یخیئێل لایتەر، باڵیۆزی ئیسرائیل لە ئەمریکا، رایگەیاند، دوای هێرشە  بالیستییەکانی ئێران بۆ سەر ئیسرائیل، سوپای وڵاتەکەی بنکەکانی هاویشتنی موشيکی زەوی بە زەوی و هەروەها چەند ژێرخانێکی کردووەتە ئامانج، کە پەیوەندییان بە کەرتی وزەوە نەبووە.

 لە پەیامێکدا لە تۆڕی کۆمەڵایەتیی ئێکس، یخیئێل لایتەر، باڵیۆزی ئیسرائیل لە ئەمریکا رایگەیاند ئێران 11 مووشەکی بالیستیی ئاڕاستەی ئیسرائیل کردووە، کە هەر یەکێکیان دەتوانێت گەڕەکێکی تەواو وێران بکات و سەدان کەس بکوژێت.

لە پەیامەکەیدا جەختیکردوەتەوە، هیچ وڵاتێک لە جیهاندا کە خاوەنی کەرامەتی خۆی بێت، هێرشی لەو شێوەیە قبووڵ ناکات و ئیسرائیلیش قبوڵی ناکات.

باڵیۆزی ئیسرائیل لە بەشێکی تری پەیامەکەیدا هۆشداریداوە؛ خەڵکی لوبنان حزبوڵایان وەک هێزێکی بەوەکالەتی ئێران رەتکردووەتەوە و بە ئێرانیان گوتووە لە وڵاتەکەیان بچێتە دەرەوە؛ هۆشداریی ئەوەشی دا ئەگەر حزبوڵا هێرش بکاتە سەر ئیسرائیل  بنکەکانی فەرماندەیی لە گەڕەکی زاحییە بە توندی دەکرێنە ئامانج.

كەتیبەكانی حزبوڵای عیراق ئەركی عەلی زەیدی سەرۆك وەزیرانی نوێی عیراق  بۆ كۆكردنەوەی چەك لەدەستی دەوڵەت سەخت دەكەن  چونكە ئامادەنین چەكەكانیان رادەست بكەن.

كەتیبەكانی حزبوڵای عیراق پێداگری لەسەر هێشتنەوەی چەكەكانی دەكات و هەر جۆرە گفتوگۆیەك لەمبارەیەوە ڕەتدەكاتەوە ئەم هەڵوێستە پرسیار و گومانی زۆری لەسەر توانای حكومەتەكەی عەلی زەیدی دروستكردووە؛ بەتایبەت لەم كاتەدا كە واشنتۆن فشارەكانی بۆ سەر بەغداد چڕكردووەتەوە بۆ كۆنترۆڵكردنی چەكی ئەو گرووپانەی كە ئەمریكا وەك ڕێكخراوی تیرۆریستی پۆلێنیان دەكات.

عەلی زەیدی، كە لە ناوەڕاستی مانگی ئایارەوە پۆستەكەی وەرگرتووە، بەڵێنی داوە چەك تەنها لە دەستی دەوڵەتدا بێت، بەڵام ئەم دۆسیەیە دوای گۆڕانكارییە هەرێمییەكانی جەنگی غەززە و جەنگی ئێران، هەستیارییەكی زیاتری بەخۆوە بینیوە.

لهێب هیگڵ، گەورە شیكەرەوەی كاروباری عیراق لە گرووپی قەیرانی نێودەوڵەتیی، ئاماژەی بەوەكرد  عەلی زەیدی  رووبەروی كۆمەڵێك قەیران دەبێتەوە، چونكە عیراق بوەتە شوێنی یەكلایی كردنەوەی ململانێكانی ئەمریكا و ئێران و بەو هۆیەشەوە دەوڵەت ناتوانێت كۆنترۆڵی تەواوی هێزەكان بكات.

شیكەرەوەكانیش پێیانوایە، رۆڵی زەیدی لە نێوان كەسایەتییەكی راگوزەر یان كەسێك كەبتوانێت دەسەلاتەكانی وەك سەرۆك وەزیران بسەپێنێَت پەیوەستە بە قۆستنەوەە ئەو دەرفەتەی كە هاتوەتەبەردەستی و بەهۆیەوە ئەو پۆستە باڵایەی وەرگرتوە  .

چەند بژاردە و سیناریۆیەك لەبەردەم حكومەتی عیراقدا بۆ مامەڵەكردن لەگەڵ گروپە چەكدارەكان كە هەر یەكەیان لێكەوتەی خۆیان هەیە، لەوانە، رووبەڕووبوونەوەی توند بۆ بەدەستهێنانی رەزامەندی ئەمریكا و گێڕانەوەی شكۆی دەوڵەت، بەڵام مەترسی هەڵگیرسانی شەڕی ناوخۆیی و ناسەقامگیری ئەمنی لێدەكەوێتەوە.

چاوپۆشین  لە گروپە چەكدارەكان و پاراستنی ئارامی كاتی و دووركەوتنەوە لە جەنگی ناوخۆیی، بەڵام رووبەڕوبوونەوەی سزای ئابووری توندی ئەمریكای لێدەكەوێتەوە.

یان تێكەڵكردنی قۆناغ بە قۆناغ ئەو گروپە چەكدارانە و تێكەڵكردنیان بە دامودەزگاكانی دەوڵەت ، بەڵام ئەم پڕۆسەیە زۆر ئاڵۆزە و ر پیچدەچێت گرووپە ئایدۆلۆژییەكان یان واشنتۆن پێی رازی نەبن.

قوباد تاڵەبانی جێگری سەرۆک وەزیرانی هەرێمی کوردستان بڵاویکردەوە، ئەمڕۆ پەردەیان لەسەر پەیکەری عومەر شێخ موس و ئەگنیتا لاداوە و دەشڵێت: مایەیەی شەرەفێکی گەورەیە.

دەقی بڵاوکراوەکە:

ئەو کاتەی خۆشەویستی و خەبات بۆ ئازادی گەلی کورد ئاوێتەی یەکتر دەبن، چیرۆکێکی نوێ لەدایک دەبێت، چیرۆکی ژیانی عومەر شێخ موس و ئەگنیتا (خوشکە تارا).

ئەمیان لە شاری عامودای رۆژئاوای کوردستانەوە، بە دڵێکی شەیدا و پڕ لە خۆشەویستی کوردستانەوە و بە عەقڵ و بیرێکی کوردانەوە دەکەوێتەڕێ و سنوورە دەستکردەکان دەبڕێت و خۆی لەناو خەباتی باشووری کوردستان و لەناو دەستەی دامەزرێنەری یەکێتیی نیشتمانیی کوردستاندا دەبینێتەوە. ئەویتریشیان بە دڵێکی پڕ لە خۆشەویستی هاوسەرەکەی و بە بیرێکی ئازادیخوازانە و مرۆڤدۆستانەوە سنووری نەتەوەکان دەبڕێت و خۆی لە چیاکانی کوردستان و لەناو ریزی خەباتکارانی کورددا دەبینێتەوە.

ئەمڕۆ بە شەرەفێکی گەورەوە وەک وەفایەک پەردەمان لەسەر پەیکەری ئەو دوو هەڤاڵە خەباتکارەمان لادا. بۆ هەمیشە شانازییان پێوەدەکەین. هیوای تەندروستی و تەمەندرێژی بۆ کاک عومەری سەرکردە و هاوڕێی دێرینی سەرۆک مام جەلال دەخوازین و سڵاو بۆ گیانی پاکی خاتوو ئەگنیتای کۆچکردوو دەنێرێن.