هەواڵەکان
پۆلیسی سلێمانی رایگەیاند ئەو تاوانبارەی دوێنی شەو باوکی خۆی کوشت لە گەڕەکی ئیبراهیم ئەحمەد دەستگیکراوە،تۆمەتبارەکە لەدایکبووی ٢٠٠٢وە
راگەیەندراوی پۆلیسی سلێمانی
لەلایەن مەفرەزەكانی نوسینگەی لێكۆڵینەوە لە تاوانی كوشتن _ بەشی پۆلیسی نەهێشتنی تاوانی سلێمانی كەسێك دەستگیركرا كە تۆمەتبارە بە كوشتنی باوكی.
دوای ئەوەی شەوی ڕابردوو زانیاری كوشتنی كەسێك گەیشتە پۆلیسی سلێمانی ، دەستبەجێ مەفرەزەكانی پۆلیسی سلێمانی گەیشتنە شوێنی ڕوداوەكەو كەشف و هێڵكاری بۆ شوێنی ڕوداوەكە كرا و زانیارییە سەرەتاییەكان دەریانخست كە باوكێك لە لایەن كوڕەكەیەوە كوژراوەو تۆمەتبار هەڵاتووە.
هێزەكانی پۆلیس لێكۆڵینەوەو بەدواداچوونەكانیان بۆ دۆزینەوەو دەستگیركردنی تۆمەتبار دەستیپێكرد و دوای وەرگرتنی بڕیاری بەڕێز دادوەر توانرا هەمان شەو لەلایەن مەفرەزەكانی نوسینگەی لێكۆڵینەوە لە تاوانی كوشتن _ بەشی پۆلیسی نەهێشتنی تاوانی سلێمانی تۆمەتبار بدۆزرێتەوەو دەستگیربكرێت و دەستیش بگیرێت بەسەر ئەو چەكەدا كە تاوانەكەی پێ ئەنجام درابوو.
تاوانبارەکە لەدایکبووی ٢٠٠٢
لە ئێستادا تۆمەتبار ( م، م، ع لەدایكبووی ٢٠٠٢ ) بەبڕیاری بەڕێز دادوەرو بەپێی ماددەی 406 لەیاسای سزادانی عیراقی ڕاگیراوە.
بەڕێوەبەرایەتی پۆلیسی پارێزگای سلێمانی
وەفدێكی پەرلەمانتارانی دەم پارتی بۆ دیدار لەگەڵ ئۆجەلان گەیشتنە ئیمڕاڵی و ئێستا لە كۆبونەوەدان.
ئەمڕۆ وەفدێكی پارتی یەكسانی و دیموكراسیی گەلان "دەم پارتی" كە پێكهاتوون لە پەروین بوڵدان و سری سوورەیا ئۆندەر بە مەبەستی چاوپێكەوتن لەگەڵ عەبدوڵا ئۆجەلان رێبەری زیندانیكراوی پەكەكە، گەیشنتە ئیمڕاڵی و لە كۆبونەوەدان.
ئەوەش لەكاتێكدایە، رۆژی هەینی وەزارەتی دادی توركی ئەنجامدانی دیداری دەم پارتی لەگەڵ ئۆجەلان لە ئیمراڵی پەسەند كرد.
مەکتەبی سیاسی یەکێتیی نیشتمانیی کوردستان پیرۆزبای لەیەکگرتووی ئیسلامی کوردستان دەکات بەبۆنەی سەرکەوتنی کارەکانی نۆیەمین کۆنگرەی حزبەکەیان
دەقی راگەیندراوەکە
بەرێز / مامۆستا سەڵاحەدین بەهائەدین ئەمینداری گشتی یەكگرتووی ئیسلامی كوردستان
بەرێزان / ئەنجومەنی نوێی سەركردایەتی یەكگرتووی ئیسلامی كوردستان
بە بۆنەی بەستن و سەرکەوتنی کارەکانی نۆیەمین كۆنگرەی یەكگرتووی ئیسلامی كوردستان و هەڵبژاردنەوەی بەرێزتان و هەڵبژاردنی ئەنجومەنێکی نوێی سەرکردایەتی، پیرۆزبایی گەرمتان ئاراستە دەكەین و هیوادارین بڕیارەکانی كۆنگرە و سیاسەتی ئایندەی یەکگرتوو ببێتە هەوێنی پتەوكردنی پەیوەندی نێوان گشت لایەنە كوردستانیەكان، بۆ دروستکردنی هەماهەنگی لە ئاست پرسە نیشتمانیی و نەتەوەییەكاندا و یەكخستنی تواناكان بۆ خزمەتكردنی زیاتری وڵات و گەلەكەمان .
مەكتەبی سیاسی
یەكێتیی نیشتمانیی كوردستان
هەسەدە لەراگەیەندراوێکدا رایگەیاند ١٧چەکداری گروپە چەکدارەکانی سەر بەتورکیا، کوژراون بەدەیان چەکداری دیکە برینداربوون
هێزەکانی سوریای دیموکرات رایگەیاند، لە چەند بەرەیەک لە ناوچەکانی باکور و ڕۆژهەڵاتی سوریا، بەتایبەتی لە بەرەکانی بەنداوی تشرین، هێرشی گەورەیان کردە سەر هێزەکانی داگیرکەری تورکیا و بەکرێگیراوەکانیان.
هێزەکانمان بەردەوامن لەسەرکەوتن
هەسەدە ئاماژە بەوەدەکات کاتژمێر یەکی ئێوارەی ڕۆژی هەینی ٢٧ی کانوونی دووەم، بەکرێگیراوان لە دوو میحوەرەوە هێرشیان کردە سەر هێزەکانمان، یەکەمیان لە دیوی شارۆچکەی "ئەبو قەلقال"ەوە، ئەوی دیکەیان لە دیوی گوندی... "ئالۆش". شەڕ و پێکدادانی توندوتیژ لە نێوان هێزەکانمان و بەکرێگیراوەکاندا ڕوویدا، کە تیایدا بەکرێگیراوان گورزی وێرانکەریان لە دەستی شەڕڤانانمان بەرکەوت، چونکە لە سەرەتای پێکدادانەکاندا تەواوی گروپێکیان لەناوچوون.
چەکداری زۆرمان کوشتووە
هەروەها هێزەکانمان گورزێکی گەورەیان لەو هێزانەی کە دوژمن هێنایە گوندێک لە پشت شانۆی ئۆپەراسیۆن و ڕووبەڕووبوونەوە هێنا. لە کاتێکدا هیچ زیانێک لەنێو هێزەکانماندا نەبووە، تەنها یەکێک لە چەکدارەکانمان بە سوکی بریندار بووە.
هەسەدە ئاماژەبەوەشدەکات یەکەکانی شەهید "هارون" چوار ئۆتۆمبێلی سەربازیی بەکرێگیراویان کردە ئامانج کە لەنێو ماڵەکاندا خۆیان حەشاردابوو و توانیان هەموویان لەناوببەن جگە لەوەش توانیان گروپێکی دیکەی بەکرێگیراو لەو ناوچەیە لەناوببەن.
ڕێکخراوی تەندروستیی جیهانی رایدەگەیەنێت، دوای ئۆپەراسیۆنی سەربازیی ئیسرائیل، دوایین دامەزراوەی تەندروستیی لە باکووری غەززە لە خزمەتگوزاری وەستا. سوپای ئیسرائیلیش دەڵێت"هەوڵمانداوە کەمترین زیان بەخەڵک بگەیەنین".
نەخۆشخانەکە لەکار کەوتووە
رێکخراوی تەندروستی جیهانی رایگەیاند،بەهۆی ئەو ئۆپراسیۆنە سەربازیەی دوێنێ شەوی ئیسرائیل بۆ سەر نەخۆشخانەی کەمال عەدوان نەخۆشخانەکە وێران بووە زۆربەی کارمەند و چارەخوازەکانی ناو نەخۆشخانەکە سوتاون.
چەندین کارمەند و چارەخواز لەنەخۆشخانەکەدا سوتاون
لە هەمان کاتدا، سوپای ئیسرائیل پێشتر ڕۆژی هەینی رایگەیاند، ئۆپەراسیۆنێکی سەربازیی لە دەوروبەری نەخۆشخانەی کەمال عەدوان، لە بەیت لاهیا لە باکووری کەرتی غەززە دەست پێ کردووە، کە ئاماژەیە بۆ لێدان لە ئەندامانی بزووتنەوەی حەماس، لە کاتێکدا وەزارەتی تەندروستیی فەڵەستین، ئیسرائیلی تۆمەتبار کرد بە هێرشکردنە سەر نەخۆشخانەکە.
سوپای ئیسرائیل ئاگری بەرداوەتە نەخۆشخانەکە
لە لایەکی دیکەشەوە، وەزارەتی تەندروستیی فەڵەستین دەڵێت " پەیوەندیی لەگەڵ کارمەندان لەناو نەخۆشخانەی کەمال عەدوان لە بەیت لاهیا بچڕاوە، کە ماوەی چەند هەفتەیەکە لەژێر فشاری توندی هێزەکانی ئیسرائیلدایە."
سوپای ئیسرائیل، نەخۆشخانەکەچەکدارانی حەماسی تێدابووە
لای خۆیەوە سوپای ئیسرائیل "هەوڵمان داوە کەمترین زیان بگات بە هاووڵاتییان و ئاسانکاریشی بۆ سەلامەتیی نەخۆش و کارمەندانی پزیشکی، پێش ئۆپەراسیۆنەکە کردووە."
ئەمە لەکاتێکدایە،وەزارەتی تەندروستی غەززە رۆژی هەینی لەبڵاوکراوەیەکدا، ئاماژەی بەوەکردبوو، سوپای ئیسرائیل ئاگری لەنەخۆشخانەکە بەرداوە و چەندین کارمەند و بریندار لەناو نەخۆشخانەکەدا سوتاون
هێزەکانی سوریای دیموکرات،رەتیدەکەنەوە و پەیوەندیان بە تەقینەوەکەی منبجەوە هەبێت،داوا لەدانیشتوانی منبج دەکەین هاوکارمان بن لەدۆزینەوەی بکەرانی ئەو کارە
ئەنجوومەنی سەربازیی منبج-ی سەر بە هەسەدە لە راگەیێندراوێکدا رایگەیاند،سەرکۆنەی تەقینەوە تیرۆریستییەکەی دوێنێ شەوی منبج دەکەین،هەر تێوەگلانێکی هێزەکانمان لە هێرشەکە دا رەتدەکەینەوە
کاری هێزەکانی ئێمە نییە
لەهەمان کاتدا،هەسەدە داواش لە دانیشتووانی منبج دەکات هاوکاریان بن لە دۆزینەوەی بکەرە راستەقینەکانی تەقینەوەکە "لە ریزەکانی بەکرێگیراوانی تورکیا کە کردەوە تاوانکارییەکانیان وەکو کوشتن، تاڵانکردن و تۆقاندنی خەڵکی لە زیادبووندایە."
هاوکارمان بن لەدۆزینەوەی بکەرانی کارەکە
یڵماز تونج، وەزیری دادی تورکیا رایگەیاند، مۆڵەتیان داوەتە دەم پارتی سەردانی عەبدوڵڵا ئۆجەلان لە ئیمرالی بکات،رەنگە سەردانەکەیان شەممە یاخود یەک شەممە بێت
وەزیری دادی تورکیا رایگەیاند مۆڵەتمان داوە بە دەم پارتی سەردانی ئۆجەلان بکەن لەدورگەی ئیمراڵی ، هەروەها مۆڵەت بە هەریەک لە سڕی سورەیا ئۆندەر و پەروین بوڵدان، پەرلەمانتارانی دەم پارتی دراوە و سەردانەکەیان رەنگە سبەی شەممە یان یەکشەممە بێت، بەپێی گونجاویی کەشوهەوا.
شەممە یان یەک شەممە سەردانی ئیمراڵی دەکەن
عەبدوڵڵا ئۆجەلان، رێبەری پارتی کرێکارانی کوردستان- پەکەکە لە ١٥ی شوباتی ١٩٩٩ لە ئۆپەراسیۆنێکی میت لە کینیا دەستگیرکرا و گەڕێندرایەوە تورکیا.
لەساڵی ١٩٩٩ لەئۆپراسیۆنێکدا میت عەبدوڵڵا ئۆجەلان دەستگیرکرد
ئۆجەلان دەیان ساڵە لە زیندانێکی دوورگەی ئیمرالی بەندکراوە.
هاووڵاتییەك لە گەڕەكی ئیبراهیم ئەحمەد لە شاری سلێمانی كوژرا، وتەبێژی پۆلیسیش رایگەیاند، تیمەكانی بەڵگەی تاوان گەیشتونەتە شوێنی رووداوەكە.
سەركەوت ئەحمەد وتەبێژی پۆلیسی سلێمانی بە كوردسات نیوزی راگەیاند، لەگەڕەكی ئیبراهیم ئەحمەد لە شاری سلێمانی، تەقە لە هاووڵاتیەكی تەمەن ٧٠ ساڵ كراوە و كوژراوە.
وتیشی، تیمەكانی پۆلیسی بەڵگەی تاوان گەیشتونەتە شوێنی روداوەكە، پۆلیس سەرقاڵی لێكۆڵینەوەیە لە روداوەكە.
فهرماندهی هێزەکانی سوریای دیموکرات "هەسەدە" رایدەگەیەنێت، هۆشداری دهدهن له كارهساتێك كه ههڕهشه له شاری كۆبانی دهكات، ئاماژە بەوەشدەکات، پێیانوایه سوریا دهبێت دهوڵهتێكی نا ناوهندیی فرهیی دیموكراتی هەبێت.
"مهزڵوم عهبدی له چاوپێكهوتنێكدا لهگهڵ رۆژنامهی (شهرقولئهوسهت) رایگەیاند، "له رۆژی دووهمی ئۆپەراسیۆنی (ردع العدوان)وه، ههماههنگی مهیدانیمان ههبووه لهگهڵ ئیدارهی پڕۆسه سهربازییهكان له سوریا، سهرهڕای ئهوهی هیچ دانوستانێكی راستهوخۆمان لهگهڵ دهستهی تهحریری شام نییه".
ئاماژەی بەوەکرد، "ئهو ههماههنگییهی له رۆژی دووهمهوه لهگهڵ دهستهی تهحریری شام دروستبووه، بۆ خۆبهدوورگرتن بووه له بهریهككهوتن لهنێوان هێزهكانمان له ههندێك گهڕهكی حهلهب، ههروهها بۆ گواستنهوهی ئاوارهكان له كامپهكانی ناوچهی تهل رهفعهت، كه لهلایهن گروپهكانی هاوپهیمانی توركیاوه ڕووبهڕووی هێرش بوونهوه، تائێستاش ئهو ههماههنگییه بهردهوامه".
ئەوەشی خستەڕوو، "هۆشداری دهدهین له كارهساتێك كه ههڕهشه له شاری كۆبانی دهكات، لهگهڵ بهردهوامی كۆكردنهوهی هێز لهلایهن توركیاوه، لهگهڵ ئهوهی پێشنیازمان كردووه بۆ ئهوهی ببێته ناوچهیهكی لهچهك داماڵراو، بهڵام تائێستا ئهنقهره وهڵامی نهداوهتهوه".
سەرۆك وەزیرانی عیراق هۆشداریدا لە هەر هەڕەشەیەك كە مەترسی بۆ سەر ئاسایش و سەقامگیری عیراق دروست بكات.
محەمەد شیاع سودانی سەرۆك وەزیرانی عیراق رایگەیاند، ئەوان رێز لە ئیرادەی سوورییەكان دەگرن و چاوەڕێی پرۆسەیەكی سیاسی گشتگیردەكەن لەو وڵاتە.
ئاماژەی بەوەشكرد، هەر كەموكوڕییەك لە گرتووخانەكانی سوریا هۆكاردەبێت بۆ ئەوەی عیراق روبەڕوی تیرۆر ببێتەوە.
دەشڵێت، ئیدارەی سوریایان ئاگادار كردووەتەوە لە تێڕوانینی خۆیان سەبارەت بە بارودۆخی ئێستا و پەرۆشیشیان هەیە بۆ هەماهەنگی لەگەڵ ئەو وڵاتە بۆ كۆنترۆڵكردنی سنوورەكانیان.
سودانی ئاماژەی بەوەشكرد، ماهیر ئەسەد دوای روخانی ئەسەد نەچووەتە ناو عیراقەوە و حكومەتی پێشووی سوریاش داوای لە عیراق نەكردووە دەستوەردانی سەربازی لەو وڵاتەدا بكات.
جهدعون ساعر وهزیری دهرهوهی ئیسرائیل رایگهیاند، "حكومهتی نوێ له سوریا باندێكی تیرۆریستییه كه له ئیدلب بون و دیمهشقی پایتهختیان كۆنترۆڵكرد و حكومهتێكی سهقامگیر نییه".
جهدعون ساعر جهدعون ساعر وهزیری دهرهوهی ئیسرائیل ، وڵاتانی جیهان زۆر پێیان خۆشه ئهو سهركردانهی ئێستا له سوریا وهك حكومهتێكی نوێ و سهقامگیر ببینن، چونكه ئهو وڵاتانه دهیانهوێت ئاوارهكان لهسهر زهویهكانیان بگهڕێننهوه بۆ سوریا. بهڵام ئهمه وا نییه، له سووریاش لهگهڵ عهلهوییهكان له كهناراوهكان شهڕ ههیه، ههڕهشهی ئاشكراش لهلایهن رهجهب تهیب ئهردۆغان سهرۆك كۆماری توركیاوه هەیە بۆ نههێشتنی خۆبهڕێوهبهری كوردهكان و ههراسانكردنی كۆمهڵگهی مهسیحی له سووریا
ئەمە لە کاتێکدایە، ماهر مهروان، پارێزگاری نوێی دیمهشق ئهمڕۆ دووپاتیكردهوه كه وڵاتهكهی كێشهی لهگهڵ ئیسرائیلدا نییه و بهدوای ململانێ لهگهڵ ئیسرائیلدا ناگهڕێت، به لهبهرچاوگرتنی ئهوهی نیگهرانییه ئهمنییهكانی ئیسرائیل دوای گۆڕینی ڕژێم له سووریا سروشتی بوون.
بەڕێوەبەرایەتیی گشتیی بەرگریی شارستانیی عیراق،هۆشداری دەدات لە دروستبوونی گەردەلول و زریانی بەهێز،چەند رێنمایەکیش بڵاودەکاتەوە
بەڕێوەبەرایەتی گشتیی بەرگریی شارستانیی عێراق رێنمایی تایبەت بە رووبەڕووبوونەوەی گەردەلوول و زریانی بڵاوکردەوە داوا لە هاووڵاتیان دەکات لە ژێر دارەکان، تابلۆکانی رێکلام، تاوەرەکانی پەیوەندی و ئەو باڵەخانانە دوور بکەونەوە، کە مەترسیی رووخانیان هەیە. هەروەها دەرگە و پەنجەرەکانیش دابخەن.
هاوکات بەرگریی شارستانیی عیراق داوا لە شۆفێران دەکات بە وریاییەوە شۆفێری بکەن.
رێنمایەکانی بەڕێوەبەرایەتی گشتیی بەرگریی شارستانیی عێراق.
١- لەو وایەرانەی شۆڕبوونەتەوە، دووربکەونەوە چونکە لەدوای پچرانیان مەترسی هەیە کە کارەبای تێدابێت
.٢- دووربن لەو باڵەخانانەی کە مەترسی رووخانیان هەیە
.٣- دووربکەونەوە لە درەختی گەورە، چونکە ئەگەری شکانیان هەیە
.٤- لە پۆستەرەکانی رێکلام دوور بکەونەوە
.٥- دەرگا و پەنجەرەکان دابخەن بۆ کەمکردنەوەی دزەکردنی هەوا لەکاتی گەردەلوولدا
نیپاڵ بە نیازە پڵنگەکانی بکاتە دیاری بۆ هەر وڵاتێک کە دەیەوێت، بەهۆی ئەوەی پەلاماری خەڵکی ئەو وڵاتە دەدەن و دەیانخۆن ، لە هەمان کاتدا بڵنگەکان هەڕەشەی لەناوچوونیان لەسەرە
ئاژانسی بی بی سی بەڕیتانی بڵاویکردوە، حکومەتی نیپاڵ بە نیازە ٣٥٠ پڵنگ بە دیاری ببەخشێتە هەر وڵاتێک کە دەیەوێت، شارما تولی سەرۆکوەزیرانی نیپاڵ رایگەیاند، .وڵاتەكەمان پڵنگی زۆرە و ناتوانین رێگە بدەین ھاووڵاتیانمان بخۆن و توانای بەخێوکردنیمان نییە.
ناتوانین بەخێویان بکەین
.بی بی سی بەڕیتانی ئاماژەبەوەشدەکات، بەپێی ئامارەكانی حكومەتی نیپاڵ، لەنێوان ساڵانی ٢٠١٩ تا ٢٠٢٣، پڵنگەكان زیاتر لە ٣٠ كەسی ئەو وڵاتەیان كوشتووە.
پڵنگەکان هاوڵاتیانمان دەخۆن
.ئەمە لەکاتێکدایە ئەو پڵنگانەی حکومەتی نیپاڵ مەترسی لە ناوچوونیان لەسەرە بەڵام سەرۆکوەزیرانی نیپاڵ دەڵێت"ناتوانین بەخێویان بکەین".
فەرماندەی گشتی هێزەكانی سوریای دیموكرات (هەسەدە) دەڵێت ئامادەن پاراستنی سنوورەكان رادەستی دیمەشق بكەن و دوای رێككەوتن لەسەر شێوازێكی گونجاو ببنە بەشێك لە سوپای سوریا.
فەرماندەی گشتی هێزەكانی سوریای دیموكرات (هەسەدە)، لە چاوپێكەوتنێكیدا لەگەڵ رۆژنامەی "شەرقولئەوسەت" رایگەیاند، پێویستە سوریا بە یەكڕیزیی و یەكگرتوویی بمێنێتەوە، بەڵام دەبێت بڕیاردان لەسەر شێوازی حوكمڕانی بۆ گەلی سوریا و گفتوگۆ دەستورییەكان بەجێبهێڵرێت و پێویستە لە رێگەی گفتوگۆوە ئاسایش و سەقامگیری بۆ سوریا بگەڕێنرێتەوە و جارێكی تر دەست بە ئاوەدانكردنەوە بكرێتەوە.
وتیشی، ئامادەن پاراستنی ئاسایشی سنوورەكان رادەستی دیمەشق بكەن و هێزەكانی سوریای دیموكرات (هەسەدە)ش ببنە بەشێك لە سوپای نوێی سوریا، بەڵام دوای رێككەوتن دێت لەسەر شێوازێكی گونجاو كە لە بەرژەوەندی هەمووان بێت، هەرچەندە تائێستا لەگەڵ دەستەی تەحریر شام نەگەیشتوونەتە قۆناغی گفتوگۆی راستەوخۆ.
ئۆتۆمبێلێکی بارهەڵگر خۆی کێشا بە پردێکی گەلی عەلی بەگ و بەهۆی داڕمانی بەشێکی پردەکەش رێگای گشتی هاملتۆن تا کاتێکی نادیار داخرا.
پەیامنێری کوردسات نیوز رایگەیاند، بەرەبەیانی ئەمڕۆ ئۆتۆمبێلێکی بارهەڵگر خۆی کێشاوە بە پردێکی ناو گەلی عەلی بەگ لەسەر رێگای گشتی هاملتۆن، بەهۆیەوە مەترسی لەسەر رووخانی پردەکە دروستبووە و رێگای سەرەکیش تا کاتێکی نادیار داخراوە.
ئاماژەی بەوەشکرد، بەهۆی روخانی بەشێكی پردەکەوە، لەپێناو سەلامەتی شۆفێران و هاووڵاتیان هەردوو سایدی هاتن و چوون لە گەلی عەلی بەگ داخراون.
هاوکات تیمێکی بەرگری شارستانی بە سەرپەرشتی کاروان میرئاوەدەلی بەڕێوەبەریی بەرگریی شارستانیی سۆران لە شوێنی روداوەکەن، بەڵام تا ئێستا نەتوانراوە بارهەڵگرەکە لە شوێنەکە لاببرێت.
دەزگای ئاسایشی نیشتمانیی عێراق رایگەیاند، لەماوەی شەش مانگی رابردوودا پشکنینمان بۆ چەندین گرتووخانە کردووە و ٧٢١ مۆبایل و ٣٥٠ سیمکارت دەستیان بەسەردا گیراوە.
دەزگای ئاسایشی نیشتمانیی عێراق رایگەیاند، بە هەماهەنگی لەگەڵ وەزارەتی دادی عێراق و بە پشتبەستن بەو زانیارییانەی کە دەست دەزگاکەمان کەوتوە؛ توانیمان هەوڵێکی بە قاچاخ بردنی مادەی هۆشبەر بۆ نێو یەکێک لە گرتووخانەکان پووچەڵ بکەینەوە
لەبارەی چۆنییەتی رووداوەکەوە دەزگاکە ئاماژە بەوە دەکات، یەکێک لە کەسوکاری زیندانیکراوەکان مادەی هۆشبەری کردووەتە نێو پاکەتی جگەرەوە و هەوڵیداوە بیباتە نێو گرتووخانەکە، بەهۆی ئەو رێکارە تۆکمانەی لەنێو پرسگەی گرتووخانەکەدا دەگیرێنەبەر و لە رێگەی ئامێری تایبەتەوە توانرا مادە هۆشبەرەکە ئاشکرا بکرێت
ئەمە لەکاتێکدایە، لە ماوەی شەش مانگی رابردوودا، دەزگای ئاسایشی نیشتمانی و وەزارەتی داد پشکنینیان بۆ ٢٢٠ بەشی گرتووخانەکان کردووە، دەزگای ئاسایشی نیشتمانی دەڵێت، "لەو هەڵمەتانەدا ٧٢١ مۆبایل و٣٥٠ سیمکارت دەستیان بەسەردا گیراوە. ئەمە جگە لە دەستبەسەردا گرتنی کۆمەڵێک کەرەستەی نایاسایی