۆڕمەکە و ھاوپێچکردنی داواکارییەکان فۆرمەکان دەگەڕێننەوە بۆ بنکەکانی کۆمسیۆنی ھەڵبژاردن لە پارێزگاکان.
ھەر بەپێی ھەواڵی ئەو ماڵپەرە ، مێژووی تابلۆکە بۆ ساڵی ١٩٧٠ دەگەرێتەوە ، لە زیاد کردنی ئاشکرادا بەبڕی ٣٨ ملیۆن دۆلار لە نیویۆرک فرۆشرا .
ناوی تابلۆکە " بێ ناونیشان "ە و ساڵی ١٩٧٠ لەلایەن مارک رۆسکۆوە کێشراوە لەلایەن خانەی بەناوبانگی فرۆشتنی " کرستیس" لە نیویۆرک فرۆشرا ، تابلۆکە کارێکی ھونەری سادەیە و گوزارشتە لە تابلۆیەکی شینی لاکێشەی کە شاکارێکی کاریگەرە و ھەروەھا تێڕوانینی ئەو ھونەرمەندە بۆ ڕەنگە درەوشاوە و دڵخوازەکان .
ئەوەی جێی سەرنجە ، ئەم شاکارە تابلۆیەکی زەیتیە لەسەر پارچە قوماشێکی شین نیگارکێشراوە بە چەند تۆنێکی جیاواز ڕەنگی شینی تێدا بەکارھاتووە کە لە کاتی بەرکەوتنی ڕووناکیدا تابلۆکە بەشێوەیەکی سەرنجراکێش دەدرەوشێتەوە.
مارک رۆسکۆ لەساڵی ١٩٠٣ لە ئەمریکا لە دایکبووە و یەکێک لە تابلۆکانی ئەم نیگارکێشە چووەتە ڕێزبەندی ٢٠ تابلۆ زەییتە سەرنجڕاکێشەکان لە جیھاندا کە بە بڕی ٧٥ ملیۆن دۆلار فرۆشراوە .
ئەوەی جێی سەرنجە ، پاشماوە دۆرزاوەکان پاشماوەی چەند گیاندارێکیشی تێدا بووە.
ھاوکات لە ڕۆژانی جەژندا ژمارەیەکی زۆر لە گەشتیار ڕوویان لە پارێزگای سلێمانی کردووە و تا ئێستاش ھاتنی گەشتیار بەردەوامە.
ھاوسەرۆکی یەکێتی ئاماژەی بەوەشدا، کە ڕۆڵی مێژوویی و پڕ لە سەروەری یەکێتی مامۆستایان لە ڕابردوودا لە یاد ناکەن و بەڕێزەوە یادی ئەو مامۆستا تێکۆشەرانە دەکەنەوە کە سەرباری خزمەتکردنیان بە بواری پەروەردە، بە بیر و قەڵەمە بوێرەکەیان تاوێکی تریان بە خەبات و شۆڕشی نوێ داوە.
لە کۆتایشدا بافڵ تاڵەبانی ڕایگەیاند، بەھۆی ئەو دۆخە نەخوازراوەی لە ساڵانی ڕابردوودا ڕووبەڕووی ھەرێمی کوردستان بووەوە، مامۆستایان بە دۆخێکی سەخت و ناھەمواردا تێپەڕین. بۆیە بە ئەرکی خۆیان و کاری لە پێشینەیانی دەزانن کە ھەوڵی بێوچان بدەن بۆ دابینکردنی ژیانێکی شایستە و بەدیھێنانی ماف و داخوازییەکانی مامۆستایان.
دەقی پەیامەکە ...
لە ساڵیادی دامەزراندنی یەکێتیی مامۆستایانی کوردستان، گەرمترین پیرۆزبایی ئاڕاستەی مامۆستایانی کوردستان و پەروەردەکاران دەکەم.
یەکێتیی نیشتمانیی کوردستان خۆی بە بەشێک لە خەباتی پیشەیی و مەدەنیی مامۆستایان دەزانێت و بە گرنگییەوە لە ڕۆڵ و کاریگەری ئەم چینە ماندوونەناسە دەڕوانێت. لەلای ئێمە مامۆستا پایەبەرزەکان پێگەیەکی گرنگ و باڵایان ھەیە و ماندووبوونیان لە پێناو پەروەردەکردن و گۆشکردنی نەوەی نوێخواز و زانستخواز جێگای سوپاس و ستایشی بەردەواممانە.
ڕۆڵی مێژوویی و پڕ لە سەروەری ئێوە لە ڕابردوودا لە یاد ناکەین و بەڕێزەوە یادی ئەو مامۆستا تێکۆشەرانە دەکەینەوە کە سەرباری خزمەتکردنیان بە بواری پەروەردە، بە بیر و قەڵەمە بوێرەکەیان تاوێکی تریان بە خەبات و شۆڕشی نوێ دا.
بەھۆی ئەو دۆخە نەخوازراوەی لە ساڵانی ڕابردوودا ڕووبەڕووی ھەرێمی کوردستان بووەوە، مامۆستایان بە دۆخێکی سەخت و ناھەمواردا تێپەڕین. بۆیە بە ئەرکی خۆمان و کاری لە پێشینەمانی دەزانین کە ھەوڵی بێوچان بدەین بۆ دابینکردنی ژیانێکی شایستە و بەدیھێنانی ماف و داخوازییەکانتان.
بافڵ تاڵەبانی
ھاوسەرۆکی یەکێتیی نیشتمانیی کوردستان
(مەزڵوم کۆبانێ) لە کۆبوونەوەی لەگەڵ بەڕێوەبەرایەتی خۆسەری باکور و خۆرھەڵاتی سوریا ڕایگەیاند، ھەسەدە پشتیوانی لە بەردەوامی دانوستانەکانی (کوردی - کوردی) بۆ گەیشتن بە ڕێککەوتن دەکات و ھیچ گرفتێکی گەورەش لە بەردەم یەکڕیزی لایەنە سیاسییە کوردییەکان نابینێت، کە ھەمووان پێکەوە بەشداربن لە بەڕێوەبەرایەتی خۆسەردا.
(مەزڵوم کۆبانێ) ئاماژەی بۆ ئەوەشکرد، پێویستە لایەنە ئەمنییەکانی ڕۆژئائا بە پێی یاسا و دەستور مامەڵە لەگەڵ ھاووڵاتیاندا بکەن و مافی ھیچ کەسێک پێشێل نەکرێت، بەڕێوەبەرایەتی خۆسەریش ڕێگری بکات لە بڵابوونەوەی گەندەڵی.
(فالح فەیاز) سەرۆکی دەستەی حەشدی شەعبی ڕایگەیاند، ھێزەکانی حەشدی شەعبی وەک دامەزراوەیەکی یاسایی لە چوارچێوەی دامەزراوەی وەزارەتی بەرگری پابەندی تەواویان ھەیە بەو سیاسەتەی کە حکومەتی عێراق لەسەر ئاستی ھەرێمی و نێودەوڵەتی گوزارشتی لێدەکات.
وتیشی، ھیچ بەڵگەیەک نییە ھێزەکانیان تێوەگلابێت لە بە ئامانجگرتنی باڵیۆزخانە و نوێنەرایەتییەکان لە بەغداد.
(فالح فەیاز) ئاماژەی بەوەشکرد، دابینکردنی سەقامگیری و ئاسایشی ھەڵبژاردن و نەھێشتنی ھەڵگرتنی چەک لە دەرەوەی یاسا، ئەرکی حکومەتە.
"گرێچن ویتمێر" حاکمی ویلایەتی (مێشیگن) ڕایگەیاند، ڕێوشوێنەکانی خۆپارێزی و دوورکەوتنەوەی کۆمەڵایەتی و بەستنی دەمامک بە ناچاری، ئەو کەسانە ناگرنەوە کە ڤاکسینیان وەرگرتووە، ئەو کەسانەشی کە ڤاکسینەکەیان وەرنەگرتووە سزا نادرێن.
بڕیارەکەی ولایەتی مێشیگن دوای لێدوانەکەی جۆو بایدن بوو کە ڕایگەیاند ئەو ھاوڵاتیانەی ڤاکسینی کۆرۆنایان وەرنەگرتووە، دەمامک بۆ پاراستنی خۆیان و کەسانی تر ببەستن، بەڵام ئەم داواکارییە ناچارکردن نییە بەڵکو لەسەر خواستی ھاوڵاتیان دەبێت و ئەوانەشی دوو ژەمی ڤاکسینیان وەرگرتووە دەتوانن دەمامک بەکارنەھێنن.
پێکدادانەکانی نێوان بزوتنەوەی حەماس و سوپای ئیسڕائیل بەرادەوامە و شەوی ڕابردووش (حەماس) بەندەری "ئەسەدود"یان لە ئیسرائیل کردووەتە ئامانج، لە بەرامبەریشدا ئیسڕائیل باکوری خۆرئاوای کەرتی غەززەی تۆپبارانکرد، ھاوکات سوپای ئیسڕائیلیش ڕایگەیاند، ٣ موشەک لە سوریاوە ئاڕاستەی وڵاتەکەی کراوە.
لە ئێستاشدا ئەمریکا و فەڕەنسا و میسڕ و ئوردن ھەوڵەکانیان چڕکردووەتەوە بۆ ڕاگەیاندنی ئاگربەست، (موقتەدا سەدر)، ڕابەری ڕەوتی سەدریش داوا دەکات لە بەغداد و پارێزگاکانی دیکەی عێراق خۆپیشاندانی ناڕەزایی بۆ پشتیوانیکردن لە فەڵەستین ئەنجامبدرێت.
بە پێی دواین ئامارەکان، لە ئەنجامی بۆردومانەکانی ئیسڕائیل لە چەند ڕۆژی ڕابردوودا، نزیکەی (١٠٠٠) کەس لە کەرتی غەززە کوژران و برینداربوون.
ئەنتۆنی بلینکن وەزیری دەرەوەی ئەمریکا ڕایگەیاند، پلانی ئیدارەی کۆشکی سپی بەردەوامبوونە لەسەر گفتوگۆ و دانوستانەکانی ڤییەننا لەگەڵ ئێران بۆ ئەوەی ڕێگەیەک بدۆزنەوە بە مەبەستی گەڕانەوە بۆ ڕێککەوتنی ئەتۆمی.
وتیشی، دانوستانەکان بەرەو ئاڕاستەیەکی باش ھەنگاو دەنێن و بەردەوامیش دەبن بۆ ئەوەی بگەنە ڕێککەوتن.
لەلایەکی تریشەوە ٤٣ ئەندامی کۆمارییەکان لە ئەنجومەنی پیرانی ئەمریکا داوایان لە وەزیری دەرەوەی وڵاتەکەیان کردووە، دانوستان و گفتوگۆکانی ڤییەننا لەگەڵ ئێران ڕابگرێت و ڕێگە نەدات جارێکی تر ئەمریکا بگەڕێتەوە بۆ ڕێککەوتنی ئەتۆمی.
یەکێتی مامۆستایانی کوردستان پەیامێکی بڵاوکردەوە و تیایدا داوا لە حکومەتی ھەرێمی کوردستان دەکات کۆتایی بە لێبڕینی نایاسایی مووچە بھێنێت و ژمارەی بانکی بۆ سەرجەم مامۆستایان بکاتەوە و مووچەی ئەو مانگانەیان بۆ بگەڕێنێتەوە کە نەدراون یان پاشەکەوت کراون.
داواش دەکات مامۆستایانی وانەبێژ کە لە ئێستادا بۆشایی دانەمەزراندنی مامۆستایانیان پڕکردووەتەوە، خزمەتیان لە بەرچاو بگیرێت و بە بەردەوامی شایستە داراییەکانیان پێبدرێت و بە گرێبەست یان ھەمیشەیی دایان بمەزرێنن. یەکێتی مامۆستایان داواش دەکات پلە و مووچە بەرزکردنەوە کە لە ساڵی ٢٠١٥ەوە ڕاگیراوە، دەستپێبکاتەوە.
جەختیش دەکاتەوە لە جێبەجێکردنی ڕەشنوسی پارێزبەندی مامۆستایان کە سێ ساڵ زیاترە ڕەوانەی پەرلەمانی کوردستان کراوە. داواش دەکات لە یاسای چاکسازی دەست بۆ دەرماڵەی مامۆستایان بە گشتی و مامۆستایانی زانکۆ بە تایبەتی نەبرێت، لە یەکخستنی یاسای خانەنشینیش دادپەروەری لەبەرچاو بگیرێت.
دەستەی ھەڵبژاردنی ئێران ڕایگەیاند، لە ماوەی چوار ڕۆژدا ٣٠٤ کەس ناویان بۆ ھەڵبژاردنی سەرۆکایەتی ئێران تۆمارکردووە و ئەمڕۆش دواین وادەی ناو تۆمارکردنە و کاتەکە درێژ ناکرێتەوە.
بە پێی میدیاکانی ئێرانیش، (عەلی لاریجانی) سەرۆکی پێشووی پەرلەمان و (موحسینی ھاشمی) سەرۆکی شارەوانی تاران و (کچی ھاشمی ڕەفسەنجانی) سەرۆک کۆماری پێشووتر و (ئیبراھیم ڕەئیسی) سەرۆکی ئەنجوومەنی دادوەری و (حسێن دەھقان) وەزیری بەگری پێشوو و (ئەحمەدی نەژاد) سەرۆکی پێشتووتر و (موحسین ڕەزایی) سەرۆکی کۆمەڵەی بەرژەوەندییەکانی ئێران و (ڕوستەمی قاسمی) یاریدەدەری فەرماندەی فەیلەقی قودس بۆ کاروباری ئابوری، لە کەسایەتییە بەھێزەکانی ناو لیستی کاندیدەکانن بۆ ئەم ھەڵبژاردنە، کە بڕیارە لە ناوەڕاستی مانگی حوزەیران بەڕێوەبچێت.
لە دووەم ڕۆژی سەردانەکەی بۆ کۆماری ئەرمینیا، قوباد تاڵەبانی لەگەڵ وەزیری دەرەوەی ئەرمینیا کۆبووەوە و پێکەوە لە بارەی پەیوەندییە دوو قۆڵییەکان و پێشھاتەکانی ناوچە گفتوگۆیان کرد. ھەردوولا ھاوڕابوون لەسەر پەرەپێدانی کاری ھاوبەش لە نێوان ھەرێمی کوردستان و کۆماری ئەرمینیا و لەسەر بارودۆخی کوردانی نیشتەجێی ئەرمینیاش ھەڵوێستەیان کرد بە تایبەت ئەو کوردانەی بۆ خوێندن ڕوویان لەو وڵاتە کردووە.
لە تەوەرێکی تری کۆبوونەوەکەدا تیشک خرایە سەر کۆمەڵگای ئەرمەنی لە کوردستان و بە گرنگییەوە باس لە دەستپێکردنی گەشتی ڕاستەوخۆی نێوان ھەرێمی کوردستان و کۆماری ئەرمینیا کرا کە بڕیارە لە مانگی داھاتوودا دەست پێ بکات.
ھەردوولا ھاوڕابوون لەسەر گرنگی دروستکردنی پەیوەندی بازرگانی و ئاسانکاری پێدانی ڤیزا و کەڵک وەرگرتن لە ئەزموونی ئەرمینیا لە بواری وزە لە ھەرێمی کوردستان.
سەردانەکەی قوباد تاڵەبانی بۆ کۆماری ئەرمینیا لەسەر بانگھێشتی فەرمی حکومەتی ئەرمینیایە و سێ ڕۆژ دەخایەنێت. لەم سەردانەدا ھەر یەکە لە دارا ڕەشید وەزیری پلاندان و ئومێد سەباح سەرۆکی دیوانی ئەنجومەنی وەزیران یاوەری جێگری سەرۆک وەزیرانن.