لە ساڵانی ٢٠١٤ تا ٢٠٢١ حکومەتی ھەرێم یاسای بودجەی نەبووە، رێکخراوێکیش لە ھەولێر گفتوگۆیەکی کراوەی لەسەر پرسی پڕۆژەیاسای بودجە رێکخست، بەو مەبەستەی حکومەتی ھەرێم ببێتە خاوەنی یاسای بودجە لە ساڵی ٢٠٢٢دا، بەڕێوەبەری گشتی بودجەش لە وەزارەتی دارایی دەڵێت،  ئامادەکاری بۆ پڕۆژەیاسای بودجەی ٢٠٢٢ دەکەن.

بەڕێوەبەری وێستگەی کەشناسی چەمچەماڵ دەڵێت سیستمی پێشکەتوویان لە بەردەستدا نییە بۆ پێوانەکردنی ڕەوشی کەشوھەوا و بەشێک لەو ئامێرە کلاسیکیانەشی ئێستا لەو بوارەدا بەکاریاندەھێنن سوودیان نەماوە و توانای چاککردنەوەی ئامێرەکانیشان نییە.

ھاوکات ٦ ئۆتۆمبێل ئاوبردوونی، و جێی ئاماژەیە لە ماوەی سێ مانگدا بۆ جاری سێیەمە لافاو لە ھەولێر دروست دەبێت.

بەڕێوەبەری ڕێگەوبانی گەرمیان ڕایدەگەیەنێت بڕیاری قیرتاوکردنی ئەو ڕێگەیە ھەیە و لە ماوەی ڕابردوودا بەشێکی چاککراوەتەوە و تەنھا کەمتر لە دوو کیلۆمەتری ماوە.

لە بنکەی تەندروستی گوندی ژیلیایە لەسنووری برادۆست، لە مانگێکدا ٤ ڕۆژ و لە ساڵێکدا ٤٨ ڕۆژ گوندنشینان سەردانی ئەو بنکە تەندروستییە دەکەن بۆ وەرگرتنی چارەسەر.

زۆربەی گوندنشینانی ئامێدی شوێنەکانی خۆیان جێھێشتووە و ناتوانن سوود لە بەروبووم و زەوییە کشتوکاڵییەکانیان وەربگرن، بۆیە داوای کۆتاییھاتنی ئەو ھێرشانە دەکەن.

سەرپەرشتیاری ئیدارەی گەرمیانیش بۆ چارەسەری کێشەکانیان سەردانی ناحیەکەی کرد و بڕیاردرا دەستبەجێ بەشێک لە کێشەکانی کارگێڕی و ڕێگاوبانی ناوچەکە چارەسەر بکرێت.