دوای زیاتر لە سێ مانگ و گەمارۆ توندەکانی ئەمریکا،  کەشتییەکی نەوتهەڵگری ئێران کە دوو ملیۆن بەرمیل نەوتی هەڵگرتووە، گەیشتە چین

کۆمپانیای تانکەر تراکەرز کە چاودێری جوڵەی کەستییەکان دەکات رایگەیاند، بارێکی نەوتی خامی ئێران کە بڕەکەی دەگاتە دوو ملیۆن بەرمیل، پاش سێ مانگ و نیو مانەوە لە ئاوەکاندا، بەم دواییانە گەیشتووەتە چین.

کۆمپانیاکە لە ڕێگەی پەیامێکەوە لە تۆڕی کۆمەڵایەتیی ئێکس ئاشکرای کرد، وێنە مانگە دەستکردەکان پەیوەستبوونی کەشتییەکی نەوتهەڵگری پەیوەندیدار بە ئێرانیان لە بەندەرەکانی چین پشتڕاستکردووەتەوە، بەڵام هیچ زانیارییەکی وردتری لەو بارەیەوە نەداوە.

ئەمەش لە کاتێکدایە کە بەپێی ڕاگەیەندراوە رەسمییەکانی ئێران، تەنیا لە شەش مانگی یەکەمی ئەمساڵدا زیاتر لە 16 ملیار دۆلار نەوت رەوانەی دەرەوە کراوە.

لە بەرانبەردا، سێنتکۆم رایگەیاندوە، لە دەستپێکی گەمارۆکانەوە ئێران نەیتوانیوە هیچ بڕە نەوتێک هەناردەی دەرەوە بکات و ئابورییەکەیان نزیکبوەتەوە لە سفر.

دۆناڵد ترەمپی سەرۆکی ئەمریکا، رایگەیاند توانای سەربازی ئێران بە تەواوەتی لاواز بووە، ئەو هەڕەشەی موجتەبا خامنەییش کردی، لوتکەی نائومێدییە کاتێک پۆشاکی دەسەڵات دەپۆشێت.

سەرۆکی ئەمریکا، لە پەیامێکیدا لە تروس سۆشیال، وەڵامی هەڕەشەکەی موجتەبا خامنەیی داوەتەوە، کاتێک فەرمانی بە لێپرسراوە سەربازییەکانی کرد، ئامادەبن بۆ هەر وەڵامدانەوەیەک بە بێ دیاریکردنی سنوری جوگرافیا لە  ئەگەریی هێرشی ئەمریکا یان ئیسرائیلدا.

ترەمپ بە بەراوردکردنی توانای سەربازیی کۆماری ئیسلامی پێش و پاش هەشت مانگ لە جەنگ، جەختی لەوە کردەوە کە هێزی دەریایی ئێران تێکشکێنراوە، ژێرخانی ئەتۆمی لەناوبراوە و حزبوڵای لوبنانیش روبەڕووی لاوازییەکى زۆر بووەتەوە.

دۆناڵد ترەمپ لە پەیامەکەدا،  ئاماژەی بەوەکردوە، لە سەرەتاوە توانای سەربازیی ئێران زیاتر نمایش بووە تا راستی؛ لەم جەنگەدا ئەو راستییە سەلمێندراوە.