پارێزگاری سلێمانی باس لەو بوارانە دەکات کە شارەکە تێیدا پێشەنگە لە ئاستی هەرێم و عیراقدا.

د، هەڤاڵ ئەبوبەکر، پارێزگاری سلێمانی بە کوردسات نیوزی راگەیاند، بەپێی ئامارەکانی دوا سەرژمێری گشتیی لە عیراقدا کە لە ساڵی 2024 ئەنجامدراوە، سلێمانی کەمترین رێژەی بێکاری تێدایە لە سەرجەم پارێزگاکانی هەرێم و عیراقدا.

ئاماژەی بەوەشدا، بە سودوەرگرتن لە رابردوو، سلێمانی لە بوارەکانی پەروەردە، تەندروستی، شارەوانی، سەوزایی، وزە، ئاوی پاک و ژینە، بەرهەمی کشتوکاڵی، رێڕەوی نوێی بازرگانی، گەشتوگوزار، گەشتوکاڵ، پیشەسازی، بازرگانی و کولتوور لە پێشەنگی هەرێم و عیراقدایە.

سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش نزمبونەوەیان تۆمار کرد، نەوتی برێنت  لە  سەرو90 دۆلارەوە مامەڵەی پێوەدەکرێت.

ئەمڕۆ پێنجشەممە، بەهۆی گرژییەکانەوە نرخی نەوت بە ناجێگیری ماوەتەوە و بەراورد بە دوێنی نزمبوەتەوە؛ لە ئێستادا بەرمیلێک نەوتی خاوی برێنت لە بازاڕەكانی جیهان بە 91 دۆلار و 53سەنت مامەڵەی پێوەدەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە  85دۆلار و 48 سەنت لە بازاڕەکاندا مامەڵەی پێوەدەکرێت.