ئەحمەد سەحاف وتەبێژی وەزارەتی دەرەوەی عێراق رایگەیاند، بەڵگەنامەی گەشت بۆ ٤٣٠ کۆچبەری گیرخواردوو لە سەر سنوری بێلاروس ئامادەکراوە و ئەمرۆ بە گەشتێک دەگەڕێنرێنەوە عێراق.

وتیشی، تیمەکانی کونسوڵگەری لە بێلاروس بەردەوامن لە تۆمارکردنی ناوی ٥٠ کۆچبەری تر و وەزارەتەکەشیان لە ھەوڵی بەردەوامدایە بۆ بەدەنگەوەچوونی ئەو کۆچبەرانەی دەیانەوێت بگەڕێنەوە.

لەلایەکی ترەوە ئاری جەلال سەرۆکی دەزگای لوتکە رایگەیاند، کۆچبەرەکان لە مینسکی پایتەختی بێلاروسەوە دەگەنە فرۆکەخانەی ھەولێرو دواتریش ئەو کۆچبەرانەی خەڵکی شارەکانی ناوەراست و باشوری عێراقن دەگەیەنرێنە فرۆکەخانەی نێودەوڵەتی بەغداد.

عێراق نیگەرانی خۆی سەبارەت بە بەنداوی جەزیرەی تورکیا پیشاندەدات و دەڵێت کاریگەری لەسەر داھاتی ئاوی وڵاتەکە دەبێت. 

عەلی رازی وتەبێژی وەزارەتی سەرچاوەکانی ئاوی عێراق دەڵێت، ترسیان لە دروستکردنی بەنداوی جەزیرە لە باشوری بەنداوی ئەلیسۆ ھەیە لەلایەن تورکیاوە، چونکە کاریگەری لەسەر داھاتی ئاوی وڵاتەکە دەبێت. 

وتیشی، وەزارەتی دەرەوەی عێراق بە رەسمی بە ئەنقەرەیان راگەیاندووە دروستکردنی ئەو بەنداوە رەتدەکەنەوە. 

وتەبێژی وەزارەتی سەرچاوەکانی ئاوی عێراق راشیگەیاند، کەمبوونەوەی باران بارین و گۆڕانکارییەکانی کەش و ھەوا ھۆکارێکی ترن بۆ کەمبوونەوەی ئاوی وڵاتەکە، ئەو پارێزگایانەشی نزیکن لە ئێرانەوە و پشت بەو وڵاتە دەبەستن زۆرترین زیانیان بەرکەوتووە.

 لە ساڵی ٢٠٠٣ەوە و بەھۆی سیاسەتەکانی تورکیا و ئێران، ئاستی ئاو لە روباری دیجلە و فورات لە عێراق بەرەو کەمبوونەوە دەچێت، بەپێی نەتەوە یەکگرتووەکانیش عێراق پێنجەمین وڵاتە لەسەر ئاستی جیھان کە گۆڕانکارییەکانی کەش وھەوا زۆرترین کاریگەری لەسەر دروست کردووە.  

"جۆێل ھاربەر" وتەبێژی ھێزە ھاوبەشەکان و بەڕێوەبەری کاروباری گشتی لە ھاوپەیمانی نێودەوڵەتی دەڵێت، گۆڕانکاری گەورە لە ژمارە و ئەرک و ڕۆڵی ھاوپەیمانییەکەیان لە عێراق ڕوونادات و ڕاوێژ و مەشق و ڕاھێنان پێشکەشی ھێزە ئەمنییەکانی وڵاتەکە دەکەن، لە ئێستاشدا بە ئەرکەکانی خۆیان ھەڵدەستن و ئەوەی پێویست بێت پێشکەشی دەکەن.

پێشتر "یەحیا ڕەسوڵ" وتەبێژی فەرماندەی گشتی ھێزە چەکدارەکانی عێراق ڕایگەیاندبوو، کشانەوەی ھێزەکانی ئەمریکا بەردەوامە و بڕیارە کشانەوەیان تا ٣١ی کانونی یەکەمی ساڵی ٢٠٢١ تەواو ببێت.

موقتەدا سەدر ڕێبەری ڕەوتی سەدر، پەیامێکی بڵاوکردەوە و ڕایگەیاند، پەیامەکەی ئاڕاستەی ئەو ھێزە سیاسیانە دەکات، کە پێیان وایە لە ھەڵبژاردنەکەی مانگی ڕابردوودا شکستیان ھێناوە.

وتیشی، پێویستە ئەو ھێزانەی دەیانەوێت بەشداری حکومەت بکەن، بەشداربن بۆ لێپێچینەوە لەو کەسانەی گوومانی گەندەڵیان لێدەکرێت و سەرجەم گرووپە چەکدارەکان ھەڵبوەشێننەوە و لە ڕێگەی فەرماندەی ھێزە چەکدارەکانەوە چەکەکانیان ڕادەستی حەشدی شەعبی بکەن.

سەدر لە بارەی پێکھێنانی حکومەتی داھاتووش ڕایگەیاند، گەلی عێراق دەیەوێت بە زووترین کات حکومەت پێکبھێنرێت و ئەوانیش کار بۆ دروستکردنی حکومەتێکی زۆرینەی نیشتمانی دەکەن و دوو بژاردەشیان لە بەردەمدایە، یان پێکھێنانی حکومەتێکی زۆرینەی نیشتمانی یاخود بوون بە ئۆپۆزسیۆنێکی نیشتیمانی.

ئەنجومەنی ئاسایش لە ڕاگەیەنراوێکدا ئاماژەی بەوەکردووە، ئەندامانی ئەنجومەن پێشوازی لە ڕاپۆرتی ئەمینداری گشتی و ھەڵسەنگاندنی ئەرێنی چاودێرانی نێودەوڵەتی بۆ پڕۆسەی ھەڵبژاردن لە عێراق و ھاوکارییەکانی یۆنامی بۆ پرۆسەکە دەکات.
ھەروەھا ستایشی گەلی عێراق دەکات بۆ پابەندبوونیان بە پڕۆسەی ھەڵبژاردن و بەرەنگاربوونەوەی ھەڕەشە و مەترسییەکان، پیرۆزبایش لە حکومەت و کۆمیسیۆنی ھەڵبژاردنەکان دەکات بۆ ئەنجامدانی ھەڵبژاردن و ئیدارەدانی بە شێوەیەکی باش.

بە پێی ڕوانگەی سوریا، دەنگی تەقینەوەکان لە ماوەی کەمتر لە سەعاتێکدا بیستراون و ھاوکات بووە لەگەڵ فڕینی فڕۆکەی بێفڕۆکەوانی نەناسراو بەسەر ناوچەکەدا. چەند سەرچاوەیەکیش باس لەوە دەکەن کە دەنگی ٨ تەقینەوە بیستراوە.

ڕوانگەی سوریا ڕاشیگەیاندووە، ئەو پێشھاتە ھاوکاتە لەگەڵ لابردنی ئاڵای میلیشیاکانی سەر بە ئێران لەسەر چەند ناوەند و بارەگایەکی سەربازی شاری "ئەلبوکەمال" و لە جێگەیان ئاڵای سوریا ھەڵواسراوە. 

ڕاشیگەیاند، وەزارەتی کۆچ و کۆچبەران بەردەوام دەبێت لەسەر پلانەکانی بۆ داخستنی سەرجەم کەمپەکانی ئاوارەکان و ناردنەوەی ئاوارەکان بە شێوەیەکی ئارەزوومەندانە بۆ ناوچەکانی خۆیان.

"ئەحمەد سەحاف" وتەبێژی وەزارەتی دەرەوەی عێراق ئاماژەی بەوەکرد، تا ئێستا ١٧٠ کۆچبەر تۆمارکراون کە بە شێوەیەکی ئارەزوومەندانە دەیانەوێت سنورەکانی بێلاروس و پۆڵندا بەجێبھێڵن و بگەڕێنەوە عێراق.

وتیشی، ٥٥ پاسپۆرتیان بۆ گەڕانەوەی کۆچبەران ئامادەکردووە و کارەکان لەگەڵ لێپرسراوانی فڕۆکەخانەی "مینسک" جێبەجێ دەکەن بۆ ڕێکخستنی ئەو گەشتە. 

پێشتریش "ئەحمەد سەحاف" ڕایگەیاندبوو، ١٨ی ئەم مانگە یەکەم گەشت ڕێکدەخەن بۆ ئەو کۆچبەرە عێراقییانەی بە شێوەی ئارەزوومەندانە دەیانەوێت لە سنوری "بێلاروس"ەوە بگەڕێنەوە وڵاتەکە. وتیشی حکومەت لەگەڵ گەڕانەوەی ئارەزوومەندانەی کۆچبەراندایە.

عەمار حەكیم، لە وتارێكدا لە كۆڕبەندی ئاشتی و ئاسایش، لە دهۆك ، رایگەیاند، پێویستە لێپرسراوای عێراق هەوڵی جدی بدەن بۆ دابینكردنی سەقامگیری لە عێراق، چونكە هاوڵاتیانی ناوچەكە بەدەست سێ شتەوە دەناڵێنن، ئەوانیش ئاڵۆزی و ناسەقامگیری ناوخۆیی و ترس لە داهاتوو،  وتیشی، پێویستە پەیوەندیەكانی نێوان هەرێمی كوردستان و حكومەتی فیدڕاڵی رێكبخرێنەوە و لەسەر بنەمای دەستوور چارەسەر بكرێن.

بەرهەم ساڵح لە كۆڕبەندی ئاشتی و ئاسایش، كە شاری دهۆك بەڕێوەدەچێت رایگەیاند، كێشەكانی نێوان هەرێمی كوردستان و بەغداد، كێشەی كەڵەكەبوون و پێویستیان بە هەڵوەستەی جدیە، وتیشی، كاتی ئەوە هاتووە، ئەو كێشانە دوور لە ئەمری واقع و مەنتقی هێز، لە كەشوهەوایەكی بونیادنەرانەدا چارەسەرێكی بنەڕەتیان بۆ بكرێت.

ئەحمەد سەحاف وتەبێژی وەزارەتی دەرەوەی عێراق رایگەیاند، ١٨ی ئەم مانگە گەشتێک رێکدەخەن بۆ ئەو کۆچبەرە عێراقییانەی بە شێوەی ئارەزوومەندانە دەیانەوێت لە سنوری بێلاڕوسەوە بگەڕێنەوە بۆ وڵات. 

وتیشی، حکومەت لەگەڵ گەڕانەوەی ئارەزوومەندانەی کۆچبەراندایە و چەندین رێکاری سیاسی و دیبلۆماسیش بۆ چارەسەرکردنی رەوشی کۆچبەران گیراونەتە بەر.

ئەحمەد سەحاف راشیگەیاند، ٥٧١ کۆچبەری عێراقی تر لە ھەشت کەمپی سنوری بێلاڕوس و پۆڵەندا تۆمارکراون و ھەماھەنگیشیان لەگەڵ وڵاتان ھەیە کە رێگەنەدەن عێراقییەکان لە رێیانەوە بچنە بێلاڕوسەوە.