د. لەتیف رەشید، سەرۆک کۆماری عیراق رایگەیاند، جەژنی نەورۆز، بەو رەمزییەتە مێژووییە قووڵەی کە هەیەتی، بەرجەستەکەری ماناکانی نوێبوونەوە و سەرلەنوێ ژیانەوە و ئومێدە، ئاماژەی بەوەشکردوە، لەم بۆنەیەدا شانازیی خۆمان بەو هەمەجۆرییە کولتوری و شارستانییەی وڵاتەکەمان پێی دەناسرێتەوە دەردەبڕین.

بەبۆنەی جەژنی  نەورۆزەوە، د. لەتیف رەشید، سەرۆک کۆماری عیراق، پەیامێکی پیرۆزبایی بڵاوکردەوە  و تێیدا هاتووە؛ گەرمترین پیرۆزبایی ئاراستەی رۆڵەکانی گەلی کوردمان لە عیراق و تەواوی کوردانی سەرتاسەری جیهان دەکەین بەبۆنەی هاتنەوەی جەژنی نەورۆزی پیرۆز، هیوای تەندروستییەکی باش، خۆشی، خێر و ئاشتی بۆ هەمووان دەخوازین.

ئاماژەی بەوەشکردوە، جەژنی نەورۆز، بەو رەمزییەتە مێژووییە قووڵەی کە هەیەتی، بەرجەستەکەری ماناکانی نوێبوونەوە و سەرلەنوێ ژیانەوە و ئومێدە.

هەروەها رەنگدانەوەی بەهاکانی ئازادی و برایەتی و پێکەوەژیانی ئاشتییانەی نێوان پێکهاتەکانی یەک گەلە؛ هاوکات دەرفەتێکە بۆ بەهێزکردنی گیانی یەکڕیزی نیشتمانی و چەسپاندنی پرەنسیپەکانی خۆشەویستی و لێبوردەیی لەنێوان هەموو مرۆڤەکاندا.

لە بەشێکی دیکەی پەیامەکەیدا، سەرۆک کۆمار دەڵێت؛ لەم بۆنەیەدا شانازیی خۆمان بەو هەمەجۆرییە کولتووری و شارستانییەی وڵاتەکەمان پێی دەناسرێتەوە دەردەبڕین و جەخت دەکەینەوە لە سەر گرنگیی چەسپاندنی پێکەوەژیان و کارکردنی هاوبەش بۆ بەهێزکردنی سەقامگیری و بەدیهێنانی خواستەکانی گەلەکەمان بۆ داهاتوویەکی ئارام و گەشاوە.

کەشناسی هەرێم رایگەیاند، باران بارین بەردەوام دەبێت و لە ناوچە شاخاوییەکان ئەگەری بارینی بەفر هەیە ، لەباەری پلەکانی گەرماسەوە دەڵێت؛ سێ بۆ پێنج پلە دادەبەزن بەراورد بە تۆمارکراوەکانی دوێنێ.

بەڕێوەبەرایەتی گشتی کەشناسی و بوومەلەرزەزانیهەرێم پێشبینی بۆ 48 سەعاتی داهاتوو بڵاوکردوەتەوە و بە گویڕەی پێشبینییەکان باران بارین بەردەوام دەبێت و لە هەندێک کاتدا دەبێت بە لێزمە باران و پلەکانی گەرماش سێ بۆ پێنج پلە دادەبەزن.

لە باەری کەشی سبەینێشەوە، کەشی ئاسمان هەوری تەواو دەبێت و نمە باران و بارانی مامناوەند لە زۆربەی ناوچەکانی هەرێم بەردەوامی دەبێت .

لەباەری پلەکانی گەرماشەوە ئاماژەی بەوەکردوە،کەشی بە گشتی بە ساردی دەمێنێتەوە و نزیک دەبن لە تۆمارکراوەکانی ئەمڕۆ

بەرزترین پلەکانی گەرمای پێشبینیکراو بە پلەی سیلیزی بۆ رۆژی شيمەش بەم شێوەیەیە؛

هەولێر: 14 پلەی سیلیزی

پیرمام: 9 پلەی سیلیزی

سۆران: 11 پلەی سیلیزی

حاجی ئۆمەران: 4 پلەی سیلیزی

سلێمانی: 14 پلەی سیلیزی

چەمچەماڵ: 15 پلەی سیلیزی

دهۆک" 13 پلەی سیلیزی

زاخۆ: 13 پلەی سیلیزی

هەڵەبجە : 14 پلەی سیلیزی

گەرمیان: 16 پلەی سیلیزی

وەزیری بەرگری ئیسرائیل هۆشدارییەکی توند ئاراستەی دەسەڵاتی سوریا دەکات و رایدەگەیەنێت، کە رێگە نادەن هێرش بکرێتە سەر پێکهاتەی دروز لە ناوچەی سوەیدا.

ئیسرائیل کاتز، وەزیری بەرگری ئیسرائیل رایگەیاند، کە ئەو و سەرۆک وەزیران فەرمانیان بە سوپا کردووە ژێرخانی سەربازی  حکومەتیسوریا لە پارێزگای سوەیدا بکەنە ئامانج، ئەمەش وەک وەڵامدانەوەیەک بۆ هەر هەوڵێکی زیان گەیاندن بە دروزەکان.

 کاتز جەختی لەوەش کردەوەتەوە، کە ئیسرائیل رێگە نادات دەسەڵاتی سوریا شەڕی دژ بە ئێران و حزبوڵا بقۆزێتەوە بۆ لێدان لە دروزەکان  و بە هێزەوە لە هەموو بەرەکان بەردەوام دەبن بۆ پاراستنی هاوپەیمانەکانیان و دابینکردنی ئاسایشی ئیسرائیل و هاوپەیامناەکانی.

ناوبراو، راستەوخۆ روی کردوەتە دیمەشق و پێی وتون، تەلئەبیب دەستەوەستان ناوەستێت بەرامبەر هەر هێرشێک کە بکرێتە سەر دروزەکان بە بیانووی جەنگەوە.