فڕۆكەكەی ترەمپ درێژترین گەشتی لە مێژووی خۆیدا تۆماركرد
لازیا عەلی
٢٠ی تشرینی دووەمی ٢٠٢٦
دۆناڵد ترەمپ دەڵێت، گەشتی فڕۆكەی سەرۆكایەتی 'ئێر فۆرس وەن' لە چینەوە بۆ بنكەی ئاسمانیی ئەندرۆز، درێژترین گەشتی بەردەوام بووە و ژمارەی پێوانەیی شكاندووە.
دۆناڵد ترەمپ، سەرۆكی ئەمریكا لە لێدوانێكدا بۆ فۆكس نیوز ئاشكرایكرد، گەشتی فڕۆكەی سەرۆكایەتی لە چینەوە بۆ بنكەی ئاسمانیی ئەندرۆز، درێژترین گەشتی بەردەوام بووە لە مێژووی ئەو فڕۆكەیەدا و بەبێ هیچ نیشتنەوەیەك بۆ وەرگرتنی سووتەمەنی بۆ ماوەی 15 سەعات فڕیوە و كێشی بەهۆی باركردنی زۆری سووتەمەنییەوە گەیشتووەتە نزیكەی 454 تۆن.
ئەو گەشتە مێژووییەی سەرۆكی ئەمریكا دوای بەشداریكردنی هات لە لوتكەی سێقۆڵیی شاری شینجن لەگەڵ ڤلادیمیر پوتن، سەرۆكی روسیا و شی جین پینگ، سەرۆكی چین كە لە كۆبوونەوەیەكدا باسیان لە پێویستیی رێگریكردن لە مەترسییەكانی چەكی ئەتۆمی و ململانێ هەرێمییەكانیان كرد.



