تیمەکانی رزگارکردن و رێکخراوەکانی چاودێریکردنی جەنگ ئاشکرایان کردوە، لە ناوچەکانی ژێر دەسەڵاتی حکومەتی سوریاوە، گوندی ئیبلین لە ریفی ئیدلیب تۆبباران کراوە و ھەشت کەس کوژراون، کە پێنجیان ئەندامی خێزانێکن و سیانیان منداڵن. 

ئاماژەیان بۆ ئەوەش کردوە، ئەو خێزانەی بوونەتە قوربانی لە کاتی خەودا بەر تۆببارانەکە کەوتوون، سەرۆکی خێزانەکەش کارمەندی تەندروستی بوە.

 بەوتەی سەرچاوەکان، بەو پێیەی ناوچەکە دواین پێگەی ئۆپۆزسیۆنە رووبەرووی رەوشێکی سەخت بوەتەوە و رۆژانە ھاوڵاتیان لە رەوشێکی سەختدا دەژین.

سادق عەتیە پسپۆڕی کەشناسی عێراق رایگەیاند، لە ئەمڕوە لە شار و شارۆچکەکانی عێراق، بە رێژەیەکی کەم دابەزین لە پلەکانی گەرما بەدیدەکرێت.

چەند رۆژێکە پلەکانی گەرما لە ھەرێمی کوردستان و عێراق، بەرێژەیەکی بەرچاوو بەرزبوونەوەی تۆمارکردووە و لە ھەندێک ناوچە بەتایبەت لە پارێزگاکانی باشووری عێراق، پلەکانی گەرما بۆ سەروو ٥٠ پلە بەرزبوونەتەوە.

سەرچاوەیەک لە وەزارەتی دارایی و ئابووری ھەرێم بەکوردسات نیوزی راگەیاند، بە زووترین کات دابەشکردنی مووچەی فەرمانبەرانی ھەرێم دەستپێدەکاتەوە و ھۆکاری دواکەوتنەکەشی بۆ ئەوە گەڕاندەوە کە گەیشتنی داھاتەکان بۆ وەزارەتی دارایی دواکەوتووە. 

ئەوەش لەکاتێکدایە مووچەی مانگی شەشی وەزارەتی پێشمەرگە و وەزارەتی ناخۆ و بەرێوەبەرایەتی رەگەزنامە و لیواکان لەگەڵ مووچەی وەزارەتی داریی و ھێزەکانی ٧٠ و ٨٠ دابەشکراوە.  

وەزارەتی دەرەوەی ئەمریکا لە راپۆرتێکدا بەناوی "بازرگانیکردن بە مرۆڤ لە ساڵی ٢٠٢١"دا رایگەیاند:  تورکیا خراوەتە لیستی ئەو وڵاتانەی لە بەکارھێنانی منداڵان بۆ کاری سەربازی تێوەگلاون. 

ئاماژەی بۆ ئەوەشکردووە، تورکیا پشتیوانی گروپی چەکداری سوڵتان موڕاد لە سوریا و چەکدارانی لیبیا دەکات، ئەو گروپانەش منداڵان وەک چەکدارا لە بەرەکانی شەڕ بەکاریان دەھێنێت.

وەزارەتی دەرەوەی ئەمریکا  رایگەیاندووە، پێویستە تورکیا وەک ئەندامێکی ناتۆ، رێز لە بەھا و پرەنسیپەکانی ھاوپەیمانێتییەکە بگرێت.

پەیامنێری کوردسات نیوز لە بەغداد رایگەیاند، کارەبای نیشتمانی لە زۆربەی پارێزگاکانی عێراق بڕاوە و بەوھۆیەوە کێشەی ئاو لەعێراق سەری ھەڵدا و لە بەشێک لە شارەکانی بێ ئاو بوون. 

وتیشی، ھەر بەھۆی بڕانی کارەباوە بەرھەمھێنانی سوتەمەنی لە چەند پاڵاوتگەیەکی عێراق بۆ ٥٠٪ کەمیکردووە.

ھەروەھا وەزارەتی سەرچاوەکانی ئاوی عێراق رایگەیاند، ئێران رووباری کارۆنی بەتەواوی گرتووەتەوە.

شیروان میرزا ئەندامی لیژنەی دارایی لە ئەنجومەنی نوێنەرانی عێراق بە کوردستان نیوزی راگەیاند، وەزیری دارایی عێراق ئامادە نییە ئیمزا لەسەر ناردنی ٢٠٠ ملیار دینار بکات بۆ ھەرێم بە شێوەی پێشینە و وەزیری دارایی روونیکردووەتەوە، ئەگەر بە شێوەی پێشینە پارە ڕەوانەی ھەرێم بکرێت، حکومەتی ھەرێم لەسەر و ئەو ٢٠٠ ملیارەوە قەرزار دەبێت.

شیروان میرزا راشیگەیاند، وەزیری دارایی عێراق لەڕووی خەرجی و بودجەوە بەتەنھا کێشەی لەگەڵ ھەرێمی کوردستان نییە، بەڵکو کێشەی لەگەڵ پارێزگاکانی تری عێراقیش ھەیە.

ئەندامەکەی لیژنەی دارایی وتی، لە ناردنی ٢٠٠ ملیارەکە بۆ ھەرێمی کوردستان، بێ ھیوا نین و بڕیاری ئەنجوومەنی وەزیرانی عێراق بۆ خەرجکردنی ھەیە. 

وتیشی دوای گەڕانەوەی مستەفا کازمی لە ئەوروپا، دۆخەکە گۆڕانکاری ئەرینی بەسەردا دێت. 

نەبەز ئیسماعیل وتەبێژی وەزارەتی ئەوقاف و کاروباری ئاینی بە کوردستان نیوزی راگەیاند، بەھۆی بەردەوامی رێکارەکانی خۆپارێزی لە ڤایرۆسی کۆرۆنا، حکومەتی ریاز رێگەی بە ھیچ کەسێک نەداوە لە وڵاتانی ترەوە بۆ ئەنجامدانی فەریزەی حەج سەردانی وڵاتی سعودییە بکەن. 

نەبەز ئیسماعیل راشیگەیاند ھێشتا ڕوون نییە کە دوای فەریزەی حەج، وڵاتی سعودیە رێگەدەدا بە گەشتی عەمرە یاخود نا. 

بەپێی ئامارێکی وەزارەتی ئەوقاف و کاروباری ئاینی حکومەتی ھەرێمی کوردستانیش، لە ماوەی پێنچ مانگی رابردوو، تەنھا ١٥٠ کەس لە ھەرێمی کوردستانەوە گەشتی عومرەیان ئەنجامداوە.

وەزارەتی کارەبای ھەرێم لە رایگەیەندراوکدا ئاماژەی بەوەکردووە، ھەرێمی کوردستان لە وەرزی ھاویندا پێویستی بە ٤٢٠٠ تا ٤٥٠٠ مێگاوات کارەبا ھەیە، بەڵام بەھۆی لە کار کەوتنی پێنج یەکەی کۆمپانیای ماس ٦٠٠ مێگاوات کارەبا لە تۆڕی نیشتمانی کەمبووەتەوە.

دەقی راگەیەندراوەکە..
دۆخی ئێستای بەرھەمھێنانی کارەبا و گرفتەکانی:
رۆژی ١٥ حوزەیران، پێنج یەکەی کۆمپانیای ماس بەھۆی چاککردنەوە لە کار کەوتوون، کە بە ھۆیەوە ٦٠٠ مێگاوات کارەبا لە توڕی نیشتمانی کەمبووەتەوە.
ھەرێمی کوردستان لە وەرزی ھاویندا پێویستی بە ٤٢٠٠ تا ٤٥٠٠ مێگاوات کارەبا ھەیە.
توانای بەرھەمھێنانی کارەبا ٣٣٠٠ مێگاواتە، چاوەڕوان دەکرێت بگاتە ٣٥٠٠ مێگاوات.
کێشەی پەستانی گاز لە وێستگەی خەبات چارەسەر کراوە و ٣٥٠ تا ٤٠٠ مێگاوات کارەبا بۆ ناو توری نیشتمانی گەرێندرایەوە و بەھۆیەوە بڕی بەرھەمھێنانی گشتی بەرز بووەتەوە.- کێشەی سەرەکی لە بەرھەمھێنانی کارەبا نەبوونی سوتەمەنییە.
لە دھۆک توانای بەرھەمھێنانی ١٠٠٠ مێگاوات کارەبامان ھەیە. بەڵام بەھۆی نەبوونی سوتەمەنی تەنیا ٨٠ تا ١٠٠ مێگاوات بەرھەم دێنین. تەنیا %١٠ بەکار خراوە.
بە بوونی سوتەمەنی دەتوانین ١٠٠٠ مێگاوات لە دھۆک و ١٠٠٠ مێگاواتی دیکەشی لە ھەولێر و سلێمانی بەرھەم بێنین.
تێچوونی بەرھەمھێنانی کارەبا بە دیزل سێ بەرانبەری تێچوونی بە گازی سروشتییە و خەرجییەکی زۆر دەخاتە سەر شانی حکومەت، لە کاتێکدا دابینکردنی مووچە لە ئەولەوییاتی حکومەتە و خزمەتگوزارییەکانی دیکەشی ھەن.
%٦٥ خەرجی کارەبا لەسەر حکومەتە و %٣٥ لەسەر شانی خەڵکە.
پێدانی کارەبا بە عێراق:
وەزارەتی کارەبا ھیچ لەو بڕە کارەبایەی کە بۆ خۆی بەرھەم دێنێت، ناداتە ھیچ شوێنێکی دیکە.
٣٤٠ مێگاوات لەو وێستگەیانە کە بە ھۆی نەبوونی سوتەمەنییەوە لە کار وەستاون، لە لایەن عێراقەوە بۆ پارێزگاکانی کەرکوک و موسڵ بەکار خراون. 
عێراق بۆ خۆی لە رێگەی کۆمپانیانیاکانەوە سوتەمەنی دیزل بۆیان دابین دەکات و ھیچ پەیوەندییەک بەو کارەبایەوە نییە، کە دەدەرێتە ھاووڵاتیانی کوردستان.
پێوەری زیرەک:
پێوەری زیرەک یەکێ لە باشترین پرۆژەکانی وەزارەتی کارەبایە. تا ئێستا زیاتر ٧٥٠,٠٠٠ پێوەری زیرەک بەستراون و دەکاتە نیوەی ھاوبەشانی کارەبا.

بەھۆی پێوەری زیرەکەوە:
کۆنترۆڵی بەفیرۆچوونی کارەبا کراوە.
سەرپێچی کارەبا چارەسەر کراوە.
مانگانە پسوولە دەدرێتە ھاووڵاتیان.
بۆ خوێندنەوەی پێوەر پێویست ناکات بچینە ناو ماڵی ھاووڵاتیان.
ھیچ تێچوونێکی لەسەر ھاووڵاتییان نییە.

کەمپێنی نەھێشتنی سەرپێچی:
لە ماوەی کابینەی نۆیەمدا ١٨,١٠٠حاڵەتی سەرپێچی بڕاوە و کەمپینەکە لەسەر کارەکانی خۆی بەردەوامە.

ھەر پارێزگایەک رێژەیەکی دیاریکراو کارەبای پێ دەدرێت:
ھەولێر ٤٢%
سلێمانی  %٢٨.٣
دھۆک %٢٤
گەرمیان  %٤.٧ 

وەزارەتی کارەبا

دوای ئەوەی کارەبای نیشمانیی لە زۆرینەی پارێزگاکانی عێراق بڕا و گرفتی بۆ نەبوونی ئاوی لە زۆرینەی پارێزگاکان دروستکرد و بەرھەمھێنانی سووتەمەنی لە چەند پاڵاوتگەیەک بۆ نیوە کەمیکرد، ھاوکات بەھۆیەوە تاقیکردنەوە وزارییەکانی پۆلی نۆی بنەڕەتی بۆ ماوەی دوو ھەفتە دواخرا. 

مستەفا کازمی سەرۆک وەزیرانی عێراق لە ئەوروپاوە ژمارەیەک بڕیاری دەرکرد و بڕیاریدا بە پێکھێنانی لیژنە بۆ چارەسەرکردنی نەبوونی کارەبا بە سەرۆکایەتی خۆی و ئەندامێتی وەزیرانی کارەبا و نەوت و دارایی و ناوخۆ. 

کازمی داواشیکرد، پەلە بکرێت لە دابینکردنی کارەبای زیاتر و زیادکردنی بڕە سووتەمەنی بۆ مۆلیدە ئەھلییەکان. 

دامەزراوەی بازاڕی وزەی تورکیا رایگەیاند، بەھۆی زیادبوونی تێچووی بەرھەمھێنان، لە سەرجەم شارەکانی تورکیا و باکووری کوردستان نرخی کارەبا ١٥%  زیادیکردووە، بڕیارکە لە ١ی تەمووزەوە جێبەجێکراوە. 

زیادکردنی بەھای کارەبا  لە تورکیا کاردانەوەی پارتەکانی ئۆپۆزیسیۆنی لێکەوتووەتەوە، پەرلەمانتارانی جەھەپە و ھەدەپە و ئیی پارتی  ئاماژەیان بۆ ئەوەکردووە، لە کاتێکدا قەیرانی ئابووری وڵاتی گرتووەتەوە، خەڵک بێزار بووە ریژەی باجیش لەسەر خەڵک زیاد دەکرێت.

بەپێی گرێبەستەکەی نێوان فڕۆکەخانەی نێودەوڵەتی سلێمانی و  کۆمپانیای ھیڵی ئاسمانی ( کۆندۆر)ی ئەڵمانی، ھەفتانە دووگەشتی راستەوخۆی لە نێوان (سلێمانی و دوسڵدۆرف) رێکدەخرێت.

بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ٦٧٣ کەسی تر تووشی ڤایرۆسی کۆرۆنا بوون و نۆ توشبووی تری کۆرۆنا گیانیان لە دەستدا و ٦٧١ تووشبووی تری ڤایرۆسەکەش چاکبوونەتەوە.
ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩   ژمارە ( ٤٩٢ )  

 
١. پشکنین: ( ٨٧٥٢پشکنینی نوێ)
• ( ٢٢٨٠) ھەولێر
• ( ٢٣٢٢) سلێمانی
• ( ٣٥٤٢) دھۆک
• ( ٠) ھەڵەبجە
• ( ٥٤١) گەرمیان
• ( ٦٧) ڕاپەڕین
• 
٢. تووشبوو: ( ٦٧٣ تووشبووی نوێ)
• ( ١٣٠) ھەولێر
• ( ١٨٧) سلێمانی
• ( ٣٣٤) دھۆک
• ( ٠) ھەڵەبجە
• ( ٢٢) گەرمیان
• ( ٠) ڕاپەڕین
٣. چاکبوون: ( ٦٧١چاکبوون)
• ( ١٠٨) ھەولێر
• ( ٢٠٧) سلێمانی
• ( ٣٢٨) دھۆک
• ( ٠) ھەڵەبجە
• ( ٢٦) گەرمیان
• ( ٢) ڕاپەڕین
• 
٤. مردن: ( ٩ مردن)
• ( ٣) ھەولێر
• ( ٤) سلێمانی
• ( ٢) دھۆک
• ( ٠) ھەڵەبجە
• ( ٠) گەرمیان
• ( ٠) ڕاپەڕین 

• 
 
ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢١٣٤٥٦٠ (٧٣٩٥٥٢ ھەولێر، ٥٢١١٤٤ سلێمانی، ٨٥٧٧٨٣ دھۆک، ١٦٠٨١ھەڵەبجە)
تووشبوون ١٨٧١١٨ (٥٦٢١٩ ھەولێر، ٦١٥٨٧ سلێمانی، ٦٥٥٣٥ دھۆک، ٣٧٧٧ ھەڵەبجە)
چاکبوون ١٧٤٨٢٥ ( ٥٣٥٤٨ ھەولێر، ٥٥٥٠٤ سلێمانی، ٦٢١٦٢ دھۆک، ٣٦١١ ھەڵەبجە)
لەژێر چارەسەر ٧٧٩٩ (١٤٥٧ ھەولێر، ٤٠١٧ سلێمانی، ٢٣١٠ دھۆک، ١٥ ھەڵەبجە)
مردن ٤٤٩٤ (١٢١٤ ھەولێر، ٢٠٦٦ سلێمانی، ١٠٦٣ دھۆک، ١٥١ ھەڵەبجە)

بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ). 

شانەی راگەیاندنی ئەمنی عێراق رایگەیاند، ھێزێکی فیرقەی دووی پۆلیسی فیدراڵی، شکستیان بە ھەوڵێک ھێناوە کە بەئامانجکردنی بنکەیەکی سەربازیی بووە لە رۆژئاوای بەغداد.
بەپێی زانیاریەکان، پلان وابووە بە ١٠ موشەکی جۆری گراد ھێرش بکرێتەوە سەر بنکەیەکی سەربازی لە ناو فرۆکەخانەی نێودەوڵەتی بەغداد. ھێزەکە دەستیان بەسەر ١٠ موشەکەکەدا گیرتووە و گومانلێکراوێکیشیان دەستگیر کردووە.