بەهۆی ژێرئاوكەوتنی بەلەمێكی كۆچبەران لەنێوان توركیا و یۆنان سێ كۆچبەر خنکان
١٧ی کانوونی دووەمی ٢٠٢٥
بەلەمێكی كۆچبەران لەنێوان توركیا و یۆنان ژێرئاوكەوت، تەرمی سێ كۆچبەر دۆزراوەتەوە و سیانی دیكەش بێسەروشوێنن.
میدیاكانی توركیا بڵاویانكردەوە، بەلەمێكی كۆچبەران لە دەریای ئیجە لە سنووری شاری ئایدن كە بەڕێوەبووە بەرەو یۆنان ژێرئاوكەوتووە، دوای ئاگاداركردنەوە تیمەكانی پاسەوانی كەناراوەكان بە هانایانەوە چوون و توانیویانە 32 كەس رزگار بكەن.
ئاماژە بەوەشكراوە، جگە لەو 32 كەسەی رزگار كراون، تەرمی سێ كۆچبەر دۆزراونەتەوە و سیانی دیكەش بێسەروشوێن بوون.
