لە پەڕەی فەرمی خۆی لە تۆڕی کۆمەڵایەتی فەیسبوو، د. بڕیار ڕەشید ڕایگەیاند، دوای چەند جار دیدار و کۆبوونەوەمان لەگەڵ وەزارەتی تەندروستی عێراق، لەسەر دەستپێشخەری ئەوان کۆبوونەوەیەک ئەنجامدەدرێت بۆ کۆتاییھێنان بە کێشەی نەبوونی دەرمان.

د. بڕیار ڕەشید دەشڵێت، دوای چەند جار دیدار و کۆبوونەوەیان لەگەڵ وەزارەتی تەندروستی عێراق " لەسەر دەستپێشخەری ئێمە کۆبوونەوەیەکی فراوان لە نێوان وەزارەتی تەندروستی و کۆمپانیای بە بازاڕ کردنی دەرمان  و پێداویستییە پزیشکییەکان(کیمادیا)  وبەڕێوبەرایەتی تەندروستی سلێمانی لەکۆتایی ھەفتەی داھاتوو سازبکرێت بۆ کۆتایھێنان و چارەسەرکردن کێشەی نەبوونی دەرمان."

پێشتریش لەسەر ڕاسپاردەی بافڵ تاڵەبانی ھاوکاری و پێداویستی پزیشکی بۆ ماوەی دوو مانگ بۆ سەرجەم نەخۆشخانەکانی سلێمانی دابین کرا.