ساسان عەونی وەزیری شارەوانی و گەشتوگوزار بڕی زیاتر لە ٤٩٩ ملیۆن دینار بە مەبەستی جێبەجێکردنی پرۆژەی دروستکردنی تۆڕی ئاوەڕۆ بۆ شەقام و کۆڵانەکانی جیاکراوەی (٢١٢)ی کەرتی ٨ی ئابڵاخ لە شاری سلێمانی. ئەو بڕە پارەیە لەسەر داھاتی ڕێژەی %١٥ی سەرۆکایەتیی شارەوانیی سلێمانییە.

قالیباف ئاماژەی بۆ ئەوەکردوە کە ھەمووان ھاوڕان لەسەر ئەوەی چونە دەرەوەی ئەمریکا لە ئەفغانستان ، بەڵگەی نەمانی ھێز و دەسەڵاتی ئەو وڵاتەیە لەسەر ئاستی نێودەوڵەتی ، سەبارەت بە ھەڵوێستی ئێرانیش بەرامبەر ئەفغانستان رایگەیاندوە ، ئێران رێز لە ئیرادە و مافە دینی و مرۆییەکانی گەلی ئەفغانستان دەگرێت و پشتگیری لە بەدیھێنانی ئاسایش و سەقامگیری دەکات لەو وڵاتەدا ، ھەروەھا بەرگری لە گەلی ئەو وڵاتـە دەکات بەرامبەر ھەر ھەوڵێکی دەرەکی بۆ تێکدانی ئاسایش و سەقامگیری وڵاتەکە.

دەقی پرسەنامەکە : 
بەڕێز ھادی عامری، سەرۆکی ھاوپەیمانیی فەتح 
ھاوبەشی خەم و ئازاری ئێوە و بنەماڵەکەتانین بۆ کۆچی دوایی سێ برازای بەڕێزتان کەبەھۆی رووداوێکی دڵتەزێنەوە گیانیانلەدەستدا.
لە خوای گەورە داواکارین گیانی کۆچکردووان بە بەھەشت شاد بکات و  دڵنەوایی بە کەسوکار و بنەماڵەکەتان ببەخشێت.

د. سەباح ھەورامی، بەڕێوەبەری گشتی تەندروستی سلێمانی رایگەیاند، بە ھاوکاری بەرێوەبەرایەتی گشتی پەروەردەی سلێمانی و پلانیان داناوە بۆ دانانی چەند بنکەیەکی تایبەت بە مامۆستایان تراکو زۆرترین مامۆستا ڤاکسین وەربگرن، وتیشی، لە چەند رۆژی داھاتوودا لە کارگەی کۆنی جگەرەی سلێمانی گەورەترین بنکەی پێدانی ڤاکسین دەکەنەوە.

روانگەی سوریا بۆ مافەکانی مرۆڤ ئاشکایکردووە ، ھێزەکانی حکومەت بە موشەک و چەکی قورس بە چڕی بۆردومانی دەرعا دەکەن ، ھەروەھا حکومەت چەند سەعاتێکی کەمی دیاریکردوە بۆ ئەوەی چەکداران لەو شارە بچنە دەرەوە و چەندین پاسی بۆ گواستنەوەیان داناوە . 
لە بەرامبەریشدا چەکدارانی دەرعا، رەتیدەکەنەوە رەزامەندیان دابێت لەسەر ئاشتبونەوە لەگەڵ حکومەتی سوریا و بە جێھێشتنی شارەکە و دوپاتیان کردۆتەوە کە دەرعا بەرەو تورکیا و ئوردن بەجێناھێڵن .

 یەکێتی ئەوروپا رایگەیاندووە، مەرجی یەکەمیان ئەوەیە کە خاکی "ئەفغانستان" نەبێتە سەرچاوەیەک بۆ دروستکردن و ناردنی تیرۆریستان بۆ وڵاتان، ھەورەھا رێز لە مافی مرۆڤ و ژنان و سەروەری یاسا و ئازادی رۆژنامەگەری بگیرێت، مەرجی سێیەمیشیان پێکھێنانی حکومەتێکی راگوزەرییە. 
دوور مەرجی کۆتای یەکێتی ئەوروپاش ئەوەیە کە رێگە بدرێت بە گەیاندنی ھاوکاری مرۆیی بۆ ئەوانەی پێویستیان پێیە، لەگەڵ پابەندبوونی "تاڵیبان" سەبارەت بە چوونە دەرەوەی بیانییەکان و ئەو ھاووڵاتییە ئەفغانییانەی مەترسییان لەسەرە. 

ریاز عەبدولئەمیر بەرێوەبەری گشتی لە وەزارەتی تەندروستی عێراق ئاشکرایکرد، عێراق گرێبەستی کردووە بۆ کرینی ٣٠ ملیۆن دۆزی ڤاکسینی کۆرۆنا و تا کۆتایی ئەمساڵ ٢٠ ملیۆن دۆزی ڤاکسینی بەدەست دەکات. 

ھەرچەندە ئاماژەی بەجۆری ئەو ڤاکسینە نەکردووە رەوانەی عێراق دەکرێت، بەڵام دەڵێت بەرھەمھێنانی ڤاکسین لەلایەن کۆمپانیاکانەوە کاتی زۆری پێویستە.

ئەمرۆ ٥ی ئەیلولی ٢٠٢١ شاناز ئیبراھیم ئەحمەد کارگێڕی مەکتەبی سیاسی یەکێتیی نیشتمانیی کوردستان و سەرپەرشتیاری مەڵبەندی یەکی رێکخستنی سلێمانی لەگەڵ ئەنجومەنی زانکۆی پۆلیتەکنیکی سلێمانی کۆبووەوە و بارودۆخی ناوەندەکانی خوێندنی باڵا و چارەنوسی پرۆسەی خوێندن لەناوەندە زانستی و ئەکادیمییەکاندا تاوتوێ کرد.

لەدیدارەکەدا، د.ئالان فەرەیدون سەرۆکی زانکۆی پۆلیتەکنیکی سلێمانی بەناوی ئەنجومەنی زانکۆ و مامۆستا و فەرمانبەران و خوێندکارانەوە لەگەڵ پێشکەشکردنی چەپکە گوڵی پیرۆزبایی، سوپاسی ھەوڵەکانی شاناز ئیبراھیم ئەحمەدی کرد، کە بەردەوام لەخەمی پێشکەوتن و چارەسەرکردنی کێشە و کەموکورتیەکانی ناوەندەکانی خوێندنی باڵادایە و لەم ڕووەوە بەردەوام لەپەیوەندیدابوە و ھیچ درێغییەکی نەکردوە.

لای خۆیەوە ئیبراھیم ئەحمەد، کورتەباسێکی لەسەر بارودۆخی سیاسی و ئابووری ئەم قۆناغە بەگشتیی و پرۆسەی خوێندن و ئاستەنگەکانی بەتایبەت پێشکەشکرد، لەو ڕووانەشەوە سیاسەتی یەکێتیی نیشتمانیی کوردستانی روونکردەوە بۆ تێپەڕاندن و چارەسەرکردنی کێشەکان و ھاوکاریکردنی ناوەندە زانستیی و ئەکادیمییەکان، و پلان و چۆنێتی وەلانانی لەمپەرەکانی بەردەم دەستپێکردنی پرۆسەی خوێندن.

شاناز ئیبراھیم ئەحمەد ستایشی خۆڕاگریی مامۆستایان و فەرمانبەرانی زانکۆکەکەی کرد کە پەرۆش و بەردەوامبوون لەجێبەجێکردنی ئەرکەکانیان بۆ پێگەیاندنی نەوەیەکی گۆشکراو بە زانست و زانیاری سەردەم لە سێکتەر و پسپۆڕییە جیاجیاکاندا.

دواتر و لەگفتوگۆیەکدا سەرۆک و  ئەندامانی ئەنجومەنی زانکۆی پۆلیتەکنیکی سلێمانی کێشەکانی زانکۆکەیان و سەرنج و پێشنیازەکانیان خستەڕوو، بەمەبەستی چارەسەرکردن و پێشخستنی ئاستی زانستی لەزانکۆکەدا، لای خۆشیەوە، شاناز ئیبراھیم ئەحمەد لەگەڵ خستنەڕووی پلان و پێشنیازی لۆژیکی بۆچارەسەری بنەڕەتی کێشەی زانکۆ حکومییەکان، پشتیوانی خۆی بۆ داواکانیان و چارەسەرکردنی کێشەکانیان دووپاتکردەوە.

لەمەراسیمێکدا  ٥٦ خوێندکاری پۆلی  ١٢ی ئامادەی کۆلێژەکانی یونایتد ساینس خەڵاتی ڕێزلێنانیان پێبەخشرا کەلەتاقیکردنەوەکانی وزاری بۆ ساڵی خوێندنی ٢٠٢٠ بۆ ٢٠٢١ لەسەر ئاستی ھەرێمی کوردستان سەرکەوتووبون. ھەر لەمەراسیمەکەدا دوو ئۆتۆمبێل بەدیاری بەخشرایە دوو خوێندکار کە لەسەر ئاستی ھەرێمی کوردستان پلەی یەکەمیان بەدەست ھێنابوو.

ھێمن سلێمان وتەبێژی پولیسی پارێزگای دھۆک دەڵێت، تۆمەتبارەکان دەستگیرنەکراون و  ژمارەیەکی زۆری پولیسی نەھێشتنی تاوان و ئەفسەرانی پولیس راسپێردراون بۆئەوەی بتوانن لە نزیکترین کاتدا ئەو تۆمەتبارانە دەستگیر بکەن، ئەوەشی خستەڕوو، ئەمە یەکەم جار نییە ئەم جۆرە دزییە گەورەیە دەکرێت، بەڵکو لە ساڵانی رابردوودا چەندین جار ئەم حاڵەتانە ھەبون.