لە بەردەوامی کاردانەوەکاندا لەسەر ئەو تۆمارە دەنگییەی "زەریف"، "رۆحانی" "حسامەدین ئاشنا"ی راوێژکاری لە پۆستی سەرۆکی ناوەندی سەرۆکایەتی بۆ توێژینەوەی ستراتیژی دوورخستنەوە و "عەلی روبەیعی" وتەبێژی حکومەتی لە شوێنەکەی دانا. 

ھاوکات "رۆحانی"، "محەمەد عەلەوی" وەزیری ھەواڵگری و ئاسایشی راسپاردووە بۆ لێکۆڵینەوە لە چۆنێتی بڵاوبوونەوەی ئەو تۆمارە دەنگییە. 

زەریف لە چاوپێکەوتنێکدا کە لە مانگی ئاداری رابردوو ئەنجامیداوە دەڵێت، "قاسم سولەیمانی" دیبلۆماسیەتی کردووەتە قوربانی سەربازیی و ئەوەش رۆڵی ھەبوە لە لەناوچونی رێککەوتنی ئەتۆمی.

سەرۆک کۆماری عێراق دیدارو کۆبوونەوەکانی لە ھەولێر دەستپێکردوەو ئەمرۆ لەگەڵ مەکتەبی سیاسی پارتی دیموکراتی کوردستان وسەرۆکایەتی ھەرێم و حکومەت کۆبووەو تاوتوێی چەند پرسێکی پەیوەست بە عێراق و ھەرێمی کوردستانیان کرد.

بڕیاریشە ھەر ئەمرۆ لەگەڵ سەرۆکی پەرلەمانی کوردستان و ژمارەیەک لە ئەندامانی مەکتەبی سیاسی یەکێتی و ئەمینداری یەکگرتووی ئیسلامی و سەرۆکی کۆمەڵی دادگەری کوردستان کۆببێتەوە.

شاناز ئیبراھیم ئەحمەد، ڕاشیگەیاند: دەبێت میدیای یەکێتی ڕۆڵی ڕاستەقینەی خۆی ببینێت لە گەیاندنی سیاسەتی ڕاست و دروستی یەکێتی بە کۆمەڵانی خەڵکی کوردستان.

لە بارەی شێوازەکانی پەرەپێدانی ڕاگەیاندنی یەکێتیش، ئامادەبووانی کۆبوونەوەکە چەند پێشنیاز و بۆچوونێکیان خستەڕوو، ھاوکات سوپاسی کارگێڕی مەکتەبی سیاسی یەکێتیی نیشتمانییان کرد و بە ھاوکار و پشتیوانی بەردەوامیان وەسفکرد کە ھەمیشە بە تەنگ کێشە و داواکارییەکانیانەوە بووە.

ئیحسان عەبدولجەبار وەزیری نەوتی عێراق  لە شاری بەغداد، لەگەڵ " بەسام تەعنە" وەزیری نەوت و سەرچاوە سروشتییەکانی سوریا کۆبووەوە و ڕایگەیاند، گفتوگۆیان لە بارەی پرسی گازی سروشتی کردووە و عێراق پلان دادەنێت بۆ کڕین و ھاوردەکردنی گازی سروشتی لە سوریاوە، لەگەڵ ئەو وڵاتەش لە ڕێککەوتن نزیکبوونەتەوە و ئەگەریشی ھەیە ھەر لە ڕێگەی خاکی سوریاوە، گازی سروشتی لە میسڕەوە ھاوردە بکەن.

جێی ئاماژەیە، لە ئێستادا عێراق پشت بە کڕینی گازی سروشتی ئێران دەبەستێت.

جێگری سەرۆک وەزیران ئاماژەی بەوەشکردووە، کە پاڵپشتی تەواوەتی ھەوڵەکانی سەرۆک کۆمارە بۆ پتەوکردنی یەکڕیزی نێو ماڵی کوردستان و بەھێزکردنی پەیوەندییەکانی ھەرێم و حکومەتی فیدراڵ لە ڕێگای دیالۆگی ڕاستگۆیانە و نیشتمانیانەوە. 

لە کۆتایشدا قوباد تاڵەبانی ڕایگەیاندووە، کە د. بەرھەم ساڵح لە میانەی سەردانەکەی بۆ ھەرێمی کوردستان لەگەڵ سەرکردە و گەورە لێپرسراوە حکومی و سیاسییەکان لە ھەولێر و سلێمانی کۆدەبێتەوە.

 وتارەکەی "بایدن" لە رێورەسمێکی تایبەت و لە کۆبوونەوەی ھاوبەشی ئەنجومەنی نوێنەران و پیرانی ئەمریکا دەبێت، چاوەڕوان دەکرێت پلانی ئابوری رابگەیەنێت و روبەڕوبوونەوەی کۆرۆنا و چاکسازی لە ھێزەکانی پۆلیس و نەھێشتنی رەگەزپەرستیش باس بکات. 
بەھۆی کۆرۆناوە تەنھا ٢٠٠ کەس ئامادەدەبن و چەند سەعاتێک پێش دەستپێکردنی وتارەکە ناوی ئامادەبووان ئاشکرا دەکرێت، بەڵام ساڵانی رابردوو سەرجەم ئەندامانی کۆشکی سپی و ئەندامانی کۆنگرێس کە ژمارەیان دەگەیشتە ١٦٠٠ کەس، ئامادەی وتاری سەرۆک دەبوون. 
دەزگای خزمەتگوزاری نھێنی ئەرکی پاراستنی ئاسایشی بینای "کۆنگرێس"ی گرتۆتە ئەستۆ ، بینای "کۆنگرێس" لە دوای رووداوەکانی مانگی کانونی دووەمی ئەمساڵەوە بە پەرژین و نزیکەی ٢٥٠٠ پاسەوانی نیشتمانی دەورەدراوە.  

وەزارەتی گواستنەوەی عێراق لە راگەیەندراوێکدا بڵاویکردەوە، کۆمپانیای گشتی ھێڵی ئاسمانی عێراقی سەرجەم گەشتە ئاسمانییە راستەوخۆکان لەگەڵ ھندستان تا کاتێکی نادیار رادەگرێت، ئەو بڕیارەش لەسەر داوای ئەنجومەنی وەزیران و دەسەڵاتی فڕۆکەوانی مەدەنی عێراقی بووە، بەھۆی مەترسییەکانی کۆرۆنا ھندییەکەوە. 
ھاوکات وەزارەتی تەندروستی عێراق چەند بڕیارێکی بۆ ئەو کەسانە دەرکردووە کە لە "ھندستان"ەوە دەگەڕێنەوە وڵاتەکە و رایگەیاند، ھەموو ئەو کەسانە بۆ ١٤ رۆژ کەرەنتین دەکرێن و پشکنینەکانیان بۆ ئەنجام دەدرێت و لە ئەگەری توشبوونیشیان رێکاری توندتر دەگرنەبەر. 

"د. چیمەن تەھا " بەرێوەبەری گشتیی خۆپاراستن لە وەزارەتی تەندروستی ھەرێم بە کوردسات نیوزی ڕاگەیاند، راپۆرتی وەزارەتی تەندروستی لەسەر ڕەوشی کۆرۆنا و راپۆرتی وەزارەتی پەروەردە سەبارەت بە پڕۆسەی خوێندن ئامادە کراوە، لیژنەی باڵای کۆرۆنا ئەو دوو راپۆرتە تاوتوێ دەکات.
سەبارەت بە دەستپێکردنەوەی خوێندنی ناوپۆل ڕایگەیاند، بە پێی ڕاپۆرتی وەزارەتی تەندروستی سەبارەت بە بڵاوبونەوەی ڤایرۆسی کۆرۆنا، بڕیار لەسەر کردنەوە یان داخستنی دەرگای خوێندنگاکان دەدرێت.

بە پێی راگەیەندراوێکی وەزارەتی تەندروستی ھەرێم، لە ماوەی ٢٤ سەعاتی رابردوو لە ھەرێمی کوردستان  ھەزار و ٣١کەسی تر توشی ڤایرۆسی کۆرۆنا بوون و ١٦ توشبووی تری کۆرۆنا گیانیان لەدەستدا و ٩٧٣ توشبووی تری ڤایرۆسەکە چاکبوونەتەوە.

ڕاگەیاندراوی (٢٤) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩                         ژمارە (٤٢٧)
١. پشکنین: (٨٣٥٢ پشکنینی نوێ) 
• (٢٣٧٧) ھەولێر
• (٢٤٧٦) سلێمانی
• (٢٨١٢) دھۆک
• (٢٥٠) ھەڵەبجە
• (٤٣٧) گەرمیان
• (٠) ڕاپەڕین
• 

٢. تووشبوو: (١٠٣١ تووشبووی نوێ)
• (١٦٣) ھەولێر
• (٣٢٢) سلێمانی
• (٤٧٦) دھۆک
• (٨) ھەڵەبجە
• (٦٢) گەرمیان
• (٠) ڕاپەڕین

٣. چاکبوون: (٩٧٣ چاکبوون)
• (١١٧) ھەولێر
• (٣١٣) سلێمانی
• (٤٥٨) دھۆک
• (٩) ھەڵەبجە
• (٦٦) گەرمیان
• (١٠) ڕاپەڕین
• 

٤. مردن: (١٦ مردن)
• (٦) ھەولێر
• (٧) سلێمانی
• (٢) دھۆک
• (٠) ھەڵەبجە
• (١) گەرمیان
• (٠) ڕاپەڕین 
• 

ئاماری گشتی:

کەڕەنتین ھاوڵاتی ٢١٨٧١ (٢١٨٧١ دەرچوو)
پشکنین ١٦٢٢٥٥٣ (٥٦٧٣٣٠ ھەولێر، ٣٧٠٧٤٧ سلێمانی، ٦٧٣١٠٦ دھۆک، ١١٣٧٠ ھەڵەبجە)
تووشبوون ١٤٩١٤٠ (٤٨٣٧٢ ھەولێر، ٤٤٧٦٠ سلێمانی، ٥٢٥٧٤ دھۆک، ٣٤٣٤ ھەڵەبجە)
چاکبوون ١٢٥٦٠١ (٤٠٨٦٢ ھەولێر، ٣٦٢٩٠ سلێمانی، ٤٥٣٨٥ دھۆک، ٣٠٦٤ ھەڵەبجە)
لەژێر چارەسەر ١٩٥٣٤ (٦٤١٠ ھەولێر، ٦٦١٥ سلێمانی، ٦٢٨٤ دھۆک، ٢٢٥ ھەڵەبجە)
مردن ٤٠٠٥ (١١٠٠ ھەولێر، ١٨٥٥ سلێمانی، ٩٠٥ دھۆک، ١٤٥ ھەڵەبجە)
بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە (١٢٢). 

 وەزارەتی تەندروستی       
حکومەتی ھەرێمی کوردستان    
٢٨ی نیسان ٢٠٢١