نەوزاد کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی ھەرێمی کوردستان رایگەیاند، چەکی پارەی شایستەی دارایی گەنمی جووتیاران، بۆ ساڵی ٢٠١٥ و ٢٠١٦ گەیشتووەتە ھەرێمی کوردستان و ئەمڕۆش لە ھەولێر و دھۆک دەستبەخەرجکردنی دەکرێت. چەکی پارەکە بۆ ساڵی ٢٠١٥یە، بڕەکەی ١٣٩ ملیار و ٦٧٨ ملیۆن دینارە، و لە چەند رۆژی داھاتوودا لە سلێمانیش خەرجدەکرێت.

ناوبراو ڕاشیگەیاند، پارەی گەنمی جوتیارانی ھەرێم، بۆ ساڵی ٢٠١٥ لە ھەولێر ٦٠ ملیار و ٥٦٩ ملیۆن و ٧٤٨ ھەزار دینارە، لە سلێمانی ٤٤ ملیار و ١٢٩ ملیۆن ٤٠٤ ھەزار دینار، لە دھۆکیش ٣٤ ملیار و ٩٨٧ ملیۆن و ٩١١ ھەزار دینارە.