لە بارەی دەنگۆی گیان لەدەستدانی زیندانییەک لە چاکسازی گەورانی سلێمانی بەھۆی نەخۆشی کۆلێرا، کوردسات نیوز بەدواداچوونی بۆ ھۆکاری گیان لەدەستدانەکە کرد و سۆران باجەلان، بەڕێوەبەری چاکسازیی گەورانی سلێمانی بە کوردسات نیوزی راگەیاند، زیندانییەکە ئێوارەی دوێنێ گیانی لەدەستداوە و بۆ ئاشکرابوونی ھۆکاری گیان لەدەستدانی تەرمی زیندانییەکە رەوانەی پزیشکی دادی سلێمانی کراوە و تا ئێستا ئەنجامەکەی دەرنەچووە.

ئاشکراشیکرد، ژمارەیەک حاڵەتی سکچوون و ڕشانەوە لەناو زیندانییەکان ھەیە و چارەسەری پزیشکیان بۆ دەکرێت.