راپۆرت
د. یاد نەقشەبەندی بەڕێوەبەری نەخوشخانەی ھیوا ڕایگەیاند، لە پارێزگاکانی سلێمانی و ھەڵەبجە ڕۆژانە ١٠ کەس تووشی نەخۆشی شێرپەنجە دەبن.
ئەندازیارانی سەرپەرشتیاری پڕۆژەکانیش دەڵێن، بەشە ناوخۆییەکانی قەزای چەمچەماڵ لە ماوەیەکی کورت و دیاریکراو و بە پێی مەرجە ھونەری و ئەندازەییەکان نۆژەنکراوەتەوە و ئەنجامدراون.
ڕێکخراوی سپارکی ھۆڵەندی لە ماوەی سێ ڕۆژدا لە ڕێگەی کەسانی شارەزا و ڕاھێنەرانی ھۆڵنداوە، ڕاھێنان بە ژمارەیەک لە ڕاوێژکاران و بەڕێوەبەرانی گشتیی لە دامەزراوەکانی حکومەت دەکات، بە ئامانجی داڕشتنی پلانێکی نیشتیمانی بۆ ڕووبەڕووبوونەوەی توندڕەوی و توندوتیژی لە ھەرێمی کوردستان.
ڕەھێل قەرەداغی، سەرۆکی ڕێکخراوی سپارکی ھۆڵەندی لە ھەرێم ڕایگەیاند، دەیانەوێت لە پلانەکەیاندا گەنجان سەنتەر بن.
تەرمی پێنج کۆچبەری تری کورد لە ڕێگەی فڕۆکەخانەی نێودەوڵەتی ھەولێرەوە گەڕێندرانەوە ھەرێمی کوردستان و ڕادەستی کەسوکاریان کرانەوە، تەرمی دوو لە کۆچبەرەکان دەبرێنەوە بۆ ڕاپەڕین و سیانیشیان بۆ کەرکوک و بەخاکدەسپێدرێن.
کۆتایی ساڵی ڕابردوو ٩ کۆچبەر لە دەریای ئیجە خنکان و ھەفتەی ڕابردووش تەرمی چوار کۆچەری تریان گەڕێندرابوونەوە ھەرێمی کوردستان.
ئەو دوو ھاوڵاتییە توانیوویانە کارەبای ٢٤ سەعاتی بە وزەی ٣٠ ئەمپێر بۆ چەند ماڵێک ڕابکێشن، دەشڵێن ئەگەر پشتیوانی بکرێن دەتوانن پڕۆژەکەیان فراوانتر بکەن بۆ بەرھەمھێنانی وزەی زیاتری کارەبا.
جێی باسە ئەم دوو ھاوڵاتییە پێشتر نەچوونەتە بەر خوێندن و بە توانا و بیرکردنەوەی خۆیان ئەم کارەیان ئەنجام داوە.
لە سنوری ئاکرێ ٣ ھەزار و ٥٠ نەخۆشی شەکرە ھەیە و ٤٠٪یان دەرمان لە دەرەوەی نەخۆشخانەکان دەکڕن، ئەوەش بارگرانی لەسەر دروستکردوون.