هەواڵەکان
وتیشی، هەرچییەك لە بەرژەوەندی دانیشتوانی ناوچە دابڕێنراوەكان بێت، لەگەڵ سوپای عێراق پێكەوە بڕیاری لێدەدەن و هەنگاو بەهەنگاو ئەو دەرفەتانەی بۆ داعش ڕەخساوە لەناوی دەبەین.
سەرۆکی ئێران وتیشی، قوتی خەڵک نابەستنەوە بە ھیچ پێشھاتێکی پەیوەست بە دۆسییەی ئەتۆمییەوە.
وەزارەتی گواستنەوەی عێراق رایگەیاند، ھەشتەمین کاروانی ئەو کۆچبەرە عێراقییانەی لە سنوری بێلاڕوس و پۆڵەندا گیریانخواردووە، لە رێگەی فڕۆکەخانەی نێودەڵەتی ھەولێرەوە گەیشتنەوە عێراق، کە ژمارەیان ٤١٧ کۆچبەرە.
ئاماژەی بۆ ئەوەشکرد، بەھۆی خراپی رەوشی کۆچبەرانەوە لەو سنورەکانی نێوان بێلاروس و پۆڵەندا تائێستا ٣ ھەزار و ١٣٩ کۆچبەر لە بێلاڕوسەوە گەڕاونەتەوە بۆ عێراق و ھەرێمی کوردستان. وەزارەتی گواستنەوەی عێراق راشیگەیاندووە، لەئێستادا ناوتۆمارکردنی کۆچبەران بۆ گەرانەوەیان بەردەوامە
وەزارەتی دارایی عێراق ئاماژەی بەوەکردووە، پێشخستنی دابەشکردنی مووچە بەھۆی کۆتایی ھاتنی ساڵی دارایی ٢٠٢١ و پرۆسەی وردبینیکردنی حساباتی کۆتایی ئەمساڵە.
ئەوەش لە کاتێکدایە لە رٍۆژی ٢٥ی مانگی تشرینی دووەمی رابردووەوە، وەزارەتی دارایی ھەرێمی کوردستان دەستیکردووە بە دابەشکردنی موچە و تا ئێستا چەند وەزارەت و دەستەیەک موچەیان وەرگرتووە، ھەر کاتێکیش ٢٠٠ ملیارەکەی بەغدا گەیشت، لیستی موچەی سەرجەم وەزارەت و دەستەکان ڕادەگەیەندرێت.
بە پێی میدیاکانی نزیک لە "یەبەشە" سوپای تورکیا بە فڕۆکەی بێفڕۆکەوان ناحیەی خانەسوری سەربە قەزای شەنگالی بۆردومان کردووە، لە بۆردومانەکەدا ئۆتۆمبێلێکی کردۆتە ئامانج کە سێ سەرنشینی تێدابووە.
بە پێی ھەواڵی میدیاکانی یەپەشە "مەروان بەدەل"ھاوسەرۆکی دەستەی بەڕێوەبەریی شەنگال لە بۆردومانەکەدا کوژراوە دوو منداڵیش کە لە ئۆتۆمبێلکەدا لەگەڵیدا بوون بریندار بوون.
بە پێی ھەواڵێکی میدیاکانی تورکیا، داواکاری گشتی تورکیا داوای لە پەرلەمانی وڵاتەکەی کردووە، پارێزبەندی لەسەر ١٣ پەرلەمانتاری پارتی دیموکراتی گەلان"ھەدەپە"ھەڵبگرێت، بەھۆی ئەوەی پشتیوانیان لە پارتی کرێکارانی کوردستان کردووە.
لەئێستادا دۆسیەی ھەڵگرتنی پارێزبەندی لەسەر ئەو پەرلەمانتارانەی"ھەدەپە" لە سەرۆکایەتی پەرلەمانەوە دراوە بە لێژنەی کاروباری یاسایی و دوای ئەوەی لێژنەکە رەزامەندی لەسەردا، ئەو بابەتە دەخرێتە دەنگدانەوە.
سەرچاوەیەکی ئەمنی بە کوردسات نیوزی راگەیاند، بەپێی زانیارییە سەرەتاییەکان پێدەچێت موشەکەکان لە ناوچەیەکی نزیک گوندی کارێزی سەربە ناحیەی شوانەوە ئاراستەی ناوچەکە کرابن. سەرچاوەکە وتیشی، موشەکەکان لە بەرزایەکانی شێراوە و نزیک گوندی شەمزیناوە و نزیک کارگەی غازەکە و نزیک بارەگای فەرماندەیی کەرکوکی پارتی کەوتونەتەوە و ھیچ زیانێکیان نەبووە، دوای ڕوداوەکەش ھێزە عێراقیەکان چوونەتە ئەو شوێنەی پێدەچێت موشەکەکانی لێوە تەقێندرابێت.
هاوكار جەلال بەڕێوەبەری دارستان و پاوانی سلێمانی رایگەیاند، ئەمساڵ زیاتر لە ٥٠٠هەزار نەمامیان لە نەمامگەكانی سەرچنار، دوكان، دەربەندیخان، بانی مەقان، شازاد سائب لە ڕانیە بەرهەم هێناوە، كە بەشێك لەو نەمامانە تەرخان دەكرێت بۆ سەوزكردنی پرۆژەكانی دارستانی سەر بە سلێمانی و ئەوی تری بە نرخێكی كەم دەگەیەنرێتە دەست هاوڵاتیان.
بەڕێوەبەری دارستان و پاوانی سلێمانی ئاماژەی بەوەش كرد، هەوڵیان داوە ئەو جۆرە نەمامانە بەرهەم بهێنن كە لەگەڵ ژینگەی ناوچەكەدا دەگونجێت و داخوازی هاوڵاتیانی زیاتر لە سەرە .
پێشتر ئاژانسی ھەواڵی سانای سوری رایگەیاند، سەعات ١:٢٣ خولەیەکی بەرەبەیانی سێشەمە، سوپای ئیسرائیل بە مووشەک باشووری خۆرئاوای لازقیەی بۆردومان کردووە و سیستمی بەرگریی ئاسمانی سوریا وەڵامی بۆردومانەکانی داوەتەوە، بەپێی زانیارییەکان، بۆردومانەکە گۆڕەپانی کۆنتێنەرەکانی لە بەندەری بازرگانیی لازقیە کردووەتە ئامانج و بەھۆیەوە ئاگر لە بەشێکی گۆڕەپانەکە کەوتەوە، بەڵام زیانی گیانی نەبووە.
تابلۆکە لە ساڵی ١٩٩١ دزراوە و لە بازاڕی ئاشکرادا لە دەرەوەی وڵات فرۆشرا و لە ٢٠٠٧دا وەزارەتی دادی ئەمریکی دەستیگرت بەسەر تابلۆکەدا و لە ٢٠١٩دا ڕادەستی باڵیۆزی عێراق کرایەوە لە واشنتۆن.
بڕیارە ئەو تابلۆیە و ١٧ ھەزار پارچەی مێژوویی تر ئەمڕۆ بگەرێنرێنەوە عێراق و لە مۆزەخانەی نیشتمانی لە بەغداد نمایش بکرێت.
ئەمشەو ٥/٦ی ۱۲ی ۲۰۲۱ تیرۆریستانی داعش پەلامارێکی تری دڕندانەیان بۆ سەر خاڵێکی سەنگەرەکانی لیوای ١٢٦ـی ھێزی پێشمەرگە لەنزیک ی گوندی " قەڕە سالم" دا.
لەم پەلامارە ترسنۆکانەیەدا، شەھید و بریندار لەریزەکانی ھێزی پێشمەرگە ھەیە.
تیرۆریستان راوەدوونران و بارودۆخەکە لەژێر کۆنتڕۆڵدایە.
راگەیاندنی وەزارەتی پێشمەرگە
سینەم محەمەد، نوێنەری ئەنجومەنی سوریای دیموکرات (مەسەدە) لە واشنتۆن بەڵێنێکی ئەمریکا بۆ پاراستنی رۆژئاڤا لە ھێرشی تورکیا ئاشکرا دەکات و لە لێدوانێکدا بە کوردسات نیوزی راگەیاند، لە میانی سەردانی جێگری نێردەی ئەمریکا بۆ سوریا و کۆبوونەوەیان باس لە چەند پرسێک کراو گرنگترینیان ھەڕەشەکانی تورکیابوو بۆ سەر رۆژئاڤاو لەوبارەیەوە جێگری نێردەی ئەمریکا بۆ سوریا بەڵێنی ئەمریکای ئاشکراکرد بەوەی بە ھیچ شێوەیەک رێگە بە ھێرشی سەربازی بۆ سەر رۆژئاڤا نادەن و نایانەوێت دۆخی سوریا و رۆژئاڤا جارێکی تر مەترسی لەسەر دروست ببێت.
باسی لەوەشکرد، لەبارەی کشانەوەی ھێزەکانی ئەمریکاش دڵنیایی دراوە لەوەی ھێزەکانی ئەمریکا لە رۆژئاڤا دەمێننەوەو ھیچ ھەوڵێکیش بۆ کشانەوەیان نییە.
بافڵ جەلال تاڵەبانی بۆ ماوەی زیاتر لە ١٢ سەعات لەگەڵ سەرجەم نوێنەری خوێندکارانی زانکۆ و پەیمانگاکانی ١٤ شار و قەزا و ناحیە لە مەکتەبی سیاسی یەکێتی کۆبوەوە و دوای گوێگرتن لە داواکاری ھەموویان، بڕیاریدا سەرجەم داواکارییەکانیان جێبەجێ بکات.
بەپێی زانیارییەکانی کوردسات نیوز، بافڵ جەلال تاڵەبانی بڕیاریدا لە رێگەی تیمی یەکێتی لە حکومەتی ھەرێم کار بۆ گەڕاندنەوەی دەرماڵەی خوێندکاران بکات و بڕیاریشدا بێ بەرامبەر پاس بۆ گواستنەوەی خوێندکارانی دەرەوەی شار و بەشەناوخۆییەکان دابین بکات، بڕیاریشیدا سەرجەم خزمەتگوزارییەکانی بەشەناوخۆییەکان بە ئینتەرنێتیشەوە بۆ خوێندکاران دابین بکات.
یەکێکی تر لە بڕیارەکانی بافڵ جەلال تاڵەبانی دوورخستنەوەی دەستی حزبە لە زانکۆ و پەیمانگاکان، دڵنیایشیدا بە خوێندکاران کە کوالێتی خوێندن بۆ پێگەیاندنی نەوەیەکی ھۆشیار و داھێنەر باشتر بکرێت.
پەیامنێری کوردسات نیوز رایگەیاند، بەھۆی ئەوەی ھیچ ھێزێکی سوپای عێراق و پێشمەرگە نەچوون بۆ پارێزگاریکرن لە گوندی لھێبان، شەوی رابردوو دانیشتوانەکەی گوندەکەیان چۆڵکرد، بەڵام بەرەبەیانی ئەمڕۆ بەشێک لە دانیشتوانی گوندەکە گەڕانەوە و ھێزێکی پێشمەرگەش بۆ پارێزگاریکردن لێیان گەیشتووەنەتە گوندی لھێبان.
شەوی شەممە تیرۆرستانی داعش پەلاماری گوندی لھێبانیان دا و ھاوڵاتیانی گوندەکەش بەرگرییان کرد، دوای نزیکەی چوار سەعات شەڕ و پێکدادان دانیشتوانی گوندەکە پەلامارەکەی داعشیان تێکشکاند.
وەزارەتی رۆشنبیریی ھەرێمی کوردستان، گشتاندنێکی ئاڕاستەی سەرجەم میدیا بینراوەکان کرد و رایگەیاند، نابێت وێنە یان ھەر ڤیدیۆیەک کە لەلایەن تیرۆرستانی داعشەوە بەرھەمھێنراون تایبەت بە پەلامارەکانی داعش بۆ سەر ھێزەکانی پێشمەرگە و خەڵکی مەدەنی، لە میدیا بینراو و پۆرتاڵەکان بڵاوبکرێنەوە، چونکە لە کاتی بڵاوکردنەوەیاندا ئەو میدیایانە بێ ئاگایانە دەبن بە رایەڵێکی میدیایی تیرۆرستان و بڵاوکردنەوەی ترس و دڵەڕاوکێ لە ناو ھاووڵاتیان.
وەزارەتی رۆشنبیری دەشڵێت، ھەر کەناڵێک پێچەوانەی ئەم گشتاندنە ھەڵسوکەوت بکات، روبەڕووی لێپرسینەوەی یاسایی دەبێتەوە، پاراستنی ئاسایشی کۆمەڵایەتی ئەرکی ھەمووانە و دەبێت پابەندی یاسا و رێنماییەکان بن.