لەسەر تێوەگلانی لە گەندەڵی و وەرگرتنی بەرتیل سزای شەش ساڵ زیندانی بەسەر بریكاری وەزارەتی پیشەسازیی عیراقدا سەپێنرا.

دەستەی دەستپاكی عیراق بڵاویكردەوە، لەسەر دۆسێی گەندڵی و بە تاوانی وەرگرتنی بەرتیل دادگای باڵای رووبەروبونەوەی گەندەڵی ناسر كازم جەبر، بریكاری وەزارەتی پیشەسازیی عیراقی بە شەش ساڵ زیندانی سزادا.

راشیگەیاندووە، ناوبراو بڕی 350 هەزار دۆلاری وەك بەرتیل لەبەرانبەر چاوپۆشیكردن و كەمتەرخەمی لە ئەركە كارگێڕییەكەی خۆیدا وەرگرتووە. 

ئەمەش دوای ئەوە دێت ڕۆژی 13ی مانگی ڕابردوو هێزێكی ئەمنی سەر بە دەستەی دەستپاكی لەكاتی وەرگرتنی بەرتیل و لە یەكێك لە خاوەن كارگەكانی چیمەنتۆ لە پارێزگای موسەننا بریكاری وەزارەتی پیشەسازی عیراقی دەستگیركرد  دەستگیركرا.
 

خاتوو شاناز ئیبراهیم ئەحمەد، لە نوسینگەی تایبەتی خۆی لەسلێمانی پێشوازی لە دکتۆر لوکا کۆلیڤا، بەڕێوەبەری نێردەی شوێنەوارناسی ئیتاڵی لەهەرێمی کوردستان  (MiSAK)کرد.

لەمیانی دیدارەکەدا تاوتوێی هەوڵی تیمەکانیان کرا بۆ ئەنجامدانی پرۆسەکانی گەڕان و پشکنین و توێژینەوە شوێنەوارییەکان لەسنوری گەرمیان لە کەلار و سەرقەڵا.

لەسۆنگەی گرنگیدان بەشوێنەوارە دێرینەکان و پاراستنی مێژووی شاری شاران، خاتوو شاناز ئاماژەی بەهەوڵەکان کرد بۆ بەرەوپێشبردنی دۆزینەوە شوێنەوارییەکان بەتایبەت دۆزینەوەی حەمامی دێرینی فاتمەخان لەبەشێکی گۆڕەپانی پشتەوەی سەرای سلێمانی کە پێگەیەکی گرنگی مێژوویی و رامیاری و کلتوریی هەیە و مێژووەکەی دەگەڕێتەوە بۆ سەردەمی فەرمانڕەوایی بابانەکان.

لای خۆشییەوە، تیمی شوێنەوارناسی ئیتاڵی ئامادەیی بەردەوامی خۆیان دەربڕی بۆ پێشکەشکردنی ڕاوێژی زانستی و تەکنیکی، و نەخشەرێگای پێویست بۆ هەنگاوەکانی ئایندە بە مەبەستی پاراستن، نۆژەنکردنەوە و لێکۆڵینەوەی زیاتر لەم پێگە مێژووییە گرنگە.

دواتر خاتوو شاناز ئیبراهیم ئەحمەد بەیاوەری تیمەکە شوێنەواری حەمامی فاتمەخانیان بەسەرکردەوە و لەنزیکەوە هەڵسەنگاندنیان بۆ شێوازی بیناسازی، کەرەستە سەرەکییەکان و دۆخی شوێنەوارەکە کرد.