بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە محەمەد سەمعان ئاغا، سەرۆکی بەرەی تورکمانی عیراقی کرد و لە میانی دیدارەکەدا جەخت لە دوورخستنەوەی وڵات لە ململانێکان کرایەوە.

لە دیدارێکدا کە د. خالید شوانی، وەزیری دادی عیراق ئامادەبوو، هەڵسەنگاندن بۆ رەوشی ناوچەکە و عیراق کرا و جەخت لە دوورخستنەوەی وڵات لە ململانێکان کرایەوە.

هەردوولا دووپاتیان لە تەواوکردنی رێکارە دەستوورییەکان و پێکهێنانی حکومەتێکی نیشتمانیی خزمەتگوزار کردەوە کە ببێتە مایەی خۆشگوزەرانی و ئارامی زیاتر بۆ هاووڵاتیان.

ئەمڕۆ دووشەممە، نزار ئامێدی، سەرۆک کۆماری عیراق، لە دوو کۆبوونەوەی جیادا لە کۆشکی بەغداد، پێشوازی لە محەمەد شیاع سودانی، سەرۆک وەزیرانی عیراق و قاسم ئەعرەجی راوێژکاری ئاسایشی نیشتمانی عیراق کرد. 

لە کۆبوونەوەکاندا،  پیرۆزبایی لە سەرۆک کۆماری نوێی عیراق کرا، هەروەها گرنگیی جێبەجێکردنی مەرجە دەستوریەکان و پێکهێنانی حکومەتێک کە نوێنەرایەتی هەموو عیراقیەکان بکات تاوتوێ کرا.

هەروەها دوایین پێشهاتە ئەمنییەکان و چەسپاندنی سەقامگیری وڵات تەوەرێکی تری کۆبوونەکان بوون.

لە نوێترین لێدوانیدا، دۆناڵد ترەمپی سەرۆکی ئەمریکا رایگەیاند، بە هیچ شێوەیەک رێگە نادەن ئێران ببێتە خاوەنی چەکی ئەتۆمی و بە هەر رێگەیەک بێت یۆرانیۆمە پیتێندراوەکە لە دەستی ئێران دەردەهێنن.

ترەمپ ئاماژەی بەوە کرد، کە ئێران تا ئێستا رەزامەندی نیشان نەداوە بۆ دەستبەرداربوون لە پیتاندنی یۆرانیۆم، بەڵآم پەیوەندییەکی تەلەفونی بۆهاتووە و وەک دەردەکەوێت  پەرۆشی رێککەوتن.

لەبارەی گەروی هورمزیشەوە، سەرۆکی ئەمریکا وتی، هیچ وڵاتێک ناتوانێت بە داخستنی گەروی هورمز کێشە بۆ جیهان دروست بکات  و ئەوان  گەروی هورمز بەکارناهێنین و پێویستمان پێی نییە، چونکە  نەوت و غازیان زیاترلە لەوەی پێویستیانە.

ترەمپ جەختیکردوە، سەرەڕای ئەوەی ژمارەیک وڵات ئامادەن بەشداری بکەن لە گەمارۆدانی گەروی هورمز، بەڵام ئەوان پێویستیان بە بەشداریی وڵاتانی دیکە نییە لە گەمارۆدانی بەندەرەکانی ئێران.