بافڵ تاڵەبانی، لە دەباشان   لەگەڵ لیستی سەوز لە دەستەی باڵای کۆمکاری زیندانیانی سیاسی کوردستان کۆبۆوەو گفتوگۆ کرا لەبارەی ماف و پێداویستییەکانی زیندانیانی کوردستان، ھەموارکردنەوەی یاسای تایبەت بە ژیان و گوزەرانی زیندانیان لەرێگای پێداچوونەوە بە یاسا بەرکارەکان لە پەرلەمانی کوردستان.
 ھاوسەرۆک بەگرنگییەوە لە رۆڵی تێکۆشەران و زیندانیانی سیاسی رووانی لە مێژووی خەباتی گەلی کورددا کە بەشدار و قوربانیدەری شۆڕش بوون و بەخۆڕاگریان بوونە داینەمۆی سەرخستنی خەبات.
ھەروەھا بافڵ تاڵەبانی ئاماژەی بۆ ھەنگاوەکانی رێکخستنەوە و بە دامەزراوەییکردنی ئۆرگانەکانی یەکێتی کرد لەسەر بنەمای پاراستنی پەیڕەوی حیزبی و ژیانی رێکخراوەیی و رایگەیاند، یەکێتی وەک ھێزی رێچکەشکێن خۆی نوێ کردووەتەوە و لەسەر بنەمای ھەڤاڵێتی ھاوبەش و یەکێتی ناو یەکێتی ئۆرگانەکانیان رێکخستۆتەوەو بەردەوامیش دەبین لەگۆڕانکاری لەسەر بنەمای گەشەپێدان و بووژاندنەوەی یەکێتی دوور لەبەرژەوەندی شەخسی. ئێستا یەک یەکێتی ھەیە کە ئەویش یەکێتی شەھیدان، پێشمەرگە، تێکۆشەران، زیندانیانی سیاسی و کەمئەندامانی سەنگەر و کەسوکاری شەھیدانە.

لە کاردانەوەیەکشدا بەرامبەر بە تەقینەوەکە، "سەعد حەریری" سەرۆک وەزیرانی پێشووتری لوبنان لە پەیامێکدا داوای کرد "مێشێل عەون" سەرۆکی وڵات دەست لە کار بکێشێتەوە، "حەریری" لە پەیامێکدا رایگەیاندووە، رووداوەکەی ناوچەی  عەکار ھاوشێوەی تەقینەوەکەی بەندەری "بەیروت"ە و بەرپرسیاری یەکەمیش لە پاراستنی گیانی لوبنانییەکان سەرۆکی وڵاتە. ھاوکات "مێشێل عەون" سەرۆکی لوبنان داوای لێکۆڵینەوەی بەپەلەی لە ھۆکاری رووداوەکە کرد.
پەیوەست بە رووداوەکە رێکخراوی خاچی سووری لوبنانی ئاشکرای کردووە، بەھۆی ئاگرکەوتنەوەکەوە لانی کەم ٢٢ھاوڵاتی گیانی لە دەستداوە و ٧٩کەسیش برینداروون.

 لەگەڵ بەردەوامی هێرشەكان بزووتنەوەی تاڵیبان داوای لە چەكدارانی كرد، هێرشە نەكەنە سەر هیچ لایەنێك و داواشی لە ژنانی پایتەخت كرد روو لە ناوچە ئارامەكان بكەن. هاوكات بەڵێنی پاراستنی سەروەت و سامانی بازرگانەكانیداوە. بەپێی زانیارییەكان تاڵیبان رێگە بە هەر كەسێك دەدات كە بەخواستی خۆی دەیەوێت كابوڵ جێبهێڵێت، لە لایەكی ترەوە رێكخراوی ناتۆ ئاشكرای كرد نێردە دیپلۆماتكارەكان لە ناوچەیەكی نهێنی كابوڵدا پارێزراون.
هاوكات شایەتحاڵان ئاشكرایان كرد، لە بینای باڵیۆزخانەی ئەمریكا لە كابوڵ دوكەڵ بەرز دەبێتەوە كە پێدەچێت بەهۆی سوتاندنی بەڵگەنامەكانەوە بێت.

لە لایەکی ترەوە بەرگری شارستانی عێراقیش دەڵێت، لەناوچەی غەزالییە لە نێو چوار مۆلیدەدا ئاگر کەوتەوە، بەوەش لە ماوەی ١٢ سەعاتدا دوو رووداوی ئاگرکەوتنەوەی گەورە لە بەغدادی پایتەخت تۆمار کران.

 حەوت ساڵ تێدەپەرێت بەسەر داگیرکردنی گوندی "کۆجۆ" لەلایەن گروپی تیرۆریستی داعشەوە، کاتێک لە ١٥ ی ئابی ساڵی ٢٠١٤ تیرۆریستان چونە ناو گوندەکە و لەگەڵ داگیرکردنی گوندەکەدا، ٤٠٠ پیاوی ئێزدی گوندەکە لەلایەن داعشەوە کوژران و  نزیکەی ٨٠٠ بۆ ٩٠٠ ژن و منداڵیش کەوتنە دەست تیرۆریستان، کە تا ئێستا چارەنووسی بەشێکیان  دیار نییە.

"سەعد مەعن" لە کۆنفرانسێکی رۆژنامەوانیدا ئاماژەی بۆ ئەوەکرد، لە شەش مانگی سەرەتای ئەمساڵدا لە بەغداد ١٩٤ تاوانباری کوشتنی بە ئەنقەست و ٩٤ تاوانی رفاندن و ھەزار و ٣٢٦ تاوانباری دزیکردن  دەستگیرکراون، بەڵام بەراورد بە ساڵی رابردوو رێژەی تاوانەکان لە بەغداد لە سەدا ٧٨ کەمیکردوە .

لەپێناو دابەزاندنی نرخی ئالیک و پاڵپشتی کردنی پرۆژەکانی پەلەوەر و ئاژەڵ و ماسی لە ھەرێمی کوردستان، وەزارەتی کشتوکاڵ و سەرچاوەکانی ئاو، بەنوسراوێکی فەرمی، کەئاراستەی وەزارەتی دارای و ئابوری کراوە، پێشنیاری لابردنی باج دەکات لەسەر سویا و پرۆتین، کە لەئامادەکردنی ئالیک بەکاردێت بەنوسراوی ژمارە (٥٦١٨) لە ١٥/٨/٢٠٢١ .

دوای ئەوەی نرخی ئالیک بەرزبۆیەوە لە بازاڕەکانی ھەرێمی کوردستان، لە پێناو پاڵپشتی جوتیاران و بەرەو پێشبردنی کەرتی کشتوکاڵ و پرۆژەکانی پەلەوەر و ئاژەڵ و سامانی ماسی لە ھەرێمی کوردستان، وەزارەتی کشتوکاڵ لە ڕێگای لابردنی باج لە سەر سۆیا و پرۆتین، ھەوڵدەدات نرخی ئالیک لە بازاڕەکانی ھەرێم دابەزێنێت.

      راگەیاندنی وەزارەتی
 کشتوکاڵ و سەرچاوەکانی ئاو

بەپێی ئاماری وەزارەتی تەندروستی ھەرێم، لە ٢٤ سەعاتی رابردوودا دوو  ھەزار و ٢٠ حاڵەتی نوێی توشبوون و ١٩ حاڵەتی نوێی گیانلەدەستدان بە ڤایرۆسی کۆرۆنا تۆمارکراوە و ھەزار و ٨٩٦ توشبووش چاکبوونەوە.

بەپێی ئامارەکە کۆی ژمارەی توشبووانی کۆرۆنا لە ھەرێم گەیشتووەتە ٢٦٦ ھەزار  و ٨٢٢ کەس، لەو ژمارەیە ٢١٥ ھەزار و ٤٠٦ کەسیان چاکبوونەتەوە و ٥ ھەزار و ٥٨ کەسی تریشیان گیانیان لەدەستداوە.

"ھەڤاڵ ئەبوبەکر" پارێزگاری سلێمانی لە وتارێکدا ئاماژەی بۆ رۆڵ و خەباتی "شێخ مەحمود" کرد و رایگەیاند، شێخ مەحمود توانیویەتی بۆ یەکەمجار حوکمداری لە کوردستان دروست بکات و ئەو کاتەی ھێشتا دەوڵەتی عێراق دروست نەبووە داوای کوردستانێکی سەربەخۆ بکات.

بافڵ تاڵەبانی ھاوسەرۆکی یەکێتیی نیشتمانیی کوردستان لە دەباشان پێشوازیکرد لە دکتۆر عادل عەبدولمەھدی سەرۆک وەزیرانی پێشووی عێراق، لەدیدارێکدا کە قوباد تاڵەبانی ئامادەی بوو، لەبارەی ھەڵبژاردنەکانی داھاتووی عێراقەوە ھەردوولا ھاوڕابوون لەئەنجامدانی ھەڵبژاردنێکی پاک و بێگەرد لەکاتی دیاریکراوی خۆیدا کە رەنگدانەوەی خواستی ھەموو لایەنەکان بێت و ببێتە مایەی سەقامگیری سیاسی و ئابووری و کۆمەڵایەتی.

لەبارەی چاکسازی و گۆڕانکارییەکانی یەکێتی لەماوەی رابردوودا، بافڵ تاڵەبانی رایگەیاند، یەکێتی بەئاراستەی راستکردنەوەی رێڕەوی حیزبی و پاراستنی یەکێتییەکەی مام چەند ھەنگاوێکی ناوە، بۆ لەمەودواش درێژە بەو سیاسەتە نیشتمانییە دەدەن کە خزمەت بە بەرژەوەندی گشتی دەکات نەک مەرام و ئامانجێکی دیاریکراو، دڵنیایشیدا یەکێتی لە ئاست بەرپرسیارێتییە نیشتمانی و نەتەوەییەکان دەبێت و دەیانەوێت لەگەڵ سەرجەم ھێز و لایەنەکان ھاوکار و پشتیوان بن بۆ بونیادنانی وڵاتێکی ئارامتر و خۆشگوزەرانتر بۆ ھاوڵاتیان.