زیاتر لە دوو دەیە "گوگڵ" کورتە رێگایەکە بۆ دۆزینەوەی هەر شتێک بە شێوەی ئۆنلاین، ئەمەش رێگەی بە گوگڵ داوە، ئیمپراتۆریەتێکی 2 تریلیۆن دۆلاری دروست بکات.

بەڵام بڵاوبوونەوەی ChatGPT لە مانگی نۆڤەمبەری2022گۆڕانکارییەکی ریشەیی بەخۆیەوە بینی و تا ئێستاش کاریگەرییەکانی هەست پێدەکرێن، بەجۆرێک زیاتر هەست بە بێ رۆڵی گوگڵ دەکرێت.

ئامرازەکانی چات لە کۆمپانیای OpenAI و کۆمپانیایەکی دەستپێشخەر بە ناوی Perplexity وەڵامی پێشوەختە پێشکەش دەکەن لەبری لیستی ماڵپەڕەکان، ئەمەش هاندەری بەکارهێنەران و هەندێک کۆمپانیای گەورەی تەکنەلۆژیایە بۆ ئەوەی بیر لەوە بکەنەوە کە ئێستا کام ئایکۆن لەسەر شاشەی سەرەکی دەردەکەون.

لە ڕاستیدا، Perplexity سەرنجێکی بەرچاوی بۆخۆی لەلایەن هەندێک لە گەورەترین کۆمپانیا زەبەلاحەکانی تەکنەلۆژیاوە راکێشاوە و ئەگەر ئەم گرێبەستانە سەرکەوتوو بن، ئەوا بەم زووانە دەتوانێت لەسەر شاشەی سەرەکی مۆبایلە زیرەکەکانت بە پێوەرێک دەربکەوێت کە بتوانێت پاڵنەر بنێت بۆ ئەوەی ببێتە گوگڵی داهاتوو.


گوگڵ پێبڕکێ لەگەڵ کات دەکات:

لە پشت پەردەوە گوگڵ پێشبڕکێ دەکات بۆ تێکەڵکردنی AI ی دروستکراوی خۆی لە بزوێنەری گەڕان، پێشبڕکێیەک کە لە دوای بڵاوبوونەوەی ChatGPTەوە ناچار بووە بەشداری تێدابکات، چونکە تێدەگات کە مامەڵەی دابەشکردن لەگەڵ رکابەرەکانی دەتوانێت لە شەوێکدا خووی بەکارهێنەر بگۆڕێت.


ئامارە سەرەتاییەکان لە ئێستاوە ئاماژە بە گۆڕانکاری لە ئاراستەی ئەوکەسانەدا دەکەن کە گوگڵ بەکاردەهێنن، شیکارییەکی بانکی ئەمریکا دەڵێت؛ کە لە تەواوی جیهان دا سەردانیکەران لە چاو ساڵی رابردودا بۆ گوگڵ زۆر کەمبووەتەوە، لە کاتێکدا سەردانەکان بۆ چاتجی پی تی لە ماوەی 12 مانگی رابردوودا بە ڕێژەی 160% زیادی کردووە.
لێکۆڵینەوە جیاوازەکانی مۆرگان ستانلی ئاماژە بەوە دەکەن کە ChatGPT وەک هەڵبژاردەی پەسەندکراو بۆ نەوەی Z دەمێنێتەوە، و زۆرێک لەم نەوەیە هەرگیز تەنانەت بیر لە گەڕان لە گوگڵ ناکەنەوە.

سەرەتاکان و ئامارەکان لە ئێستادا بۆ گوگڵ دڵخۆشکەرنین و رەنگە 2025 وەک ساڵی مردنی گوگڵ، یان پاشەکشێیەکی زۆری ئەو کۆمپانیا جیهانیە بێت.