دوابەدوای کۆبوونەوەی لەگەڵ سەرۆک کۆمار، بافڵ تاڵەبانی ھاوسەرۆکی یەکێتی نیشتیمانی کوردستان بە ئامادەبوونی رەفعەت عەبدوڵا لێپرسراوی دەستەی کارگێڕی مەکتەبی سیاسی یەکێتی نیشتیمانی کوردستان و شاناز ئیبراھیم ئەحمەدی کارگێڕی مەکتەبی سیاسی یەکێتی سەردانی  "عەمار حەکیم" سەرۆکی ڕەوتی حیکمەی کرد و کۆبوونەوە، پاشان سەردانی نوری مالکی سەرۆکی حزبی دەعوەی کرد و کۆبوونەوە.

بە پێی زانیارییەکان، چاوەڕوانی دەرئەنجامی باش لەو سەردانە دەکرێت، بە تایبەتی لە چارەسەرکردنی ئەو کێشانەی لە نێوان ھەرێمی کوردستان و عێراق بە ھەڵپەسێردراوی ماونەتەوە.

دەقی راگەیەندراوەکە :

جەماوەری خۆشەویستی کوردستان

حزب و لایەنە سیاسیەکان

وا جارێکی دیکە و لە درێژەی سیاسەتە شەڕنگێزەکانی سێ دەیەی ڕابردوویاندا، دیسان چەکدارانی پەکەکە بە فەرمانی ڕاستەوخۆی سەرانی گومانباری قەندیل، دەستیان چووە خوێنی پێشمەرگەی کوردستان و  لەھێرشێکی لەناکاودا لە چیای مەتینی ناو خاکی ھەرێمی کوردستان پەلاماری ھێزێکی پێشمەرگەیان دا، لە ئەنجامی ئەو پەلامارەدا پێنج پێشمەرگە شەھید و حەفتی دیکەش بریندار بوون.

خەڵکی ئازیزی کوردستان..
ئێمە بە حوکمی تەجرەبەی زۆرمان لەگەڵ پەکەکە و سەرانیان، باش لە مەبەست و مەرامەکانی پەکەکە تێدەگەین و ئەوەشمان زۆر جاران بە راشکاوی پێڕاگەیاندوون کە ئەوەی چەکدارەکانیان ساڵانیکە لە ھەرێمی کوردستان ئەنجامی دەدەن، تەنیا لە بەرژەوەندیی نەیارانی گەلی کوردستان و ئەو لایەنانەیە کە نەک خۆشیان بۆ خەڵکی کوردستان ناوێت، بگرە لە دووی فورسەتێکن بۆ لەنیوبردنی، کەچی بەداخەوە، سەرانی پەکەکە، بە پێچەوانەی چاوەروانیی خەڵکی کوردستان و بانگەشەکانی خۆیانەوە ئەمڕۆ، نەک ھەر ڕەچاوی ھەلومەرجی ھەستیاری ھەرێمی کوردستان و گوزەرانی خەڵکەکەی ناکەن، بەڵکو بوونەتە جێبەجێکاری ئەجیندا‌ی دەرەکی و بیانوویەکی حازربەدەست بۆ دەوڵەتانی ئیقلیمی تا ھەر کاتێک و لە ھەر جێیەک بیانەوێت سنوورەکان و سەروەری ھەرێمی کوردستان ببەزێنن و فشارێکی ناوەختەی زۆر بخەنە سەر ھەرێمی کوردستان، لەگەڵ ئەوەی باش دەرک بەوە دەکەن کە ھەر زەبرێک بەر  ھەرێمی کوردستان بکەوێت، دەبێتە کارەساتێکی گەورە بۆ تێکڕای کوردستانیان و کورد لە ھەر کوێیەک بن.

جیا لە شەڕفرۆشتنی بەردەوام و ڕاکێشانی سوپای دەرەوە و گێچەڵەکانیان بە ھەرێمی کوردستان، سەران و چەکدارانی پەکەکە لەو رۆژەوەی ھەڵاتوون و ھاتوونەتە نێو خاکی ھەرێمی کوردستانەوە، لە جیاتی ئەوەی وەک پەنابەر و میوان ھەڵسوکەوت بکەن، نەک وەک خانەخوێش بگرە وەک داگیرکەر مامەڵە لەتەک گوندنشینان و  جووتیارانی کوردستاندا دەکەن، منداڵانی کوردستان دەڕفێنن و مەشقی سەربازیان پێدەکەن و چەکداریان دەکەن. بەدرێژایی ناوچە کوردستانیەکانی دەرەوەی ئیدارەی ھەرێم لە خانەقینەوە تا شنگال، پەکەکە، دۆست و ھاوپەیمانی ئەو ھێز و تاقم و میلیشیایانەیە کە دژایەتی خەڵکی ھەرێمی کوردستان دەکەن و ناوەناوە ھەولێر مووشەکباران دەکەن..ھەر بە ھاوکاریی ئەوانیش، بوونەتە ڕێگری یەکەم و ھەرە گەورەی بەردەم جێبەجێکردنی ڕێککەوتنی شنگال و ئاوادەنکردنەوەی دەڤەرەکە و گەڕانەوەی خەڵکە ماڵوێرانەکەی بۆ زێد و سەر ماڵوموڵکی خۆیان.
پاش راپەڕینی ئاداری ١٩٩١، گوندنشینە راگوێزراوەکان بە دەستی رژێمی بەعس، بە حەماسەت و چاو لە داھاتوەیەکی گەش، گەڕانەوە گوندەکانی خۆیان، بەڵام پەکەکە بووە ھۆی دووبارە دەربەدەربوونەوەی گوندنشینانی سەدان گوندی ناوچە سنوورییەکان. پەکەکە، ھەر بەوەندەوە نەوەستاوە کە بەناھەق باج و سەرانە لە جووتیارانی کوردستان وەربگرێت، بەڵکو بە بەرنامە،‌ ھەوڵی تێکدانی قەوارەی دەستووریی ھەرێمی کوردستان دەدات.
لە ساڵی ٢٠١٤، کاتێ داعش پەلاماری کوردستانی دا، پێشمەرگە لە ناوچە سنوورییەکان بەرەو بەرەکانی شەڕی دژی داعش چوون، پەکەکەش ئەو بارودۆخەی قۆستەوە، بەرە بەرە چووە ناو گوندەکان، کاتێک پێشمەرگە بەسەر داعشدا سەرکەوت و فشار و مەترسیی داعشی تا ئاستێکی بەرچاو لە کوردستان دوورخستەوە، گەڕایەوە شوێنەکانی خۆی لە ناوچە سنوورییەکان، کەچی پەکەکە خۆی بە خاوەن ماڵ دەزانێ، پێشمەرگە و خەڵکی کوردستانیش بە بێگانە! بۆیە زووزوو  ڕووقایمانە ڕایدەگەنێت کە نابێت پێشمەرگە بچنە ئەو ناوچانەی ئەوان ڕۆژگاری سەرقاڵی پێشمەرگە بە شەڕی داعشەوە داگیریان کردوون.

پەکەکە ھیچ کاتێک ڕێزی لە سەروەریی ھەرێمی کوردستان نەگرتووە و ئیعتباری بۆ حکوومەتی ھەرێم کوردستان و دامەزراوەکانی دانەناوە و ھیچ حسێبێکی بۆ یاساکان نەکردووە، بە پێچەوانەوە دانبەخۆداگرتنی حکوومەتی ھەرێم و دامەزراوەکانی بە خراپترین شێوە قۆستۆتەوە. پەکەکە بە مەبەست و دەستی ئەنقەست شەڕی لەگەڵ تورکیا گواستۆتەوە نێو خاکی ھەرێمی کوردستان و بەپیلانێکی دانراو شەڕ دەکات و ناوچەکان بۆ سوپای تورکیا بەجێ دەھێڵێت، تا خاکەکەمان بە داگیرکردن بدات و فشارەکانی سەر ھەرێمی کوردستان زێدەتر بکات.
ئەو دەستدرێژییەی دوێنێی پەکەکە بۆ سەر پێشمەرگە، دەستدرێژییە بۆ سەر تەواوی خاک و سەروەریی و خەڵکی ھەرێمی کوردستان، ھەر بۆیە لەسەر ھەموو ھێز و لایەنە سیاسییەکانی ھەرێمی کوردستان پێویستە دەکات، بە یەکدەنگی و یەکھەڵوێستی، رووبەڕووی ئەو پیلانە گەورەیە ببنەوە کە سەرانی پەکەکە جێبەجێکارین. ھاوکات لەسەر حکوومەتی فیدڕاڵی عێراقیش پێویستە رۆڵ و ئەرکی خۆی بگێڕێت.
سەروەری بۆ شەھیدان و، بەرز و پارێزراوبێ ئەزموونی ھەرێمی کوردستان...

بە پێی ئامارێکی وەزارەتی تەندروستی ئێران، لە ٢٤ سەعاتی ڕابردوودا ٥ ھەزار و ٦١٢ کەس تووشی کۆرۆنا بوون و ١٢٢ تووشبووی ڤایرۆسەکە گیانیان لە دەستداوە، ئامارەکە بەراورد بە ڕابردوو بە شێوەیەکی بەرچاو کەمیکردووە چونکە پێشتر ڕۆژانە ٨ ھەزار حاڵەتی تووشبوون تۆمار دەکرا.

ھەر بە پێی ئامارەکەی وەزارەتی تەندروستی ئێران، کۆی گشتی ژمارەی تووشبووانی کۆرۆنا گەیشتووەتە ٢ ملیۆن و ٩٦٦ ھەزار و ٣٦٣ کەس و تا ئێستاش ٨١ ھەزار و ٦٣ تووشبوو گیانیان لە دەستداوە، لە سەەرتای بەکارھێنانی ڤاکسینی کۆرۆناشەوە تا ئێستا ٤ ملیۆن و ٢٠٣ ھەزار و ٧٨٤ کەس لە ئێران دۆزی یەکەمی ڤاکسینیان وەرگرتووە و ٦١٩ ھەزار و ٧٩٥ کەسیش دوو دۆزی ڤاکسینیان وەرگرتووە.

ئەمڕۆ "جێپ کۆفۆد" وەزیری دەرەوەی دانیمارک گەیشتە بەغداد و لە کۆنفرانسێکی ڕۆژنامەوانی ھاوبەشدا لەگەڵ ھاوتا عێراقییەکەی ڕایگەیاند، وڵاتەکەی لەگەڵ ھاوپەیمانی ناتۆ پابەندە بە ھاوکاریکردنی عێراق بۆ بەرەنگاربوونەوەی شانە نوستووەکانی داعش و وتیشی لە ماوەی ڕابردوودا بە بڕی ٥٠ ملیۆن دۆلار پشتیوانی عێراقیان کردووە و لە ھەڵبژاردنی پێشوەختی ئەنجومەنی نوێنەرانیش پشتیوانی عێراق دەکەن، ھەروەھا نیگەرانی دەربری لەو ھێرشانەی دژی نێردە و بارەگا بیانییەکان لە عێراق ئەنجام دەدرێن.

 ھەر لەو کۆنفرانسەدا وەزیری دەرەوەی دانیمارک گرنگی پتەوکردنی پەیوەندییەکانی نێوان ھەردوو وڵاتی لە سەرجەم بوارەکاندا دووپاتکردەوە.

میدیاکانی ئێران بڵاویانکردەوە، ئاگر لە کارگەیەکی پۆڵا لە شاری "زەرەند" لە پارێزگای "کرمان" کەوتەوە، سەرباری زۆری ئاگرەکە توانراوە کۆنترۆڵ بکرێت و ھیچ زیانێکی گیانی نەبووە، ئەو کارگەیەش یەکێکە لە کارگە گەورەکانی پۆڵا لە ئێران و لە لیستی گەمارۆکانی ئەمریکادایە.

لە سەرەتای ئەم مانگەوە، چەندین ڕووداوی ئاگرکەوتنەوە لە کارگە و پاڵاوتگەکانی ئێران کەوتووەتەوە، بە شێوەیەک چەند ڕۆژێک لەمەوبەر پاڵاوتگەی نەوتی "تاران" گڕی گرت و بەر لەوەش گەورەترین کەشتی لۆجستی وڵاتەکە دوای کەوتنەوەی ئاگر تێیدا لە کەنداوی "عومان" ژێر ئاو کەوت.

تاکو ئێستا زانیاری تەواو لەسەر گروپە چەکدارەکە بڵاونەکراوەتەوە، بەڵام گومان دەکرێت گروپە توندڕەوەکانی سەر سنوری نەیجەر و مالی بن کە بەردەوام ھێرشی لەم جۆرە ئەنجام دەدەن.
لە دوای ھێرشەکە ڕۆچێ کۆبارێ سەرۆکی بورکینا فاسۆ سێ ڕۆژ ماتەمینی گشتی لە وڵاتەکەی ڕاگەیاند و وتی، پێویستە لە بەرامبەر ھێزە شەیتانییەکاندا بوەستنەوە.

ھاوکات لە کۆبوونەوەکەی ئەمڕۆدا قوباد تاڵەبانی پیرۆزبایی لە زازا کاندیلاک کرد بەبۆنەی دەستبەکاربوونییەوە وەک باڵیۆزی نوێی جۆرجیا لە عێراق، ھەروەھا ھیوای خواست لە ماوەی کارکردنیدا لە عێراق ئاستی پەیوەندییەکانی نێوان ھەرێم و جۆرجیا پێشکەوتنی زیاتر بەخۆیەوە ببینێت.
ھەر لە کۆبوونەوەکەدا ھەردوولا ئامادەییان دەربڕی ئاستی پەیوەندییەکانیان باشتر بکەن بە تایبەت لە بوارەکانی بازرگانی و گەشتوگوزار و خوێندنی باڵا و چاکسازی و رووبەڕووبوونەوەی گەندەڵی کە جۆرجیا ئەزمونێکی سەرکەوتووی ھەیە لەو بوارانەدا. 
لە بەشێکیتری کۆبوونەوەکەشدا باس لە کردنەوەی کۆنسوڵخانەی جۆرجیا لە ھەرێمی کوردستان کرا کە وابڕیارە لە داھاتوویەکی نزیکدا لە ھەولێر بکرێتەوە.

ھۆشدارییەکەی سەرۆکی دەزگای ئاسایشی ناوخۆیی ئیسڕائیل ھاوکاتە لەگەڵ نزیکبوونەوەی کاتی پێکھێنانی کابینەی نوێی حکومەت و کۆتایھاتنی دەسەڵاتە ١٢ ساڵییەکەی بنیامین ناتانیاھۆ و بە ڕاشکاوی بە ھەموو لایەکی ڕاگەیاندووە کە ڕێگا بە ھیچ وتار و کارێک نادەن توندوتیژی بخاتە وڵاتەوە.

چاوەڕوان دەکرێت لە چەند ڕۆژی ئایندەدا پەرلەمانی ئیسڕائیل متمانە بە حکومەتی نوێ بدات کە لە ھاوپەیمانی نێوان "یایر لاپید" سەرکردەی پارتی (یەش عەتید) و "نافتالی بینێت" سەرۆکی پارتی (یەمینا) دروستبووە.

"سەدات پەکر" ڤیدیۆیەکی نوێی بڵاوکردووەتەوە لەگەڵ یەکێک لە کەسە نزیکەکانی "ئەردۆغان" و دەڵێت، خزمێکی نزیکی سەرۆکی تورکیا تێوەگلاوە بە ناردنی چەک بۆ بەرەی "نوسڕە" کە پەیوەندییان بە ڕێکخراوی "قاعیدە" لە سوریا ھەبووە.

لە بەشێک لە ڤیدیۆکەدا کە ماوەکەی نزیکەی ١٣ خولەکە، ئەو خزمەی "ئەردۆغان" بۆ "سەدات"ی دووپاتکردووەتەوە کە بەشداری لە دابینکردنی چەک بۆ گروپە توندڕەوەکانی سوریا کردووە. 

ئەو گەورە مافیایەی تورکیا، بە تۆمەتی تێوەگلان لە کودەتا شکستخواردووەکەی ساڵی ٢٠١٦ی ئەو وڵاتە، چەندین فەرمانی دەستگیرکردنی ھەیە و ئێستا لە شاری دوبەی لە ئیماڕات دەژی، ھەشت تۆماری ڤیدیۆیی لە یوتیوب بڵاوکردووەتەوە، و وەک خۆی دەڵێت، دۆسیەی ڕەجەب تەیب ئەردۆغان سەرۆک کۆماری تورکیا و کەسە نزیکەکانی حکومەتی تورکیا ئاشکرا دەکات.

بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ٥٤٦ کەسی تر تووشی ڤایرۆسی کۆرۆنا بوون و حەوت تووشبووی تری کۆرۆنا گیانیان لە دەستدا و  ٥٧٥ تووشبووی تری ڤایرۆسەکە چاکبوونەتەوە.

لە دیدارێکدا کە ژمارەیەک لە ئەندامانی مەکتەبی سیاسی ئامادەبوون، دوایین گۆڕانکاری و پێشھاتە سیاسی، ئابووری و ئەمنییەکان تاوتوێکرا و جەخت لە پتەوکردنی پەیوەندییەکان و چارەسەرکردنی سیاسییانەی کێشەکان کرایەوە لە پێناو ئارامی و ئاشتی لە ناوچەکە.

بافڵ تاڵەبانی پەرۆشی یەکێتی دووپاتکردەوە بۆ چارەسەرکردنی ڕیشەیی گرفت و کێشەکان لەسەر بنەمای دەستوور و ئاماژەی بە دروستکردنی کۆدەنگی نیشتمانی کرد لەسەر ئاستی ھەرێم و عێراق بۆ ڕووبەڕووبوونەوەی تەحەددییەکان و ڕایگەیاند، کاتی ئەوە ھاتووە پێکەوە ھەموو ھێزە شۆڕشگێڕەکان لەسەر بنەمای متمانە و بەرژەوەندوی گشتی لاپەڕەیەکی نوێ ھەڵدەینەوە و پەیوەندییەکی دۆستانە بونیادبنین و وڵات بەرەو دۆخێکی باشتر ببەین، چونکە لەم دۆخە پڕ لە کێشمەکێش و مەترسییەدا تەنھا گفتوگۆ و زمانی ھاوبەش دەمانگەیەنێتە کەناری ئارامی.

ھەر لە دیدارەکەدا ھەردوولا تەئکیدیانکردەوە لە پەرەپێدانی پەیوەندییە لەمێژینەکانی نێوانیان و کارکردنی پێکەوەیی لەپێناو بەرژەوەندی گشتی و خزمەتکردنی زیاتری کۆمەڵانی خەڵک و سەقامگیری زیاتر لە ناوچەکە.

قوباد تاڵەبانی جێگری سەرۆکی حکومەتی ھەرێم لە پێگەی تايبەتی خۆی لە تۆڕی کۆمەڵایەتی فەیسبوک نووسیوێتی رووداوەکەی چیای مەتینا رووداوێکی دڵتەزێن بوو کە بووە مایەی نیگەرانی و پەرۆشی ھەموو کوردێکی دڵسۆز و نیشتمانپەروەر، گەلەکەمان لە رابردوودا تاڵی و ناخۆشی زۆری بینیوە بەھۆی ئاڵۆزی و شەڕی نێوان لایەنە کوردییەکانەوە، بۆیە حەق نییە ئەم گەلە خێرنەدیوە لەوە زیاتر تووشی دڵەڕاوکێ و نیگەرانی بکرێت، دۆخەکە وا دەخوازێت ھەموو لایەکمان لە قسە و کردار و ھەڵوێستماندا بەرپرسیارانە مامەڵە بکەین و لەم دۆخەدا لە ھەمووکات زیاتر پێویستمان بە یەکڕیزی و بیرکردنەوەی ورد و دان بەخۆداگرتن ھەیە بۆ ئەوەی ھەرێمی کوردستان و گەلی کورد بەگشتی لەو مەترسیانەی ھەن پارێزراوبێت.

ئاماژەی بەوەشکردووە، بەرھەمی ئاڵۆزی و ناکۆکییەکانی رابردوومان تەنیا شکست و بێھیوایی بووە بۆ گەلەکەمان، تا ئێستاشی لەگەڵدابێت ئێمە باجی شەڕی خۆکوژی و ئاڵۆزییەکانی رابردوومان دەدەین. ئەگەر لەم قۆناغەشدا بەردەوام بین لەسەر ھەڵە کوشندەکانی رابردوو بێ گومان دەرەنجامەکەی شکست و بێھیواییەکی گەورەتر دەبێت بۆ ھەموو کورد. بۆیە ئێستا ھەموو لایەکمان لەبەردەم بەرپرسیارێتییەکی گەورەداین و دەبێت ھەموو ھەوڵێکمان بە ئاراستەی چارەسەرکردن بێت نەک ئاڵۆزترکردنی دۆخەکە؛ با ژیرانە و خەمخۆرانە و کوردانە و بەرپرسیارانە کێشەکان چارەسەر بکەین.

قوباد تاڵبانی لە کۆتایی نوسینەکەیدا دەڵێت، لەدڵەوە پرسەو سەرەخۆشی ئاراستەی کەسوکاری پێشمەرگە شەھیدەکانی چیای مەتینا دەکەم و ھیوای زوو چاکبوونەوەش بۆ بریندارەکان دەخوازم و ھیوادارم بە حیکمەت و دانایی پێش بە دووبارەبوونەوەی رووداوی دڵتەزێنی دیکە بگرین.

لە کۆبوونەوەکەدا کە ژمارەیەک لە ئەندامانی مەکتەبی سیاسی و سەرکردایەتیی یەکێتی ئامادەیبوون گفتوگۆی ھەمەلایەنە لەسەر دۆخی گشتی و پرسە سیاسی، ئابووری، ئەمنییەکان کرا و کێشەکانی ھەرێم و عێراق و بونیادنانی زەمینەیەکی لەبار بۆ گفتوگۆی بونیادنەرانەی نیشتمانی و زاڵبوون بەسەر کێشە و ناکۆکییەکان تاوتوێکران.

بافڵ تاڵەبانی خواستی یەکێتی تەئکیدکردەوە بۆ چارەسەرکردنی ئەو کێشانەی بوونەتە بەربەست لە بەردەم تێپەڕاندنی ئەم دۆخە و قەیرانەکان و ڕوونیکردەوە، یەکێتی لەسەر بنەمای بەرژەوەندی ھاوبەش و مێژوویی دەمانەوێت وەحدەیەکی نیشتمانی بونیادبنێن و بە بەشداری ھەموولایەک ھەوڵبدەین بەسەر گرفتەکان زاڵبین و چارەسەری کێشەکان بکەین و پەنا بۆ دیالۆگی نیشتمانی ببەین.

ھاوسەرۆک بونیادنانی پەیوەندیەکی بەھێز و پتەوی لە نێوان ھەرێم و بەغدا بە فاکتەری پێشخستنی ھەرێم و عێراق لە قەڵەمدا و ئاماژەی بە بووژاندنەوەی پێکەوەژیان و یەکترقبووڵکردن و کۆتایھێنان بە دەمارگیری مەزھەبی، نەتەوەیی و ئایینی کرد و بۆ ئەوەش پڕۆژەی ئاشتەوایی نیشتمانیی بەزەروور لە قەڵەمدا. داواشیکرد دەستوور چەتری کۆکەرەوەی ھەمووان بێت و چیتر ڕێگەنەدرێت بەرژەوەندی خەڵک و پرسە نەتەوەییەکان تێکەڵ بە ململانێ سیاسییەکان بکرێت.