سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش بەرزبونەوەیان تۆمار کرد، نەوتی برێنت  لە  سەرو 98 دۆلارەوە مامەڵەی پێوەدەکرێت.

ئەمڕۆ یەکشەممە، بەهۆی گرژییەکانەوە نرخی نەوت بە ناجێگیری ماوەتەوە و بەراورد بە دوێنی بەرزبوەتەوە؛ لە ئێستادا بەرمیلێک نەوتی خاوی برێنت لە بازاڕەكانی جیهان بە 98 دۆلار و 32سەنت مامەڵەی پێوەدەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە  90 دۆلار و 83 سەنت لە بازاڕەکاندا مامەڵەی پێوەدەکرێت.

ئەمڕۆ دەستبە دابەشکردنی موچەی مانگی 10ـی فەرمانبەرانی هەرێم دەکرێت، ئەمەش دوای ئەوەی رۆژی چوارشەممە ناردنی  834 ملیار و 920 ملیۆن دینار لەلایەن بەغداوە راگەیەندرا.

وەزارەتی دارایی هەرێم  رۆژی چوارشەممە رایگەیاند بوو،  بەهۆی رێکارە تەکنیکییەکانی سیستەمی ACH و پشووی کۆتایی هەفتەی بانکەکانەوە دابەشکردنی موچە دوا دەکەوێت.

بە گوێرەی ئەو خشتەیەی وەزارەتەکە بڵاویکردوەتەوە، ئەمڕۆ دەستبەدابەشکردنی دەکرێت و بەپێی خشتەکە، خانەنشینی شارستانی و پێشمەرگە لە یەکەم رۆژدا مووچە وەردەگرن،  بەدوایشیاندا کەسوکاری شەهیدان، زیندانیانی سیاسی، بەرکەوتووانی چەکی کیمیایی، وەزارەتەکانی پەروەردە و خوێندنی باڵا موچەکانیان وەردەگرن.

بڕیارە موچەی مانگی(10) تشرینی یەکەم  بە چوار رۆژ دابەش بکرێت و رۆژی چوارشەممە کۆتایی بە دابەشکردنەکە دێت.

جێی باسە ئەم مانگە تەواوی موچەخۆران موجيکانیان بە ئەلیکترۆنی و لە رێگەی پڕۆژەی "هەژماری من"ـوەیە، بە گوێرەی ئەو داتایانەی پرۆژەی "هەژماریی من" بڵاویکردوەتەوە لە تەواوی هەرێمی کوردستان زیاتر لە ملیۆنێک و 30 هەزار فەرمانبەر و موچەخۆر خۆیان لە پرۆژەکەدا تۆمار کردوە.