هەواڵەکان
وەزارەتی رۆشنبیریی ھەرێمی کوردستان، گشتاندنێکی ئاڕاستەی سەرجەم میدیا بینراوەکان کرد و رایگەیاند، نابێت وێنە یان ھەر ڤیدیۆیەک کە لەلایەن تیرۆرستانی داعشەوە بەرھەمھێنراون تایبەت بە پەلامارەکانی داعش بۆ سەر ھێزەکانی پێشمەرگە و خەڵکی مەدەنی، لە میدیا بینراو و پۆرتاڵەکان بڵاوبکرێنەوە، چونکە لە کاتی بڵاوکردنەوەیاندا ئەو میدیایانە بێ ئاگایانە دەبن بە رایەڵێکی میدیایی تیرۆرستان و بڵاوکردنەوەی ترس و دڵەڕاوکێ لە ناو ھاووڵاتیان.
وەزارەتی رۆشنبیری دەشڵێت، ھەر کەناڵێک پێچەوانەی ئەم گشتاندنە ھەڵسوکەوت بکات، روبەڕووی لێپرسینەوەی یاسایی دەبێتەوە، پاراستنی ئاسایشی کۆمەڵایەتی ئەرکی ھەمووانە و دەبێت پابەندی یاسا و رێنماییەکان بن.
سەعید خەتیب زادە وتەبێژی وەزارەتی دەرەوەی ئێران، لە کۆنفرانسێکی رۆژنامەوانیدا رایگەیاند، کۆتایی ئەم ھەفتەیە خولێکی نوێی دانوستانەکانی ڤییەنا لەبارەی رێککەوتننامەی ئەتۆمی و بەرنامەی ئەتۆمی ئێران، لە نێوان ئێران و ئەندامانی تری رێککەوتنی ئەتۆمی دەستپێدەکاتەوە و رێگە نادەن ھیچ لایەنێک یاری بە کات و ھەوڵەکانی ئێران بکات.
وتیشی، ئێران لەسەر بنەمای ئەو دوو رەشنووسە دانوستان دەکات، کە پێشکەشی لایەنە بەشدارەکانی دانوستانەکان کردووە و تایبەتن بە لابردنی سەرجەم سزاکان و قەرەبووکردنەوەی ئێران و ھیچ شتێک بە ناوی رێککەوتننامەی ھەنگاو بە ھەنگاو یان رێککەوتنی کاتی لە ئارادا نیە.
راگەیاندنی وەزارەتی پێشمەرگە
ئەمرۆ بە یانی ٦/١٢/٢٠٢١ ھێزێکی پێشمەرگەی کوردستان بۆ پاراستنی سەرو ماڵی ھاوڵاتیانی کورد گەیشتە گوندی لھێبان، دوای گەیشتن و چوونە ناوەوەی پێشمەرگە بۆ گوندەکە کۆبونەوەیەک لە نێوان فەرماندەکانی ھێزی پێشمەرگەی کوردستان و فەرماندەکانی ژووری ئۆپەراسیۆنەکانی نینوی ئەنجامدراو بۆ ئەو مەبەستەش ھەماھەنگی لە نێوان پێشمەرگەی کوردستان و سوپای عیراقدا ھەیە.
ڕەمەزان ئەرتیشی پارێزەری کەیسی رۆژنامەونوس ئومێد بەرۆشکی لە کۆنفرانسێکی رۆژنامەوانیدا رایگەیاند، ئومێد حەوت سکاڵای لە دادگاکانی ھەولێر و سلێمانی لەسەر بوو بەڵام دووانیان کشانەوە. وتیشی، سزای دوو ساڵ و شەش مانگ زیندانیکردنی ھەیە، لەبەر ئەوەی ساڵێک و چوار مانگە لە زیندانە سزاکەی ساڵێک و دوو مانگی ماوە و لە زیندان دەمێنێتەوە.
لە کۆبونەوەکەدا پەلامارەکانی ئەم دواییەی تیرۆرستانی داعش و دانانی پلانی نوێ بۆ رێگرکردن لە جموجۆڵەکانی داعش و ھەماھەنگییەکانی وەزارەتی پێشمەرگەی ھەرێم و وەزارەتی بەرگری عێراق بۆ ئەنجامدانی ئۆپراسیۆنی ھاوبەش تاوتوێ دەکرێن.
شۆڕش ئیسماعیل وەزیری پێشمەرگەی ھەرێم و کۆلۆنێل دۆگڵاس بەرپرسی تیمی ھاریکاری ئاسایشی ئەمریکا لە ھەرێم کۆبونەوە. وەزیری پێشمەرگە رایگەیاند، تاوتوێی دواین پەلامارە تیرۆریستیەکانی داعشیان لە ناوچە جیاجیاکان کردووە.
ئاماژەی بۆ ئەوەشکرد، لە ئێستادا داعش پلانی شەڕی لە ئاشکراوە بۆ شاراوە گۆڕیوە، بۆیە ئەرکەکە قورسترە و پێویستی بە ھاوکاری و ھەماھەنگی یەکتر و پلان و تەکنیکی نوێی شەڕ ھەیە.
لە بەرامبەر ھەڕەشەکانی ئێستای داعش، وەزیری پێشمەرگە داوای کرد قەبارە و جۆری ھاوکارییەکانی ئەمریکا و ھاوپەیمانان بۆ پێشمەرگە فراوانتر بکرێت.
ئاشکراشیکرد، خوازیاری ئەوەن بۆشایی ئەمنی لە نێوان ھێزی پێشمەرگە و سوپای عێراق نەمێنێت و بە ھاوکاری ھاوپەیمانان سەقامگیری بۆ تەواوی ناوچەکان بگەڕێنرێتەوە.
بەرپرسی تیمی ئۆفیسی ھاریکاری ئاسایشی ئەمریکاش لە ھەرێم، پشتگیری و بەردەوامی ھاوکارییەکانی ئەمریکا و ھاوپەیمانانی بۆ وەزارەتی پێشمەرگە دووپاتکردەوە.
قوباد تاڵەبانی جێگری سەرۆک وەزیرانی ھەرێم لە پەیامەکەیدا ئاماژەی بەوەکردووە، سەرەخۆشی لە کەسواری شەھیدەکانی شەوی رابردووی گوندی قەرەسالم دەکات و ھیوای باش بوونەوەش بۆ بریندارەکان دەخوازێت.
راشیگەیاند، مەترسییەکانی داعشی تیرۆریست رۆژ لەدوای رۆژ گەورەتر دەبن بۆیە پێویستە پێشمەرگە لەگەڵ ھێزە عێراقییەکان و ھاوپەیمانان کێوماڵی ئەو ناوچانە بکەنەوە.
بافڵ جەلال تاڵەبانی ئاماژەی بەوەکردوە، زۆر بەوردی و لە نزیکەوە چاودێری سەرجەم بەدواداچوون، پلان و ستراتیژ و شێوازی نوێی بەرەنگاری و گورزوەشاندن لە تیرۆریستان دەکات. و دڵنیایش دەدات جموجۆڵی تیرۆریستان بە بێ وەڵام و گورزی پۆڵاینی ھێزی پێشمەرگە تێناپەڕێت.
ھەروەھا کوردستانیان ودانیشتوانی ئەو ناوچانەش دڵنیا دەکاتەوە،کە لە نزیکترین کاتدا ئەو مەرامانە پوچەڵدەکرێنەوە و ھێزی پێشمەرگەی کوردستان تۆڵەی دڵۆپ بە دڵۆپی خوێنی شەھیدەکانیان دەکەنەوە و پارێزەری سەروماڵی یەک بەیەکتان دەبن.
بافڵ جەلال تاڵەبانی راشیگەیاندوە،ھۆکاری ئەوزەفەر بردنانە ئەوەیە ئەو سنوورانە پێویستیان بە پشتێنەی ئەمنی تۆکمەتر ھەیە، کە بەھێزی پێشمەرگە دەپارێزرێت و پێویستە بەخێرایی لە ھەموو روویەکەوە ئامادە و پڕچەک بکرێن، ھەر بۆیە لە ئەمڕۆوە ھەنگاوی پێویست دەنرێت، ھێزی پێشمەرگەی کوردستان بە ھاوکاری سوپای عێراق و ھێزەکانی ھاوپەیمانانی نێودەوڵەتی ئۆپەراسیۆن و کێوماڵی بەپەلە دەکەن، تاوەکو ئاسایشی ھەرێم و ناوچەکە بپارێزرێت و رێگیر بکرێت لە ھەر پلانێک کە ئارامی لە خەڵک تێکبدات.
سەرۆكایەتی هەرێم و وەزیرانی پێشمەرگەو ناوخۆ و فەرماندەكانی پێشمەرگە كۆبوونەوە
لە كۆبوونەوەكەدا سەرۆكی هەرێم فەرمانی دا كە بۆ دۆخی هەنووكەیی، بە هەماهەنگی لەگەڵ حكوومەتی هەرێمی كوردستان و لایەنە پەیوەندارەكان بەپەلە پێداویستییە خێراكان، بۆ داهاتووش پێداویستییەكانی دیكەی پێشمەرگە دابین بكرێن و فەرماندە و لایەنە پەیوەندارەكانی ڕاسپارد بە خێرایی دۆخی بەرەكان و خاڵەكانی ڕووبەڕووبوونەوە لەگەڵ تیرۆرستان ڕێكبخرێنەوە و كەموكوڕی و كەلێنەكان پڕ بكرێنەوە، لە سەرتاسەری میحوەرەكانیش ئەوپەڕی هاریكاری و هەماهەنگی لەنێوان پێشمەرگەدا هەبێت.
پەیوەندییەکانی ئێران و ئیمارات لە ساڵی ٢٠١٥وە بەھۆی شەڕی یەمەن و پچڕانی پەیوەندییەکانی تاران لەگەڵ ریاز و مەنامە، ئاڵۆزی تێکەوت، بەڵام لە چەند مانگی رابردوودا و دوای کۆبوونەوە نھێنییەکانی بەرپرسانی ئێران و سعودیە، پەیوەندییەکانی ئێران و ئیمارات بەرەوە ئاسایی بوونەوە رۆیشتووە، لەو چوارچێوەیەشدا مانگی رابردوودا عەلی باقێری کێنی جێگری وەزیری دەرەوەی ئێران سەردانی ئیماراتی کرد.
جەختی لەوەشکردۆتەوە، تەنانەت ڕێگەنەدرا لە ڕۆژانی ڕابردوو ھیچ خوێندکارێکی زانکۆی سلێمانی سزا بدرێت لەبەرامبەر داواکردنی مافە ڕەواکانیان.
لە بەشێکی تری راگەیەنراوەکەدا، داوا دەکات ھەموو کۆلێژ و بەش و مامۆستایانی زانکۆ پابەندبن بە وانەوتنەوە و ئەنجامدانی تاقیکردنەوەکان لەکاتی دیاریکراو بەپێی خشتەی وانە و تاقیکردنەوەی کۆلێژەکان، ھەروەھا داوا لە خوێندکارانیش دەکات پابەندبوونی تەواویان ھەبێت لە پێناو دوانەکەوتنی ساڵی خوێندن و زەرەرمەندنەبوونی خوێندکاران و ئاسایی بوونەوەی پڕۆسەی خوێندن بەشێوەیەکی سەرکەوتووانە.
مستەفا کازمی سەرۆک وەزیرانی عێراق رایگەیاند، ھێزەکانی ئاسمانی ئۆپراسیۆنێکی سەربازی سەرکەوتوویان لەدژی مۆڵگەکانی داعش لە ئەنبار ئەنجامداوە.
کازمی لە تویتەر نوسیویەتی، ھێزەکانی ئاسمانیان ئەمرۆ ئۆپراسیۆنێکی سەرکەوتوویان لەدژی مۆڵگەکانی گروپی تیرۆریستی داعش لە ئەنبار ئەنجامداوەو ئۆپراسیۆنەکانیش بەردەوام دەبن بۆ ریشەکێشکردنی ئەو گروپە لە عێراق.
کازمی راشیگەیاندوە، ھەندێک بەردەوام ھەوڵ دەدەن لە رێگەی چەکەوە تیرۆری دەوڵەت بکەن، بەڵام دەوڵەت و دامەزراوەکان و گەلەکەی لەروویان دەوەستنەوەو ھیچ کەسێک لەسەرووی بڕیارەکانی دەوڵەت نابێت و چەکیش لەدەرەوەی دەسەڵات نابێت .
راشیگەیاندوە، تائێستا ١٦ کامپ لە سنوری پارێزگای دھۆک ماونەتەوە، کە ٢٦ ھەزار و ٨٠٠ خێزانی تێدا نیشتەجێیە و بەشێکی زۆریان خەڵکی شنگال و پارێزگای نەینەوان، لە ھەوڵی ئەوەدان بە رەزامەندی خۆیان بیان گەڕێننەوە بۆ شوێنی نیشتەجێبونی پێشویان.
وەزارەتی کۆچ و کۆچبەران: لەئێستادا ١٦ کامپی ئاوارەکان لە پارێزگای دھۆک ماوە