بۆ یەکەمجار لە پارێزگای سلێمانی سەنتەرێکی جیهانیی بۆ چارەسەرکردنی توشبوانی مادە هۆشبەرەکان دەکرێتەوە، ئەمڕۆش بەردی بناغەکەیان دانا.

ئەمڕۆ یەکشەممە، لە پارێزگای سلێمانی بەردی بناغەی سەنتەرێکی جیهانیی تایبەتمەند بۆ چارەسەرکردنی ئالودەبوانی مادە هۆشبەرەکان راگەیاند، کە بڕیارە لە ماوەی حەوت ساڵدا تەواو بکرێت.

سەنتەرەکە بە شێوەیەک دروستدەکرێت، کە لەگەڵ ستانداردە نێودەوڵەتییەکان بۆ چارەسەری ئالودەبون و چاکسازی گەنجان بگونجێت، ئەمەش یارمەتیان دەدات بۆ وەرگرتنەوەی ژیانی ئاسایی خۆیان و تێکەڵبوون بە کۆمەڵگە.

لە کۆنفرانشیکی رۆژنامەوانیدا، د. راهیل فەریدون، رایگەیاند، پڕۆژەکە نوێنەرایەتی ئەزونێکی ناوازە دەکات بەپێی ستانداردە نێودەوڵەتییەکان و هیواشی خواست، هیچ گەنجێک هەرگیز پێویستی بە خزمەتگوزارییەکانی سەنتەرەکە نەبێت.

ناوبراو ئاماژەی بەوەشکرد، سەنتەرەکە بەرنامەی چاکسازی و چاودێری بۆ ئەو گەنجانە دابین دەکات، کە بەدەست ئالودەبوونەوە دەناڵێنن و ئامانج لێی یارمەتیدانیان بۆ چاکبونەوە و گەڕانەوە بۆ ژیانی ئاسایی خۆیان و تێکەڵبوونیان بە کۆمەڵگە.

دادگای فیدراڵی عیراق، دەركردنی فەرمانسالاریی بۆ وەستانی كارەكانی پەرلەمانی كوردستان رەتكردەوە، بەڵام سكاڵاکە بۆ هەڵوەشاندنەوەی دانیشتنی دووەمی خولی شەشەمی پەرلەمان وەك خۆی ماوەتەوە.

دوای ئەوەی ئەمڕۆ دادگای باڵای فیدراڵیی عیراق، داواكاریی دەركردنی فەرمانسالاریی (ئەمری وەلائی) جووڵانەوەی نەوەی نوێی رەتكردەوە، پارێزەر دابان ئەحمەد جەبار روونكردنەوەیەكی یاسایی بڵاوكردەوە و جەختی كردەوە، ئەو بڕیارە بە مانای هەڵوەشاندنەوەی كۆی سكاڵاكە نایەت.

ئەو پارێزەرە ئاماژەی بەوەكردووە، رەتكردنەوەی فەرمانسالارییەكە تەنها رەتكردنەوەی داواكارییەكە بووە بۆ راگرتنی كاتیی كارەكانی پەرلەمانی كوردستان، نەك هەڵوەشاندنەوەی بنەڕەتی سكاڵاكەی نەوەی نوێ كە تایبەتە بە هەڵوەشاندنەوەی دانیشتنی رۆژی 4ـی تشرینی دووەمی 2026ـی پەرلەمانی كوردستان.

ئەو پارێزەرە روونیشی كردووەتەوە، بنەڕەتی سكاڵاكە تاوەكو ئێستا لە دادگای فیدراڵی یەكلانەبووەتەوە و پرۆسەی دادبینی تێیدا بەردەوام دەبێت، هەروەها جەختی لەوەشكردووەتەوە، بڕیاری رەتكردنەوەی فەرمانسالارییەكە بڕیاری كۆتایی نییە و لە رووی یاساییەوە قابیلی تانەلێدانە لە ڕێگەی پێشكەشكردنی داواكاریی ستەمدارییەوە.