گۆشەی ئەمریکی سلێمانی پیرۆزبایی 26 هەمین ساڵیادی دامەزراندنی دەزگای میدیایی کوردسات دەکات و دەڵێت؛ کوردسات پاپەندی کاری پیشەیی بووە و بەردەوام بەرنامەی زانیاری بەخشی پێشەکەش کردووە.

دەقی پیرۆزبایی گۆشەی ئەمریکی سلێمانی....

بۆ دەزگای میدیای کوردسات

بەناوی گۆشەی ئەمریکی سلێمانی -  American Corner Sulaymaniyah گەرمترین پیرۆزبایی خۆمان ئاڕاستەی دەزگای میدیای کوردسات دەکەین بۆ کارە بەردەوام و ناوازەکانتان لە بواری راگەیاندن و رۆژنامەگەریدا. پابەندبوونی ئێوە بە کاری پیشەیی، هۆشیاریی کولتووری و پێشکەشکردنی بەرنامەی زانیاری بەخش، رۆڵێکی گرنگی بینیوە لە داڕشتنی وتووێژی گشتی و بەهێزکردنی پەیوەندیتان لەگەڵ وەرگرانتاندا.

هەروەها ستاییشی دڵسۆزی و خەمخۆریی لەمێژینەی کوردسات دەکەین کە هەر لەسەرەتای دامەزراندنیەوە کاری کردووە بۆ پاراستنی بەها کولتوورییەکان و هەستکردن بە بەرپرسیارێتی لە ئاست یادکردنەوە و برەودان بە کولتووری کوردی.

هاوبیر حەمەعەلی عەبدوڵا
بەڕێوەبەری  ACS

د. زێندین مەولود ئامۆکەیی، بریکاری وەزارەتی ئەوقاف و کاروباری ئایینی پەیامێکی پیرۆزبایی ئاڕاستەی دەزگای میدیایی کوردسات کردووە.

 بریکاری وەزارەتی ئەوقاف و کاروباری ئایینی لە پەیامەکەیدا دەڵێت: 

26 ساڵ دامەزراندنی کەناڵە سەنگینەکە پیرۆزبێت
کوردسات لە سەرتای دامەزراندنیەوە بەو رێڕەوە جوان و رۆژنامەوانیەوە دەڕوات کە توانیویەتی هەمیشە ئیتیک و بەها ڕۆژنامەوانیەکان بپارێزێت، بەهەواڵ و بەرنامەکانی هەنی بۆتە جێگای ڕەزامەندی بینەران و بیسەرانی هەرێمی کوردستان و دەرەوەی کوردستان، لێرەوە پیرۆزبای لە بەڕێوەبەر و کارمەند و تەواوی ڕۆژنامەنوسان و ڕاگەیاندنکارانی کەناڵی کوردسات دەکەم، هیوایدارین لە ساڵی نوێدا بەبەرنامە و کاری ڕۆژنامەوانی نوێگەری زیاتر خزمەتی هاونیشتمانیان بکەن.

بە بۆنەی ساڵیادی دامەزراندنی دەزگای میدیایی کوردساتەوە، پ.ی.د.پاڤێ جەمیل راگری کۆلێژی زانستە مرۆڤایەتیەکانی زانکۆی سلێمانی پەیامێکی پیرۆزبایی ئاراستەی دەزگاکە کردوە و تێیدا هاتووە؛ هەمیشە ئەم دامەزراوە میدیاییە  دەنگێکی زیندوو و ئازاد بووە بۆ گەل و نەتەوەکەی.

دەقی پەیامەکەی د.پاڤێ جەمیل:

ئەمڕۆ یادی دامەزراندنی کەناڵی  کوردسات دەکەینەوە، کە هەمیشە ئەم دامەزراوە میدیاییە  دەنگێکی زیندوو و ئازاد بووە بۆ گەل و نەتەوەکەی، کوردسات  پردی بەستنەوەی ڕاستی یە بە بەرپرسیارێتی و کلتوورە بە هۆشیارییەوە.

لەم ڕۆژەدا کوردسات زیاترە لە تەنها کەناڵێک،بەهۆی جێبەجێکردنی پرنسیپەکانی کاری رۆژنامەگەری و ئەرکی میدیایی کە بووە بە ناسنامەکەی، کوردسات بەردەوام بەشدارە لە دروستکردن و  بەهێزکردنی هۆشیاری نەتەوەیی.
 کوردسات هەمیشە بەردەوام بێت وەک سەکۆیەک  بۆ ڕاستی و مینبەرێک بۆ هیوا و دەنگێکی بێ چەواشەکاری بۆ جەماوەرەکەی.

پ.ی.د.پاڤێ جەمیل 
راگری کۆلێژی زانستە مرۆڤایەتیەکانی زانکۆی سلێمانی