هەواڵەکان
ئەنجومەنی سیاسی نیشتمانی سوننەكان رایگەیاند، پابەندن بە ماوەی دەستوری بۆ دانیشتنەكانی ئەنجومەنی نوێنەرانی عیراق و دیاركیدنی كاندیدی سەرۆكی ئەنجومەنەكە.
ئەنجوومەنی سیاسی نیشتمانی سوننەكان دوای كۆبوونەوەیان لە راگەیەنراوێكدا،ئاماژەی بۆ ئەوەكردووە، لە كۆبوونەوەكەیاندا تاوتوێ شایستە دەستوورییەكانی پێكهاتەكەیان و چۆنێتی چارەسەكردنی كێشەكانیان كردوە.
راشیگەیاند، سبەینێ جارێكی دیكە ئەنجومەنەكە كۆدەبێتەوە بۆ یەكلاكردنەوەی پرسە هەڵپەسێردراوەكان بەتایبەتی پرسی دیاریكردنی كاندیدی سەرۆكی ئەنجومەنی نوێنەران.
هەربەپێی راگەیەنراوەكە لایەنە سوننەكان، جەختیان لە پابەندبوونی خۆیان بە ماوە دەستوورییەكان بۆ یەكلایی كردنەوەی كاندیدی سەرۆكی ئەنجومەنی نوێنەران و ئامادەببون لە دانیشتنی ئەنجومەنی نوێنەران.
ژاپۆن گەورەترین وێستگەی وزەی ئەتۆم لە جیهاندا بەكاردەخاتەوە .
دەستەی رادیۆ و تەلەفزیۆنی ژاپۆن ئاشكرایكردووە ، چاوەروان دەكرێت بریاری دوبارە بەكارخستنەوەی وێستگەی "كاشیوازاكی كاربوا" ی ژاپۆن پەسەند بكرێـت كە گەورەترین وێستگەی ئەتۆمیە لە جیهاندا و 220 كیلۆمەتر لە باكوری رۆژئاوای تۆكیۆوە دورە ، ئەوەش خاڵێكی وەچەرخان دەبێت لە گەرانەوەی وڵاتەكە بۆ هێزێكی ئەتۆمی .
وێستگەی "كاشیوازاكی كاربوا" یەكێك بوو لەو 54 وێستگە ئەتۆمیەی ساڵی 2011 لە ژاپۆن بەهۆی كاریگەرییەكانی بومەلەرزە وسونامییەوە داخران ، تا ئێستا شژاپۆن 14 لەو وێستگانەی بەكارخستوەتەوە .
وەزیری دەرەوەی ئێران رایگەیاند، تا ئێستا ئەمریكا ئامادەیی تێدا نییە بۆ رێككەوتنێكی دادپەروەرانە.
عەباس عراقچی وەزیری دەرەوەی ئێران لە چاوپێكەوتنێكی تەلەفزیۆنیدا لەگەڵ كەناڵی روسیا تودەی رایگەیاند، دەستپێكردنەوەی دانوستانەكان لەگەڵ ئەمریكادا پەیوەستە بەوەی كە ئەو وڵاتە تێبگات دانوستان جیاوازە لە دیكتاتۆری.
وتیشی، ئامادەین بۆ رێككەوتنێكی دادپەروەرانە و هاوسەنگ لە رێگەی دانوستانەوە ، بەڵام ئامادە نین دیكتاتۆریەت قبوڵ بكەن.
راشیگەیاند، دوای شەش مانگ لە هێرشەكەی سەر دامەزراوە ئەتۆمیەكانمان تا ئێستاش ئەمریكا ئامادەی رێككەوتنێكی داپەروەرانە نییە، بۆیە دەبێت چاوەڕێ بكەن تا دەگەنە ئەو خاڵە، دواتر دەتوانین بەشداری گفتوگۆ بكەین.
سەبارەت بە پیتاندنی یۆرانیۆمیش عراقچی رایگەیاند، راستە دامەزراوە ئەتۆمیەكانمان زیانیان بەركەوتووە، بەڵام تەكنەلۆژیاكەیان وەك خۆی ماوەتەوە ناتوانرێت بۆردومان بكرێت.
نێردەی ترەمپ بۆ عیراق رایگەیاند، دەبێت سەرجەم گروپە چەكدارەكان هەڵبوەشێنەوە هیچ چەكدارێك لە دەرەوەی دەوڵەت نەمێنێت.
مارك ساڤایا نێردەی تایبەتی سەرۆكی ئەمریكا بۆ عیراق لە نوسینێكدا كە لە تۆڕی ئێكس بڵاویكردوە پێشوازی لە بڕیاری بەشێك لە گروپە چەكدارەكانی عیراق دەكات بۆ دانانی چەكەكانیان وتیشی، ئەو هەنگاوە پێشهاتێكی ئەرێنیە و جێگەی خۆشحاڵییە.
ئاماژەی بەوەشكرد، دەبێت ئەو هەنگاوە هەموو گروپە چەكدارەكان بگرێتەوە و دەبێت پرۆسەكە لە چوارچێوەیەكی نیشتمانی روون و پابەندكەردا جێبەجێ بكرێت.
راشیگەیاند، دەسەڵاتی تایبەتی هەڵگرتنی چەك و بەكارهێنانی هێز دەبێت تەنها لە دەستی ئەو دامەزراوە فیدراڵی و هەرێمی شەرعیانەدا بێت كە ئەركی ڕێكخستن و فەرماندەیی و بەڕێوەبردنی هێزە چەكدارەكانیان پێ سپێردراوە بۆ پاراستنی گەلی عیراق و بەرگریكردن لە سەروەری نیشتمانی.
لە كۆتایی قسەكانیدا ساڤایا دەڵێت، عیراق ئەمڕۆ لە گۆڕەپانێكی یەكلاكەرەوە وەستاوە. دەتوانێ لەسەر ڕێگای سەروەری و سەقامگیری و خۆشگوزەرانی و یەكڕیزی و سەروەری یاسا بەرەو پێشەوە بچێت یان دەتوانێ لە بازنەی پارچەپارچەبوون و نائەمنیدا بمێنێتەوە.
ستیڤ ویتكۆف نێردەی تایبەتی ئەمریكا رایگەیاند، لە سێ رۆژی رابردوودا وەفدی ئۆكراینی زنجیرەیەك كۆبونەوەی بەرهەمدار بنیاتنەریان لەگەڵ هاوبەشە ئەمریكی و ئەوروپییەكان لە ویلایەتی فلۆریدا ئەنجامدا لەبارەی كۆتیی هێنان بە جەنگی ئەو وڵاتە لەگەڵ روسیا.
وتیشی: جگە لەو كۆبونەوانە وەفدی ئەمریكی و ئۆكراینی بەجیا كۆبونەتەوە و باسیان لە هەنگاوەكانی پلانی ئاشتی لە ئۆكراین كردووە.
ستیڤ ویتكۆف راشیگەیاندووە، نابێت ئاشتی لە ئۆكراین تەنها لە راگرتنی شەڕدا خۆی ببینێـەوە بەڵكو دەبێت ببێتە بنەما بۆ داهاتویەكی سەقامگیر.
نێردەی تایبەتی ئەمریكا جەختیشی كردەوە كاری لەپێشینەی هاوبەشی ئەمریكا و ئۆكراین راگرتنی شەرو كوشتار و زەمینەخۆشكردنەوە بۆ بوژاندنەوە و سەقامگیری لە ئۆكراین.
رۆژی سێشەممە ئەنجومەنی وەزیرانی عیراق کۆدەبێتەوە و سەرچاوەیەکی باڵاش لە حکومەتی عیراق بە کوردسات نیوزی راگەیاند، پرسی شایستە داراییەکانی هەرێم و بەغداد تاوتوێ دەکرێت.
محەمەد عەبدولرەحمان پەیامنێری کوردسات نیوز رایگەیاند، لە کارنامەی دانیشتنی ئەنجومەنی وەزیرانی عیراق کە بڕیارە رۆژی سێشەممە بەڕێوەبچێت، بڕگەی سێی کارنامەکە دیاریکراوە بۆ قسەکردن لەسەر شاییستە داراییەکانی نێوان هەرێمی کوردستان و بەغداد.
وتیشی، چاوەڕوان دەکرێت خەرجکردنی موچەی مانگی 10ـی فەرمانبەرانی حکومەتی هەرێمی کوردستانی بەدوادا بێت.
ئەمەش لەکاتێکدایە، ئەمڕۆ وەزارەتی دارایی هەرێم رایگەیاند، سبەینێ 120 ملیار دینار داهاتی نانەوتی مانگی 10ـی هەرێم بۆ عیراق دەنێرین
د. لەتیف رەشید سەرۆک کۆماری عیراق، لە کۆشکی بەغداد، گفتوگۆی دوولایەنەی لەگەڵ ئاسف عەلی زەرداری سەرۆک کۆماری پاکستان ئەنجامدا، کە بە سەردانێکی رەسمی و بە سەرۆکایەتی وەفدێکی باڵای حکومی گەیشتووەتە عیراق.
لە دیدارەکەدا باس لە پەیوەندییەکانی نێوان هەردوو وڵات و پێشهاتەکانی بارودۆخی ناوچەکە و لێکەوتەکانی کرا، هەروەها جەختکرایەوە لە سەر پێویستی هەماهەنگیکردنی هەڵوێستەکان بە جۆرێک کە یارمەتیدەر بێت بۆ پاڵپشتیکردن و چەسپاندنی ئاسایش و سەقامگیری لە ناوچەکە و کارکردن بۆ کۆنترۆڵکردنی گرژییەکان.
دواتر، گفتوگۆی فراوان لە نێوان وەفدی هەردوو وڵات بەڕێوەچوو؛ سەرۆک کۆمار سەرۆکایەتی لایەنی عیراقی کرد کە پێکهاتبوو لە د. ئەحمەد فەکاک بەدرانی وەزیری رۆشنبیری و گەشتوگوزار و شوێنەوار، قاسم ئەعرەجی راوێژکاری ئاسایشی نیشتمانی و ژمارەیەک لە لێپرسراوانی باڵای دەوڵەت.
لە بەرانبەردا، ئاسف عەلی زەرداری سەرۆکایەتی لایەنی پاکستانی کرد کە ژمارەیەک لە پەرلەمانتار و لێپرسراوان و باڵیۆزی پاکستانی لە عیراق لەخۆگرتبوو.
سەرۆک کۆمار جەختی لە پەرۆشی عیراق کردەوە بۆ پشتگیریکردنی هاریکاریە هاوبەشەکان لە بوارەکانی رۆشنبیری و زانستیدا، ئاماژەی بەو رۆڵەش کرد کە دەکرێت "دەستەخوشکی" نێوان زانکۆکان بیگێڕێت لە فراوانکردنی ئاڵوگۆڕی ئەکادیمی و بونیادنانی شەراکەت لە نێوان دامەزراوە پەروەردەیی و ئەکادیمییەکانی هەردوو وڵاتدا.
هەروەها سەرۆک کۆمار ئاماژەی بە گرنگی بەهێزکردنی پەیوەندییە ئابوری و بازرگانییەکان کرد، بەتایبەتی لە بواری پەیوەندی دەریایی، کە رەنگدانەوەی ئەرێنی لەسەر جوڵەی بازرگانی و دەرفەتە وەبەرهێنانە هاوبەشەکان دەبێت، جەختیشی لە گرنگی هەماهەنگی و هاوکاری کردەوە بۆ برەودان بە گەشتوگوزاری ئایینی و ئاسانکاری بۆ هاتنی زیارەتکارانی پاکستان بۆ عیراق.
هەردوولا تاوتوێی بەهێزکردنی هەماهەنگی ئەمنی و سەربازی و سوودوەرگرتن لە ئەزموونەکانی پاکستانیان کرد لە بوارەکانی پەرەپێدانی هێزی ئاسمانی و مەشقپێکردنی فڕۆکەوانان، لەگەڵ ئاڵوگۆڕی زانیاری هەواڵگری و ئەمنی لە بواری بەرەنگاربوونەوەی تیرۆردا.
هەروەها لە دیدارەکەدا باس لە یاداشتنامەکانی لێکتێگەیشتنی نێوان هەردوو وڵات کرا و جەخت لەسەر گرنگی تەواوکردنی رێکارەکانی ئیمزاکردن و چالاککردنیان کرایەوە، بەتایبەتی ئەوانەی پەیوەستن بە لایەنی وەبەرهێنان، جگە لە پشتگیریکردنی بەرنامەکانی مەشق و راهێنانی خوێندکارانی عیراقی لە کۆلێژ و پەیمانگا سەربازییەکانی پاکستان لە هەموو جۆرە جیاوازەکاندا، بەجۆرێک کە بەشداربێت لە بونیادنانی تواناکان و ئاڵوگۆڕی ئەزموونەکانی نێوان هەردوولا.
لە بەرانبەردا، ئاسف عەلی زەرداری سەرۆک کۆماری پاکستان، پەرۆشی وڵاتەکەی بۆ پەرەپێدانی پەیوەندییە دوولایەنەکان دووپاتکردەوە و ستایشی قووڵایی پەیوەندییە مێژووییەکانی نێوان هەردوو وڵاتی کرد، هەروەها ئامادەیی پاکستانی نیشان دا بۆ فراوانکردنی بوارەکانی هاوکاری دوولایەنە بە جۆرێک کە خزمەت بە بەرژەوەندییە هاوبەشەکانی هەردوو گەلی دۆست بکات.
د.لە تیف رەشید، سەرۆک کۆماری عیراق لە کۆشکی بەغداد، پێشوازیکرد لە ئاسف عەلی زەرداری سەرۆک کۆماری پاکستان کرد.
ئەمڕۆ یەکشەممە، سەرۆک کۆماری عیراق، پیێشوازی لە هاوتا پاکستانییەکەی کرد، بەسەرۆکایەتی وەفدی باڵای حکومەت، کە گوزارشت لە قووڵایی پەیوەندییە دووقۆڵییەکانی نێوان هەردوو وڵات کرد.
لە رێوڕەسمێکی رەسمیدا، بەئامادەبوونی بەرپرسانی باڵای عیراق و پاکستان، کە بە سرودی نیشتمانی هەردوو وڵات دەستیپێکرد و دواتر پشکنینی پاسەوانی شەرەف ئەنجامدرا
لە میانی کۆنفرانسێکی رۆژنامەوانیدا، قائیمقامی نوێی چەمچەماڵ بە وەکالەت رایگەیاند، پۆست و لێپرسراوێتی بەرپرسیارێتییە و ئەوا نەهاتون وەک دەسەڵاتدارێک لە چەمچەماڵ دابنیشن، بەڵکو ئەرکیان خزمەتکردنی خەڵکی چەمچەماڵە و داوای لە لایەنە پەیوەندیدارەکانیش کرد هاوکاریان بن بۆ چارەسەرکردنی کێشە و گرفتەکان.
ئەمڕۆ یەکشەممە، ئاڵوگۆڕی پۆستی قائیمقامیەتی چەمچەماڵ لە نێوان رمک رەمەزان و ئاسۆ بەکردا ئەنجامدرا، لە لێدوانێکی رۆژناموانیشدا قائیمقامی نوێ چەمچەماڵ رایگەیاند، لەسەر فەرمانی قوباد تاڵەبانی، جێگری سەرۆک وەزیران فەرمانی دەستبەکاربونی بۆ دەرچووە.
ئاماژەی بەوەشکرد، ئەوان لێپرسراوێتی وەک بەرپرسیارێتی و خزمەتکردن دەبینن، نەهاتون وەک بەرپرس دابنیشن، وتیشی جێی شانزیییە بۆی، کە لە چەمچەماڵ خزمەتی خەڵکی چەمچەماڵ و کەسوکاری ئەنفالکراون بکات.
داواشی لەخەڵک و لایەنە سیاسیەکان و میدیاکانیش کرد پشتیوانیان بن بۆ ئەوەی پێکەوە بتوانن باشتر خزمەتی خەڵی قەزاکە بکەن و ئەو کیشە وگرفاانەی ەئوان درکی پێناکان پێیان بڵێین.
لە کۆتایدا، ئاسۆ بەکر وتیشی، کەس سەردانی نەکات بۆ پیرۆزبایی، ئەو هاتووە بۆ خزمەت کردن و خۆی سەردانی هەمووان دەکات.
رۆژنامەی "الشرق الأوسط" بڵاویکردوەتەوە، لە دوو هەفتەی رابردوودا، حکومەتی عیراق و لایەنە سیاسییەکان دوو پەیامی هۆشداریان پێگەیشتوە لە بارەی ئەگەری هێرشی سەربازی بۆسەر عیراق و ناوەڕۆکی پەیامەکان باسیان لەوە کردوە ئەمریکا گڵۆپی سەوزی بۆ ئیسرائیل هەڵکردوە تا هێرشی سەربازی دژی عیراق ئەنجام بدات.
رۆژنامەی "الشرق الأوسط" لە راپۆرتێکیدا ناوەڕۆکی دوو پەیامی ئاشکرا کردوە، کە تێیدا روشی سیاسی و سەربازی عیراقی گۆریوە و بوەتە هۆی ئەوەی ژمارەیەک لە گروپە چەکدارەکان داوای گەڕاندنەوەی چەک بۆ دەوڵەت بکەن.
رۆژنامەکە لەسەر زاری بەرپرسێکی عیراقیەوە و ئاشکرای کردوە، وڵاتێکی دۆست، بەغدادی لەو هەڕەشەیە ئاگادار کردووەتەوە، کە ئەمریکا گڵۆپی سەوزی بۆ ئیسرائیل هەڵکردوە تا هێرشبکاتە سەر عیراق.
بەرپرسە عیراقییەکە وتویەتی؛ لە پەیامەکاندا پلانی زەبرە سەربازییەکان بۆ سەر دامەزراوە حکوومەتییەکانی پەیوەست بە حەشدی شەعبی، کەسایەتییە کاریگەرە سەربازی و داراییەکان، کۆگەکانی مووشەک و فڕۆکەی بێفڕۆکەوان و سەربازگە و ناوەندەکانی راهێنانی ئەو گرووپانە، داڕێژراوە.
ناوبراو وتوشیەتی؛ ناوەڕۆکی دوو پەیامەکە وایکرد گرووپە چەکدارە شیعەکان، یەک لە دوای یەک، داوای گەڕاندنەوەی چەک بۆ دەوڵەت بکەن بەو مەرجەی کات و ئازادی هەڵسوکەوتیان بۆ دابین بکرێت بۆ ئەوەی وەک خۆیان دەیڵێن؛ ئەو ئەرکە نیشتمانییە، لە هەڵوەشاندنەوەی توانا سەربازییەکانیان جێبەجێ بکەن.
رۆژنامەی "الشرق الأوسط" باسی لەوەکردوە، بەگوێرەی زانیاریەکان، ئیسرائیل زۆر جدی بووە و پلانێکی وردی داڕشتوە بۆ هێرشکردنە سەر سەرکردە عیراقییەکان.
سەرکردەیەکی تری شیعەکانیش لە چوار چێوەی هەماهەنگی، کە ویستیبوە ناوی ئاشکرا نەکرێت، بە رۆژنامەکەی وتوە، دوو پەیامەکە، هاوکێشەی سیاسی و سەربازی لە عیراق پێچەوانەکردەوە و وای لە سەرکردە شیعەکان کردوە پەلە بکەن لە هەنگاونان بۆ چەکدانان و بە گوێرەی زانیارییەکانیش قۆناغێ یەکەمی چەکدانان رادەستکردنی مووشەک و فڕۆکە بێفڕۆکەوانەکانی گرووپە چەکدارەکان و هەڵوەشاندنەوە و رادەستکردنی سەربازگەکانی راهێنانە لە باکوور و باشووری بەغداد، بە حکوومەت.
ئەمە لە کاتێکدایە دوێنی شەممە، حزبوڵای عیراق رەتی کردەوە چەک دابنێن و رایانگەیاند، تا هێزە بیانییەکان عیراق جێنەهێڵن چەکدانانێن وهیچ رێکەوتنێکیش لەگەڵ حکومەتدا ئەنجام نادەن.
میشێلا پێنتاوس، ئەندازیاری فڕۆکەوانی و میکاترۆنیک لە ئاژانسی بۆشایی ئاسمانی ئەوروپا، گەشتێکی بۆ بۆشایی ئاسمان ئەنجامدا و لە 10 خولەکی گەشتەکەدا ئەو هێڵەی بەزاند، کە سنووری نێوان بەرگەهەوای زەوی و بۆشایی ئاسمانە، دوای گەڕانەوشی بۆ زەویی رایگەیاند، "ئێستا دەزانم جیهانەکەمان چەندە داخراوە بەرانبەر بە خاوەن پێداویستییە تایبەتەکان".
لە گەشتێکی ئاسمانی کورتدا، کە بۆیەکەمجار خاوەن پێداویستییەکی تایبەت بەشداری تێدابکات لەسەر کەشتیەکی سەر بە کۆمپانیای "بلو ئۆریجین" ئەنجامدرا، کە خاوەندارێتی کۆمپانیاکە بۆ ملیاردێری ئەمریکی جێف بیزۆس دەگەڕێتەوە، گەشتەکە لە رێگەی موشەکی "نیو شێپێرد"یەوە بووە و کۆمپانیاکە ساڵانە گەشتی ئاسمانیی رێکدەخات.
لە گەشتەکەدا میشێلا بێنتهاوس، ئەندازیاری فڕین و بۆشایی ئاسمان لە دەزگای بۆشایی ئاسمانی ئەوروپا، لەگەڵ پێنج گەشتیاری تر کە یاوەریان دەکرد، لە 10 خولەکدا هێڵی کارمانیان بڕی، کە سنووری نێوان بەرگەهەوا و بۆشایی ئاسمان پێکدەهێنێت.
لە گرتە ڤیدیۆییەکدا، کە کۆمپانیای بلو ئۆریجین بڵاوی کردووەتەوە و لە کاتی گەڕانەوەیان بۆ سەرزەوی دەڵێت؛"دوای گەشتەکەم، بەڕاستی تێگەیشتم، کە چەندە جیهانەکەمان داخراوە بە رووی کەسانی خاوەن پێداویستیی تایبەتدا".
جێی باسە ئەمە یەکەم خاوە پێداویستی تایبەتە، کە گشت دەکات بۆ بۆشای ئاسمان و شازدەمین گەشتی سەرنشینداری کۆمپانیای بلو ئۆریجینە، کە ساڵانێکە بەرنامەی گەشتیاریی بۆشایی ئاسمانی لە رێگەی مووشەکی نیو شێپێردەوە پێشکەش دەکات، بەبێ ئەوەی تێچووەکەی ئاشکرا بکرێت.
لای خۆشیەوە سەرۆکی نوێی دەزگای ناسا، جارید ئایزاکمان، پیرۆزبایی ئاراستەی میشیلا کرد لە پۆستێکدا لەسەر پلاتفۆرمی ئێکس و پێ دەڵێت؛ "تۆ ئیلهامت بەخشی بە ملیۆنان کەس بۆ ئەوەی تەماشای ئاسمان بکەن و خەیاڵی ئەو شتانە بکەن، کە دەکرێت روبدەن".
مەزلوم کۆبانی، فەرماندەی گشتی هێزەکانی سوریای دیموکرات رایگەیاند، ساڵی 2026 دەبێتە ساڵی یەکڕیزی کورد لە چوار پارچەکەی کوردستان، جەختیش دەکاتەوە، بانگەشەی دوژمنان بۆ ئەوەی کە کۆتایی ئەمساڵ کۆتایی کوردە راست نییە، راستییەکە ئەوەیە سەرەتایی پرۆژە گەورەکەیە، کە مافی کوردی لە دەستوردا دەچەسپێندرێت لە رۆژئاوا.
مەزڵوم کۆبانی لە چاوپێکەوتنێکی تەلەڤیزیۆنیدا رایگەیاند، دوژمنان بانگەشەی ئەوە دەکەن، کە کۆتایی ئەمساڵ کۆتایی کورد و هێزەکانی سوریای دیموکرات و پڕۆژەی رۆژئاوا دەبێت، بەڵام راستییەکان تەواو جیاوازە و ئەوە سەرەتای پڕۆژە مەزنەکەیانە.
فەرماندەکەی هەسەدە، ئاماژەی بەوەشکردوە، بە پیجەوانەی بۆچونی دوژمنەکانیان، ساڵی 2026 ساڵی یەکگرتوویی کورد دەبێت، دەبێتە ساڵی کۆنفیدراڵی کورد و یەکگروتتی کورد لە رچوار پارچەکەی کوردستان، جەختیشیکردوەتەوە هیچ کاتێک کورد هێندە نزیک نەبون لەیەکتری بۆ بەدیهێنانی ئەو ئامانجە.
مەزڵوم کۆبانی، دوپاتیکردوەتەوە ساڵی 2026، دەبێت ساڵی چەسپاندنی مافەکانی کورد و زەویەکەی لە دەستوری سوریای نوێدا، ئەو قسانەی عەبدی لە کاتێکدایە گوشارەکانی سوریا و تورکیا بەردەوامن بۆ جێبەجێکردنی رێککەوتنی مانگی ئازاری نێوان دیمەشق و هێزەکانی سوریای دیموکرات.
یاشار گولەر، وەزیری بەرگری تورکیا لە کۆنگرەیەکی رۆژنامەوانیدا رایگەیاندبوو، رێککەوتنی 10ی ئازار کە لە نێوان حکومەتی سوریا و هێزەکانی سوریای دیموکراتدا واژۆکراوە، هێشتا لەسەر زەوی جێبەجێ نەکراوە.
ستیڤ ویتکۆف، نوێنەری سەرۆکی ئەمریکا وردەکارییەکانی کۆبوونەوەی میامی ئاشکرا کرد، کە رۆژی هەینی بەڕێوەچوو، تێیدا نوێنەرانی ئەمریکا، میسر، قەتەر و تورکیا بەشداربوون، بۆ پێداچوونەوە بە جێبەجێکردنی قۆناغی یەکەمی رێککەوتنی ئاگربەست لە غەززە و بەهێزکردنی ئامادەکارییەکان بۆ قۆناغی دووەم.
ئەمڕۆ شەممە، نێردەی تایبەتی دۆناڵد ترەمپ بۆ رۆژهەڵاتی ناوەراست رایگەیاند، قۆناغی یەکەمی رێککەوتنی غەززە پێشکەوتنی بەرچاوی بەدەستهێناوە، لەوانە فراوانکردنی یارمەتییە مرۆییەکان، گەڕاندنەوەی تەرمی بارمتەکان و کشانەوەی بەشێکی سەربازی ئیسرائیل، لەگەڵ کەمبوونەوەی ئاستی دوژمنایەتییەکان.
ویتکۆف لە پەیامێکیدا، کە لە تۆری کۆمەڵایەتی ئێکس بڵاویکردوەتەوە رایگەیاندوە، لە کۆبونەوەکەدا لە میانیی گفتوگۆکان سەبارەت بە قۆناغی دووەم، بەشداربووان جەختیان لە گرنگی بەهێزکردنی دەزگایەکی حوکمڕانی لە غەززە کردەوە، کە لە ژێر دەسەڵاتی یەکگرتووی فەلەستینیدا کاردەکات، هاوکات پشتیوانی خۆیان بۆ دامەزراندنی و کاراکردنی "ئەنجومەنی ئاشتی" لە ئایندەیەکی نزیکدا دەربڕیوە.
کە ئەنجومەنەکە وەک دەزگایەکی ئینتقالی کاردەکات، کە سەرپەرشتی رێڕەوی مەدەنی و ئەمنی و ئاوەدانکردنەوە دەکات.
لە کۆتایی دا ویتکۆف ئەوەشی خستوەتەڕووو، لە کۆبونەوەکەیاندا جگە لەوەی پێداچوونەوە کرا بۆ هەنگاوەکانی داهاتوودا قۆناغ بە قۆناغ، جەختیان لەسەر گرنگی رێکخستن و هەماهەنگی و میکانیزمی چاودێری کاریگەر کردەوەتەوە، بە هاوکاری لەگەڵ دامەزراوە ناوخۆییەکانی غەززە و هاوبەشە نێودەوڵەتییەکان بۆ چونە قۆناغی دووەمی رێککەوتنی ئاشتی لە غەززە.