هەواڵەکان
بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ٢٣٤٨ کەسی تر توشی ڤایرۆسی کۆرۆنا بوون و ٢٠ تووشبووی تری کۆرۆنا گیانیان لە دەستدا و ١٦٨٢ تووشبووی تری ڤایرۆسەکەش چاکبوونەتەوە.
ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ COVID١٩ ژمارە ( ٥٣٤ )
١. پشکنین: ( ١٣٤١٨ پشکنینی نوێ)
• ( ٤٧٧١) ھەولێر
• ( ٢٧٠٩) سلێمانی
• ( ٥١١٧) دھۆک
• ( ١٧٢) ھەڵەبجە
• ( ٤١٨) گەرمیان
• ( ٢٣١) ڕاپەڕین
•
٢. تووشبوو: ( ٢٣٤٨ تووشبووی نوێ)
• ( ٥٣١) ھەولێر
• ( ١٠١٩) سلێمانی
• ( ٦٢١) دھۆک
• ( ٧٣) ھەڵەبجە
• ( ٧٦) گەرمیان
• ( ٢٨) ڕاپەڕین
٣. چاکبوون: ( ١٦٨٢ چاکبوون)
• ( ٤١١) ھەولێر
• ( ٥٧٧) سلێمانی
• ( ٥٦٦) دھۆک
• ( ١٥) ھەڵەبجە
• ( ١٠١) گەرمیان
• ( ١٢) ڕاپەڕین
•
٤. مردن: ( ٢٠ مردن)
• ( ٧) ھەولێر
• ( ٣) سلێمانی
• ( ٥) دھۆک
• ( ٢) ھەڵەبجە
• ( ٠) گەرمیان
• ( ٣) ڕاپەڕین
•
ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢٦٤٠٧٩٢ (٨٩٨٩٥٤ ھەولێر، ٦٥٦٠١٠ سلێمانی، ١٠٦٧٧٣٤ دھۆک، ١٨٠٩٤ ھەڵەبجە)
تووشبوون ٢٦٣٩٧٥ (٧٦٥٨٢ ھەولێر، ٨٥٨٨٢ سلێمانی، ٩٦٩١٣ دھۆک، ٤٥٩٨ ھەڵەبجە)
چاکبوون ٢١١٥٠٠ ( ٦٠٧٧٦ ھەولێر، ٦٨٠٢٥ سلێمانی، ٧٨٨٥٩ دھۆک، ٣٨٤٠ھەڵەبجە)
لەژێر چارەسەر ٤٧٤٥٥ (١٤٤٤٧ ھەولێر، ١٥٦٢١ سلێمانی، ١٦٧٩٩ دھۆک، ٥٨٨ ھەڵەبجە)
مردن ٥٠٢٠ (١٣٥٩ ھەولێر، ٢٢٣٦ سلێمانی، ١٢٥٥ دھۆک، ١٧٠ ھەڵەبجە)
بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ).
حەکیم داواشی لە موقتەدا سەدر و ھەموو ئەو ھێزانە کرد کە بایکۆتی ھەڵبژاردنیان کردووە لە بڕیارەکەیان پاشگەزببنەوە و بەشداری کار لە ھەڵبژاردن بکەن.
سەرۆکایەتی بەڕێوەبردنی دۆخە لەناکاوەکانی تورکیا رایگەیاند، دوای دۆزینەوەی تەرمی ٤ کەسی تر، ژمارەی ئەو کەسانەی بەھۆی لافاوی شارەکانی باکوری وڵات گیانیان لەدەستداوە بۆ ٣١ کەس بەرزبۆتەوە، (رەجەب تەیب ئەردۆغان) سەرۆک کۆماریش سەردانی ناوچە کارەساتبارەکانی کرد و لە شاری (سینۆپ) لەبەردەم خەڵکی ناوچەکەدا وتی/ ھاوڵاتیانی ناوچە زیان لێکەوتوەکان قەرەبوو دەکرێنەوە و ھەرسێ شاری (بارتن و کاستا مانۆ و سینۆپی)شی بە ناوچەی کارەساتبار راگەیاند.
لێدوان
عادل مەلا ساڵح وتەبێژی وەزارەتی کاروباری شەھیدان و ئەنفالکراوانی حکومەتی ھەرێمی کوردستان بە کوردسات نیوزی رایگەیاند، ھەوڵەکان بۆ یەکخستنی مووچەی کەس و کاری شەھیدان و ئەنفال کراوانی ھەرێم لەگەڵ حکومەتی فیدراڵ بەردەوامە و بەڵام حکومەتی عیراق کەمتەرخەمە و لەسەر پرسی جێبەجێکردنی مادەی ١٣٢ دەستوری عیراقیش تایبەتە بە قەرەبووکردنەوەی ئەوکەسانەی لەسەردەمی رژێمی پێشوو زیانیان بەرکەوتووە ھەوڵی خۆدزینەوە دەدات.
راشیگەیاند، وەکو وەزارەتی کاروباری شەھیدان بەردەوامدەبین لە ھەوڵەکانمان بۆ یەکخستنی مووچە و قەرەبووکردنەوەی ئەوکەسانەی زیانیان بەرکەوتووەو ھەموو ئامادەکارییەکیشمان کردووە چاوەڕوان وەڵامی حکومەتی فیدراڵ دەکەین.
زەبیحەڵڵا موجاھید وتەبێژی بزوتنەوەی تاڵیبان رایگەیاند، بەرەبەیانی ئەمڕۆ ھێزەکانیان ناوچەی "غەزنی"یان لە باشوری کابوڵی پایتەخت کۆنترۆڵکردووە، گرتوخانەی قەندەھاریشیان شکاندووە و سەدان بەندکراوەکانیشیان بۆ ناوچەیەکی ئارام گواستووەتەوە.
ھاوکات وەزارەتی دەرەوەی ئەمریکاش رایگەیاند، پێشڕەوییەکانی تاڵیبان ئاماژەیە بۆ راگەیاندنی سەرکەوتن لە گۆڕەپانی شەڕدا، بۆیە پێویستە ھەنگاوەکان بۆ کۆبوونەوەیەکی نێودەوڵەتی بۆ رێککەوتنێکی ئاشتی لە ئەفغانستان خێراتربکرێت.
پرۆس ئیلوارد راوێژکاری سەرۆکی جێبەجێکاری رێکخراوی تەندروستی جیھانی رایگەیاندووە، پێویستە سەرکردەکانی جیھان و بەڕێوەبەرە جێبەجێکارەکانی کۆمپانیاکانی دەرمان، ھەنگاوی پێویست بنێن بۆ کۆتاییھێنان بەو نادادپەروەری و نا یەکسانیەی لە دابەشکردنی ڤاکسینەکان لە نێو وڵاتاندا ھەن.
راشیگەیاندووە، ٢٠ کەس لە جیھاندا توانای چارەسەرکردنی ئەو گرفتەیان ھەیە، ئەوانیش ئەو کەسانەن کە سەرۆکایەتی کۆمپانیا گەورەکانی تایبەت بە دابەشکردنی ڤاکسینەکان دەکەن.
لێپرسراوەکەی تەندروستی جیھانی وتیشی، پێویستە ئەو کەسانە کار بکەن بۆ ئەوەی تا کۆتایی مانگی ئەیلول ئەو گرفتە چارەسەر بکەن و گرەنتی ئەوە بکەن رێژەی لە سەدا ١٠ ی دانیشتوانی ھەر وڵاتێک لە جیھاندا ڤاکسین وەربگرن.
پەیامنێری کوردسات نیوز رایگەیاند، درەنگانێکی شەوی رابردوو تۆپخانە و فڕۆکە جەنگییەکانی تورکیا گوندەکانی دەوربەری ناحییەی دەرکای بۆرمان کردووە، بەھۆیەوە ئاگرێک لە ناوچەکە کەوتووەتەوە، بەڵام لەلایەن گوند نشینەکانەوەی ئاگرەکە کۆنترۆڵکراوە.
سەرچاوەکانی ھەواڵی تورکیا ئاشکرایان کرد، شەپۆلێکی بەھێزی بارانبارین لە کەناراوەکانی باکوری تورکیا، بووەتە ھۆی دروستبونی لافاوێکی بەھێز لە ناوچەکەدا.
موئامەر یانک سەرۆکی شارەوانی ناوچەی بۆزکورتیش رایگەیاندووە، بەھۆی لافاوەکەوە لانیکەم پێنج کەس گیانیان لەدەستداوە، ھەروەھا پردێک لە ناوچەی بارتین روخاوە و بەوھۆیەوە ١٣ کەس برینداربوون و کارەبا لە ١٢ گوند بڕاوە.
ئەو لافاوەی تورکیا لە کاتێکدایە لە دوو ھەفتەی رابردوودا، ئاگرێکی بەھێز دارستانەکانی گرتەوە و بەو ھۆیەوە روبەرێکی فراوانی دارستانەکان سوتان و ھەشت کەسیش گیانیان لەدەستدا.
بەپێی ئامارێک لەلایەن ئاژانسی ھەواڵی رەسمی عێراقەوە بڵاوکراوەتەوە، لەو ئۆپراسیۆنانەدا لە مانگی ئایاری ٢٠٢٠ ەوە دژی شانە نوستوەکانی داعش لە عێراق دەستیان پێکردوە، تا کۆتایی مانگی رابردوو، ٤٢٤ تیرۆریست دەستگیرکراون و ٢٥٢ تیرۆریستیش کوژراون،لەو ماوەیەشدا ٦٤٢ بۆردومانی ئاسمانی لە دژی شانە نوستوەکانی داعش ئەنجامدراوە.
ھەروەھا ئاماژە بۆ ئەوە کراوە، لە ئۆپراسیۆنە سەربازییەکاندا بڕێکی زۆر چەک و بۆمبی چێندراو پشتێنەی بۆمبرێژکراو و موشەک دەستیان بەسەردا گیراوە.
ئیدارەی قەزای چەمچەماڵ لە ھەوڵەکانی بەردەوامە بۆ بەدەنگەوەھاتنی گرفتی کەمئاوی لەو قەزایە، دوای ئەوەی ڕۆژی ٢٤ی کانوونی دووەمی ٢٠٢١ قائیمقامی چەمچەماڵ لەسەر ڕاسپاردەی قوباد تاڵەبانی جێگری سەرۆکی حکومەت لەگەڵ د.دارا رەشید وەزیری پلاندانان باسیان لە پرسی چارەسەر کردنی گرفتی کەمئاوی کرد، پرۆژەکە کرا بەیەکەم پڕۆژەی ستراتیژی بۆ ساڵی ٢٠٢١، دواتریش حکومەتی ھەرێم ڕەزامەندی لەسەر نوسراوی وەزارەتی شارەوانیدا و تێیدا چارەسەری خێرا و بنەبڕی بۆ کێشەی ئاوی چەمچەماڵ دیاریکرد.
لە ئێستاشدا دەزگا پەیوەندیدارەکان ڕاسپێردراون دەست بە ھەنگاوی پێویست بکەن بۆ چارەسەرکردنی کێشەکە بە شێوەیەکی بنەڕەتی، بەتایبەتی جێبەجێکردنی پڕۆژەی ئاوی گۆپتەپە - چەمچەماڵ.
وەزارەتی کارەبای عێراق رایگەیاند، ھێڵی کارەبای ١٣٢ کەیڤی لە قەزای سامەڕای باشوری شاری تکریتی سەبە پارێزگای سەڵاحەدین لەلایەن گروپێکی چەکداری نەناسراو کراوەتەوە ئامانج ، بەوھۆیەشەوە دوو تاوەری کارەبا لە کار کەوتوون و کارەبای قەزاکە بەتەواوی پچڕاوە.
وەزارەتی کارەبای عێراق راشیگەیاندووە، دوو تاوەری تری کارەبا لە باکور و خۆرئاوای پارێزگای کەربەلا بە بۆمبی چێنراو تەقێنراونەتەوە، ئەوەش گرفتی لە پێدانی کارەبا دروست کردووە، تیمەکانی وەزارەتی کارەباش لە ھەوڵی چاککردنەوەی تاوەرەکاندان.
حاکم سابیر لێپرسراوی مەڵبەندی قەرەچوغی یەکێتی لە لێدوانێکدا بۆ کوردسات نیوز رایگەیاند، ھەموو ھەوڵێک دەدەن بۆ ئەوەی لە سنوری ماددەی ١٤٠ کورد و لیستی ھاوپەیمانی کوردستان سەرکەوتن بە دەستبھێنن.
وتیشی، لە کۆبوونەوەکە پلان و بەرنامەی دەستپێکردنی بانگەشەی ھەڵبژاردن بۆ لیستی ھاوپەیمانی کوردستان دیاریدەکرێت.
محەمەد حەسەن بەڕێوەبەری کوالێتی کۆنترۆڵی دەروازەی نێودەوڵەتی پەروێزخان بە کوردسات نیوزی رایگەیاند، جموجۆڵی بازرگانی لە ھەموو دەروازەکانی ھەرێم ھاوبەش لەگەڵ ئێران رووی لە کەمبوونەوە کردووە، ھۆکاری کەمبوونەوەی جموجوڵە بازرگانییەکان بۆ کردنەوەی چەند دەروازەیەکی نوێ لە باشوری عێراق و نەبوونی کۆنتڕۆڵی کارگێڕیی لەو دەروازانە و نەبوونی بەرپرسیارێتی ھۆکاری سەرەکی کەمبونەوەی جموجوڵە بازرگانییەکانە لەگەڵ ئێران.
وتیشی، لەنێوان مانگی سێ و مانگی شەشی ئەمساڵ بەڕێژەی زیاتر لە ٦٥% جوڵەی بازرگانی دابەزیوە، ھەروەھا مانگی سێ بەراورد بە مانگی حەوت ٧٠% جوڵەی بازرگانی دابەزیوە، بەوشێوەیەش مانگ لە دوای مانگ کەمتر بووە.