کوردستان
لە گردبوونەوەکەدا مامۆستایانی گرێبەست لە قەزای چەمچەماڵ داوایانکرد لەلایەن وەزارەتی پەروەردەی حکومەتی ھەرێمی کوردستانەوە بە شێوەیەکی ھەمیشەیی وەکو مامۆستا دابمەزرێن.
لە کۆنگرەیەکی ڕۆژنامەییدا نوێنەری مامۆستایانی گرێبەست لە چەمچەماڵ پەیامێکی پێشکەشکرد و داوای لە دەسەڵاتەکانی ھەرێمی کوردستان کرد بە مامۆستای ھەمیشەیی دایانبمەزرێنن.
لاھور شێخ جەنگی ھاوسەرۆکی یەکێتیی و وەفدێکی مەکتەبی سیاسی یەکێتی نیشتمانیی کوردستان، لە چوارەمین ساڵیادی کۆچی دواییدا، سەردانی ئارامگای نەوشیروان مستەفایان کرد و تاجە گوڵینەی ڕێز و وەفایان لەسەر ئارامگاکەی دانا.
ئەمڕۆ پەرلەمانی کوردستان کۆدەبێتەوە بە پێی بەرنامەی کاری کۆبوونەوەکەش، دەنگدان لەسەر پۆستی سەرۆکی دەستەی سەربەخۆی مافی مرۆڤ لە ھەرێم دەکرێت.
ھاوکات لە تەوەرێکی تری کۆبوونەوەکەدا ھەمواری یاسای ماف و ئیمتیازاتی کەمئەندام و خاوەن پێداویستیی تایبەت و پڕۆژەیاسای ھەمواری دووەمی یاسای یەکێتی ژوورەکانی بازرگانی و پیشەسازی لە ھەرێم و پڕۆژەیاسای ھەمواری یەکەمی یاسای وەزارەتی بازرگانی و پیشەسازی خوێندنەوەی یەکەمیان بۆ دەکرێت.
ئەمڕۆ ڕۆژی جیھانی مۆزەخانەیە، بەڕێوەبەرایەتی شوێنەواری ھەولێر بە ئامادەبوونی وەزیری شارەوانی و گەشتوگوزاری ھەرێم و پارێزگاری ھەولێر ڕێوڕەسمێک لە گوندی "بانەمان" لەسەر ڕێگەی ھەولێر-پیرمام ڕێکدەخات.
لە ماوەی ڕابردوودا ئیدارەی ئێستای کەرکوک چەند بڕیارێکی دەرکرد بۆ زیندووکردنەوەی تەعریب لە شارەکەدا، ئەو بڕیارانەش دژی دەستووری عێراقی فیدراڵن، ئەم تەوەرەش لە کۆبوونەوەکەی نێوان بۆردی پێکھاتەکانی یەکێتی و ڕێکخراوی خاچی سوری نێودەوڵەتی گفتوگۆی لەبارەوە دەکرێت و یەکێتیی نیشتمانیی کوردستان ھەوڵدەدات ڕێکخراوە نێودەوڵەتییەکان لە پێشێلکارییەکان بەرامبەر بە خەڵکی کەرکوک ئاگادار بکاتەوە.
بە بۆنەی ٣ھەمین ساڵیادی کۆچی دوایی "عادل موراد" ئەندامی دەستەی دامەزرێنەری یەکێتی نیشتمانی کوردستان، مەکتەبی ڕاگەیاندنی یەکێتی نیشتمانی پەیامێکی بڵاوکردەوە و سەرباری بەرزڕاگرتنی بیر و یادەوەرییەکانی کۆچکردوو ڕایانگەیاند "ھەڤاڵ موڕاد تێکۆشەرێکی گەورە و دیاری یەکێتی و شۆرشی نوێ، دۆستی گیانی بە گیانی سەرۆک مام جەلال و ھەڤاڵانی دەستەی دامەزرێنەر و سەرکردەیەکی خاکەڕا و بە ورەی بزووتنەوەی ڕزگاریخوازانەی گەلەکەمان بوو، خەباتگێرێکی رەعیلی یەکەمی تێکۆشەرانی فەیلی بوو، لە ڕیزی خەباتی خوێندکاری و پیشەیی کۆتایی شەستەکان و حەفتاکاندا کارەکتەرێکی دیار بوو، پاشان لە کۆری خەباتی ھەمەلایەنەی دیبلۆماسیی ئاستی عێراقی و عەرەبی دا قاڵبووەوە و یەکێک بوو لە ئەدگارە دیارەکانی میدیایی و دیبلۆماسیی یەکێتی".
ئاماژەشیان بەوەدا، بۆ ڕاگەیاندنکارانی یەکێتی کە کۆچکردوو ماوەیەکی بەرچاو و دیار لێپرسراوی مەکتەبی ڕاگەیاندن بوو، ڕۆڵێکی مامۆستایانە و ڕێنوێنی گێڕاوە لە پەروەردەکردنی دەیان ڕاگەیاندنکاری یەکێتیی و پێگەیاندنیان بۆ ئەرک و بەرپرسیاریەتی میدیایی.
دەقی پەیامەکە ...
یاد و بیرەوەری ھەڤاڵ عادل موراد بەرز و پایەدار بێت
ئەمڕۆ ١٨-٥ سێ ساڵ بەسەر ئۆغری یەکجارەکی ھەڤاڵ عادل موراد ئەندامی دەستەی دامەزرێنەری یەکێتی نیشتمانی کوردستان و دوا سکرتێری ئەنجومەنی ناوەندی یەکێتیی تێپەڕدەبێت.
ھەڤاڵ موڕاد تێکۆشەرێکی گەورە و دیاری یەکێتی و شۆرشی نوێ، دۆستی گیانی بە گیانی سەرۆک مام جەلال و ھەڤاڵانی دەستەی دامەزرێنەر و سەرکردەیەکی خاکەڕا و بە ورەی بزووتنەوەی ڕزگاریخوازانەی گەلەکەمان بوو، خەباتگێرێکی رەعیلی یەکەمی تێکۆشەرانی فەیلی بوو، لە ڕیزی خەباتی خوێندکاری و پیشەیی کۆتایی شەستەکان و حەفتاکاندا کارەکتەرێکی دیار بوو، پاشان لە کۆری خەباتی ھەمەلایەنەی دیبلۆماسیی ئاستی عێراقی و عەرەبی دا قاڵبووەوە و یەکێک بوو لە ئەدگارە دیارەکانی میدیایی و دیبلۆماسیی یەکێتی و ھەڤاڵێکی سەرڕاستی ھەڤاڵ و ڕابەرمان مام جەلال بوو.
ھەڤاڵ عادل موراد لە ڕەوتی ئەو خەباتە ھەمەلایەنەشدا، بە شانازییەوە
بۆ ئێمەی ڕاگەیاندنکارانی یەکێتی ماوەیەکی بەرچاو و دیار لێپرسراوی مەکتەبی ڕاگەیاندن بوو، ڕۆڵێکی مامۆستایانە و ڕێنوێنی گێڕا لە پەروەردەکردنی دەیان ڕاگەیاندنکاری یەکێتیی و پێگەیاندنیان بۆ ئەرک و بەرپرسیاریەتی میدیایی.
لەم یادەوەرییە خەمناکەدا ئێمە وەک ھەڤاڵانی لە مەکتەبی ڕاگەیاندن یادی بەخێری ھەڤاڵ عادل موراد بە سەرفرازییەوە دەگێرینەوە و شانازی بە وێستگەی بەرپرسیاریەتی و ئەرک ڕاپەڕاندنییەوە دەکەین. لەم سێیەمین ساڵڕۆژەشدا سەری ڕێز و نەوازش بۆ گلکۆکەی دادەنوێنین و لەگەڵ تێکۆشەران و ھەڤاڵانی یەکێتی بە ھەمان وەسفی مامی گەورە دووپاتی دەکەینەوە:
ھەڤاڵ کاک عادل ئەلوەرد، یادت بەخێر و ناوت لە ئاسمانی کوردایەتی و دیموکراسیی عێراقدا ھەمیشە درەوشاوە بێت
مەکتەبی ڕاگەیاندنی یەکێتیی نیشتمانی کوردستان
١٨-٥-٢٠٢١
پێشانگەکە ماوەی سێ ڕۆژە بە بەشداری ٦٢ وڵات و زیاتر لە ھەزار کۆمپانیا کراوەتەوە و تاوەکو ٢٠ی ئایار بەردەوام دەبێت.
وەفدەکەی دەستەی گەشتوگوزاری ھەرێمیش پێکھاتوون لە سەرۆکی دەستەی گەشتوگوزار و بەڕێوەبەری گشتی گەشتوگوزاری گەرمیان و چوار بەڕێوەبەر لە دیوانی دەستەکەیان، لەگەڵ ژمارەیەک خاوەن بنکەی گەشتیاری کەرتی تایبەت لە ھەولێر و سلێمانی و دھۆک.
بەشیر حەداد لە ڕاگەیەنراوێکدا ئاماژەی بەوەکردووە، سەرەڕای کێشە و ناکۆکییەکان ئەنجومەنی نوێنەران لە ٣١ی ئادارەوە پڕۆژە یاسای بودجەی ٢٠٢١ی پەسەندکرد، کە یەکێکە لە یاسا گرنگەکان و پەیوەندی ڕاستەوخۆی بە ژیان و گوزەرانی خەڵکەوە ھەیە.
جێگری سەرۆکی ئەنجومەنی نوێنەران نیگەرانی خۆشی پیشانداوە لە دواکەوتنی جێبەجێکردنی یاسای بودجە بەھۆی ڕێوشوێنە ڕۆتینییەکانی حکومەت، ئەوەش بووەتە زیادکردنی نەھامەتییەکانی ھاوڵاتیان.
داواشی لە حکومەتی فیدراڵ کردووە پەلە بکات لە ناردنی بەشە بودجەی پارێزگاکان تاکو بتوانن پڕۆژە خزمەتگوزارییەکان جێبەجێبکەن و پاڵنەرێک بێت بۆ خێراکردنی پڕۆسەی بونیادنانەوە و ئاوەدانکردنەوەی پارێزگاکان.
بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ٨٥٨ کەسی تر تووشی ڤایرۆسی کۆرۆنا بوون و ٨ تووشبووی تری کۆرۆنا گیانیان لە دەستدا و ٧٨٧ تووشبووی تری ڤایرۆسەکە چاکبوونەتەوە.
ھەردوولا ھاوڕابوون لەسەر گرنگیدان بە چاکسازی بانکی وەک بنەمایەک بۆ چاکسازیی گشتگیر و بنەبڕکردنی گەندەڵی و باسیان لەچۆنییەتی بەستنەوەی زانکۆکانیش کرد بە بازاڕی کارەوە.
لە تەوەرێکیتری کۆبوونەوەکەدا جێگری سەرۆک وەزیران، ڕوونیکردەوە ئێستا سەرقاڵی ھەموارکردنی ئەو یاسا کۆنانەن کە رێگرن لە چاکسازی، ئەوەشی ڕوونکردەوە ھەرێمی کوردستان لەپاش جێبەجێکردنی بایۆمەترییەوە بووەتە خاوەنی زانیاری خۆی و پێشتر بۆشایی گەورەی زانیاری ھەبوو.
لە کۆبوونەوەکەدا لیز ئاتوێڵ، جێگری بەڕێوەبەری گەشەپێدان و ئەلێکساندەر ھامڵتۆن، راوێژکاری ئابوری و ئامار، نیکۆلا میڵن، بەڕێوەبەری چاکسازی لە پێناو سەقامگیری عێراق و ئیلینۆر لیپمان، سکرتێری دووەمی چاکسازی و ئاسایش لە کونسوڵخانەی بەریتانیا ئامادە بوون.
لە بەشێکیتری کۆبوونەوەکەدا تاوتوێی ھەڵبژاردنی گشتی داھاتووی عێراق کرا و ھەردوولا ھاوڕابوون لەسەر ئەوەی کە دەبێت کار بکرێت بە ئاراستەی بەڕێوەچوونی ھەڵبژاردنێکی پاک و بێگەرد.
ھەر لە کۆبوونەوەکەدا تاوتوێی دواین پێشھاتە سیاسی و ئەمنییەکانی ناوچەکە و ھەرێم کرا و لەمبارەیەشەوە ھەردوولا ھاوڕابوون کە دەبێت حکومەتی ھەرێم و حکومەتی فیدرال و ھەموو لایەنە سیاسییەکان بە ھاوکاری وڵاتانی دۆست و ھاوپەیمان پێکەوە کاری زیاتر بکەن لەپێناو سەقامگیری زیاتری عێراق بە ھەرێمی کوردستانیشەوە.
بافڵ تاڵەبانی لەبارەی چۆنییەتی یەکخستنەوەی ھێزی پێشمەرگەی کوردستان و رێکخستنەوەیان لەچوارچێوەی پرۆژەیەکی نیشتمانیی نەتەوەیی، ھەڵوێستی یەکێتی خستەڕوو و جەختی لە بەردەوامی ھەوڵەکان کردەوە بەو ئاڕاستەیەی کە بنەمای ھاوسەنگی و یەکسانی لە یەکگرتنەوەی ھێزی پێشمەرگە رەچاوبکرێت و ھێزێکی نیشتمانی رێکخراو دروستبکرێت کە رەنگدانەوەی ھەموو پێویستییەکانی بەرژەوەندی گشتی ئەمڕۆی ھەرێم بێت. دووربێت لە دەستێوەردانی حزبی و ھەموو پشتیوانییەکی یەکێتیشی بۆ سەرخستنی ئەم پرۆژە نەتەوەییە دەربڕی.
ھەر لەکۆبوونەوەکەدا ھاوسەرۆک سوپاسی ھێزەکانی ھاوپەیمانیی نێودەوڵەتی کرد کە ھاوکار و پشتیوانی ھەرێم و عێراق بوون لە رووبەڕووبوونەوەی تیرۆر و بەرقەرارکردنی ئاسایش و سەقامگیری لە ناوچەکە. بەردەوامی و فراوانکردنی ئەو ھەماھەنگییەشی بە ھاوکاری ھێزی پێشمەرگە و سوپای عێراق دووپاتکردەوە.
وەزارەتی پەروەردەی ھەرێم لە نوسراوێکدا وادەی تاقیکردنەکانی وەرزی دووەم و کۆتایی ساڵ و ساڵنامەی خوێندنی پەیمانگە حکومی و ناحکومییەکانی دیاریکرد، بەپێی نوسراوەکە، تاقیکردنەوەی وەرزی دووەم لە ڕۆژی چوارشەممە ١٦ی حوزەیرانی ٢٠٢١ دەستپێدەکات و رۆژی سێ شەممە ٢٩ی حوزەیرانی ٢٠٢١ کۆتایدێت.
لە بەشێکی تری نوسراوەکەدا ھاتووە، بە پێی ساڵنامەی خوێندنی پەیمانگەکان، ھەموو بابەتەکانی خوێندن "تیۆری و پراگتیکی" لە ناو پەیمانگە بەشێوازی تەناوب ٣ رۆژ بە ٣ رۆژ دەخوێندرێت.
دەقی پەیامەکە :
لەچوارەمین ساڵیادی کۆچی دوایی سەرکردەو بیرمەندو سیاسەتمەداری ناوداری گەلەکەمان، ڕەوانشاد نەوشیروان مستەفا ئەمین، سەری ڕێزو وەفا دادەنەوێنین و ئەم یادە خەمناکە بەشکۆوە ڕادەگرین.
کۆچی دوایی کاک نەوشیروان بۆشاییەکی گەورەی خستە نێو کایەی سیاسی و تێڕوانینە قووڵ و نیشتمانییەکانی بۆ چارەسەری دۆزی ڕەوای گەلەکەمان ھەمیشە بەزیندوویی دەمێنێتەوە، چونکە بەڕێزیان لەگەڵ ئەوەی سەرکردەیەکی دووربین و سیاسەتمەدارێکی کەم وێنە بوو، ھاوکات لەبواری فیکری سیاسیشدا دیدگای ناوازەی خۆی ھەبوو، لەھەموو ھەلومەرجێکی نالەباردا نەخشەڕێگەی بۆ دەربازبوون لەقەیران دەخستەڕوو، بۆیە ئەمڕۆ لەھەموو کاتێک زیاتر درک بەخەسارەتی لەدەستدانی دەکەین.
دروود بۆ ڕۆحی پاکی کاک نەوشیروان و سەرجەم شەھیدانی ڕێگەی ڕزگاریی کوردستان.
