رافائیال گرۆسی، بەڕێوەبەری ئاژانسی نێودەوڵەتی وزە، رایگەیاند پرۆسەی ئاسایی بوونەوەی ئەو قەیرانی وزەیەی بەهۆی جەنگ و ئاڵۆزییەکانەوە دروست بووە، ماوەی دوو ساڵ بخایەنێت و لە ئێستدا جیهان رۆژانە 13 ملیۆن بەرمیل نەوت لەدەستدەدات.

 گرۆسی ئاماژەی بەوە کردووە کە نرخە هەنووکەییەکانی وزە لە بازاڕەکاندا بە تەواوی گوزارشت لە قووڵیی و توندی ئەو کێشە راستەقینەیە ناکەن، کە بەهۆی  جەنگی رۆژهەڵاتی ناوەڕاستەوە بەرۆکی جیهانی گرتووە.

گروسی هۆشداری دا لەبارەی قەبارەی زیانەکان و رایگەیاند، کە لە ئێستادا بەهۆی کاریگەرییە نەرێنییەکانی جەنگەوە لە ناوچەکەدا، رۆژانە بڕی 13 ملیۆن بەرمیل نەوت لەدەست دەدرێت، ئەمەش فشارێکی زۆری خستوەتە سەر بازاڕەکانی وزە و پێویستی بە کاتێکی زۆر هەیە بۆ گەڕانەوە بۆ رەوشی پێشوو.

بەبۆنەی ساڵیادی ئەنفالەوە، مەکتەبی سیاسیی یەکێتیی نیشتمانی کوردستان، پەیامێکی بڵاوکردوەتەوە و تێیدا هاتووە؛  ئەمساڵ  سی و هەشت ساڵ بەسەر ئەو تاوانە کۆمەڵکوژیەدا تێدەپەرێت کە بە هەشت قۆناغی پڕ ناسۆر دژی گەلەکەمان بەرپا کرا.

ئاماژەی بەوەشکردوە، لەو کۆمەڵکوژیەدا هەزاران هەزار ژن و پیاو و منداڵی کورد کرانە قوربانی سیاسەتی رژێمی دڕندەی بەعس، لەو ساڵیادەدا یەکێتیی دوپاتی دەکاتەوە خاوەندارێتی هەمیشەیی لە ماف و شایستەکانی قەرەبووکردنەوەی مادی و مەعنەوەی و خزمەتکردنی کەسوکاری ئەنفالکراوان و خەڵکە خۆراگرەکەمان دەکاتەوە و بێ درێغ هەوڵیان  بۆ دەدات .

 

دەقی پەیامەکەی مەکتەبی سیاسیی 

ئەنفال  زامێکی قووڵە  لە جەستەی نەتەوە و نیشتمان و خەمێکی  هەمیشەیی  کوردستانی و ئینسانییە.

ئەمساڵ کە سی و هەشت ساڵ بەسەر ئەو تاوانە کۆمەڵکوژیەدا تێدەپەرێت کە بە هەشت قۆناغی پڕ ناسۆر دژی گەلەکەمان بەرپا کرا و هەزاران هەزار ژن و پیاو و منداڵی کورد کرانە قوربانی سیاسەتی رژێمی دڕندەی بەعس، تەئکید لەسەر  بڕیاری دادگای باڵای تاوانەکان دەکەینەوە کە ئەنفالی بە تاوانی جەنگ و دژە مرۆیی ناساندووە و خەباتی بێوچانیشمان  بۆ بە نێودەوڵەتیکردنی کەیسەکە  وەک جینۆساید و تاوانی دژی مرۆڤایەتی چڕ تر دەکەینەوە.                                                                                 

یەکێتیی نیشتمانیی کوردستان لە رێی دامودەزگاکانی حکومەتی هەرێم و فیدراڵەوە خاوەندارێتی هەمیشەیی لە ماف و شایستەکانی قەرەبووکردنەوەی ماددی و مەعنەوەی و خزمەتکردنی کەسوکاری ئەنفالکراوان و خەڵکە خۆراگرەکەمان دەکاتەوە و بێ درێغ هەوڵیان  بۆ دەدات .

 

لەیادی ئەو کارەساتەدا

سەری رێز بۆ گیانی پاکی شەهیدانمان  دادەنەوێنین.

درود بۆ خۆڕاگریی كەسوكاری  بێسەرو شوێنبوانی ئەنفال.

 

مەکتەبی سیاسیی

یەکێتیی نیشتمانیی کوردستان

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە محەمەد سەمعان ئاغا، سەرۆکی بەرەی تورکمانی عیراقی کرد و لە میانی دیدارەکەدا جەخت لە دوورخستنەوەی وڵات لە ململانێکان کرایەوە.

لە دیدارێکدا کە د. خالید شوانی، وەزیری دادی عیراق ئامادەبوو، هەڵسەنگاندن بۆ رەوشی ناوچەکە و عیراق کرا و جەخت لە دوورخستنەوەی وڵات لە ململانێکان کرایەوە.

هەردوولا دووپاتیان لە تەواوکردنی رێکارە دەستوورییەکان و پێکهێنانی حکومەتێکی نیشتمانیی خزمەتگوزار کردەوە کە ببێتە مایەی خۆشگوزەرانی و ئارامی زیاتر بۆ هاووڵاتیان.