دوای بەرزکردنەوەی نرخی دۆلار بەرانبەر بە دینار، بانکی ناوەندیی عیراق پێدانی دۆلاری بە گەشتیاران زیاد کرد و لەمەودوا گەشتیار دەتوانێت دوو مانگ جارێک 2000 دۆلار بە نرخی رەسمی وەربگرێت.

ئەمڕۆ پێنجشەممە، لە راگەیەندراوێکدا بانکی ناوەندیی عیراق رایگەیاند، لەمەودوا گەشتیار دەتوانێت لە ساڵێکدا شەش جار 2000 دۆلار بە نرخی رەسمی وەربگرێت.

بانکی ناوەندی ئاماژەی بەوەشکردوە، بڕیارەکە لە 18ـی ئەم مانگەوە دەچێتە بواری جێبەجێکردنەوە و ئامانج لەم هەنگاوە رێکخستنی پێدانی دۆلارە بە گەشتیاران و دڵنیابونەوە لەوەی دۆلار بە نرخی رەسمی دەگاتە دەستی ئەو کەسانەی شیاون.

ئەم بڕیارە لە کاتێكدایە، پێشتر بانکی ناوەندیی عیراق پێدانی دۆلاری بە گەشتیاران بۆ دوو جار لە ساڵێکدا کەمکردبوەوە.

کۆمپانیای "دی ئێن ئۆ"ـی نەرویجی رایگەیاند، فرۆشتنی نەوتی خاو لە هەرێمی کوردستان لە چارەکی سێیەمی ئەمساڵدا بۆ نزیکەی دوو هێندە زیادی کردووە و گەیشتووەتە 28 هەزار و 58 بەرمیل لە رۆژێکدا.

کۆمپانیای "دی ئێن ئۆ"ـی  نەرویجی رایگەیاند، بەرهەمهێنانی نەوت لە هەرێم لە چارەكی سێیەم بەشێوەیەكی بەرچاو زیادیكردووە و بەراورد بە چارەکی دووەمی ئەمساڵ، لە 273 بەرمیلی رۆژانەوە گەیشتوەتە 54 هەزار  و914 بەرمیل.

کۆمپانیاکە ئاماژەی بەوەشکردوە، بەراورد بە هەمان کاتی ساڵی 2025،  کە 14 هەزار و 449 بەرمیلی رۆژانەبووە،  بە نزیکەی بەرهەمهێنان گەیشتوەتە دوو هێندە و نرخی هەر بەرمیلێک نەوتی فرۆشراویش لە هەرێم لە 31.2 دۆلارەوە بۆ 38.5 دۆلار بەرزبوەتەوە.

هاوکات تێکڕای بەرهەمهێنانی گشتیی لە هەردوو کێڵگەی تاوکی و پێشخابور زیادی کردووە بۆ 73 هەزار و 219 بەرمیل لە رۆژێکدا.